#مراهقة_والاربعيني_ج2
،،،،،،، الحلقه5،،،،،،
الحجيه؛ شصاير غير تفهمونه شكاللولكم.. شسويتو..
الحجي؛ يأبه كعدنه وكلنالهم هذا ابنا علي واحنا
نعترف هو ضاربو بس ابنكم هيج وهيج حاجي ترضوها
يطعن باعراضنا... ضلينا نحجي بسالفه
وجدهم الجبير هم رجال خير كاللهم عشرة عمره ويه
بيت ابو صراع 30سنه ولدهم ذهب لا بيوم سمعنا
عنهم شكوى ولا بيوم طلعت منهم العايله
والشيخ ريكان هم ما قصر بيهم... حجه حجي معدل
بس هذا قيس الجايف ما ارتاحلو ونائل يكول دحكتلو
مشى لصراع وحجه باذنو وطلع...
بس ابو حرب يكول ما كال شي.. عجل شبي ضايج
ومتوتر لازم حاجيلوا شغله هالسرسري..
عمهم عزام كعد يحجي ويه الحجي ويوصي بي لا نطلع
ونكض بولدنا ونوصيهم ما يدخلون بنقاشات سياسيه
ومن هلحجي كام يوصي..
اريد اصعد لصراع... الحجي كال جايكم يأبه وينو..
نور؛ روحي ليليان سوى جاي....
_بقيت حايره اسوي الجاي لو اصعد ادحك لصراع كلبي
يمو... عاد زكحت مو ديكلولج جاي اتحركي متشوفين اني
جاي أوكل جهالي......
مشيت للمطبخ وطالعه روحي منها توكل جهالها بسكت
وجاي... واني روحي مفرفحه اريد اعرف صراع شبي..
اعرفو ما طبيعي....
سمعت صوت فوك.. تركت وركضت اصعد... طلع نائل
فاتح باب الغرفه وصراع واكف ونائل ويكلو؛ اذا
مهددك ياخويه احجيلنه انت ليش تضم
بايع روحك انت تكول....
صراع؛ انه ماقصت بايع روحي.... بس نائل صار لازم نرتب طلعتنا من الرمادي...
نائل؛ منطقتنا مسيطره ماوكعت بيد الدواعش عليش
نترك بيوتنا...
صراع؛ اسمعها مني...... اشوف شلون نرتبلنا بيت أبغداد
وننتقل شننتضر يدخلون الداعش وننهجم؟
يحجي بس بالو مشغول يفتر يطلع ملابس ويروح منا ويرجع
يرد..
نائل،؛ صراع والله وضعك معاجبني بس في ني بهاي
قيس شكالك
_الملعون فر راسي... إنه ما خايف منو خلك صعلوك..
بس اخاف يأذي احد من أهلنا....
_شكالك
_كالي تتذكرني أن شاء الله.
_يعني تهديد
_مادري تهديد إليه لو لأهلي..... شبج بالي هلكلب
ليليان؛ صراع الله يخليك خلنا نروح منا... خاف
يكتلوك
_لا تخافين بويه... ان شاء الله اشوف شلون ارتبهة..
ونطلع لبغداد...
_نائل؛ بغداد شنو ابو حرب هي بغداد مهدده بالدخول..
اترك دوامك واطلع من العراق تره راح تجلطنا..
_هم رجع لصخامي يأبه دوامي شعلي... ما اترك..
هسه انه كل همي ائمن عائلتي وأهلي والباقي يهون يا
نائل
_هو شيهون خويه انت شنو بايع روح.... كومه لحم براسك
وين يروحون.... فكر بيهه يا اخي
_نائل يرحم اهلك... الله دايخ... خليني افكر شلون ارتب
طلعتنا لبغداد
_زين انت من حاجاك ما كلت لشيخ ريكان هيج كايل
_يا شيخ انت هم دواعش يكضبهم شيخ...داعشي
هاذ... العشره كل ما بيدها تتبرا منو...
_زين الحل هسه شلون
_الحل يم ربك.. كول يا الله خلصت السالفه
على خير
_والله مدري شلون مأمن انت
_انه ما مأمن وباقرب وكت اطلع لبغداد واشوف
هناك... تقرب تغير....
طلع نائل وهو يبلد.. بس راسو يفكر مشغول...
مايدري شيكضب شيحط..... كضبت اديه.... صراع لا تضحي بروحك لخاطري والخاطر اللي بطني فدوه
اخذ نفس... تنهد.... دحكي بويا..... النفس هاذ ما
يكطعوا إله الخلقوا.......لا تشغلين بالج بهلامور خليها
على وريحي حالج.....
بدل ونزل... اني كمت أرتب وبالي مشغول بي... يربي عود
صدك هددوه.... اوووف فدوه احمي واحفضو
من كل شر.....
نزلت عمامهم رايحين... بس الحجي وسعد والعائله كاعده
ويقنعون. بصراع يترك شغلو ويكضب الشقق اللي
بعمان ويطلع من العراق....
بس صراع ثاولها ما يقبل بس يكللهم اي ان شاء الله
والحجي تحجي بحركه كلب وتكلو وليدي براسك أيتام
لا تجازف بروحك اطلع....
ادحك عليهم يحجون وكلبي محترك.... هو ما يتجاوب وياهم
شلون بيا......
سمعت نور صاحتلي.. رحت الها للمطبخ... تنتر عليا شلون عايفه الجاي وصاعده...
_كتلها تره والله عقل ما براسي يفسر بالي يم صراع
_تلحكين صعدين يمو وتفتهمين كلشي انتبهي لشغلج
شنو بس اني مبتليه...
_نور مو من الصبح وياكم شسوي بع....
_اي دطلعي من الثلاجه دنفض العشا.... أريد اروح
لغرفتي ارتاح راسي طك تره
_وما ترحين مو كاضبج... تره بزعتينا انتي بيا حال
واحنا بيا حال.....
... تركت ومشيت طالعه روحي مدري شبيها هاي حاطه
كورها وكوري لا والحظ حتى حضي وياها ما كعد....
بقيت استمع الهم وهم يحجون... هو يبينلهم هو ما
مهتم بس الحيره باينه بعيونه...
رجعت للمطبخ... شفت نائل ونور يتكاونو
بالمطبخ.. بس ما بصوت عالي... هي تشكي وهو معصب
عليها ويغلط... شافني تركها وطلع..
دحكتلي بعصبيه وتركت كلشي وراحت لغرفتها....ديلا خاف
عايزه هاي تكملهه عليه..
بس ما بحالها... بالي كلو بصراع استغل وافكر بي
طلع روحي لا راضي يقتنع ولا راضي ياخذ احجايه
كاتل روحو ع هلجيش..
خلصنا العشره اني ومرت سعد الثانيه.... وكفت ويايه شو جنها خوش بنيه... احسن من الاعرفهن عاد بيها وكفه وما
غثتني الا الحيايا الغيرها ذبحني
يتبع.
حبايب إذا ماكو تفاعل وتعليق مانشر بعد علقو
وصوتو أكثر رجاءا
😊
