السلام عليكم ورحمة الله وبركاته 😇
اخباركم ايه ؟ اتمني تكونو بالف خير 💟
بقالي مدة طويلة جدا مش بكتب حاجه 😳 وده يرجع لأن انا مش عارفه اتكلم عن ايه☺️مش فيه موضوع محدد ابحث عنه مثلا فلو في اي موضوع حد عايز يتكلم عنه بس يكون بسيط نبحث عنه ونتناقش فيه فده هيبقي حاجه جميلة جدا 💗 واتمنى تشاركوني بافكاركو ⚡
طبعا مينفعش ادخل كده وايدي فاضية 😂😂 لازم اجيب حاجه معايا😀 وبما أن انا مش عارفه اتكلم عن ايه وايه المواضيع اللي حابين تتكلموا عنها فجيبت حاجه منقوله 😇 يعني مش انا اللي كاتباها انا بس نقلتها يمكن حد يستفيد منها يلا نبدء بسم الله ♥️
قهوة الصباح : كل ما هو آت...قريب
الجملة دي وقعها بيختلف اختلاف كبير اوي حسب عمر اللي بيسمعها ✨
كل سنة بتعدي من عمرك كل ما وقع الجملة دي عليك بيبقي اقوي وليه معني اكبر ⚡
كل ما هو آت...قريب
كل حاجه طالما مكتوبه هتحصل وهتعدي وهتبقي قديمه 😶
الناس اللي عندها 70سنة انهاردة ...كانو في يوم من الايام عندهم 8سنين وكانو عندهم ام واب وجد وجدة وأخوة صغار ..وكانو بس بيحلمو أن الإجازة تيجي علشان يلعبو مع قرايبهم 😍
كل ما هو آت..قريب....بالنسبة لطفل عنده 8سنين جملة صعبه اوي يصدقها لأن بالنسبالي كل حاجة بعيدة جدا 😅
تمر الايام والسنة الدراسية تخلص
والعطلة الصيفيه تبدأ
والعطله الصيفية تخلص والدراسة تبدء
والدراسة تنتهي مرة تانية وتيجي العطله اللي بعدها وتنتهي العطلة وتيجي السنة الدراسية
وتلف الدائرة وتلف وتلف 💫
زي بالظبط ماانت وانت بتقرأ الكلام ده دلوقتي عارف ان السنة الدراسية بدءت من أيام معدودة وبقينا في آخر السنة خلاص علي الامتحانات وايام بعدها والعطلة كمان هتخلص 😶
كل ما هو آت..قريب
الايام بتعدي والدراسة لتنتهي ..الإنسان بيشتغل
بتبدا الحياة الأسرية اولاد يدخلو المدارس والأيام بتلف تاني
دراسة بدأت....إجازة بدأت....دراسة مرة تانية
وكل ما هو آت قريب ..كل حاجه جاية جاية
عمرك هيوصل كده كده لآخر نقطة فيه
حسب ما انت مكتوبلك ايه !
وكل ما هو آت قريب
ما تشيلش هم اي حاجه ..كل حاجه منتهية
الضغوط النفسية منتهية 💔
المشاكل منتهية😿
الكوارث اللي حصلت واللي هتحصل😹 منتهية😇
مهما عملت قبل كده كل حاجه بتعدي
كل حاجه بتنتهي
وكل ما هو آت قريب
الجميل اوي في الموضوع ده انك تقدر تغير حياتك كلها لما تعرف أن كل ما هو آت قريب😃
يعني لو انت هتموت نفسك اجتهاد دلوقتي حالا علشان حاجه ممكن توصلها في المستقبل باجتهادك ده ..يبقي تموت نفسك اجتهاد دلوقتي حالا وانت عارف ان كل ما هو آت قريب
تعرف انك هتفرح نفسك في المستقبل لما تجتهد في حاجه وتوصلها وتعيشها في المستقبل
الموضوع بكل بساطة هو ...أن كل ما هو آت قريب
(عارفة انكم زهقت من الجملة دي 😂😂 بس كملو للآخر )
اجتهد واجتهد باطمئنان أن كل ما هو آت قريب
لو عرفت بطريقة ما أن في خير هيجيلك بعد 5سنواو مثلا ..احنا عارفين أن ال5سنوات دول بالنسبالك اكتر من عمرك كله 😅
لكن والله ال5سنوات بيعدو ..وال25سنة بيعدو
وال75سنة بيعدو وحتي مش محتاج تسال شخص كبير اوي في السن أو لي حاجه
اسال شخص عنده مثلا 33سنة ..هو هيقولك انا عمري ماكنت اتخيل اني اوصل ل25حتي 😂..ببص لقيت نفسي نطيت من 25 ل33سنة
واسال شخص عنده 85سنة ..هو كمان فجأة كان عنده 37سنة من كام يوم 😹 وفجأة لقي اولاده كبرو ماشاء الله وفجاءة لقي نفسه 85سنة
واسال اللي عنده 84سنة هتلاقي الحياة عدت معاه سريعه اوي اوي اوي
الحياة كانت قصيرة اوي ...قصة سريعه يحكيهالك في قعده واحدة
هيحكيلك تفاصيل حياته بالتفصيل الممل في اقل من يوم واحد
وهتلاقيه فعلا عارف معني" أن الحياة عدت معاه يوما أو بعض يوم"
كل ما هو آت قريب
اجتهد بقي كده وانت مطمئن أن كل ما هو آت قريب😌
وابتسم 😊
واختار اختيارت تفرح بيها 😄
وعيش الحرية والسعادة وانت بتختار صح 😃
واطمئن ...كل ما هو آت قريب 💟
وهيجي في يوم انت كمان تحكي فيه لاحفاد احفادك أن شاء الله " لبثنا يوما أو بعض يوم "
وأوعي تنسي تبداء يومك بانك تكتب 5 نعم من نعم ربنا عليك حسيت أن حد حواليك مفتقدهم او انت تعبت فيهم وحسين بقيمتهم 💞
وردد دايما
الحمد لله ....الحمد لله .....الحمد لله 💝
#منقول
بغض النظر عن الكلام الكبير اللي في الموضوع ده 😹 وإن فعلا انا من ضمن الفئة اللي حاسة أن كل حاجه بعيدة 😅 بس بعد تفكير وتفكير وتفكير يعني بدأت اقتنع شوية مش اقتنع تماما 😂
حبيت اكتبه وانشره يمكن فعلا حد يستفيد منه خاصة ان مش كل حاجه بنستفاد منها لازم كل الناس تستفاد منها 😶 حد فاهم حاجه؟؟😹 قصدي أن مثلا في موضوع بالنسبالي مفيد جدا وانا استفدت منه مش شرط اختي تستفيد منه ما يمكن متقتنعش بيه مثلا 😇 وهكذا بالنسبه للموضوع ده ممكن ناس تستفيد وناس لا بس لازم في النهاية تطلع بعلمومه ولو صغيرة 💫
في امان الله🌹
اللهم صلي وسلم وبارك علي سيدنا محمد وعلي اله وصحبه وسلم 🌟
