انت يا اللي مهموم ومدايق .. أيوة انت اللي اخدت صدمات كتير في حياتك وخذلان اكتر من ناس مكنتش متوقع منهم كده 💔
انت يا اللي بعدت عن ربنا ونفسك ترجع بس بتقول مفيش امل ..
انت أيوة انت تعالي متخافش مش هعطلك في كلمتين من قلبي لقلبك ✨
في مره من المرات راح واحد وسأل حكيم قاله
الرجل : لقد اتيتك ومالي حيله مما انا فيه من الهم ؟؟
فقال الحكيم : سأسئلك سؤالين واريد اجابتهما
فقال الرجل : اسأل
فقال الحكيم : أجئت الي الدنيا ومعك تلك المشاكل ؟؟
قال الرجل : لا
قال الحكيم : هل ستترك الدنيا ومعك تلك المشاكل ؟؟
فقال الرجل : لا
فقال الحكيم : أمر لم تأتي به ولن يذهب معك .. الأجدر ألا يأخذ منك كل هذا الهم !! فكن صبورا علي أمر الدنيا
وليكن نظرك الي السماء اطول من نظرك الي الارض يكن لك ما أردت
ابتسم😊 .. فَرِزْقُكَ مقسوم
وقدرك محتوم
وأحوال الدنيا لا تستحق الهموم .. لأنها بين يدي الحي القيوم
قال رسول الله صل الله عليه وسلم " يحيا المؤمن بين امرين يسرٌ وعسرٌ وكلاهما نعمه لو أيقن "
ففي اليسر يكون الشكر .. قال تعالي " وسيجزي الله الشاكرين "
وفي العسر يكون الصبر .. قال تعالي " إنما يوفي الصابرون أجرهم بغير حساب "
لسه قدامك فرصة تصلح من نفسك متستسلمش لشيطانك ونفسك الإمارة بالسوء ✌️
لا تيأس من رحمة ربنا وكرمه ثق في الله وسيجبرك جبرا يليق بذاته جبرا لم تكن لتحلم به
انت فقط ثق في الله♥
ربنا سبحانه وتعالي يقول " انا عند ظن عبدي بي " فليكن ظنك بالله خيرا يكن لك ما أردت 💕
ربنا رحيم اووي فوق ما تتخيل توب انت بس وربنا هيتقبلك برحمته
هتقول مينفعش انا ذنوبي كتير مش هقدر !!😳
هقولك لأ انت تقدر😌 وربنا باذنه هيغفرلك لما يشوف اصرارك علي التوبه وهمتك انك تقرب منه 🌹
ده ربنا قال في حديث قدسي فيما معناه " من تقرب مني شبرا تقربت إليه زراعا ومن تقرب إلي زراعا تقربت إليه باعا ومن أتاني يمشي اتيته هروله " ياااه شايف ربنا كريم ازاي بعباده
قال الله تعالي " قل يا عبادي الذين اسرفوا علي انفسهم لا تقنطوا من رحمة الله إن الله يغفر الذنوب جميعا انه هو الغور الرحيم "
يااه يارب اد ايه انت رحيم بينا 😍
يلا ابدء الخطوة من دلوقتي متأجلش مين عارف عمره هينتهي امتي !!
واكبر دليل علي كده الناس اللي بتموت وهي صغيرة في عز شبابها 😳
الموت ميعرفش كبير ولا صغير والقبور مش مكتوب عليها للكبار فقط 😶
ممكن ربنا يكون مديك الفرصة دلوقتي وغيرك اتحرم منها ⚡
متسوفش وقول راجعلك يارب رغم كل ذنوبي رغم كل العك اللي عملته قبل كده بس انا مليش غيرك ف اقبلني يارب 💫
تذكر رحمة ربنا بيك انك بالرغم من كل الذنوب اللي بتعملها وبالرغم من تقصيرك في عبادته إلا أنه سترك✨ وممنعش عنك اي نعمة من نعمه ..
لازم تاخد الخطوة دلوقتي وتاني متأجلش التوبة انت مش ضامن الدقيقة الجاية دي هتعيشها ولا لأ علشان كده دلوقتي قول
" اللهم انت ربي لا اله الا انت خلقتني وأنا عبدك وأنا علي عهدك ووعدك ما استطعت أعوذ بك من شر ما صنعت أبوء لك بنعمتك علي وابوء بذنبي فاغفر لي فإنه لا يغفر الذنوب الا انت ♥️"
استغفرك ربي و اتوب اليك ❤️
متسمعش بعد كده لكلام الشيطان أن ربنا مقبلش توبتك 😒 لا ربنا غفور رحيم تواب يقبل التوبة من عباده حتي لو كررت الذنب ده اكتر من مره .. رغم كل وعودك اللي اخلفتها قبل كده هيقبلك بردو وبابو مفتوح دائما ليك
ده ربنا هو اللي طلب مننا التوبة وهو اللي عايزنا نتوب
قال تعالي " والله يريد أن يتوب عليكم ويريد الذين يتبعون الشهوات أن تميلوا ميلا عظيما "
# ابدء الخطوة من دلوقتي 💝
