حـورية_الضابط أيـهاب

بــ☄ــارت _38_

يگــلها: -
و لا أعرفچ و لا شفتچ
و لا مره تلاگينه
يَ مدري شلون حبيتچ
يَ كلي ذايب بـ كلچ .....🧚‍♀️❤️

‌‌━━┅═( ❤️ )═┅‌‌━‌‌━

⁽ حنين ⁾
اندك الباب وطلع قائد يفتح عبالي
ايهاب شبسرعه وصل  بس طلع السيد /
رحت للمطبخ ضليت افكر شلون اوكف العقد...

حنين← _بهمس_
دخيلك ربي شلون اوكف
العقد والسيد اجه

سمر← مگلتيلي ويه منو جنتي
تحجين

حنين←  وانتي شعليج
لوو اله تحشرين نفسج يلا ترتاحين

⁽ سمر ⁾
عفتها ورحت هاي هم يراد اسويلها صرفه
واخلص منها بس اول اخلص من ميار
اجه السيد ونزلت هيه واني الابتسامه متفارگ وجهي...
.
.

⁽ حنين ⁾
كاعدين بـ الصاله وبده السيد يحجي ; هسه شسوي حته اوگف العقد فكرت اطفي الكهرباء عليهم وهيج مراح يكملون ; بقيت اباوع عـ قائد ماكو غيره يساعدني ;
هستوه يريد يكعد وركضت يمه حاجيته...

حنين← قائد قائد
الحگني

قائد← شبيج ولج

حنين← تعال طفي الكهرباء قبل ليعقد
السيد

قائد←شنوو مخبله ليش تردينها تطفي

حنين← بعدين تعرف بس طفيها من الجهاز الرئيسي

⁽ حنين ⁾
طفاها وبقه صافن بوجهي يريد يعرف
ليش اريدها تطفي...

قائد←يلا احجي شكوو اصاير

حنين←هسه بس يجي ايهاب تعرف

‌‌━━┅═( ❤️ )═┅‌‌━‌‌━

ام ميار← هاي ليش طفت

الجد← بويه احمد خاف ممنطي الفلوس

ابو ايهاب← لا بويه انطيناه صار 5 ايام

ام ايهاب← يمه امير اطلع شوف خاف
بس احنه طافيين

امير← اي عمه ماشي

السيد← ابو ايهاب هيج راح اتاخر
عندي شغل بـ البيت

ابو ايهاب← هسه ابو محمد بس خل تشتغل

⁽ سمر ⁾
طلعت اشوف العالم مشتغلين بس احنه
لا / رجعت لـ عمتي...

سمر← عمه هاي كلها مشتغله بس احنه

ام ايهاب← يمه خاف الجهاز فاصل
من يمنه

سمر← عمه هسه اشوفها

⁽ أمير ⁾
طلعت اشوف الكهرباء شبيها والكه قائد وحنين
كاعدين بـ الحديقه / رحت يمهم...

امير←قائد مشوف الجهاز من يمك
هاي بس احنه طافيه يمنه

قائد← اي غير من وره الست حنين
خلتني اطفيها