بسم الله توكلت على الله ❤
طفله غيرت حياتي (9)
فاتو 3 ايام في لمح البصر
وعبدو قبل ما يمشي دار مدربة سواقه لي رهام وكل يوم تعلم فيهم وفيسع ما تعلمت والخدمات رجعو وساره روحت لانه امها قالتلها
عبدو كان بيروح اليوم بس مصارش لانه عند خدمه واجد مالحقش يحجز طياره
في العشيه جت اريج
رهام :جيتي في وقتككك تعرفي مكسسسددده ☹️
اريج :ههه اسفه بس الايام الي فاتو كنا عند خوالي
رهام :خشي خشي
دارت رهام قهوه
وقعمزو في الجنان وماريا تلعب قدامهم
رهام :ححق تعلمت السواقه
اريج :جددد الله 😍معنها بنطلعو كل يوم😂
رهام :هههههههه شن رايك نطلعو تو 😍😂
اريج :ياريت نشوف ماما ونجيك
رهام :تمام هي نستنه فيك
بعد 10 دقايق اتصلت اريج وقالتلها امها باهي وتوتي في روحها
ورهام اتصلت بي بوها وقاللها ردي بالك ع روح من الزحمه وتت ماريا ووتت روحها وطلعو دارو هياجه في السياره والاغاني ع حد حدهم وجو مش عادي 😂❤
مشو لي محل خدو مشقشقات وطلو مشو لي منتزه مع الساعه 8 المغرب روحو
ماريا كانت تعبانه من العب رقدت امارهام كسدت بروحها حاولت تردق بس النوم ماجاها ناضت مزلت لي الصاله تتفرج مع الساعه ناضت وصلت الفجر مع الساعه 5 ونص لقت النقال قعدت تتفرج ع الصور
عبدو حصل طياره وروح كان يحساب ماريا ورهام رقدات فتح الباب وخش بروحه لقي رهام تتفرج ع نقاله لا ارديا حمق
عبدو:مشششش قتلكككككك اني حاجه متخصكش ماتمسيهاشششش ولا
رهام انخلعت :ءءء اسفه اسفه وربي ما بقصدي
عبدو خدي منها النقال بحمق
رهام اذكرت انها بلا وشاح ناضت وركبت فيسع وكان قلبها بيطلع
اما عبدو فاق ع روحه واذكر انه النفال نساه وهو كان يحسابها خاشه لي داره وواخدته
في الصبح ناضت رهام ونوضت ماريا لبستها ونزلو يفطرو
اما رهام سارحه وخلاص وماريا تفطر وتتفرج ع التاب
رهام ناضت وطلعت في الجنان تذكر في موقف امس مع انها ما دارت شي 💔
عبدو بعد كمل شغله روح لي الحوش لقي رهام مقعمزه وسارحه قعمز جنبها
عبدو:رهام هووي
رهام فاقت ع روحها :ءءء امت جيت
عبدو :اني اسف امس مش بي قصدي غير كنت مضغوط وشغل اعذريني
رهام :لاا عادي حصل خير اصلا اني غالطه حقك عليا
عبدو:لا والله بس اني كنت نحسابك خاشه لي داري وخديتيه واني كنت ناسيه
رهام :قتلك عادي والله مافي حاجه ☺
عبدو :تمام
رهام :عادي نسالك لو ما في احراج
عبدو:تفضلي
رهام :اني حكيتلك كل شي صار معاي من اول بس انت ما دويتلي شي واني الحق عندي فضول نعرف ليش رمت البنت والكلام الي دويته
عبدو تنهد من وسط خاطره :تصدقي مع انه مانعرفكش بي عندي احساس انه الي يشوفك يرتحلك طبعا اسمي وتعرفيه ومرتي اسمها وفاء تعرفت عليها في تركيا وكل كل يوم نتلاقه اني وياها في حديقتنا تعلقت فيها واجد وهي نفس الشي حبيتها حبب مايعلم بيه الا ربي كانت كل شي بي النسبه ليا وبعدها اعترفتلها وطلبت يدها وتزوجنا الشارع كله يعرف بي قصت حبنا بس تحت السواهي دواهي لما كان عمر ماريا سنه ونص كنت نجيب فلوس وندس فيهم بس نلقه فيهم ناقصات كانت كل مره تطلب من في فلوس ونعطي فيها في يوم كنت مروح وخشيت لي الحوش كنت نسمع فيها تقوله باهي يا بابا تو نجيبلك لالا با بابا واجد مليونين هكي بيشك اني هنا انصدددمت وربي ما عاش وقفت ع رجليا مشيتها وكنت نبي نكشفها وبدت المشاكل بينا واني بيش نتخطاها بديت نسافر ونخلي في البنت معاها بعدها وصلوني اخبار انه بوها متع جو حشيش وجو مش كويس وكان يبي بنته تسرق مني بيش ياخد هو لفلوس وكان يبيها تمشي لي الرجاله واستغفر الله وتاخد منهم فلوس هي كانت ما تبيش بس بوها غصبها ع الشي هذا واليوم الي سافرت فيه اني شكله جي وخدها وهذا كل شي
رهام مصدووومه : لا حول ولا قوة الا بالله بس اني لما شفت صوركم الحب باين في عيونها يمكن بوها هو الي غصبها تسرق منك لانه واللهي باين عليها مراء كويسه
عبدو :اييي عارف بس مقدار حبي ليها تحول في لحضه لي كره هي اني تو بنخش بناكل
رهام :تمام خود راحتك
خش عبدو ورهام مصدومه وتفكر اكتر واكتر
رهام قررت اليوم اطيب هي لانها درهت كبدها من المطاعم دارت رز شورما ومعاه صلايط وقبل مايطل عبدو قاللته انه هي بدير الغدي
مع الساعه 2 جي وحطت الغظي ع الطاوله وبدو ياكلو
ماريا :الله يا ماما يجننن شكرا
رهام :العفو صحه ع قلبك ❤
عبدو :عطيك الصحه ليا زمان عليه
رهام :سلمك صحه ☺
كملو وجت الخدامه رفعت الصحون من ع الطوله
باختصار فاتو شهرين ع نفس الروتين رهام كانت متوحشه امها وخاطرها تكلمها وساره مره مره تجي تبات عندها وعبدو كل اسبوع يقعد يومين ويعدي بس في يوم صار شي ...
خليكم منتظرين
بقلمي salma husin✨✨
