الوتين 🫀

البارت (15)

حيدر : يمه اني اليوم رحت سئلت عليه بالمنطقه خوش ناس وبنات ‎
مستورات وملتزمات والحمد الله ورحت لابوها وحاجيته رجال
حباب ورحب بينها وكال هي عدها ولد عم واني اسئل عمامها وارجع خبر واني انطيته عنوان البيت ورقمي
‎ام علي : يبعد روحي يمه ان شاء الله خير وربي يعوضك بحق هاي المغربيه يا الله
‎حيدر : للهم امين اي يمه كثري دعائج فدووة اخاف مينطوها
‎ام علي ؛ لا ان شاء الله ينطوها يبعد كلبي
‎حيدر : يسلم كلبج يالغاليه اني اصعد ارتاح
‎ام علي : اي يمه اصعد
‎حيدر : صعدت الغرفه سبحت وبدلت وصليت ودعيت ربي يجعلها من قسمتي وبعدين نزلت طلعت بالحديقه وكمت اسمع إشعار وبعدين صاحتني امي وتعشينا وعلي سوه بيه
‎علي : هااا ولك شنوو مصبرت رحت وحاجيت ابوها
‎حيدر :😂😂اي والله يخوي هاي بعد شنو. نسوي موو بيدي
‎علي : بيدمن لعد 😉
‎حيدر : والله بيد كلبي 😂😂😂
‎ام علي : يبعد عمري دوووم الضحك يارب
‎حيدر : يدومج النا ياغاليه
‎ابو علي : ولك متستحي تروح وحدك ما كتلي ورحت وياك وماخذت اخوك
‎حيدر : يابه ان شاء الله آخذكم ونروح نخطب رسمي بس غير لازم انطيهم خبر يعني شلون وانت جنت رايح لفصل وعلاوي طالع اخذت حسين ورحت
‎ابو علي : اي وشنوو كلك مرزلاك طيح حظك
‎حيدر : لا 😂😂مرزل بلعكس رحب بينا الرجل وضيفنا شنوو يابه موو بعينك اني
‎ابو علي : لا بويه بعيني ومالي بعد بس يا بويه اني اريد اروح اخطبلك ما دام عندي نفس
‎حيدر ؛ الله يحفظك يالغالي ويطول عمرك وشوف أطفالي 😂😂
‎علي : خلي نشوف ام الأطفال وبعدين أطفالك
‎حيدر : ان شاء الله شوفها وانت ع اساس مشايفها
‎علي : هههه ام دميعه تبجي 😂
‎حيدر : لك لا تحجي عليها
‎علي : هااا متقبل
‎حيدر : اي 😌
‎علي : 😂😂😂
‎حيدر :ضحكنا وسولفنا وبعدين صعدت نمت وثاني يوم طلعت ساعه ١١:٣٠تقرايبا اريد اروح اشتري لعبوسي واشوف جوارينا ابو مهدي هاا السلام عليكم
‎ابو مهدي : وعليكم السلام هلا بالعريس
‎حيدر : شنوو هاي منين تعرف 🤣🤣
‎ابو مهدي : غير اليوم اكوو رجال يسئل عليكم وحمدت بيك بعد شتريد
‎حيدر : هههههه تسلم متقصر
‎ابو مهدي : هههه لا والله عمي انتوو ذهب يشهد الله
‎حيدر ؛تسلم والله انتوو الذهب حبيبي رحمه والديك
‎حيدر : رحت سوالف الامي وامي خطيه فرحت وشكد دعت وصار تغديت والعصر طلت وياا جماعتي ورجعت باليل جنت احجي ويااا امي وبعدين صعدت بغرفتي ودك التلفون
‎حيدر : الو منو
‎ابو امير : الو اني ابو امير
‎حيدر : هلا عمي كل ألهلا بيك
‎ابو امير : هلا بيك أكلك عموو. اريد. أكلك شيء
‎حيدر : تفضل عموو
‎ابو امير : عموو هوو كولشيء قسمه ونصيب وانت يشهد الله ماكوو منك وكلها تمدح بيك بس ماكوو قسمه
‎حيدر : عموو انت شنوو دتحجي شنوو صاير ليش
‎ابو امير : والله عمووو ابن عمها يريدها وكام يهدد وكال اكتب الولد وياا بويه اني اخاف عليك لان ابنه مسودن
‎حيدر : عموو البينه موافقه ابن عمه
‎ابو امير : هاا لا
‎حيدر : عموو اني أتفاهم وياا ابنكم
‎ابو امير : لا لا بويه اني اخاف عليك لا جيبنه مصيب لا تجي ولا
تحجي ماكوو قسمه في أمان الله
حيدر : الو الو سدة 😡😡 خرب كسرت الغرفه
ام علي :جنت بالمطبخ وسمعت صوت حيدر ويعيط ويكسر واني وأبو علي وزينب وعلي
حيدر : دخلوو. عليه علي لزمني
علي : ولك شنو. صاير احجي
حيدر ؛ اخخخخخخ ولك ابوه خابرني يكول ماكووو قسمه وابن عمها ناهي عليها وعفتهم ورحت
ام علي : ولك يمه حيدر وين رايح
علي : حيدر لك حيدر صبر اجي وياك
حيدر : صعدت سيارة ومشيت بقيت افتر بالشوارع وأصيح واضرب ع الستيرن رحت مكان فارغ ركنت السيارة وكمت ابجي ليش ياربي اذا مو من قسمتي ليش علقتني بيها ليش اخخخخخ يارب اخذ أمانتك ليش كلبي دائماً ينكسر بحجه القسمه نمت بالسيارة خليت التلفون سايلنت وتعبت بقيت طول أليل بالشارع بالسيارة
ام علي :ولك يمه وين راح أبني اخخخ يارب فدووة احمي ابني كون ميصيره شيء ولك يمه شنوو عندك من حظ الله يساعد كلبك يا يمه
علي : دكيت عليه مغلق ميرد خابرت سامر ماكوو خابرت حسين جعفر ميعرفون وخطيه الولد اجور لبيت ورحت ادور عليه ماكوو
حسين : اخخ هذا وين راح
سامر : عمي والله حقه شنو من حظ عنه خطيه والله
جعفر : اي والله خطيه لازم يصير شيء لمن ينوي يتقدم الوحدة
علي :شباب انتوو اعرف وين يروح اذا ضاج
جعفر: هوو اخوك ينطي علم اذا صار عصبي ماعرف وين يروح وبعدين يطلع
حسين : جعفر موو وكتك
علي : رجعت البيت ماكوو
ام علي : هاا يمه
علي : يمه ماخليت مكان مرحته وماكوو
ام علي : اي ابني يمه وين راح
ابو علي : يارب كون يرجع سالم والله مابينه حلي
زينب : اي والله احنى مصدكنى رجع يضحك
علي : صار الصبح وهوو ماكوو
نورة : اجت اختي وكمنا نبجي بعدين امي صبرت علينا ولازم نصير قويات وماعرف شنوو
ام امير : ادري يمه انوار بقى بخاطرج بس يا يمه هي قسمه ونصيب احمدي الله والشكري وحجه محمد تخيلي لو محاجي وزوجتي وهوو باله موو وياج ترياحين لا والله صير مشاكل وتاليتج تجي مطلكه ومكسورة وع شنوو ميت واحد يتمناج وانت هم مكتي موافقه انتي كتي بكيف أبويه
انوار: حجي امي صدوك حمدت الله وشكرت لان مكلت موافقه جان تفشلت وهذا الحقير ميستاهل حبي اله مسحت دموعي ونزلت وياا نبا جوه
ام امير : يمه معليج بحجي محمد عمامج مقابلين عليه وميخلونه يسوي شيء ابوج موافق ع الولد انتي معليج
يله يمه اغسلي وبدلي ونزلي اليوم لا غده لتهيتي بالتنظيف يله يبعد كلبي كومي يمه
نورة : اوك كمت غسلت وبدلت ونزلت لمن نزلت واسمع بابا يحجي ويااا ماما
ام امير : يااا صدك خابرته وكتله
ابو امير : شلون بالله اخلي الولد يموت انتي ما تعرفين بالعشائر الولد ما عنده اهل يخافون عليه واني اعرف اخويه مايكرو لولده لا تكلي الولد خلي يشوف غير وحدة وبعدين تنحل سالفه
ام مير: هسة شنوو اكول لنورة واني بلكوه قنعتها تنزل
نورة : ركضت وكعت المزهرية ع الدرج وطلعت صوت
ام أمير :يمه نورة تعالي ولج
نبا وانوار: اجن راحن ركض ع الدرج
نورة : صعدت وسديت الباب مالت الغرفه وكمت ابجي موو ع الولد لا خفت بابا ينطيني لمحمد وأختي جانت تريده شلون ربي كمت ابجي يدوك بالباب وما افتح اخرشيء بابا كام يحجي كمت فتحته ورجعت نمت اجن ماما وإخوتي حاولن وياا محجت ومغطيه وجهي بعدين نمت من التعب
ام امير : خفت اخاف سوي بنفسها شيء وباقيه كاعده لصبح يعرفن البنات اجه ابو امير صاحني هاا شنوو
ابو امير :شوو كاعد
ام امير /لعد شنوو اسوي اخاف اخاف البينه سوي بنفسها شيء ليش شويه شافت من ابن اخوج ولا فوكها انت خابرت الولد ورفضته اكيد هسة هي خايفه تاخذ ابن اخوك 😒
ابو امير : ....😐 حجبها صح
نورة : كعدت الصبح صليت صلاة الصبح ودعيت ربي كون يخلصني من محمد ماريد ولا افكر بي والله لان جنت اعرف اختي تحبه 😓شلون يربي فدوووة رحتلك خلصني منه ورجعت نمت كعدت ع انوار ولج كومي اجونا خطار كومي
نورة: منوو
انوار : ماعرف مرة ورجال شايب ولد وبنيه كومي خلي نسوي ريوك يمكن كرايباً
نورة : بقيت ع ملابسي جنت لابسه تراك لون وردي نص ردان وبجامه سودة وبيها خطين وردي رفعت شعري ذيل حصان وغسلت وجهي ونزلت
رحت لمطبخ لكيت نبا وانوار ديسون ريوك صباح الخير
نبا وانوار : صباح النور
سمعت ريتاج تبجي
نبا : ولج مسمعين بنتج تبجي
نورة : مالي خلك
نبا : ولج رتووو حبيبتج مالج خلك الها
نورة : نبا شكد تلحين وين هي
نبا : بالصاله يم ماما
نورة اوكي
ام علي : بقيت طول أليل كاعده صار الصبح وماكوو علي يومه مجاوب
علي : لا والله يمه ماكوو ميرد
ام علي : يمه خابرلي حسين
علي : شنوو سوين
ام علي : معليك بس خابر
علي ؛ خابرت هاا الو. حسوني نايم
حسين : هلا بابو عباس اي والله
علي : اسفين كعدناك من النوم
حسين : لا يابه عادي شنوو السالفه بس خير حيدر صايمه شيء
علي : لا يخوي مانعرف شيء بس هاي امي تريد تحجي وياك
حسين ؛ انطينيها
ام علي : هاا يمه صباح الخير
حسين : هلا بيج يالغاليه صباح العافيه
ام علي : يعافيك أكلك يبعد امك اريد منك خدمه
حسين : خادم اني امري
ام علي : يمه انت تعرف البيت ابو البنيه لي يحبه حيدر انت مو رحت وياا
حسين : اي اندله
ام علي : يمه انطي العنوان لعلي
حسين : لا يمه اني اخذج شوكت تريدين
ام علي : هسة يمه
حسين : حضري نفسج اني ابدل واجيج
ام علي : اي يله مع السلامه
علي : يمه وين تروحين
ام علي : اروح لعالم لي رفضت ابني واحجي وياهم ماضحي بابني بعد
ابو علي : اني وياج اروح
علي : اني اروح
ابو علي : لا انت روح لدوامك اني وأمك نروح
ام علي : زينب تعالي وياي
ابو علي : شعندج ماخذتها
ام علي : يااا بس اني لا خلي تجي وياي
زينب : يله عمه حبدل واجي
ام علي : اجه حسين وصعدنا ودانا لبيت البنيه دكانا الباب طلع رجال
ابو علي : السلام.وعليكم
ابو امير : وعليكم السلام
ابو علي : اسفين أجينا من الصبح اني والد حيدر
ابو امير : كل الهلا تفضلوو ام امير
ام امير : هاا
ابو امير ؛ دخلي النسوان
ام امير : تفاجئت منوو هذول الناس حسبالي ابو امير يعرفها رحبت بيهن تفضلن تفضلن
ام علي : زاد فضلج اسفين اجيناكم من الصبح
ام امير؛ ياا صدوك جذب كل الهلا بيكم باي وقت تفضلوو بس اصيح البنات.