- وحدي أضيء، ☀️🔥
وحدي أنطفئ 🌑
انا قمري و كُل نجومي..🌝🌟
🥀🍃🥀🍃🥀🍃
١٠________١١
#ج١٠
ﻗﺒﻞ ﺍﻟﻨﻴﺸﺎﻥ ﺑﻜﻢ ﻳﻮﻡ .. ﻃﻠﻌﻨﻪ ﺍﺷﺘﺮﻳﻨﻪ ﺍﻟﺬﻫﺐ ..
ﻛﻞ ﺗﻔﺎﺻﻴﻞ .. ﺍﻟﺤﻔﻠﻪ ﻣﺎﺫﻛﺮﻫﺎ ﻭﺍﻟﻲ ﻗﺒﻠﻪ ... ﻣﻮ ﻧﺎﺳﻴﺘﻬﺎ ﻻ ..
ﺍﺣﺲ ﻧﻔﺴﻲ ﻣﺎﻋﺸﺘﻬﺎ ...
ﺑﻴﻮﻡ ﺍﻟﺤﻔﻠﻪ ﺍﻟﺼﺒﺢ ﺭﺣﻨﻪ ﻟﻠﺼﺎﻟﻮﻥ ﺍﻧﻲ ﻭﺍﻣﻲ ..
ﻭﺍﻧﻮ ﺑﻘﺖ ﺑﻠﺒﻴﺖ ﺗﺮﺗﺐ ﺑﻲ .. ﻭﺗﺤﻀﺮ
ﻃﺒﻴﻨﻪ ﻟﻠﺼﺎﻟﻮﻥ .. ﺟﺎﻧﺖ ﺍﻛﻮ ﻋﺮﻭﺱ ﻗﺒﻠﻲ ..
ﻭﺻﻞ ﺍﻟﺴﺮﺓ ﺍﻟﻲ ..
ﺍﺧﺬﺕ .. ﺑﺪﻟﺘﻲ ﻭﻃﺒﻴﺖ ﺟﻮﺓ ﺍﻟﺒﺴﻬﺎ ﺑﻠﺤﻤﺎﻡ ..
ﺫﺑﻴﺖ ﻫﺪﻭﻣﻲ .. ﻭﻟﺒﺴﺘﻬﺎ ..
ﻃﺒﺖ ﻭﺭﺍﻳﻪ ﺍﻣﻲ .. ﺍﻧﺪﺍﺭﻳﺖ ﻋﻠﻴﻬﺎ ..
ﻛﺎﻟﺖ .. ﺍﻧﺪﺍﺭﻱ ﺍﺳﺪ ﺍﻟﺴﺤﺎﺏ .. ﺳﺪﺗﻪ .. ﻭﻛﺎﻣﺖ ﺗﺸﺪ ﺑﻠﻘﻴﺎﻃﻴﻦ .. ﻛﺎﻓﻲ .. ﺑﻌﺪ ﺍﻧﺴﻲ .. ﻭﻻ ﺗﻔﻜﺮﻳﻦ ﺑﻲ ..
ﺧﻮﺵ ﻭﻟﺪ ﺍﺟﺎﺝ ﻻ . ﺗﻔﻜﺮﻳﻦ ﺑﻌﻘﻞ ﻣﺎﻝ ﺯﻋﺎﻃﻴﻂ .. ﻭﻫﺬﺍ ﺍﺑﻮ ﻣﺸﺎﻛﻞ .. ﺍﻧﺴﻲ ﺑﻌﺪ ..
ﺍﻧﻲ ﺍﻫﺰ ﺑﺮﺍﺳﻲ ﺍﻱ .. ﻛﻮﺓ ﻻﺯﻣﻪ ﺩﻣﻮﻋﻲ ﺑﻌﻴﻮﻧﻲ ..
ﻣﻮ ﺳﻬﻠﺔ ﻋﻠﻴﻪ ﺍﻓﺎﺭﻛﻪ ..
ﻛﻤﻠﺖ .. ﻭﻃﻠﻌﻨﻪ ﻛﺎﻟﺖ ﻣﺎﻭﺻﻴﺞ ﺑﻌﺪ ..
ﺟﺎﻭﺑﺘﻬﺎ ﺍﻱ
ﺟﺎﻥ ﻟﻮﻥ ﺑﺪﻟﺘﻲ ﺑﺼﻠﻲ ﻓﺎﺗﺢ ..
ﻭﻛﻴﻤﻮﻧﻪ .. ﻭﻣﺪﻧﻔﺸﻪ .. ﺑﺲ ﺑﻠﻜﻮﻣﻴﻞ .. ﺑﺪﻭﻥ ﺳﻴﻢ ..
ﻧﺎﺯﻛﻪ ﻭﺣﻠﻮﺓ ..
ﻟﺒﺴﺘﻬﺎ .. ﻟﻮ ﻟﺒﺴﺖ ﺟﻔﻦ .. ﺍﺣﺲ ﺭﻭﺣﻲ ﺍﺧﺘﻨﻜﺖ ..
ﻛﻠﺶ .. ﻭﺍﻟﻬﻮﻯ .. ﺑﺮﻳﺘﻲ .. ﻭﻛﻒ ..
ﻟﻮ ﺑﻴﺪﻱ .. ﺍﺣﺮﻛﻬﺎ ﺍﺷﻜﻬﺎ .. ﻭﻣﺎﻟﺒﺴﻬﺎ ..
ﻣﺮﺍﺕ ﺍﺻﻔﻦ ﻭﻱ ﻧﻔﺴﻲ ..
ﻟﻴﺶ ؟
ﻣﺎﺻﺒﺮ ﻟﻘﺎﺋﺪ .. ﻭﺍﺗﺤﻤﻞ ..
ﻭﺍﺭﺟﻊ ﻭﺍﻛﻮﻝ ﺷﺘﺤﻤﻞ ..
ﻛﻼﻡ ﺍﻣﻲ ..
ﻟﻮ ﻧﻈﺮﺍﺕ ﺍﺑﻮﻳﻪ ..
ﻟﻮ .. ﻛﻔﺨﺎﺕ ﺍﺧﻮﺍﻧﻲ ..
ﻋﺒﺎﻟﻚ .. ﺟﺮﻣﺖ ﺍﻭ ﺯﻧﻴﺖ .. ﻣﻮ ﺣﺒﻴﺖ ..
ﻭﻟﻮ ﻗﺎﺋﺪ ﺍﻟﻲ ﻭﺻﻠﻨﻪ ﻟﻬﻨﺎ .. ﺑﺴﺒﻪ ﺻﺎﺭ ﺑﻴﻪ ..
ﻫﻴﺞ .. ﻟﻴﺶ ﻗﺎﺋﺪ .. ﻟﻮ ﺍﻋﺮﻑ ﺍﻟﻜﻼﻡ ﻭﻳﺎ .. ﻳﺸﻔﻲ ﺍﻟﺠﺮﻭﺡ ﺍﺣﺠﻲ ﺑﺲ ﻛﻼﻣﻲ ﻭﻳﺎ ﻣﻴﻘﺪﻡ ﺷﻲ ﻭﻻ ﻳﺎﺧﺮ ..
ﺻﻌﺐ .. ﺟﻨﺖ ﻣﺪﻟﻠﺔ ﻳﻢ ﺍﻫﻠﻲ ﻫﺴﺔ ﻣﺬﻟﻮﻟﻪ ..
ﺻﻌﺐ ﺟﻨﺖ ﺍﺷﺎﻗﻪ ﻭﺍﺿﺤﻚ ﻭﻱ ﺍﺧﻮﺍﻧﻲ ﻫﺴﺔ
ﻳﺤﺘﻘﺮﻭﻧﻲ .. ﺍﺭﻳﺪ ﺍﻛﻮﻟﻬﻢ ﻛﻞ ﺍﻟﻲ ﺻﺎﺭ ﻛﻼﻡ ﻭﻧﻈﺮﺍﺕ ﻭﺍﻗﺴﻢ ﺍﻟﻬﻢ ﻣﻼﺯﻡ ﺷﻌﺮﺓ ﻣﻨﻲ .. ﺑﺲ ﻣﺎﻛﺪﺭ ..
ﻟﺒﺴﺖ ﺑﺪﻟﺘﻲ ﻭﻃﻠﻌﺖ ..
ﻏﻤﻀﺖ .. ﻋﻴﻨﻲ .. ﻣﺮﺩﺕ ﺍﺷﻮﻑ ﺷﻲ ..
ﺟﺎﻧﺖ ﺍﻡ ﺍﻟﺼﺎﻟﻮﻥ ﺷﺘﺤﺠﻲ ﺍﺷﺮ ﺑﺮﺍﺳﻲ ..
ﺍﻱ .. ﺑﺲ ..
ﻉ ﺍﻟﻤﻜﻴﺎﺝ ﻭﺍﻟﺘﺴﺮﻳﺤﻪ ..
ﺳﺎﻋﺎﺕ .. ﻭﻛﻤﻠﺘﻨﻲ .. ﻭﺍﺗﺼﻠﺖ ﺍﻣﻲ ﺑﺎﺧﻮﺍﻧﻲ ﺍﺟﻮﻱ ﺍﺧﺬﻭﻧﻪ ..
ﺟﺎﻥ ﺍﻟﻤﻜﻴﺎﺝ ﻫﺎﺩﻯ ﻭﺣﻠﻮ ﻓﻮﻙ ﻋﻴﻨﻲ ﺫﻫﺒﻲ . ﻭﺟﻮﺯﻱ .. ﻓﺎﺗﺢ ..
ﻭﺣﻤﺮﺗﻲ .. ﺑﺼﻠﻲ .. ﻓﺎﺗﺢ ..
ﻭﺗﺴﺮﻳﺤﺘﻲ ﺣﻠﻮﺓ ..
ﺍﺑﺎﻉ ﻉ ﺭﻭﺣﻲ ﺑﻠﻤﺮﺍﻳﻪ .. ﺻﺪﻙ ﺣﻠﻮﺓ ﻃﺎﻟﻌﻪ ..
ﺑﺲ ﻣﺘﻤﻨﻴﺖ .. ﻣﻴﺜﻢ ..
ﺗﻤﻨﻴﺖ .. ﻗﺎﺋﺪ ﺍﺑﺪﺍﻟﻪ ..
ﺍﺟﻮﻱ ﺍﺧﺬﻭﻧﻪ ﺍﺧﻮﺍﻧﻲ ..
ﻃﻠﻌﺖ .. ﻣﻦ ﺍﻟﺼﺎﻟﻮﻥ ﺍﺑﺎﻉ .. ﺍﻛﻮﻝ ﻳﻤﻜﻦ ﻗﺎﺋﺪ ﻭﺍﻛﻒ ﺍﻟﻲ ..
ﻳﻤﻜﻦ ﺍﺷﻮﻓﻪ ﺍﻟﻤﺤﻪ .. ﻣﻨﺎ .. ﻣﻨﺎ ..
ﻛﻤﺖ ﺍﺷﺘﺎﻕ ﺍﺳﻤﻊ ﺍﻟﻬﻴﻨﻪ .. ﻭﻳﻮﻟﻮ ﺑﺤﺐ .. ﻣﻮ ﺗﻬﺪﻳﺪ ..
ﻛﻤﺖ ﺍﺣﻦ ﺍﻟﻪ .. ﺷﻜﺪ ﺍﺭﻳﺪ ﺍﻛﺮﻫﻪ .. ﺍﺷﻮﻑ ﺍﻛﻮ ﺣﺐ .. ﺑﺪﺍﺧﻠﻲ ﺍﻛﺜﺮ .. ﻭﺍﻧﻘﻬﺮ ﻉ ﻣﻴﺜﻢ .. ﻣﺎﻟﻪ ﺫﻧﺐ .. ﺑﻠﻲ ﺍﻟﻲ ﺩﻳﺼﻴﺮ ﺑﻴﻨﻪ ..
ﻭﺻﻠﺖ ﻟﻠﺒﻴﺖ ﻣﺎﻛﻮ ﺍﺣﺪ .. ﺑﺲ ﺑﻴﺒﻲ ..
ﻭﺧﺎﻟﺘﻲ .. ﻣﺎﺧﺬﺓ ﻉ ﺧﺎﻃﺮﻫﺎ ﻣﻦ ﺍﻣﻲ ..
ﻣﺘﺤﺎﺟﻴﻬﺎ .. ﻻﻣﻲ ..
ﻛﻌﺪﺕ .. ﺍﻣﻲ .. ﺷﻮﻳﻪ ﻓﻜﺖ ﻭﻳﺎﻳﻪ .. ﺑﻴﻮﻡ ﺍﻟﻨﻴﺸﺎﻥ ..
ﺿﻠﻴﺖ ..
ﺍﻧﺘﻈﺮﻫﻢ . ﻳﺠﻮﻥ ﺍﺭﻳﺪ ﺗﺨﻠﺺ ﻫﻠﻴﻠﻪ .. ﻋﺎﺩ .. ﺑﺨﻴﺮ ..
ﺍﺧﺎﻑ ﻣﻦ ﻗﺎﺋﺪ ﻻ ﻳﺴﻮﻱ ﻣﺼﻴﺒﻪ ﺑﻴﻨﻪ ..
ﺩﺧﻠﺖ ﺍﻡ ﺍﻭﺱ ﺗﻬﻠﻬﻞ ... ﻭﺗﺒﺎﺭﻙ ..
ﺣﺴﻴﺖ ﺍﻛﺜﺮ ﻭﺣﺪﺓ ﻓﺮﺣﺖ ﻫﻴﻪ ..
ﻛﻤﺖ ﺍﺿﺤﻚ ﻭﺍﺟﺘﻲ ﺑﻮﺳﺘﻨﻲ ..
ﻛﺎﻟﺖ ﺍﻱ ﻭﺍﺧﻴﺮﺍ ﺯﻭﺟﺖ ﻭﺣﺪﺓ ﺑﻴﻜﻢ ..
ﻣﻴﻦ ﻫﺬﺍ ﺍﻫﻠﻪ .. ﻣﻴﻦ ..
ﺍﻣﻲ .. ﺟﺎﻭﺑﺘﻪ ..
ﺑﺲ ﺍﻡ ﺳﺠﺎﺩ ﺷﻮﻥ ﺗﻨﻄﻴﻦ ﺍﻟﺼﻐﻴﺮﺓ ﻭﺍﻟﺠﺒﻴﺮﺓ ﺑﻌﺪﻫﺎ ..
ﻟﻴﺶ ﺗﻜﺴﺮﻳﻬﺎ ..
ﺍﻧﺪﺍﺭﺕ ﻉ ﺍﻧﻮ ﻛﺎﻟﺖ ﺍﻟﻬﺎ ﺧﺎﻟﻪ ﻣﻨﺨﻄﺒﺘﻲ ..
ﺻﻔﻨﺖ ﺍﻧﻮ ﻛﺎﻟﺖ ﻻ ﺧﺎﻟﻪ ..
ﻣﻜﺮﻭﺩﺓ .. ﺍﻧﻬﺎﺭ ﺷﺒﻴﻬﺎ ﺍﻟﻌﺎﻟﻢ ﻣﺎﻋﺪﻫﺎ ﻋﻴﻮﻥ ..
ﻭﺑﻘﺖ ﻉ ﺳﻮﺍﻟﻔﻬﺎ ﻭﺳﺠﺎﺩ ﻟﻴﺶ ﻣﺎﺗﺰﻭﺟﻲ ..
ﺳﺠﺎﺩ .. ؟؟؟؟ﺳﺠﺎﺩ ﺟﺎﻥ ﻳﺤﺐ .. ﻭﺣﺪﺓ ﻭﻳﺎ ﺑﻠﺠﺎﻣﻌﻪ ﻣﺴﻴﺤﻴﻪ .. ﺗﻘﺪﻡ ﺍﻟﻬﺎ .. ﺍﻫﻠﻬﺎ ﻣﺎﻗﺒﻠﻮ .. ﺑﻲ
ﺭﺍﻓﻀﻲ ﺟﺎﻧﻮ .. ﻭﺳﺎﻓﺮﺕ ﺍﻟﺒﻨﻴﺔﻭﺭﺓ ﺍﻻﺣﺪﺍﺙ ﻭﺍﺣﺴﻪ ﺑﻌﺪ ﻫﻠﻘﺼﻪ ﺑﺤﻴﺎﺗﻪ .. ﺍﻧﻄﻮﺓ ﻉ ﻧﻔﺴﺔ ﻣﻦ ﺳﺎﻟﻔﻪ ﺍﻟﺤﺐ ..
ﺳﺠﺎﺩ ﻋﺼﺒﻲ ﻭﻣﺎﻋﻨﺪﺓ ﺭﺣﻤﻪ ﺗﻘﺮﻳﺒﺎ ﺍﻟﺒﻴﺖ ﻛﻠﻪ ﻳﺨﺎﻑ ﻣﻨﻪ ..
ﻭﻳﺴﻤﻊ ﺍﻟﺔ .. ﻣﺮﺍﺕ ﺩﺍﺧﻠﻲ ﻳﻌﺎﺗﺒﻬﻢ ..
ﺑﺲ ﻳﻤﻜﻦ ﺻﻌﺒﻪ ﻉ ﺍﻻﺥ ﻳﻌﺮﻑ ﺍﺧﺘﻪ ﺗﺤﺐ ..
ﺟﻨﺖ ﺍﺗﻤﻨﻰ ﺍﺳﻤﻊ ﻣﻨﻬﻢ ﺷﻲ ﻳﺮﻳﺤﻨﻲ ..
ﺑﺲ ﻣﺎﻋﺪﺍ ﺍﺣﻤﺪ ﺟﺎﻥ ﻭﺍﻛﻒ ﻭﻳﺎﻳﺔ ﻭﻳﺘﻌﺎﻃﻒ ..
ﺿﻠﻴﺖ ﻛﺎﻋﺪﺓ .. ﻣﺪﺓ ﻭﻛﺎﻣﺖ ﺗﺠﻲ ﺍﻟﻌﺎﻟﻢ .. ﻭﺻﺪﻳﻘﺎﺕ ﺍﻣﻲ .. ﻭﺍﻟﺠﻴﺮﺍﻥ .. ﻭﺍﻻﻫﻞ ..
ﺟﻮﻱ ﺍﻟﺠﻬﺎﻝ ﺻﺎﺣﻮ ﺍﻟﻌﺮﻳﺲ ﺍﺟﻪ ..
ﻭﻛﺎﻣﺖ ﺍﻟﻌﺎﻟﻢ ..
ﺗﻬﻠﻬﻞ .. ﻭﺷﻐﻠﻮ ﺩﻱ ﺟﻲ .. ﻭﺍﻧﻲ ﻛﺎﻋﺪﺓ ..
ﺍﺻﻄﻨﻊ ﺍﻟﻀﺤﻚ .. ﺍﺧﺎﻑ .. ﻣﻦ ﺍﻫﻠﻲ ﻭﺍﺧﺎﻑ ﻣﻦ ﻗﺎﺋﺪ ..
ﺍﻟﻮﻛﺖ ﻛﻠﻪ .. ﺍﻧﻲ ﻋﺎﻳﺸﺔ ﺑﻨﺪﻡ .. ﻟﻴﺶ ﺳﺮﻋﺖ ﺑﺨﻮﻑ ..
ﻟﻴﺶ .. ﻣﻨﺘﻈﺮﺕ . ﻣﺮﺍﺩ ﻣﻨﻲ ﺷﻲ ﺑﺲ ﺻﺒﺮ ..
ﻛﻞ ﺷﻮﻳﻪ ﺗﺠﻲ ﺍﻣﻲ ﻋﻠﻴﻪ ﺗﻜﻮﻟﻲ ﺍﺿﺤﻜﻲ
ﻓﺮﺩﻳﻬﺎ .. ﻻ ﺿﻠﻴﻦ ﻣﻌﺒﺴﺔ ..
ﻭﺍﺑﺘﺴﻢ .. ﻫﻨﺎﻙ ﻭﺍﺗﺨﻴﻞ ﺭﻭﺣﻲ ﺍﻧﺘﻈﺮ ﻗﺎﺋﺪ ... ﻃﺒﻮ ﺍﻫﻞ .. ﻣﻴﺜﻢ ..
ﺳﻠﻤﻮ ﻋﻠﻴﻪ ... ﻭﺑﻮﺳﻮﻧﻲ ..
ﺷﻮﻳﻪ ﻭﻃﺐ ﻣﻴﺜﻢ .. ﻻﺑﺲ .. ﻗﺎﻁ .. ﺍﺳﻮﺩ ﻭﻗﻤﻴﺺ ..
ﺍﺑﻴﺾ .. ﻭﺭﺑﺎﻁ ﻭﻣﺰﻳﻦ .. ﻟﺤﻴﺘﻪ ..
ﻣﻴﺜﻢ ﺷﻜﻠﺔ ﻋﺎﺩﻱ .. ﺟﺎﻥ .. ﺣﻨﻄﺎﻭﻱ .. ﻭﺿﻌﻴﻒ ..
ﻭﺷﻌﺮﺓ ﺩﺋﻤﺎ .. ﻳﺰﻳﻨﻪ ﺧﻔﻴﻒ ..
ﺟﺎﻥ ﻋﻨﺪﺓ .. ﺧﻮﺍﺕ ..3 ﻭﺍﺧﻮﺍﻥ ..2 ﻃﺒﻮ ﺑﺲ ﺍﻟﻨﺴﻮﺍﻥ ..
ﻭﺍﺟﻪ ﻛﻌﺪ ﻳﻤﻲ ..
ﻫﻠﻮ ..
ﻫﻠﻮ ...
ﺷﻠﻮﻧﺞ ..
ﺍﻟﺤﻤﺪﻟﻠﻪ .. ﻭﺍﻧﺖ ..
ﻭﺍﻟﺒﺴﻤﻪ ﺗﺎﺭﺳﺔ ﻭﺟﻬﻪ ..
ﻃﺎﻟﻌﺔ ﺗﺨﺒﻠﻴﻦ ..
ﺳﻜﺘﺖ ﻭﺿﻠﻴﺖ ﺍﺑﺎﻉ .. ﻉ ﺍﻟﻌﺎﻟﻢ ﻭﻫﻮﺓ ﻛﺎﻋﺪ ﻳﻤﻲ ..
ﻫﻼﻝ ﻭﺩﻙ ﻭﺭﻛﺺ ﺍﻧﻲ ﻛﺎﻋﺪﺓ ..
ﺍﺟﺘﻲ ﻣﺮﻭﺓ ﺻﺪﻳﻘﺘﻲ .. ﻭﺍﻣﻬﺎ ...
ﺍﺟﺖ ﺑﻮﺳﺘﻨﻲ ﻭﺑﺎﺭﻛﺖ ﺍﻟﻲ ﻭﺷﺎﻭﺭﺗﻨﻲ ﻗﺎﺋﺪ ﻭﺍﻛﻒ ﺑﺮﺍﺱ ﻓﺮﻋﻜﻢ ..
ﻭﻭﺧﺮﺕ ﻭﺑﺘﺴﻤﺖ ﺍﻟﻲ ﺍﻧﻲ ﺑﻘﻴﺖ ﻻﺯﻣﻪ ﺍﺩﻳﻬﺎ ﻭﺍﺑﺎﻉ ﻉ ﻋﻴﻮﻧﻬﺎ .. ﺍﺧﻮﺍﻧﻲ ﻭﺍﺑﻮﻳﻪ ﺑﻴﻮﻣﻬﺎ ﻃﻠﻌﻮ ﻣﻦ ﺍﻟﺒﻴﺖ ..
ﻭﺑﺲ ﺟﻬﺎﻝ ﻃﺎﺑﻪ ﻃﺎﻟﻌﻪ ..
ﺍﺭﻳﺪ ﺍﻋﺮﻑ ﺷﺮﺍﺡ ﻳﺴﻮﻱ .. ﻗﺎﺋﺪ ..
ﺭﺟﻌﺖ ﺷﺎﻭﺭﺗﻨﻲ .. ﻛﺎﻟﺖ ﻻ ﺗﺨﺎﻓﻴﻦ ﺑﺲ .. ﻭﺍﻛﻒ ..
ﻛﺘﻠﻬﺎ ﺍﺧﻮﺍﻧﻲ ﻭﻳﻦ ..
ﻛﺎﻟﺖ ﻣﺎﻛﻮ ﺍﺣﺪ ﺑﺲ .. ﺟﻬﺎﻝ ﺑﺸﺎﺭﻉ .. ﻛﺎﻟﺖ ﺗﺮﻳﺪﻳﻦ ﺍﺧﺎﺑﺮﺓ ﺍﻟﺞ ..
ﻣﻴﺜﻢ ﺿﻞ ﻳﺒﺎﻉ ﻋﻠﻴﻨﻪ ...
ﻛﺘﻠﻬﺎ .. ﺍﻱ ..
ﻛﺎﻟﺖ ﺧﻠﻲ ﺗﺨﻒ ﺍﻟﻬﻮﺳﻪ ﻭﺍﺗﺼﻞ ﺑﻲ ..
ﺷﻮﻳﻪ .. ﻭﺑﺪﻭ ﻳﻠﺒﺴﻮﻧﻪ ﺍﻟﻨﻴﺸﺎﻥ . ﻧﻴﺸﺎﻧﻲ ﺟﺎﻥ ﺑﺴﻴﻂ ﺣﻠﻘﻪ ﻭﻣﺤﺒﺲ ﻭﺗﺮﺍﺟﻲ ﻭﻛﻼﺩﺓ .. ﺑﻮﻛﺘﻬﺎ .. ﺗﻮﻫﺎ ﺍﻟﺤﺮﺏ ﺧﻠﺼﺎﻧﻪ ﻭﺍﻟﻨﺎﺱ ﻳﺎﺩﻭﺏ ﺗﺸﺘﻐﻞ .. ﻭﺭﺟﻌﺖ ﺍﻟﺤﻴﺎﻩ
ﺑﺪﻭ . ﻳﻄﻜﻮﻥ ﺍﻟﻨﻪ ﺍﻟﺼﻮﺭ ..
ﻭﻧﻜﻄﻊ ﺍﻟﻜﻴﻚ .. ﻭﻫﺎﻱ ﺍﻟﺘﻔﺎﺻﻴﻞ ﺍﻟﻤﻤﻠﻪ .. ﺍﻟﻲ ﻣﺎﺣﺴﻴﺖ ﺑﻄﻌﻤﻬﺎ .. ﻭﻻ ﺷﻲ ..
ﻗﻠﻖ ﻭﺧﻮﻑ .. ﻋﺎﻳﺶ ﺑﻘﻠﺒﻲ ﺑﺲ ..
ﻛﺎﻡ ﻳﻮﻛﻠﻨﻲ ﻛﻴﻚ ﻭﺍﻧﻲ ﻫﻢ ﺍﻭﻛﻠﻪ ..
ﻃﺒﻮ ﺟﻬﺎﻝ .. ﻛﺎﻟﻮ ﺳﻴﺎﺭﺓ ﺍﻟﻌﺮﻳﺲ ﺍﻧﺪﻋﻤﺖ ..
ﺍﻧﻲ .. ﺍﺭﻳﺪ ﺍﺑﻠﻊ ﻟﻜﻤﺘﻲ ﻣﺎﻛﺪﺭ .. ﻭﻛﻔﺖ ﺍﻟﻠﻜﻤﻪ ﺑﺤﻠﻜﻲ ..
ﻫﻮﺓ ﺍﻧﺪﺍﺭ ﻋﻠﻴﻪ .. ﻭﻛﺎﻡ ﻃﻠﻊ ﺑﺮﺓ ..
ﻭﻃﻠﻌﻮ ﻭﻳﺎ ﻋﺎﻟﻢ ..
ﺟﺘﻲ ﻳﻤﻲ .. ﻣﺮﻭﺓ ﻛﻌﺪﺕ ﻉ ﺣﺎﻓﻪ ﺍﻟﺘﺨﻢ ﻛﺎﻟﺖ .. ﻋﻠﻜﺖ ﺷﺮﺍﺡ ﺗﺼﻔﻰ ﻣﺎﻋﺮﻑ ..
ﻛﺘﻠﻬﺎ ﻣﺮﻭﺓ ﻃﻠﻌﻲ ﻓﺪﻭﺓ ﺷﻮﻓﻲ ﺷﺼﺎﺭ ..
ﺍﻣﻲ ﻭﺍﻧﻬﺎﺭ ﻭﺟﻬﻬﻢ ﺻﺎﺭ ﺍﺻﻔﺮ ...
ﺍﺳﺎﻟﻬﻢ ﺷﻜﻮ . ﻛﻞ ﻭﺍﺣﺪ ﻳﺤﺠﻲ ﺷﻜﻞ
.. ﺑﻌﺪ ﻣﺎﻛﻤﺖ ﺍﻧﻲ ﻫﻢ ﻭﻭﻛﻔﺖ ﺍﺑﺎﻉ ﻣﻦ ﺍﻟﺒﺮﺩﺓ ..
ﺍﺧﺎﻑ ﻻ ﺍﺷﻮﻑ ﻗﺎﺋﺪ ﻣﻦ ﺑﻌﻴﺪ ..
ﻭﺍﻛﻒ ﻭﻳﺎﻫﻢ ﺑﺲ ﻣﺸﻔﺖ ﺷﻲ ..
ﺷﻮﻳﻪ ﻭﻃﺐ ﻣﻴﺜﻢ ..
ﻛﺎﻝ .. ﻭﺍﺣﺪ ﻣﺎﻋﺮﻑ ﻣﻴﻦ ﺳﻴﺎﺭﺗﻪ ﺑﻴﻀﻪ .. ﺿﺎﺭﺏ ﺍﻟﺴﻴﺎﺭﺓ
ﺳﻴﺎﺭﺗﻪ ﺑﻴﻀﻪ .. ﺿﺎﺭﺏ ﺍﻟﺴﻴﺎﺭﺓ
ﻋﺠﻴﺐ ﺍﻧﻲ ﻣﻮﻛﻔﻪ ﺑﺼﻒ ﺍﻟﺮﺻﻴﻒ ..
ﻳﻼ ﻗﺪﺭ ﻭﻳﺮﻳﺪ ﻳﺼﻴﺮ ﻓﺪﻭﺓ ..
ﺍﻧﻲ ﻣﻌﺮﻓﺖ ﺷﺤﺠﻲ ﻭﺷﺮﻳﺪ ﺍﺟﺎﻭﺑﻪ ﺍﻛﺘﻔﻴﺖ ﺑﺴﻜﻮﺕ ..
ﺧﻠﺼﺖ ﺍﻟﺤﻔﻠﻪ . ﺑﻬﻮﺳﻪ ﻭﺧﺮﺑﻄﻪ .. ﻭﺍﻟﻮﺟﻮﻩ ﻣﺠﻔﺎﻳﻪ ﻣﻦ ﺍﻫﻞ ﻣﻴﺜﻢ .. ﻭﺍﺟﻮﻱ ﺍﺧﻮﺍﻧﻲ ﻭﺍﺑﻮﻳﻪ .. ﻭﺿﻠﻮ ﻳﺤﺠﻮﻥ ﻉ ﻣﻨﻮ ﺍﻟﻲ ﺩﻋﻢ ﺳﻴﺎﺭﺗﻪ .. ﻣﻦ ﺭﺍﺣﻮ ﺍﻟﻌﺎﻟﻢ .. ﻭﺑﻘﻴﻨﻪ ﺑﺲ ﺍﻻﻫﻞ ﺑﺪﻟﺖ ﻭﻃﻠﻌﺖ .. ﺷﻔﺖ ﺍﻟﺴﻴﺎﺭﺓ ﺻﺢ ﻣﻀﺮﻭﺑﻪ ﻭﻣﺘﺎﺫﻳﻪ ﻭﺍﻛﻴﺪ ﺳﻴﺎﺭﺓ ﺍﻟﺜﺎﻧﻴﻪ ﻫﻢ ﻣﺘﺎﺫﺍﻳﻪ ...
ﺧﻠﺺ ﺍﻟﻴﻮﻡ ﺑﺤﺠﻲ . ﻫﻮﺍﻳﻪ ﺍﺣﺲ ﺭﺍﺳﻲ ﻳﺮﻳﺪ ﻳﻄﻚ ﻣﻦ ﺍﻟﻌﺎﻟﻢ ﻭﺍﻟﺤﺠﻲ ﻭﺍﻟﺘﻔﻜﻴﺮ ﻳﻤﻜﻦ ﺣﻤﺪﺕ ﺍﻟﻠﻪ ﻋﺪﺕ ﺑﺲ ﻉ ﻫﺎﻱ ﻭﻟﻪ ﺍﻋﺮﻑ ﻣﺮﺍﺡ ﻳﺒﻄﻞ ﺍﻟﻲ ﻣﺜﻠﻪ ﻣﻴﻌﺮﻑ .. ﺍﻟﺴﺘﺴﻼﻡ ..
ﺑﻴﻮﻣﻬﺎ ﺑﻘﻴﺖ ﻓﻮﻥ ﻣﺮﻭﺓ ﻳﻤﻲ .. ﻛﺘﻠﻬﺎ ﺍﺟﻴﺒﻪ ﺍﻟﺞ ﺑﻠﺪﻭﺍﻡ ..
ﺭﺩﺕ ﺑﺲ ﺍﺣﺠﻲ ﻭﻳﺎ .. ﺍﺭﻳﺪﺓ ﻳﻌﻘﻞ ﺑﻌﺪ ﻛﺎﻓﻲ ..
ﺍﻟﻲ ﺳﻮﺍﻩ ﺑﻴﺔ ﻣﻮ ﻗﻠﻴﻞ ﺍﺑﺪ ..
ﺭﺍﺡ ﻣﻴﺜﻢ ﻭﺍﻫﻠﻪ .. ﺍﻧﻲ ﻃﺒﻴﺖ ﺳﺒﺤﺖ ..
ﺿﺠﺖ ﻣﻦ ﺍﻟﻤﻜﻴﺎﺝ ﻭﺍﻟﺘﺴﺮﻳﺤﻪ ..
ﺩﺧﻠﺖ ﺍﻟﻔﻮﻥ ﻭﻳﺎﻳﻪ ﺑﻠﺤﻤﺎﻡ ..
ﻭﻗﻔﻠﺖ ﺍﻟﺒﺎﺏ ..
ﻭﻓﺘﺤﺖ ﺍﻟﻤﻲ ﻉ ﺍﻟﻨﻴﺠﺎﻧﻪ .. ﻭﺭﺣﺖ ﻛﻌﺪﺕ ﺑﻬﺪﻭﻣﻲ .. ﻉ ﺍﻟﺘﺨﺘﻪ .. ﻭﺍﺗﺼﻠﺖ ﺑﻲ ..
ﻳﺪﻙ .. ﺟﺎﻥ ﻭﻻ ﺟﺎﻭﺏ ﻣﺮﺓ ﺛﺎﻧﻴﻪ ﻧﻔﺲ ﺍﻟﺸﻲ ..
ﺍﻟﺜﺎﻟﺜﻪ ﺍﻟﺮﺍﺑﻌﻪ ﻣﺎﻛﻮ .. ﻣﺎﻋﺮﻑ ﻭﻳﻨﻪ ..
ﺍﻧﻲ ﻫﻢ .. ﺑﻄﻠﺖ .. ﻭﻣﻠﻴﺖ
ﻭﺫﺑﻴﺖ ﻫﺪﻭﻣﻲ .. ﻭﺧﻠﻴﺘﻪ ﻓﻮﻙ ﺍﻟﻬﺪﻭﻡ ..
ﻭﺳﺒﺤﺖ ..
ﻭﻋﻴﻨﻲ ﻉ ﺍﻟﻔﻮﻥ ﻭﻛﻞ ﺷﻮﻳﻪ . ﺍﺑﺎﻉ ﺧﻮﻣﺎ ﺩﻙ ﻋﻠﻴﻪ ..
ﻛﻤﻠﺖ ﺳﺒﺤﻲ ﻭﻃﻠﻌﺖ .. ﻭﺿﻤﻴﺖ ﺍﻟﻔﻮﻥ .. ﺑﻴﻦ ﺍﻟﻬﺪﻭﻡ ﻭﺍﻟﺨﺎﻭﻟﻲ ﻭﺳﻮﻳﺘﻪ ﺻﺎﻣﺖ .. ﻭﺑﺎﻟﻲ ﻳﻢ ﻗﺎﺋﺪ ﺷﺼﺎﺭ ﻣﻨﻪ ﺑﺲ ﻻ ﺻﺎﺭ ﺑﻲ ﺷﻲ ﻣﻦ ﺩﻋﻢ ﺍﻟﺴﻴﺎﺭﺓ ﺍﻛﻴﺪ ﻫﻮﺓ ﺍﻟﻲ ﺳﻮﺍﻫﺎ ..
ﺍﺳﻤﻊ ﺍﻫﻠﻲ ﻳﺤﺠﻮﻥ .. ﻉ ﺳﺎﻟﻔﻪ .. ﻣﻴﺜﻢ ..
ﻭﺳﻤﻌﺖ ﻃﺎﺭﻱ ﻗﺎﺋﺪ ﺑﻠﻨﺺ ﻋﺮﻓﺖ ﻧﺬﺑﺖ ﺑﺮﺍﺳﻪ ..
ﻋﺎﺩﻱ ﺍﺗﻌﻠﻤﺖ ﻳﺠﻮﺯ ﺷﻮﻳﻪ ﻭﻳﻨﻜﻠﺒﻮﻥ ﻋﻠﻴﻪ ..
ﻛﻠﻬﺎ ﺗﻌﻠﻤﺖ ﻋﻠﻴﻬﺎ ﻭﺗﺸﺒﻌﺖ ﺑﻴﻬﺎ ..
ﺑﻴﻮﻣﻬﺎ .. ﻣﻨﻤﺖ ﻭﺑﻘﻴﺖ ﺍﻟﻔﻮﻥ ﻗﺮﻳﺐ ﻋﻠﻴﻪ ﺍﻧﺘﻈﺮﺓ ﻳﺘﺼﻞ ﺑﻴﻪ ..
ﺑﺲ ﺧﻔﺖ ﺍﺩﺯ ﺍﻟﻪ ﺭﺳﺎﻟﻪ ﺍﻛﻮﻟﻪ ﺍﻧﻲ ﻗﻤﺮ ..
ﺗﺮﺩﺩﺕ .. ﻭﺍﺻﻼ ﻏﻠﻂ ﻣﻨﻲ .. ﺍﺧﺎﺑﺮﺓ ﺍﻧﻲ ﺑﻌﺪ ﻣﻴﺼﻴﺮ ..
ﺍﻓﻜﺮ ﺑﻐﻴﺮ ﻣﻴﺜﻢ ...
ﻏﻔﻴﺖ .. ﻉ ﻣﺨﺪﺗﻲ .. ﺑﻌﺪ ﻣﺎﺗﻌﺒﺖ ﻣﻦ ﺍﻟﺘﻔﻜﻴﺮ ..
ﺍﺛﺎﻧﻲ ﻳﻮﻡ .. ﺟﺎﻥ ﺍﻛﻮ ﺩﻭﺍﻡ ﻋﻨﺪﻱ ..
ﻛﻤﺖ ﺍﻟﺼﺒﺢ ....
ﻉ ﻫﻮﺳﻪ ﻭﺣﺠﻲ .. ﻣﻦ ﺍﻫﻠﻲ ..
ﻃﻠﻌﺖ ﻣﻦ ﺍﻟﻐﺮﻓﺔ ﺍﺳﺎﻝ ﺷﺼﺎﺭ ..
ﻛﺎﻟﻮ ﺳﻴﺎﺭﺓ .. ﺍﺑﻮﺝ ﻭﺍﻛﻌﻪ ﻋﻠﻴﻬﺎ ﻃﻠﻘﻪ ﺑﻠﺠﺎﻡ ﺍﻟﺨﻠﻔﻲ ﻭﻣﻔﻠﺸﻬﺎ ..
ﻣﺪﺍﺳﺘﻮﻋﺐ ﺍﻟﻜﻼﻡ ﻣﻨﺎ ﻛﺎﻋﺪﺓ ﻣﻦ ﺍﻟﻨﻮﻡ ﻭﻣﻨﺎ ﺳﺎﻟﻔﻪ ﺍﻟﺴﻴﺎﺭﺓ ﻣﺎﻝ ﻣﻴﺜﻢ ﻭﻫﺴﺔ ﺳﻴﺎﺭﺓ ﺍﺑﻮﻳﻪ ﻻ ﺍﻛﻴﺪﺍﻟﻤﻮﺿﻮﻉ ﺑﻲ ﺍﻧﻪ ..
ﻭﺍﻻﻧﻪ ﻗﺎﺋﺪ .. ﻫﺬﺍ ﻟﻴﺶ ﻳﺴﻮﻱ ﻛﺎﻡ ﻳﺨﺮﺑﻂ ﻣﺪﻳﻌﺮﻑ ﺷﻮﻥ ..
ﻳﻨﺘﻘﻢ ﻭﻳﺎﺫﻱ .. ﺑﻴﻪ ..
ﻛﻤﺖ .. ﻛﺘﻠﻬﻢ ﺧﺎﺑﺮﻭ ﻉ ﻣﻴﺜﻢ ﻣﺎﺩﺍﻭﻡ ..
ﺍﻣﻲ ﻛﺎﻟﺖ ﺷﻜﻮ ﺷﺼﺎﻳﺮ ﻛﺘﻠﻬﺎ ﻣﺎﻛﻮ ﺷﻲ ﺑﺲ
ﺟﺴﻤﻲ ﻣﻜﺴﺮ ﻣﺎﻝ ﺣﻔﻠﻪ ..
ﻣﻨﺎ ﻣﻨﺎ ﻗﺒﻠﺖ ﺍﺑﻘﻰ ﻭﺣﺪﻱ ﺑﻠﺒﻴﺖ ﺣﺘﻰ ﺍﻋﺰﻝ ﺍﻟﺒﻴﺖ ..
ﻻﻥ ﻣﻜﻠﻮﺏ ﻣﺎﻝ ﺣﻔﻠﺔ ..
ﻃﻠﻌﻮ ﺍﻟﻜﻞ ﻣﻦ ﺍﻟﺒﻴﺖ .. ﺑﻴﻮﻣﻬﺎ ﺧﻔﺖ ﺍﺩﺍﻭﻡ ﻻ ﻳﺴﻮﻱ ﺷﻲ ﻗﺎﺋﺪ ﺑﻴﺔ .. ﻋﻴﺸﻨﻲ ﺑﺮﻋﺐ ﻣﻴﺨﻠﺺ ..
ﺍﻟﺤﺐ ﻭﺍﻟﺨﻮﻑ .. ﻣﻴﺮﻫﻤﻮﻥ ﺍﺑﺪ ..
ﺭﺍﺡ ﺍﻟﻜﻞ .. ﻣﻦ ﺍﻟﺒﻴﺖ ﻭﺑﺪﻳﺖ ﺑﻠﺸﻐﻞ .. ﻣﻦ ﻏﺮﻑ ﺍﻟﻮﻟﺪ
ﻟﻴﺠﻮﺓ .. ﻣﺨﻠﻴﺖ ﺷﻲ ﻣﻨﻈﻔﺘﻪ ..
ﻭﺍﻟﻜﻮﺍﻏﺪ .. ﻭﺍﻟﻘﻮﺍﻃﻲ ﻣﺸﻤﺮﺓ .. ﻭﺍﻟﺠﻜﻠﻴﺖ ﻣﺠﻠﺐ
ﺑﻠﻜﺎﻉ .. ﻣﺘﺖ .. ﻋﻠﻤﺎ ﻛﻤﻠﺖ ﺍﻟﺒﻴﺖ ..
ﺍﺧﺮ ﺷﻲ .. ﻃﻠﻌﺖ .. ﻉ ﺍﻟﻄﺮﻣﻪ ..
ﻏﺴﻠﺘﻬﺎ ﻭﻧﺸﻔﺘﻬﺎ ..
ﻭﻃﺒﻴﺖ ﺟﻮﺓ ﻟﻠﺒﻴﺖ .. ﻫﻠﻜﺖ ..
ﺍﺭﻳﺪ ﺍﺗﺼﻞ .. ﺑﻘﺎﺋﺪ ﺑﺲ ﺍﺧﺎﻑ ..
ﺍﺧﺎﻑ ﻻ ﺍﺣﺪ ﻳﻄﺐ ﻋﻠﻴﻪ ﻣﺜﻞ ﺫﻳﺞ ﺍﻟﻤﺮﺓ ..
ﺭﺣﺖ ﻏﺴﻠﺖ .. ﻭﺟﻬﻲ .. ﻭﻧﺸﻔﺘﻪ ..
ﻭﺭﺣﺖ ﻟﻐﺮﻓﺘﻲ ..
ﻃﻠﻌﺖ ﺍﻟﻔﻮﻥ ﺷﻔﺖ ﻣﺘﺼﻞ ﻋﻠﻴﻪ ..
ﻣﺮﺓ ﻭﺣﺪﺓ .. ﺏ 4 ﺍﻟﺼﺒﺢ ..
ﺑﻘﻴﺖ ﻣﺘﺤﻴﺮﺓ ﻭﻣﺘﺮﺩﺩﺓ ﺍﺗﺼﻞ ﺑﻲ ﻟﻮ ﻻ ..
ﺑﻘﻴﺖ .. ﻛﺎﻋﺪﺓ ..
ﻭﺑﻴﺪﻱ ﺍﻟﻔﻮﻥ ﻣﺘﺮﺩﺩﺓ .. ﻭﺧﺎﻳﻔﻪ ..
ﺍﺑﺎﻉ ﻉ ﺍﻟﻮﻛﺖ .. ﺑﻌﺪ ﻭﻛﺖ ﻣﺤﺪ ﻳﺠﻲ ﻫﺴﺔ ..
ﺯﻳﻦ ﺍﺫﺍ ﺍﺗﺼﻞ ﺑﻲ ﺷﻜﻮﻝ ﺍﻟﻪ ..
ﺍﻛﻮﻟﻪ ﺍﻧﺖ ﻟﻴﺶ ﻫﻴﺞ ﺗﺴﻮﻱ ..
ﺭﺍﺡ ﻳﺮﺟﻊ ﻟﻨﻔﺲ ﺳﺎﻟﻔﺘﻪ ..
ﺍﺣﺴﻦ ﺣﻞ ﺍﻋﻮﻓﻪ .. ﻭﻣﺎﺣﺤﻲ ﻭﻳﺎ ﺑﻌﺪ ..
ﻭﻻﺯﻡ ﺍﻧﺴﺎﻩ ﺍﻭ ﺍﺗﻨﺎﺳﻪ ..
ﺧﻠﺼﺖ ﺍﻟﻴﻮﻡ ﻭﺍﻧﻲ ﺍﻧﺘﻈﺮﻫﻢ ﻳﺠﻮﻥ ..
ﺑﻌﺪ ﻣﺎﻛﻤﻠﺖ ﻛﻞ ﺷﻲ ﻭﺣﺘﻰ ﻏﺪﺓ ﺳﻮﻳﺖ ..
ﺍﺟﻮﻱ ﺍﻫﻠﻲ ﻭﺍﻧﻲ ﻣﺘﺼﻠﺖ ﺑﻲ ﻭﻻ ﺧﺎﺑﺮﺗﻪ ﻣﻴﻔﻴﺪ ﺷﻲ ﺑﻌﺪ ..
ﻭﻛﻞ ﺷﻮﻳﻪ ﻳﻨﻔﺘﺢ ﻣﻮﺿﻮﻉ ﺍﻟﺴﻴﺎﺭﺓ ﻭﺍﻟﺠﺎﻣﻪ ..
ﻭﻳﺤﺠﻮﻥ ﻉ ﻗﺎﺋﺪ ..
ﺍﻓﻀﻞ ﺣﻞ ﺑﻬﻴﺞ ﺿﺮﻭﻑ ﺍﻻﻧﻌﺰﺍﻝ ..
ﻭﻛﻤﺖ ﺍﺗﻤﻨﻰ ﻣﻴﺜﻢ ﻳﺰﻭﺟﻨﻲ ﺑﺴﺮﻋﻪ ﻭﻳﻄﻠﻌﻨﻲ ﻣﻦ ﺍﻟﻴﻲ ﺍﻧﻲ ..
ﺻﺢ ﻭﺍﻋﺘﺮﻑ ﺍﺫﻳﺖ ﺍﻫﻠﻲ ﻫﻮﺍﻳﻪ ..
ﺑﺲ ﻣﻮ ﺍﻧﻲ ﺍﻟﻲ ﺟﻨﺖ ﺍﻛﻮﻟﻪ ..
ﻣﺼﺎﺭ ﻋﻠﻴﻪ ﺣﺐ ﺻﺎﺭ ﻋﻠﻴﺔ ﻏﻀﺐ ..
ﻣﺼﺮﺕ ﻗﻤﺮ ﻭﻳﺎ ﺻﺮﺕ ﻗﻬﺮ ..
ﺛﺎﻧﻲ ﻳﻮﻡ ﺩﺍﻭﻣﺖ .. ﻭﻣﻴﺜﻢ ﻣﻜﺪﺭ ﻳﺠﻲ ﻳﻮﺻﻠﻨﻲ ﻻﻥ ﺳﻴﺎﺭﺗﻪ ﺑﻠﺘﺼﻠﻴﺢ .. ﺍﺗﺼﻞ ﻋﻠﻴﻪ ﻣﻦ ﻓﻮﻥ ﺍﺧﻮﺍﻧﻲ ..
ﻭﺣﺠﻴﺖ ﻭﻳﺎ .. ﻓﺎﺑﻮﻳﻪ ﻭﺩﺍﻧﻲ ﺍﻟﺼﺒﺢ ﻭﺍﺗﻔﻘﺖ ﺍﺭﺣﻊ ﻭﻱ ﻣﺮﻭﺓ
ﻃﺒﻴﺖ ﻟﻠﺪﻭﺍﻡ ﺟﺎﻥ ﻫﻮﺳﻪ .. ﻋﺪﺗﺎ ﻣﻌﺮﺽ ﻭﺟﺎﻱ ﻣﺸﺮﻑ ﺣﺘﻰ ﺩﺭﻭﺱ ﻣﺎﺧﺬﻧﻪ ..
ﺭﺟﻌﺖ ﺍﻟﻔﻮﻥ ﻟﻤﺮﻭﺓ ﻭﻛﻠﺖ ﺍﻟﻬﺎ ﻣﺘﺼﻠﺖ ﺑﻲ ..
ﻋﻔﺘﺔ .. ﺍﺣﺴﻦ ..
ﻭﺍﺧﺎﻑ ﻳﺘﺼﻞ ﺑﻴﺞ ﻫﺬﺍ ﺍﻟﺮﻗﻢ ﻻ ﺟﺎﻭﺑﻴﻪ ...
ﺍﻛﺜﺮ ﺑﻨﺎﺕ ﺍﻟﻤﻌﻬﺪ ﺍﻓﺘﻬﻤﻮ ﻋﻨﺪﻱ ﻋﻼﻗﻪ ﺑﻘﺎﺋﺪ ﺑﺴﺒﺒﻪ ﻫﻮ ﻣﻜﺎﺑﻞ ﺍﻟﻤﻌﻬﺪ ﻭﻛﺎﻋﺪ ..
ﺍﻟﻤﻬﻢ ﻣﻴﻮﺻﻞ ﺣﺠﻲ ﻟﺤﻨﻴﻦ ﻭﺍﺧﻮﻫﺎ .. ﻻﻥ ﺟﻨﺖ ﺧﺎﻳﻔﻪ ﻣﻦ ﻫﻞ ﺷﻲ ..
ﻣﻜﺎﻓﻲ ﺍﻧﻔﻀﺤﺖ .. ﻳﻢ ﺍﻫﻠﻲ ﻳﺮﻳﺪ ﻳﻔﻀﺤﺘﻲ ﺑﻠﻤﻌﻬﺪ ..
ﻭﻳﻢ ﺍﻫﻞ ﺧﻄﻴﺒﻲ ..
ﺣﻨﻴﻦ ﺟﺎﻧﺖ ﻣﻤﺪﺍﻭﻣﻪ ﺑﻴﻮﻣﻬﺎ .. ﻭﺍﻛﺜﺮ ﺍﻟﺒﻨﺎﺕ ﺍﺟﻮﻱ ﺑﺎﺭﻛﻮ ﺍﻟﻲ ﻉ ﺍﻟﺨﻄﻮﺑﻪ ﻭﺟﻨﺖ ﻃﺒﻴﻌﻴﻪ ﻛﻠﺶ ﻭﻳﺎﻫﻢ ..
ﺧﻠﺺ ﺍﻟﺪﻭﺍﻡ .. ﻭﻃﻠﻌﺖ .. ﺑﺮﺓ .. ﺍﻧﺘﻈﺮ ﺍﺭﺟﻊ ﻭﻱ .. ﻣﺮﻭﺓ ..
ﺟﺎﻥ .. ﺍﺧﻮﻫﺎ ﻳﺠﻴﻬﺎ ..
ﺑﻘﻴﻨﻪ ﻧﻨﺘﻈﺮ ﺑﺮﺓ .. ﻣﺎﻛﻮ ﻣﺎﺟﻪ ﺍﺗﺼﻠﺖ ﻋﻠﻴﻪ ..
ﻛﺎﻟﺖ ﻭﻟﺞ ﻫﺬﺍ ﻣﺤﺼﻮﺭ
ﺑﺰﺩﺣﺎﻡ ﺷﻠﻮﻥ .. ﻛﻠﺖ ﺍﻟﻬﺎ ﻣﺎﻋﺮﻑ ..
ﺍﻛﻮﻟﺞ .. ﺧﻠﻲ .. ﻧﺮﺟﻌﻊ ﺗﻜﺴﻲ ﺷﻌﻠﻴﻨﻪ ﺧﻮﻣﺎ ﺭﺍﺡ ﻳﺎﻛﻠﻮﻧﻪ ..
ﻫﺎ ﻣﺎﻋﺮﻑ ﺍﺧﺎﺑﺮﺓ ﻭﺍﻛﻮﻟﻪ ﻭﻧﺸﻮﻑ ..
ﺍﺗﺼﻠﺖ ﺑﺎﺧﻮﻫﺎ .. ﻛﻠﻬﺎ ﺭﻭﺣﻲ ﻟﺒﻴﺖ ﻗﻤﺮ .. ﻭﺍﻧﻲ ﺍﺟﻴﺞ ..
ﺍﻧﻲ ﺍﺳﺘﻐﻠﻴﺘﻬﺎ ﻓﺮﺻﻪ ﻛﺘﻠﻪ ﺑﻘﻴﻬﺎ ﻳﻤﻲ ﻭﺑﻠﻴﻞ ..
ﺗﻌﺎﻝ ﻋﻠﻴﻬﺎ ..
ﻣﻜﺎﻝ ﺷﻲ ﺍﻟﻮﻟﺪ ..
ﻃﻠﻌﻨﻪ ﻣﺸﻴﻨﻪ ﻉ ﺍﻟﺸﺎﺭﻉ .. ﺑﻴﻮﻣﻬﺎ ﻃﻠﻌﻨﻪ ﻣﻦ ﻭﻛﺖ .. ﻣﻦ ﺍﻟﻤﻌﻬﺪ .. ﺟﺎﻥ .. ﻋﺪﻧﻪ ﻣﺸﺮﻑ ﻭﻣﺴﻮﻳﻦ ﻣﻌﺮﺽ ..
ﻟﻮ ﻣﻤﺪﺍﻭﻣﻴﻦ ﺍﺣﺴﻦ .. ﻣﺎﻛﻮ ﺩﻭﺍﻡ ..
ﺩﻧﻤﺸﻲ ﻧﻄﻠﻊ ﻟﺸﺎﺭﻍ ﺍﻟﻌﺎﻡ .. ﺷﻔﺖ ﺳﻴﺎﺭﺓ ﺑﻮﺟﻬﻨﻪ ﺗﺸﺒﻬﻪ ﺳﻴﺎﺭﺓ ﻗﺎﺋﺪ .. ﻣﺮﻭﺓ ﻛﺎﻟﺖ ﻭﻟﺞ ﻗﻤﺮ ﻫﺬﺍ ﻗﺎﺋﺪ . ﻓﺎﺕ . ﻣﻦ ﻳﻤﻨﻪ ..
ﻛﻠﺖ ﺍﻟﻬﺎ ﺍﻱ ﻫﻮﺓ ﻫﺬﺍ ﻫﻮﺓ ..
ﻋﺰﺓ ﺍﺷﻠﻮﻥ .. ﻫﺴﺔ ..
ﻛﺎﻟﺖ ﻻ ﺗﺨﺎﻓﻴﻦ .. ﻣﻴﺴﻮﻱ ﺷﻲ ﺍﺣﻨﻪ ﺑﺸﺎﺭﻉ .. ﻭﺑﺎﻋﻲ ﻋﺎﻟﻢ ﻫﻮﺍﻳﻪ ..
ﺍﻣﺸﻲ ﺑﺴﺮﻋﻪ ﻛﺪﺗﻬﺎ .. ﻭﻃﻠﻌﺖ ..
ﻛﺎﻟﺖ ﺷﺒﻴﺞ .. ﻭﺟﻬﺞ ﺍﺻﻔﺮ ﺻﺎﺭ ..
ﺍﻣﺸﻲ ﻣﺮﻭﺓ .. ﻋﻔﻴﻪ ..
ﻓﺎﺕ ﻣﺮﺓ ﺛﺎﻧﻴﻪ ..
ﺧﻔﻒ ﻳﻤﻨﻪ .. ﻛﺎﻝ ﺍﺻﻌﺪﻱ ..
ﺍﻧﻲ ﺍﻣﺸﻲ ..
ﺟﺎﻥ ﻭﺍﺣﺪ ﻭﻳﺎ ..
ﻗﻤﺮ ﺍﺻﻌﺪﻱ ﻻ ﺍﺳﻮﻳﻠﺞ ﻓﻀﻴﺤﻪ ﻫﻨﺎ ..
ﻣﺮﻭﺓ ﺗﺒﺎﻉ ﻋﻠﻴﻪ ..
ﺍﻧﻲ ﻛﺘﻠﻪ ﺭﻭﺡ ﻣﺎﺻﻌﺪ ..
ﺧﻠﻴﺖ ﻣﺮﻭﺓ ﺑﺠﻬﻪ .. ﺍﻟﺸﺎﺭﻉ ﻭﺍﻧﻲ ﺑﺠﻬﻪ ﺍﻟﺜﺎﻧﻴﻪ ..
ﺧﻠﺺ .. ﺍﻟﺸﺎﺭﻉ .. ﺭﺟﻊ ﺍﻓﺘﺮ ﺍﻧﻲ ﺑﺴﺮﻋﻪ ..
ﻋﺒﺮﺕ ﻭﻃﻠﻌﻨﻪ ﻉ ﺍﻟﺸﺎﺭﻉ ..
ﻣﺮﻭﺓ ﻛﺎﻟﺖ ﻭﻟﺞ ﻫﺬﺍ ﺧﺰﺍﻧﻪ ﺷﺒﻲ ..
ﻣﺎﻋﺮﻑ ﻣﺎﻋﺮﻑ .. ﻻ ﺳﺎﻟﻴﻦ ﺷﻲ ..
ﻭﻛﻔﻨﻪ ﻉ ﺍﻟﺸﺎﺭﻉ ..
ﺑﻠﺤﻀﺘﻬﺎ ﻣﺸﻔﺖ ﺗﻜﺴﻲ ﻣﺪﺭﻱ ﻣﻦ ﺍﻟﺨﻮﻑ ﻣﺪﺍﺷﻮﻑ .. ﺷﻲ
ﺍﺟﻪ ﻗﺎﺋﺪ ..
ﻭﻛﻒ ﻛﺒﺎﻟﻨﻪ ﺍﻧﻲ ﺍﺭﺟﻒ .. ﻭﺭﻳﻜﻲ ﻳﺒﺲ ﻣﻦ ﺍﻟﺨﻮﻑ ..
ﻛﺎﻝ ﺍﺻﻌﺪﻱ ﻻ ﺍﻧﺰﻝ ﺍﺻﻌﺪﺝ ﺍﻧﻲ .. ﻭﺟﺎﻥ ﺑﻴﺪﺓ ﺳﻼﺡ
ﻗﺎﺋﺪ ﺭﻭﺡ .. ﺣﺒﺎﺏ ..
ﻣﺮﻭﺓ ﻓﺘﺤﺖ ﺍﻟﺒﺎﺏ ﻭﺻﻌﺪﺕ ..
ﺍﻧﻲ ﺑﻘﻴﺖ .. ﻭﺍﻛﻔﻪ ..
ﻳﻼ ﻭﻟﺞ ﺍﺻﻌﺪﻱ ﻭﻟﺞ ﺍﻧﺸﻬﺮﻧﻪ ﺍﻫﻨﺎ ﻓﻀﻴﻨﻪ ..
ﺻﻌﺪﺕ .. ﺑﺴﻴﺎﺭﺓ .. ﻭﻃﻠﻊ .. ﺍﻧﺪﺍﺭﻳﺖ ..
ﻛﻮﻣﻪ ﺑﻨﺎﺕ ﻭﺍﻛﻔﺎﺕ ﺍﻟﻲ ﺍﻋﺮﻓﻬﻦ ﻭﺍﻟﻲ ﻻ ..
ﻛﻠﺖ ﻟﻤﺮﻭﺓ ﺍﻧﺸﻬﺮﻧﻪ ..
ﻛﺎﻝ ﻗﺎﺋﺪ ﻳﺎﻫﻼ ﺑﻠﻌﺮﻭﺳﻪ ﺷﺮﻓﺘﻲ ..
ﻣﺒﺎﺭﻙ ﻋﻠﻴﺞ ..
ﻋﻄﺖ ﻉ ﻗﺎﺋﺪ .. ﺍﻧﺖ ﺷﺘﺮﻳﺪ ﻛﺎﻓﻲ ﺑﻌﺪ ..
ﺑﺲ .. ﺧﻠﺺ ﻣﺎﺗﺤﻤﻞ ﺑﻌﺪ ﺍﻟﻲ ﺩﺳﻮﻱ ﺑﻴﻪ ﺑﺲ ..
ﺍﻧﻲ ﺑﻈﻬﺮ ﺍﻟﻮﻟﺪ .. ﻭﻣﺮﻭﺓ ﻛﺎﻋﺪﺓ ﺑﻈﻬﺮ ﻗﺎﺋﺪ ..
ﻛﺎﻝ ﻋﻮﻓﻲ ﻭﺍﻋﻮﻓﺞ ..
ﺍﻋﺼﺎﺑﻲ ﺑﺪﺕ ﺗﻨﻬﺎﺭ ﻣﻦ ﺍﻟﻲ ﺩﻳﺼﻴﺮ ..
ﻛﻤﺖ ﺍﺿﺮﺏ ﺑﻲ ..
ﻋﻮﻓﻨﻲ .. ﻗﺎﺋﺪ .. ﻣﺎﺭﻳﺪﻙ .. ﺗﻮﺭﻃﺖ ﺑﻴﻚ ..
ﺧﻠﺼﻨﻲ ﻣﻨﻚ ..
ﻣﺎﻋﺮﻑ ﻭﻳﻦ ﻃﻠﻊ ﺑﻴﻨﻪ .. ﻣﺮﻭﺓ ﻛﺎﻋﺪﺓ ﻭﺳﺎﻛﺘﻪ ..
ﻭﻫﻮﺓ ﺳﺎﻛﺖ ..
ﻭﺩﻳﻨﻪ ﻟﻠﺒﻴﺖ ..
ﺳﺎﻛﺖ ﻭﻻ ﺟﺎﻭﺏ ﺍﻟﻲ ..
ﺑﺪﻳﺖ ﺍﺣﺲ ﺍﻟﻤﻮﻗﻒ ﻣﻮ ﻃﺒﻴﻌﻲ ..
ﻭﻃﻠﻊ ﻣﻦ ﻏﻴﺮ ﻣﻜﺎﻥ ﺍﻟﺮﺟﻌﻪ ﻟﻠﺒﻴﺖ ..
ﻛﻤﺖ ﺍﺑﺠﻲ ﻭﺍﺗﻮﺳﻞ ﺑﻲ ﻳﺮﺟﻌﻨﻪ ..
ﺍﻟﻲ ﺑﺼﻔﻪ ﻛﻠﻪ ﻛﺎﻓﻲ ﻗﺎﺋﺪ ﺭﺟﻌﻬﻢ ..
ﻣﺘﻜﻮﻟﻲ ﺷﺒﻴﻚ ﻟﺤﻴﺖ ﺍﻧﺖ ﺑﻴﻬﺎ ..
ﻛﻠﻪ ﻣﺎﺭﺟﻌﻬﺎ ... ﺧﻠﻴﻬﺎ ﻭﻳﺎﻧﻪ ..
ﺍﺭﻳﺪ ﺍﺷﻮﻓﻬﺎ ﻣﻨﻮ ﻗﺎﺋﺪ ﺍﻟﻴﻮﻡ .. ﺍﻟﻲ ﺳﻮﺗﻪ ﻟﻌﺒﻪ ﻭﺗﻠﻌﺐ ﺑﻲ
ﻣﺮﻭﺓ ﻛﺎﻣﺖ ﺗﺘﻮﺳﻞ ﺑﻲ ﻋﻔﻴﻪ ﻭﻟﺨﺎﻃﺮﻱ ..
ﺭﺟﻌﻨﻪ ﺍﻧﻲ ﺷﻨﻮ ﺫﻧﺒﻲ ﺑﻨﺼﻜﻢ ..
ﻛﺘﻠﻪ ﺍﻧﺖ ﻣﺪﺗﺎﺫﻱ ﺍﺣﺪ ﺑﻬﺎﻱ ﺳﻮﺍﻟﻔﻚ ﺑﺲ ﺍﻧﻲ ..
ﻣﺎﻛﻠﺘﻬﺎ ﻭﺣﺪﻱ ﺑﺲ ﺍﻧﻲ ..
ﺍﻧﺖ .. ﺗﺴﻮﻱ ﻣﺼﺎﻳﺐ ﻭﺗﻮﻛﻊ ﺑﻨﺺ ﺭﺍﺳﻲ ..
ﻋﺒﺮﺕ .. ﻣﻦ ﻳﻢ ﻣﺮﻭﺓ ﻭﺻﺮﺕ ﻭﺭﺍﻩ ..
ﻟﺰﻣﺘﻪ ﻣﻦ ﺟﺘﻔﻪ .. ﻗﺎﺋﺪ ﻋﻮﻓﻨﻲ ﺍﻋﻴﺶ ..
ﻭﺟﻮﺩﻙ ﺑﺤﻴﺎﺗﻲ ﺻﺎﺭ ﺭﻋﺐ ..
ﺟﺮ ﺍﻳﺪﻱ .. ﻛﺎﻝ ﻓﺮﺍﺣﺎﻧﻪ ﺑﻠﺤﻠﻘﻪ ..
ﻳﻮﻟﻮ ﻣﺎﻋﻮﻓﺞ ﻭﺣﻚ ﺍﻟﻠﻪ ..
ﻉ ﻣﻮﺗﻲ ..
ﺍﻧﺰﻋﻲ ﺍﻟﺤﻠﻘﻪ ..
ﺷﻨﻮ ..
ﺍﻧﺰﻋﻲ ﺍﻟﺤﻠﻘﻪ ..
ﻣﺎﻛﺪﺭ ..
ﻟﻴﺶ ﺗﺤﺒﻲ .. ﻭﻣﺬﺑﻴﻬﺎ
ﻣﻮ ﻫﻴﺞ ﺑﺲ ﻣﺎﻧﺰﻋﻬﺎ ..
ﺟﺮ ﺍﻳﺪﻱ ﺣﻴﻞ ﺍﻧﺰﻋﻴﻬﺎ ..
ﺻﺪﻳﻘﻪ ﻳﻜﻮﻟﻪ ﻋﻴﻨﻚ ﻉ ﺍﻟﻄﺮﻳﻖ ..
ﻭﻛﻒ .. ﺍﻟﺴﻴﺎﺭﺓ ..
ﻧﺰﻝ ..
ﺍﻯﻴﺪ ﺍﻓﺘﺢ ﺍﻟﺒﺎﺏ ﻣﺎﻛﺪﺭ .. ﻗﺎﻓﻠﻬﺎ ..
ﺍﻧﺪﺍﺭﻳﺖ ﻉ ﻣﺮﻭﺓ ﻫﺎﻱ ﺍﻟﻲ ﺭﺩﺗﻴﻬﺎ ﻭﺻﻌﺪﺗﻲ ..
ﻛﻤﺖ ﺍﻋﻴﻂ ﻭﻳﻦ ﺭﺍﺡ ﻳﺎﺧﺬﻧﻪ ..
ﻧﺰﻝ ﺻﺪﻳﻘﻪ ..
ﺻﻌﺪ ﻳﺴﻮﻕ ﻭﻫﻮﺓ ﻛﻌﺪ ﺑﺼﺪﺭ ..
ﺻﺮﺕ ﻛﺪﺍﻣﻪ ﻛﻠﻪ ﺍﻃﻠﻊ .. ﻉ ﺍﻟﺨﺎﺭﺟﻲ ..
ﻗﺎﺋﺪ ﺍﺭﻯﻮﺡ ﻓﺪﻭﺓ ﺍﻟﻚ ﻧﺰﻟﻨﺎ ..
ﺟﺮ ﺍﻳﺪﻱ ..
ﺍﺟﺮ ﻭﻫﻮﺓ ﻳﺠﺮﻫﺎ ..
ﻧﺰﻋﻨﻲ ﺍﻟﺤﻠﻘﻪ ﻛﻮﺓ ..
ﺍﺑﺠﻲ ﻭﺍﻋﻴﻂ ﻭﻣﺮﻭﺓ ﻛﺎﻣﺖ ﺗﺒﺠﻲ ..
ﻣﻨﻌﺮﻑ ﺷﻨﺴﻮﻱ ..
ﻓﺘﺢ ﺍﻟﺠﺎﻣﻪ ﻭﺷﻤﺮﻫﺎ ..
ﻛﺎﻝ ﻣﺎﺗﻠﺒﺴﻴﻦ ﺑﺲ ﺍﻟﻲ ﺍﻧﻲ ﺟﺎﻳﺒﻬﺎ ﺍﻟﺞ ..
ﺿﻠﻴﺖ ﺍﻓﺮﻙ ﺑﺎﻳﺪﻱ ﺗﻮﺟﻌﻨﻲ ..
ﻛﺘﻠﺔ ﻧﺰﻝ ﺍﻟﺒﻨﻴﻪ ﻭﺍﺧﺬﻧﻲ ﻣﺎﻟﻬﺎ ﺫﻧﺐ ﻫﻴﻪ ..
ﻭﻻ ﺳﻤﻊ ﺍﻟﻲ ﻭﻻ ﺍﻋﺮﻑ ﺷﻨﻮ ﺍﻟﻲ ﻳﺮﻳﺪ ﻳﺴﻮﻱ ..
ﻟﺤﻀﺎﺕ ﺗﺤﺒﺲ ﺍﻻﻧﻔﺎﺱ ﻭﺍﺷﺒﻬﻪ ﺑﻠﻤﻮﺕ ..
ﺟﺎﻧﺖ ﻋﻠﻴﻪ ..
ﻣﺎﺳﻜﺘﺖ ﻣﻦ ﻋﻴﺎﻁ ﻭﺍﺿﺮﺏ ﺑﻲ ..
ﻣﺎﻓﺎﺩ ﻭﻳﺎ ..
ﻛﺎﻝ ﻫﺬﺍ ﺍﻻﻫﻠﺞ ﺍﻟﻲ ﺭﺍﺩﻭ ..
ﺍﻧﻬﺒﺞ ﻣﻨﻬﻢ .. ﻫﺴﺔ .. ﺧﻠﻲ ﻳﺮﺗﺎﺣﻮﻥ .
ﺻﺪﻳﻘﻪ ﻭﻛﻒ ﻉ ﺍﻟﻴﻤﻨﻪ .. ﻃﺮﻳﻖ ﻣﻔﺘﻮﺡ ..
ﺟﺎﻥ ..
ﺍﻧﺪﺍﺭ ﻋﻠﻴﺔ ﺻﺪﻳﻘﻪ ..
ﻛﻠﻪ ﻗﺎﺋﺪ ﻣﺘﻔﻘﻨﻪ ﻫﻴﺞ ..
ﻛﻠﺖ ﺍﺃﺩﺑﻬﺎ ﻭﺍﻧﺰﻟﻬﺎ .. ﻭﻳﻦ ﺗﺮﻳﺪ ﺗﺎﺧﺬﻫﺎ ..
ﻛﻠﻪ ﺍﻃﻠﻊ .. ﻫﻤﺎﻡ ﻣﺎﻟﻚ ﺩﺧﻞ ﺍﻧﺖ .. ﻻ ﺗﺨﺎﻑ
ﻛﻠﻪ ﻻ ﺗﻮﺭﻃﻨﻲ ﺑﻤﺼﻴﺒﻪ ﻭﻳﺎﻙ ..
ﺍﺩﺭﻱ .. ﺷﺠﻠﺒﺖ ﺑﻴﻬﺎ ..
ﻫﻴﺔ ﻟﻮ ﻣﺎ ﺳﺎﻗﻄﻪ ﻣﺘﻌﻮﻓﻚ ﻭﺗﺮﻭﺡ ﻟﻐﻴﺮﻙ ..
ﺿﺮﺏ ﺻﺪﻳﻘﻪ .. ﺑﻮﻛﺲ .. ﻛﻠﻪ ﻣﺤﺪ ﻳﺤﺠﻲ ﻋﻠﻴﻬﺎ ..
ﺍﺷﺮﻑ ﻣﻨﻚ ﻭﻣﻦ ﻋﺸﻴﺮﺗﻚ ﻫﺎﻱ ..
ﻭﺿﻠﻮ ﻭﺍﺣﺪ ﻳﺘﻌﺎﺭﻙ ﻭﻱ ﺍﻟﺜﺎﻧﻲ ..
ﺍﻧﻲ ﻭﻣﺮﻭﺓ ﺑﻠﺤﻀﺎﺕ ﺟﻨﻮﻥ ﻧﻌﻴﺶ .. ﻭﺫﻫﻮﻝ ﻭﺭﻋﺐ
ﺑﻘﻴﻨﻪ ﺑﺸﺎﺭﻉ ..
ﻧﺰﻟﻮ ﺍﺛﻨﻴﻨﻬﻢ ﻭﺳﺪ ﺍﻟﺒﺎﺏ ﻗﺎﺋﺪ ..
ﻣﺮﻭﺓ ﺗﺒﺎﻉ ﻋﻠﻴﻪ ﻭﺍﻧﻲ ﺍﺑﺎﻉ ﻋﻠﻴﻬﺎ ..
ﺍﺷﻠﻮﻥ .. ﻗﻤﺮ ..
ﻣﺎﻋﺮﻑ ..
ﺷﻨﻮ ﻣﺘﻌﺮﻓﻴﻦ ..
ﻣﺪﺍﺷﻮﻓﻴﻦ ﺣﺎﻟﻨﻪ ..
ﺍﺳﻜﺘﻲ ﻛﻠﻪ ﻣﻦ ﻭﺭﺍﺝ ﻭﺭﻃﺘﻴﻨﻪ ..
ﻣﻌﺒﺎﻟﻲ ﻫﻴﺞ ﻳﺴﻮﻱ ﻭﺍﻟﻠﻪ .. ﻋﺒﺎﻟﻲ ﻳﺤﺠﻲ ﺓﻳﺎﺝ ﻭﻳﻮﺻﻠﻨﻪ ..
ﺿﻠﻮ ﺑﺮﺓ ﻳﺤﺠﻮﻥ ..
ﻛﺎﻟﺖ ﻫﺬﺍ ﻣﻨﻮ ﻭﻳﺎ ..
ﻣﺎﻋﺮﻑ .. ﻣﺮﻭﺓ ﺍﺳﻜﺘﻲ ﻋﻔﻴﻪ ..
ﺻﻌﺪ .. ﻭﺻﻌﺪ ﺍﻟﻮﻟﺪ ﻭﻳﺎ ..
ﺍﻧﺪﺍﺭ ﻗﺎﺋﺪ ﻋﻠﻴﻪ ..
ﻛﺎﻝ ﻗﻤﺮ ﺑﻴﺞ ﺑﺨﺖ .. ﻭﺣﻚ ﺍﻟﻠﻪ ﺍﻟﻲ ﻓﻮﻛﺎﻳﻪ ..
ﻟﻮﻣﺎ ﺻﺎﺣﺒﺘﺞ ﺗﺮﻭﺡ ﺑﺬﻧﺒﺞ ﻣﺎﻫﺪﺝ ..
ﺑﻘﻴﺖ ﺍﺑﺎﻉ ﻋﻠﻴﻪ ..
ﻫﺎﻱ ﺍﻭﻝ ﻫﺪﺓ ﻭﻳﺎﺝ ﻳﻮﻟﻲ ﻻ ﻋﺒﺎﻟﺞ ﺧﻠﺼﺖ ..
ﺍﻥ .. ﻣﺎﺻﺮﺗﻲ ﺍﻟﻲ ﺍﻃﺐ .. ﺑﻨﺺ ﺑﻴﺘﻜﻢ ﻭﺍﺧﺬﺝ ..
ﺍﻧﺖ ﻣﺨﺒﻞ ﻣﻮ ﻃﺒﻴﻌﻲ ﺍﺑﺪ ..
ﻛﻤﺖ ﺍﻛﺮﻫﻚ ﺍﻛﺮﻫﻚ ﺗﻔﺘﻬﻢ ﻟﻮ ﻣﺎﺗﻔﻬﻢ ..
ﺿﺮﺏ .. ﺍﻟﻜﺸﻦ .. ﺍﻛﺜﺮ ﻣﻦ ﻣﺮﺓ .. ﺑﻮﻛﺴﺎﺕ ..
ﻋﺠﻞ ﺍﻧﺎ ﻣﺠﻨﻮﻥ ﻭﺍﻟﻲ ﺣﻚ ﻳﻤﺞ ﺍﺭﻳﺪﺓ ﻭﺭﺍﺡ ﺍﺧﺬﺓ ..
ﻳﺎﺣﻖ ﻗﺎﺋﺪ ..
ﺣﻚ ﺍﻟﺤﺐ .. ﻭﺍﻟﻮﻋﻪ ﺍﻟﻲ ﻋﻴﺸﺘﻴﻨﻲ ﺑﻴﻬﺎ ..
ﻻ ﺍﻧﺎ ﺍﻟﺼﺎﺣﻲ ﻭﻻ ﺍﻧﺎ ﺍﻟﻤﻴﺖ .. ﺩﻣﺮﺗﻴﻨﻲ .. ﺍﻧﺘﻲ ..
ﻣﺎﻛﺪﺭ ﻳﺎ ﺑﻨﺖ .. ﻣﺎﻛﺪﺭ ﺑﻼﻳﺎﺡ . ﻳﻮﻟﻮ ﻧﻮﻡ ﺍﻟﻠﻪ ﺗﺤﺮﻡ ﻋﻠﻴﻪ ..
ﺣﻠﻴﻬﺎ ﻣﻦ ﻳﻤﺞ ..
ﻋﻮﻓﻲ ﻭﺍﻧﺎ ﺍﻋﻮﻓﺞ . ﻭﺍﻟﻠﻪ ﺍﻋﻮﻓﺞ ﺑﺲ .. ﻻ ﺗﻨﺰﻓﻴﻦ ﺍﻟﻪ ﻭﺻﻴﺮﻳﻦ ﺍﻟﻪ ﻣﺮﺓ ..
ﻣﺸﻰ ﺻﺪﻳﻘﻪ .. ﺑﺴﻴﺎﺭﺓ ..
. ﻛﺘﻠﻪ ﺷﻨﻮ ﺑﺲ ﺍﻧﺖ ﺣﺒﻴﺖ .. ﻗﺎﺋﺪ ..
ﺍﻱ ﺑﺲ ﺍﻧﺎ .. ﻭﻳﻔﺮﻙ . ﺑﺮﺍﺳﻪ ﻭﺷﻌﺮﺓ ..
ﻗﻤﺮ ﺗﻌﺒﺎﻥ . ﺗﻌﺒﺎﻥ ﻭﺣﻚ ﺍﻟﻠﻪ ﺗﻌﺒﺎﻥ ﻣﻨﺞ .
ﺍﺩﻣﺮﺕ .. ﺣﻴﺎﺗﻲ ﺍﺩﻣﺮﺕ .. ﻣﺎﺻﻔﻰ ﺑﻴﻬﺎ ﺷﻲ ﻋﺪﻝ ..
ﺳﺒﺒﺞ .. ﻛﻞ ﺷﻲ ﺿﺎﻉ ﻭﺧﺴﺮﺕ .. ﺑﻘﻴﺘﻲ ﺑﺲ ﺍﻧﺘﻲ ..
ﻣﺎﺧﺴﺮﺝ ..
.. ﻣﺎﻋﺮﻑ ﻭﻳﻦ ﺗﺼﻔﻰ ﻭﻳﺎﺝ ..
ﺗﻌﺒﺖ .. ﻣﻴﻦ ﻣﺎﺟﻴﻜﻢ .. ﺻﺪﻭﻧﻲ . ﻛﺘﻠﻪ
ﻛﺘﻠﻪ .. ﻣﺎﺑﻴﺪﻱ ﺷﻲ ﻣﻦ ﺍﻟﻲ ﺻﺎﺭ ﻋﻔﻴﻪ ﺭﺟﻌﻨﻪ ..
ﻻ ﺗﺨﻠﻴﻨﻲ ﺍﻛﺮﻫﻚ .. ﺍﻧﺖ ﺗﺤﺎﺳﺒﻨﻲ ﺍﻟﻲ ﺍﻧﻲ ﺷﻌﻠﻴﻪ ..
ﻛﻮﻟﻲ ﺍﻧﻲ ﺷﻌﻠﻴﻪ ..
ﺍﻧﺘﻲ ﺍﻟﺴﺒﺐ ﻟﻮ ﻭﺍﻛﻔﻪ ﺑﻮﺟﻬﻪ ﺍﻫﻠﺞ .. ﻣﻴﺼﻴﺮ ﻫﻴﺞ .. ﻣﻨﻮﺻﻞ ﻟﻬﻨﺎ .. ﺟﺎﻥ ﺍﻧﺘﻲ ﺍﻟﻴﻪ ..
ﻛﻤﺖ ﺍﺭﺗﺎﺡ ﺍﻟﻮﻟﺪ ﻛﺎﻡ ﻳﺮﺟﻊ ﺑﻴﻨﻪ ..
ﻣﺮﻭﺓ ﺑﻄﻠﺖ ﺑﺠﻲ ..
ﻭﺻﻠﻨﻪ ﻟﻤﻜﺎﻥ ﺑﻲ ﺑﻨﺎﻳﻪ .. ﻋﺎﻟﻴﻪ ﻉ ﺷﺎﺭﻉ ﻋﺎﻡ ..
ﻣﺎﺫﻛﺮ ﻭﻳﻦ ﻭﻻ ﺍﻋﺮﻑ ﺍﻟﻤﻜﺎﻥ ..
ﻛﺎﻝ .. ﺷﻐﻠﻲ ﻭﻱ ﻫﺬﺍ .. ﺧﻄﻴﺒﺞ ﺑﻌﺪ ..
ﻣﺎﻋﻮﻓﺞ ﻟﻮ ﺷﻴﺼﻴﺮ ..
ﺣﺘﻰ ﺑﺎﺫﻳﺘﺞ ..
ﺩﺍﻛﻮﻟﻚ ﺗﺎﺫﻳﻨﻲ ..
ﺳﻜﺖ .. ﻣﺠﺎﻭﺏ ..
ﻛﺎﻝ ﺍﻧﺰﻋﻲ ﺣﺬﺍﺋﺞ ..
ﺷﻨﻮ .. ﻗﺎﺋﺪ ..
ﺍﻧﺰﻋﻲ ﺣﺬﺍﺋﺞ ..
ﺻﺎﺣﺒﻪ ﻛﻠﻪ . ﻛﺎﻓﻲ ﻟﻬﻨﺎ .. ﺍﻧﺖ ﺻﺪﻙ ﺗﺨﺒﻠﺖ ..
ﻓﺘﺢ ﺍﻟﺒﻮﺏ ﻛﺎﻝ ﺍﻧﺰﻟﻮ .. ﺩﺍﻓﺘﺢ ﺍﻟﺒﺎﺏ ﻟﺰﻣﻨﻲ ﺍﻧﺰﻋﻲ ﺣﺬﺍﺋﺞ ..
ﻭﺍﻟﻠﻪ ﺍﺫﺍ ﻣﺎﺗﻨﺰﻋﻲ .. ﻣﺘﺮﺩﻳﻦ ﻻﻫﻠﺞ ..
ﺍﺥ ﺍﻳﺪﻱ .. ﻋﻮﻓﻬﺎ ..
ﻛﻤﺖ ﺍﺑﺠﻲ ..
ﺩﻧﺠﺖ ..
ﻧﺰﻋﺖ ﺍﻟﺤﺬﺍﺀ ..
ﺑﻘﻲ ﺑﺴﻴﺎﺭﺓ ..
ﺍﺑﺎﻉ ﺑﻌﻴﻮﻧﻪ .. ﻟﻴﺶ ﻫﻴﺞ ﺳﻮﻱ ﻭﻳﺎﻳﻪ ..
ﻳﺤﺠﻲ ﻭﻳﺒﺠﻲ .. ﻭﻻﺯﻣﻨﻲ ﻣﻦ ﺍﻳﺪﻱ ..
ﺻﻮﺗﻪ ﺍﺧﺘﻨﻚ ﺑﻠﺒﺠﻲ ..
ﻛﺎﻝ ﺭﻭﺣﻲ .. ﻫﺴﺔ ..
ﻭﺧﺮ ﺍﻳﺪﻙ ﺣﺘﻰ ﺍﻧﺰﻝ ..
ﺿﻞ ﻳﺒﺎﻉ ﻋﻠﻴﻪ ..
ﻭﺧﺮ ﺍﻳﺪﻙ ﻗﺎﺋﺪ ﺧﻠﻲ ﺍﻭﻟﻲ ..
ﻋﺎﻓﻨﻲ ..
ﻛﺘﻠﻪ .. ﺍﺭﺗﺎﺣﻴﺖ ﻫﺴﺔ ﻣﻊ ﺍﻻﺳﻒ ﻋﻠﻴﻚ ..
ﺳﻮﺍﻟﻔﻚ ﻣﻮ ﺳﻮﺍﻟﻒ ﺭﻳﺎﺟﻴﻞ ..
ﻧﺰﻟﺖ ﻣﺮﻭﺓ ﻭﻧﺰﻟﺖ ﻭﺭﺍﻫﺎ ﺣﺎﻓﻴﻪ ..
ﺭﻛﻌﺖ ﺍﻟﺒﺎﺏ ﺣﻴﻞ ..
ﺍﻧﺪﺍﺭﻳﺖ ﻉ ﻣﺮﻭﺓ .. ﻛﺎﻟﺖ .. ﻭﺗﺼﻔﻚ ﺑﺎﺩﻳﻬﺎ ..
ﺍﻟﻠﻪ ﻳﻌﻴﻨﺞ .. ﻫﺬﺍ ﻣﻮ ﻋﺎﻗﻞ ﺍﺑﺪ ..
ﻣﺎﻋﺮﻑ ﺷﺴﻮﻱ .. ﺭﺍﺡ ﻗﺎﺋﺪ . ﺑﺴﻴﺎﺭﺓ ﺑﻘﻴﻨﻪ ﻭﺍﻛﻔﻴﻦ ..
ﺍﺣﺲ ﻃﻠﻌﻨﻪ ﻣﻦ ﺍﻋﺼﺎﺭ ..
ﻋﻴﻮﻧﻪ ﻭﺍﺭﻣﻪ ﻣﻦ ﺍﻟﺒﺠﻲ ..
ﺍﺳﻤﻊ .. ﻭﺍﺣﺪ ﻳﻌﻴﻂ . ﻋﻠﻴﻨﻪ
ﺍﻧﺪﺍﺭ ﺍﺷﻮﻑ ﻋﺴﻜﺮﻳﻦ 3 ﻳﺮﻛﻀﻮﻥ ﻋﻠﻴﻨﻪ
ﻻﺑﺴﻴﻦ ﻋﺴﻜﺮﻱ ﻭﺑﻴﺪﻫﻢ ﺳﻼﺡ ..
ﻓﻮﻙ ﺍﻟﺮﻋﺐ .. ﺭﻋﺐ ..
ﺑﺲ ﻧﺮﺟﻒ ﻣﺜﻞ ﺍﻟﺴﻌﻔﻪ ..
ﺍﻧﻲ ﻭﻣﺮﻭﺓ ..
ﻛﺎﻝ ..
ﺍﻧﺘﻮ ﻣﻨﻮ ﻭﺷﻮﻛﻔﻜﻢ ﻫﻨﺎ ﻭﻣﻨﻮ ﺍﻟﻲ ﻧﺰﻟﻜﻢ ..
ﻭﻫﺎﻱ .. ﻣﻜﺎﻥ ﺍﻣﻨﻲ ... ﻭﻛﺎﻣﺮﺍﺕ ﻣﻤﻨﻮﻉ ﺍﺣﺪ ﻳﻮﻛﻒ ..
ﺍﻧﻲ ﺑﺲ ﺍﺑﺠﻲ ..
ﻭﻣﺮﻭﺓ ﺗﺒﺠﻲ ..
ﺍﻟﻘﺼﻪ ﺣﻘﻴﻘﻪ .. ﻭﺍﺣﺪﺍﺛﻬﺎ ﻭﺍﻗﻌﻴﻪ
#ج١١
ﺍﻧﺪﺍﺭﻳﻨﻪ ﻳﻌﻴﻂ ﻋﻠﻴﻨﻪ .. ﺷﻌﺪﻛﻢ ﻫﻨﺎ ﻭﻣﻨﻮ ﻧﺰﻟﻜﻢ ..
ﻫﺎﻱ ﻣﻜﺎﻥ ﺍﻣﻨﻲ ﻭﺑﻲ ﺍﻣﺮﻳﻜﺎﻥ ..
ﻭﻳﺒﺎﻭﻉ ﻋﻠﻴﻪ ﻣﻦ ﻓﻮﻙ ﻟﻴﺠﻮﺓ ..
ﺍﻧﻲ ﻭﻣﺮﻭﺓ ﻭﺣﺪﺓ ﺗﺒﺎﻉ ﻉ ﺍﻟﺜﺎﻧﻴﻪ ..
ﻭﻧﺮﺟﻒ ﻣﺜﻞ ﺍﻟﺴﻌﻔﺔ ..
ﻛﻠﺖ
ﻫﺎﺍﺍ
ﻣﺮﻭﺓ ﻛﺎﻟﺖ ..
ﺍﻧﻜﻄﻊ ﺣﺬﺍﺋﻬﺎ ﻭﻧﺰﻟﻨﻪ ﻫﻨﺎ ..
ﺿﻞ ﻳﺒﺎﻉ ﻋﻠﻴﻨﻪ ﺍﻟﻮﻟﺪ ﻛﺎﻝ ﺧﻮﻳﻪ .. ﻟﻴﺶ ﺍﺳﻜﺎﻓﻲ ﻫﻨﺎ ..
ﺩﺍﻛﻮﻟﺞ ﻣﻘﺮ ﺍﻣﻨﻲ ..
ﺍﻧﻲ ﻛﻤﺖ ﺍﺑﺠﻲ ﻉ ﺍﻟﻤﻮﻗﻒ ﺍﻟﻲ ﻧﺤﻄﻴﺖ ﺑﻲ ..
ﺍﻧﻬﺎﺭﻳﺖ .. ﺑﺠﻲ ..
ﺍﻟﻠﻪ ﻻ ﻳﻮﻓﻘﻚ ﻗﺎﺋﺪ ﻉ ﻫﺎﻱ ﺍﻟﺪﻛﻪ ..
ﻛﺎﻝ ﺍﻧﺘﻦ ﺧﻮﺍﺗﻲ ﺷﻌﺪﻛﻢ ﺻﻌﺪﻭﻥ ﻭﻱ ﺍﻟﻲ ﻣﻴﺨﺎﻓﻮﻥ ﺍﻟﻠﻪ ..
ﻭﻣﺒﻴﻦ ﻋﻠﻴﺠﻦ ﺑﻨﺎﺕ .. ﻋﻮﺍﺋﻞ ..
ﺻﺎﺭ ﻧﺪﺍﺀ ﺍﻟﻪ ﻣﺎﻋﺮﻑ ﺷﺤﺠﻰ ﻫﻮﺓ ..
ﻭﻳﺎﻫﻢ .. ﻣﺎﻛﻮ ﺗﺮﻛﻴﺰ .. ﺑﺸﻲ ..
ﺍﺫﻛﺮ ﻭﺍﺣﺪ ﺷﺎﻭﺭ ﺍﻟﺜﺎﻧﻲ ..
ﻭﻃﻠﻊ ﻓﻠﻮﺱ ﻣﻦ ﺟﻴﺒﻪ ﻭﺧﻠﻬﺎ ﺑﺎﻳﺪﻱ ..
ﻛﺎﻝ ﺍﺧﺬﻭ ﻫﺬﻭﻝ ﻭﺭﺟﻌﻮ ﻟﺒﻴﻮﺗﻜﻢ ..
ﺑﺎﻭﻋﺖ ﻉ ﺍﻟﻔﻠﻮﺱ ﻭﺳﺪﻳﺖ ﺍﻳﺪﻱ ..
ﺍﻧﻲ ﻣﺎﻋﺮﻑ ﺷﺠﺎﻭﺑﻪ ﺍﻧﻌﻜﺪ ﺍﻟﺴﺎﻧﻲ ﻭﺩﻣﻮﻋﻲ ﺗﺤﺠﻲ ..
ﺿﻠﻴﺖ ﺑﺲ ﺍﺑﺎﻉ ﻋﻠﻴﻪ .. ﻭﺍﺑﺠﻲ ..
ﻛﺎﻝ ﺍﻣﺸﻮ ﻭﻳﺎﻧﻪ ..
ﻭﻋﺒﺮﻧﻪ ﺍﻟﺸﺎﺭﻉ ﻉ ﺍﻟﺠﻬﻪ ﺍﻟﺜﺎﻧﻴﻪ
ﻋﺒﺮﺕ ﺣﺎﻓﻴﻪ ﻭﺍﺑﺎﻉ ﻉ ﺍﻟﻜﺎﻉ ﻻ ﺷﻲ ﻳﺪﺧﻞ ﺑﺮﺟﻠﻲ ..
.. ﻭﺿﻞ ﻭﺍﻛﻒ ﻳﻤﻨﻪ .. ﻳﺒﺎﻭﻉ ﻉ ﺭﺟﻠﻲ ..
ﺩﺭﺕ ﻭﺟﻬﻲ ﻋﺎﻟﺸﺎﺭﻉ ..
ﺍﺑﺎﻉ ﻉ ﺍﻟﻄﺮﻳﻖ ﻭﻳﻦ ﺍﺣﻨﻪ ﻣﺎﻋﺮﻑ ..
ﻭﺍﺣﺪ ﺻﺎﺡ .. ﺳﺘﺎﺭ .. ﻣﻦ ﺍﻟﺠﻬﻪ ﺍﻟﺜﺎﻧﻴﻪ .. ﻭﻋﺒﺮ .. ﺭﻛﺾ
ﺷﺎﻳﻞ ﺑﺎﻳﺪﺓ .. ﻧﻌﺎﻝ .. ﺭﺟﺎﻟﻲ ..
ﻛﺎﻝ ﺧﻮﻳﻪ ﺍﻟﺒﺴﻲ .. ﻫﺬﺍ .. ﻭﻫﺴﺔ ﺍﺷﻮﻑ ﺍﻟﻜﻢ .. ﺗﻜﺴﻲ ..
