.
لكل فتــاه تقرا
انتي جميلــةة واذا كنتي تعتقدين غيـر ذلك
فـ انتـي اجمــل❣ !!
..
🍃🥀🍃🥀🍃🥀🍃
٩_______10
ﺝ 9
# ﺳﻮﺯﺍﻥ ﺍﻟﻤﻨﺪﻻﻭﻱ
ﻃﻠﻜﻬﺎ
ﺍﻱ ﻣﺎﺗﺪﺭﻳﻦ
ﻻ
ﺻﺢ ﻳﻤﻪ ﻣﺎﻗﺒﻞ ﻧﺤﺠﻲ ﺷﻲ .. ﺑﻴﻮﻣﻬﺎ ﺳﻮﺩﺓ ﻋﻠﻴﻪ ..
ﻛﻤﻠﻲ ..
ﻛﺎﻟﺖ .. ﺍﺟﻤﻲ ﺍﻫﻠﻨﺎ ﻭﺍﺟﺘﻲ ﺳﻤﻴﺤﻪ .. ﺷﻮﻳﻪ ﻭﺑﻘﺖ ﺗﻠﻌﻦ ﺑﻴﺞ ﻭﺍﺩﻋﻲ ..
ﻫﻨﻮﺏ ﺑﺰﺭﺓ ﻳﺎﻳﻤﻪ ﻣﺎﻳﺮﺩﻭ .. ﻳﺪﺣﻚ ﻋﻠﻴﻬﻢ .. ﻳﺼﻴﺤﻬﻢ
ﺍﺟﺎﻩ ﺟﺮﺍﺡ ﻛﻠﻪ ﻳﺎﺑﻪ ﺍﻛﺮﻫﻚ ..
ﺗﺨﺒﻞ ..
ﻛﺎﻡ ﺳﺤﻠﻬﺎ .. ﻟﺴﻤﺎﺡ ..
ﻋﻴﺎﻁ ﻭﺟﻤﻲ ﻋﻤﺎﻣﻪ ﺗﻜﺎﻭﻥ ﻭﻳﺎﻫﻢ ..
ﻃﺐ ﻣﺜﻞ ﺍﻻﺳﺪ ﻛﻠﻬﺎ ﺳﻤﺎﺡ
ﺍﻧﺘﻲ ﻃﺎﻟﻚ . ﻃﺎﻟﻚ ﻃﺎﻟﻚ ﻃﺎﻟﻚ ..
ﺭﺩ ﻭﺻﻞ ﻟﻠﺒﺎﺏ ﻭﺭﺟﻊ
ﻃﺎﻟﻚ ﻃﺎﻟﻚ .. ﻛﺎﻟﻬﺎ ﻓﺪ ﻋﺸﺮﻳﻦ ﻣﺮﺓ ..
ﻛﺎﻣﺖ ﺩﻙ ﻭﺗﻠﻄﻢ
ﻟﻤﺖ ﺭﻭﺣﻬﺎ ﻭﺟﻬﺎﻟﻬﺎ ﻭﻃﻠﻌﺖ
ﻃﻠﻌﺖ ﻣﻨﺎ
ﺳﻴﺎﺭﺓ ﺣﺪﺭﺕ ﺑﺎﺑﻨﻪ ﻣﻨﺎ ﺷﺎﻟﻮ
ﺧﺬﻭ ﺍﻧﺎ ﻛﻤﺖ ﺍﺑﻮﺱ ﺍﻳﺎﺩﻱ .. ﺑﺲ ﻛﻮﻥ ﺍﺷﻮﻓﻪ ..
ﻭﺍﻟﻠﻪ ﻳﻤﻪ ﻛﺘﺎﻟﻪ ﻟﻮ ﺟﺎﻳﻨﻲ
ﻭﺭﺍﻳﺪ ﻓﻠﻮﺱ ﺍﺑﻴﻌﻠﻪ ﺭﻭﺣﻲ
ﻳﺎ ﺭﻭﺣﻲ ﻫﺪﻭﻣﻲ .. ﺑﻴﺘﻲ ..
ﻭﻻ ﻳﻮﺟﻌﻨﻲ ﺑﻲ ..
ﻟﻴﺶ ﻳﻤﺎ ﻟﻴﺶ . ﻋﻔﺘﻨﻲ . ﻣﺎﻛﻠﺖ ﻣﻨﻮ ﺍﻟﻲ
ﻣﺎﻛﻠﺖ ﻫﺎﻱ ﻳﻤﺎ .. ( ﻣﻮ ﻳﻤﻪ ﻳﺼﺤﻮﻥ ﻳﻤﺎ )
ﺑﻘﺖ ﺗﺒﺠﻲ .
ﺻﻔﻨﺖ
ﻛﻞ ﺷﻲ ﻭﻳﺎﻙ ﻗﺎﺋﺪ ﻣﺠﻬﻮﻝ ..
ﺣﺘﻰ ﻣﻮﺗﻚ ﻭﺣﺒﻚ ﺍﻟﻲ ..
ﺣﺘﻰ ﺯﻭﺍﺟﻲ ﻣﻨﻚ .
ﺗﻌﺒﺖ ﻣﻦ ﺍﻟﺒﺠﻲ ﻧﻤﺖ ..
ﻣﺎﺣﺴﻴﺖ ﺑﺸﻲ ..
ﻳﻜﻮﻟﻮﻥ ﺍﻳﻬﻢ ﻳﺒﺠﻰ ..
ﺑﺲ ﺍﻧﻲ ﺑﻌﺎﻟﻢ ﺛﺎﻧﻲ ﺟﻨﺖ ﺗﻌﺐ ﻭﻫﻢ ﻭﻗﻬﺮ .. ﺣﺘﻰ ﺣﺰﻥ ﻣﺎﺣﺰﻧﺖ ﻋﻠﻴﻪ .. ﻣﺜﻞ ﺍﻟﻌﺎﻟﻢ ﺣﺮﺕ ﺑﻴﻦ ﺍﻟﻤﺸﺎﻛﻞ ..
ﻓﺮﺣﺘﻲ .. ﺭﺍﺣﺖ ﻭﺻﻔﺖ ﺍﺣﻼﻡ ..
ﻣﺮﺕ ﺍﻻﻳﺎﻡ ﻭﻣﺎﺷﻮﻑ ﺗﻤﺎﺭﺍ
ﺑﺲ ﺑﻨﺎﺗﻪ ﺑﻮﻛﻔﻦ ﺑﻠﺒﺎﺏ ﻳﺒﺎﻋﻦ ﻉ ﺍﻳﻬﻢ .. ﻭﻳﻨﻬﺰﻣﻦ
ﺑﻬﺎﻱ ﺍﻟﻔﺘﺮﺓ .. ﺍﻣﻲ ﻳﻮﻣﻴﻪ ﺗﺠﻲ ..
ﻭﺍﺑﻮﻳﻪ ﻣﺴﻮﻱ ﺍﻟﻌﻤﻠﻴﻪ ﻭﻧﺎﺟﺤﻪ . ﻭﻳﺮﺍﺩ 15 ﻳﻮﻡ ﻳﻼ ﻳﺠﻲ
ﻧﻮﻋﺎ ﻣﺎ ﻫﺪﻭﺀ
ﺑﺲ ﺍﻳﻬﻢ ﻳﺴﻮﻱ ﻋﻠﻴﻨﻪ ﺣﻔﻼﺕ ﻟﻠﻴﻠﻪ
ﻳﺒﺠﻲ .. ﺍﻟﻠﻴﻞ ﻛﻠﻪ ..
ﻭﺍﻟﻨﻬﺎﺭ ﻧﺎﻳﻢ
ﻋﻤﺘﻲ ﻛﻮﺓ ﺷﺎﻳﻠﻪ ﺭﻭﺣﻬﺎ
ﺑﺲ ﺟﺎﻧﺖ ﻭﻳﺎﻱ ﻏﻴﺮ ﺭﺟﻌﺖ ﺍﻡ ﺍﻝ 20
ﺗﺎﺧﺬﺓ ﻭﺗﺒﺪﻟﻪ ﻭﺗﻐﺴﻠﻪ
ﻭﺷﻜﺪ ﺗﺤﺎﺟﻲ . ﻭﺗﺴﻮﻟﻒ ﻭﻳﺎ
ﻫﻨﺎ ﺍﻧﻲ
ﺗﻤﻨﻴﺖ ﺗﺮﺩ ﺍﻻﻳﺎﻡ .. ﺟﺎﻥ ﻋﻔﺘﻪ ﻟﻘﺎﺋﺪ ﺑﺪﻭﻥ ﺣﺐ ..
ﻭﻛﻤﻞ ﺣﻴﺎﺗﻪ ... ﻣﺨﻨﻮﻛﻪ ﻣﺤﺮﻭﻛﻪ
ﺟﺎﻥ ﺍﻟﻲ ﻣﻮﺕ ﻭﺳﻜﺮﺍﺗﺔ ...
ﻭﺟﻨﺖ ﺍﻟﻪ ﺟﻨﺔ ...
ﺩﺍﺋﻤﺎ ﺍﺷﺒﻬﻪ ﺑﻠﻤﻮﺕ .
ﻭﻫﻮ ﺟﺎﻥ ﻳﺸﺒﻬﻨﻲ ﺑﻠﺠﻨﻪ ..
ﻳﻤﻜﻦ ﺍﻧﻲ ﻣﻮﺗﻪ ..
ﻻ ﻣﻮ ﻳﻤﻜﻦ ﺍﻛﻴﺪ
ﻳﻤﻜﻦ ﺳﻤﺎﺡ ﺑﺴﺒﺒﻲ ﻛﺘﻠﺘﻪ
ﺍﻱ ﻟﻴﺶ ﻻ ﻫﻲ ﻭﻻﻳﻪ ﺗﺎﻳﻬﻪ
ﺑﺪﺓ ﻋﻘﻠﻲ ﻳﻔﺼﻞ ﻣﻦ ﺍﻟﺘﻔﻜﻴﺮ
ﻣﻦ ﺍﻟﺤﺠﻴﻪ ﺍﺩﺍﺭﻱ ﺍﻳﻬﻢ .. ﺍﺧﺘﻨﻚ ﻭﺍﻛﻮﻝ ﺷﻠﻮﻥ .. ﻋﺎﻳﺸﻪ ﺑﺪﻭﻥ ﻗﺎﺋﺪ
ﺍﻟﻮﺣﻴﺪﺓ ﺍﻟﻲ ﺗﻜﺴﺮ ﻋﻠﻴﻪ
ﻭﻛﺎﻟﺘﻬﺎ ﺟﻨﺖ ﺧﺎﻳﻔﻪ ﻣﻨﺞ ﺑﺲ ﻋﺮﻓﺖ ﺍﺑﻨﻲ ﻳﺨﻮﻑ ﺍﻛﺜﺮ
ﻻﻥ ﺷﻔﺖ ﺣﺒﻪ ﺍﻟﺞ ﻣﻮ ﻃﺒﻴﻌﻲ ..
ﺧﻔﺖ ﻻ ﺗﺎﺫﻳﻨﻪ ..
ﻟﻮ ﻣﺎﺫﻳﺘﻨﻪ ..
ﻭﻻ ﻣﻴﺖ ..
ﻣﺠﻨﺖ ﺍﺭﺩﻫﺎ ﺑﺸﻲ
ﺛﺎﻧﻲ ﻳﻮﻡ ﺟﺎﺑﻮ ﺫﺑﻴﺤﻪ ﻭﺫﺑﺤﻮﻫﺎ ﻭﻋﺒﺮﻭﻧﻲ ﻣﻨﻬﺎ
ﻭﺍﺫﻛﺮ ﺍﻣﻲ ﺍﺧﺬﺕ ﺍﻳﻬﻢ ﻭﺭﺍﺣﺖ ﻟﻠﺮﻋﺎﻳﻪ ﻭﻟﻘﺤﺘﻪ ..
ﻭﺭﺓ ﻭﻻﺩﺗﻲ ﺑﺄﺳﺒﻮﻉ ﺍﺟﺘﻲ ﻧﺪﻯ ﻭﺧﺎﻟﺘﻲ
ﻭﺑﺸﺎﺭ
ﺗﻔﺎﺟﺄﺕ ﺑﻴﻬﻢ
ﻭﻛﻼﻣﻬﻢ ﻣﺘﻐﻴﺮ ﺳﻼﻡ ﻭﺣﺐ ﻭﻋﻴﻨﻲ ﻭﺍﻏﺎﺗﻲ
ﺍﻡ ﻗﺎﺋﺪ ﺑﻘﺖ ﺗﺴﻮﻟﻒ ﻭﻳﺔ ﺧﺎﻟﺘﻲ ﻭﻧﺪﻯ
ﻛﻌﺪ ﺑﺸﺎﺭ ﻳﻤﻲ ﻗﺮﻳﺐ
ﻗﻤﺮ ﺍﻱ ﺷﻰ ﻣﺤﺘﺎﺟﺔ ﺍﻧﻲ ﻣﻮﺟﻮﺩ ﻣﺠﺎﻥ ﻣﺎﻧﻌﻨﻲ ﻋﻨﺞ ﺑﺲ ﺍﻟﻌﺪﺓ
ﻛﺘﻠﺔ
ﻣﺸﻜﻮﺭ ﻣﻤﻘﺼﺮﻳﻦ ﺑﺸﻲ ﻭﻳﺎﻳﺔ
ﻗﻤﺮ ﺫﻭﻟﺔ ﻣﻬﻤﺎ ﻳﻜﻮﻥ ﻏﺮﺑﺔ
ﺍﻧﻲ ﻣﺮﺍﺿﻲ ﻋﻠﻰ ﻛﻌﺘﺪﺝ ﻭﻳﺎﻫﺎ
ﺍﻧﺘﻲ ﻋﺮﺿﻨﺎ
ﺑﺸﺎﺭ ﻫﺬﺍ ﺑﻴﺘﻲ
ﺍﻱ ﺣﺘﻰ ﻟﻮ ﺑﻴﺘﺞ ﻣﻴﺼﻴﺮ ﻛﺎﻋﺪﺓ ﻭﻳﺔ
ﺍﺛﻨﻴﻦ ﺷﺒﺎﺏ ﻣﺎ ﺍﻋﺮﻑ ﺷﻠﻮﻥ ﺳﺎﻛﺘﻴﻦ ﺍﺧﻮﺗﺞ
ﻭﺍﻟﻠﻪ ﻳﺎﺑﺸﺎﺭ ﺍﺳﺌﻠﻬﻢ ﺍﻟﻬﻢ ﻣﻮ ﺍﻟﻴﻪ
ﻫﻮ ﺍﻟﻲ ﺣﺠﻲ ﻭﻳﺔ ﺍﺧﻮﺝ ﻋﺒﺪ ﺍﻟﻠﻪ
ﻣﺪ ﺍﻳﺪﺓ ﺑﺠﻴﺒﺔ ﻭﻃﻠﻊ ﻓﻠﻮﺱ
ﺑﻬﻞ ﺍﻻﺛﻨﺎﺀ ﺩﺧﻞ ﻫﻤﺎﻡ
ﻛﻠﺔ ﺭﺟﻊ ﺍﻳﺪﻙ ﺍﺧﻮﻳﺔ ﺗﺮﻯ ﺍﻡ ﺍﻳﻬﻢ ﻣﻤﺤﺘﺎﺟﺔ ﻓﻠﻮﺱ
ﺟﺎﻭﺑﺔ ﺑﺸﺎﺭ
ﺍﻋﺮﻑ ﺑﺲ ﻫﺎﻱ ﻫﺪﻳﺔ ﻟﺴﻼﻣﺘﻬﺎ
ﺍﻟﻬﺪﻳﺔ ﺷﻲ ﻭﻟﻔﻠﻮﺱ ﺷﻲ ﻭﺑﻌﺪﻳﻦ ﻭﺍﺻﻠﺔ ﻫﺪﻳﺘﻚ
ﻛﻠﻪ ﺑﻨﺖ ﺧﺎﻟﺘﻲ ﻭﺍﻣﻮﻥ ﻋﻠﻴﻬﺎ
ﻭﺧﻞ ﻓﻠﻮﺱ ﺑﺤﻀﻦ ﺍﻳﻬﻢ
ﻛﺘﻠﻚ ﺷﻴﻠﻬﻦ ﺍﺧﻮﻳﺔ ﻟﺘﻠﺢ
ﺻﺎﺭ ﺷﺒﻪ ﻣﺸﺎﺣﻨﺎﺕ
ﻗﺎﻃﺘﻬﺎ ﺧﺎﻟﺘﻲ ﺍﺣﻨﺎ ﺍﺗﺄﺧﺮﻧﺎ ﻭﻃﺮﻳﻖ ﺑﻌﻴﺪ ﻭﺗﻌﺮﻓﻮﻥ ﺍﻟﻮﺿﻊ ﻭﺣﻈﺮ ﺍﻟﺘﺠﻮﺍﻝ
ﻫﻤﺎﻡ ﻣﺠﺎﻭﺏ ﺑﺸﻲ ﺷﺎﻝ ﺍﻳﻬﻢ ﻭﻃﻠﻊ ﺗﻔﺎﺟﺌﺖ ﻣﻮ ﻃﺒﻌﺔ ﻳﺸﻠﺔ ﺟﺎﻥ ﻳﺨﺎﻑ ﺑﺲ ﻳﺒﺎﻭﻋﺔ ﻣﻦ ﺑﻌﻴﺪ
ﺑﺲ ﺍﻡ ﻗﺎﺋﺪ ﺑﻘﺖ ﺗﺴﻠﻢ ﻭﺗﺪﻋﻲ ﺍﻟﻬﻢ ﻭﻣﺎﻛﻮ ﺩﺍﻋﻲ ﻣﺘﻌﺒﻴﻦ ﻧﻔﺴﻜﻢ ﻭﺍﺣﻨﺎ ﺍﻫﻞ ﺍﻥ ﺷﺎﻟﻠﻪ
ﻛﻼﻣﻨﺎ ﺍﻟﺤﻠﻮ ﺍﻟﻌﺮﺍﻗﻲ
ﻃﻠﻌﻮﺍ ﺑﺲ ﺣﺴﻴﺖ ﺍﻟﻜﻞ ﻣﻤﺮﺗﺎﺣﻴﻦ ﻻ ﻫﻤﺎﻡ ﻭﻻ ﺑﻴﺖ ﺧﺎﻟﺘﻲ
ﺑﺲ ﺍﻡ ﻗﺎﺋﺪ ﻣﺜﻠﻲ ﻣﺜﻞ ﺍﻻﻃﺮﺵ ﺑﺎﻟﺰﻓﺔ ..
ﺍﻟﺤﺠﻴﻪ ﻭﺻﻠﺘﻬﻢ
ﺍﻧﻲ ﻋﻤﻠﻴﺘﻲ ﺑﺪﻳﺖ ﺍﻃﻴﺐ ..
ﻃﺐ ﻫﻤﺎﻡ ﺷﺎﻳﻞ ﺍﻳﻬﻢ ..
ﺧﻼﺓ ﺑﻠﻜﺎﺭﻭﻙ ..
ﻭﺟﺮ ﺍﻟﻔﻠﻮﺱ .. ﻣﻦ ﺍﻟﺠﺮﺑﺎﻳﻪ ..
ﻛﺎﻝ ﺷﻮﻓﻲ ﺍﻡ ﺍﻳﻬﻢ ..
ﻻ ﻫﺬﺍ ﻳﺘﻴﻢ ﻭﻻ ﻣﺤﺘﺎﺝ ﺻﺪﻗﻪ ﻫﻠﺤﺮﻛﺎﺕ ﻣﺎﺣﺒﻬﺎ
ﻣﻮ ﻧﻔﺴﻪ ﻫﺬﺍ ﺟﺎﻥ ﻳﻌﺸﻜﺞ ..
ﺑﻘﻴﺖ ﺳﺎﻛﺘﻪ ﺍﻱ ﻧﻔﺴﻪ ﻣﻮ
ﻛﺘﻠﻪ ﺟﺎﻭﺑﺖ ﻧﻔﺴﻚ
ﺍﻟﻤﻬﻢ ﻣﺎﺭﻳﺪ ﻳﺠﻲ ﻟﻴﻨﻪ ﺑﻌﺪ ..
ﻟﻴﺶ ﺗﺨﻠﻮﻧﻲ ﺍﻃﻠﻊ ﺧﺒﺎﻟﻲ ..
ﻃﺒﺖ ﺍﻟﺤﺠﻴﻪ
ﻧﻄﺮﺩ ﺍﻟﻮﺍﺩﻡ ﻳﻤﺎ ..
ﺍﻱ .. ﻧﻄﺮﺩ ﺟﺎﻱ ﻳﺼﺪﻕ ﻋﻠﻴﻨﺎ ..
ﻭﺍﻟﻠﻪ ﻟﻮ ﺍﻋﺮﻑ ﺃﻛﺴﺮ ﻇﻬﺮﻱ ﻭﻣﺎﺧﻠﻲ ﺍﺣﺪ ﻳﺼﺪﻕ
ﻫﻤﺎﻡ ﻛﺎﻓﻲ ﻣﻮ ﺻﺪﻗﻪ ﻭﺍﺟﺐ
ﻛﺎﻝ ﻫﺎ ﻭﺍﺟﺐ ..
ﻭﺣﺴﺐ ﺍﻟﻔﻠﻮﺱ ﻛﺎﻝ ﻫﺴﺔﺍﻧﺘﻲ ﻋﺎﻳﺰﺓ ﻓﻠﻮﺱ
ﺷﻜﺪ ﺗﺮﺩﻳﻦ .. ﻭﻫﺬﻥ ﺍﺫﺑﻬﻦ ﺑﺰﺑﻞ ﺧﻮﺵ ..
ﺍﻟﺤﺠﻴﻪ ﻏﻤﺰﺕ ﺍﻟﻲ .. ﻋﻮﻓﻲ
ﻛﺘﻠﻬﺎ ﻻ ﺷﻨﻮ ﺍﻟﻔﻠﻢ ﺍﻟﺮﺍﻳﺢ ﻭﺍﻟﺠﺎﻱ ﻳﺮﺯﻝ ﺑﻴﻪ
ﺣﺎﻳﻂ ﻧﺼﻴﺺ ..
ﻛﺎﻝ ﺷﻨﻌﺪﻭ ﻛﺎﻋﺪ ﺣﺪﺭﺝ ﻟﺰﻙ . ﻣﻌﻴﺐ ﻣﺤﺮﻡ ..
ﻭﻳﻴﻦ ﻳﺎﺑﺼﻔﻲ ..
ﻫﻤﺎﻡ ﺍﻋﺼﺎﺏ ﺻﺎﺭ .
ﻫﺎﺍﺍﺍﺍ ﻫﺎﺍﺍﺍﺍ ﺑﻌﻴﻮﻧﻲ ﺷﻔﺘﻪ ﺣﺪﺭﺝﻛﺘﻠﻪ ﺭﺟﺎﺀﺍ ﻣﺎﻟﻚ ﺩﺧﻞ ..
ﺍﻧﻲ ﺻﺢ ﻳﻤﻜﻢ ﺍﺣﺘﺮﺍﻣﺎ ﻟﺮﻭﺡ ﻗﺎﺋﺪ ﻭﻟﻠﺤﺠﻴﻪ
ﺑﺎﺟﺮ ﻋﻜﺒﻪ ﺍﺭﻳﺪ ﺍﻛﻤﻞ ﺣﻴﺎﺗﻲ ﻭﺍﺩﺭﺱ ﻭﺍﻋﻴﺶ
ﻣﺎﻗﺒﻞ ﺍﻱ ﺗﺪﺧﻼﺕ
ﻋﺠﻞ ﻋﺪﻝ ﻛﻼﻣﺞ ..
ﻭﻃﻠﻊ ..
ﻳﻤﻪ .. ﺷﺤﺎﺝ .. ﻭﻳﺎﻩ
ﻻ ﺣﺠﻴﻪ ﺻﺎﻳﺮﺓ ﻣﻜﻔﺨﻪ
ﻻ ﻳﻤﻪ ﻫﺎﻱ ﻏﻴﺮﺓ ﺧﻮﺍﻥ ﻳﺎﺑﻨﺘﻲ ..
ﻭﺍﻧﺎ ﺭﺑﻴﺖ ﻗﺘﻴﺒﻪ ﻭﻫﻤﺎﻡ ﻣﻦ ﺻﻐﺮﻫﻢ
ﻟﻴﺶ .. ﻭﻛﻤﺖ ﺍﻋﺪﻝ .. ﺑﻔﺮﺍﺷﻲ
ﻛﺎﻟﺖ ﺍﺑﻮﻫﻢ ﻫﺎﺟﺮ ﻭﺗﺮﻛﻬﻢ
ﻭﺍﺧﺘﻲ،ﺻﻐﻴﺮﺓ ﺍﺯﻭﺟﺖ ﻭﺟﺎﻧﺖ ﻣﺜﻞ ﺗﻤﺎﺭﺍ ﻣﺎ ﺗﻨﺤﻤﻞ
. ﻓﺪ ﻣﺮﺍﺩﻫﻢ ﻫﺬﺍ ﺯﻟﻤﺘﻬﺎ ﺍﻟﺜﺎﻧﻲ
ﺭﺑﻴﺘﻬﻢ ﻣﻦ ﻛﺪﺭ ﻗﺎﻳﺪ ..
ﺍﺫﺍ ﻗﺘﻴﺒﻪ ﻋﻤﺮﺓ 5 ﺳﻨﻮﺍﺕ ﻫﺎﺫ ﺟﺎﻥ 3 ﺳﻨﻮﺍﺕ
ﻣﺎﺷﻮﻓﻴﻬﻢ ﻳﻜﻠﻮﻥ ﻳﻤﻪ ..
ﺍﻟﻠﻪ ﻳﺴﺘﺮ ﻋﻠﻴﺞ
ﻛﻠﺸﻲ ﻣﺠﻬﻮﻝ ﺑﺤﻴﺎﺗﻲ ﻭﻳﺎﻙ ﺑﻌﺪ ﺷﻌﺮﻑ ﻗﺎﺋﺪ
ﻟﻴﺶ ﺟﺎﻥ ﻳﻀﻢ ﻋﻠﻴﻪ ..
ﻟﻴﺶ .. ؟
ﻟﻴﺶ .. ؟
ﻣﺮﺕ ﺍﻻﻳﺎﻡ ..
ﻭﻳﻮﻡ ﺍﻟﺴﺒﺖ ﺻﺎﺩﻑ ﻋﺎﺷﺮ ﻳﻮﻡ ﻣﻦ ﺍﻟﻌﻤﻠﻴﻪ
ﺑﺲ ﺍﻟﺤﺠﻴﻪ ﻣﻘﺒﻠﺖ ﺍﺭﻭﺡ ﺍﻓﺘﺢ ﺍﻟﺨﻴﻂ ﺑﻠﻪ ﺷﻨﻮ
ﺍﻟﺴﺒﺖ ﻣﻌﻴﻮﺩ ..
ﺑﻬﻼﻳﺎﻡ ﺍﻟﻌﺪﺓ ﺧﻠﺼﺖ ﻭﺍﻟﺴﻨﻪ ﻃﻠﻌﺖ
ﻭﺍﻧﻲ ﺑﺜﻮﺏ ﺍﻟﺤﺰﻥ ..
ﻣﺎﻓﻜﺮﺕ ﺍﻋﻮﻓﻪ
ﺣﺘﺔ ﻣﻼﻣﺤﻲ ﺗﻐﻴﺮﺕ ﻣﻮ ﺍﻧﻲ ﻧﻔﺴﻲ
ﻛﺎﻟﺖ ﺧﻠﻴﻬﺎ ﻉ ﺍﻻﺣﺪ
ﺳﻤﻌﺖ ﻛﻠﻠﻤﻬﺎ . ﻭﺑﻘﻴﺖ
ﻗﺘﻴﺒﻪ ﺍﻟﻮﻟﺪ ﺛﻜﻴﻞ ﺣﻴﻞ ﻣﺎﻳﺘﻜﺮﺏ ﺍﻟﻲ ﺍﺑﺪ
ﻉ ﻛﺪ ﺍﻟﺴﻼﻡ ﻭﻳﻄﺐ ﻳﻼﻋﺐ ﻫﻤﺎﻡ ﻭﻳﻄﻠﻊ
ﻳﻜﻮﻟﻪ ﺷﻮﻛﺖ ﺗﺤﺒﻲ ﻭﺍﺧﺬﻙ ﻭﻳﺎﻱ ﻟﺴﻮﻙ
ﺍﻣﺎ ﻫﻤﺎﻡ
ﺑﻌﺪ ﺳﺎﻟﻔﻪ ﺑﺸﺎﺭ ﺍﺫﺍ ﺍﻃﺐ ﻟﻤﻜﺎﻥ ﻳﻄﻠﻊ
ﺣﺘﻰ ﺍﻻﻛﻞ ﻣﻴﻜﻌﺪ ﻭﻳﺎﻧﻪ
ﻟﻮ ﺑﺮﺑﻌﻪ ﻟﻮ ﻃﺎﻟﻊ
ﺑﺲ ﺑﻘﻰ ﺑﻔﻜﺮﻱ ﻣﻌﻘﻮﻟﻪ ﺳﻤﺎﺡ ﺍﻟﻬﺎ ﺍﻳﺪ ﺑﻜﺘﻠﻪ ﻗﺎﺋﺪ
ﺭﺩﺕ ﺍﺳﺎﻟﻪ
ﺍﻻﺣﺪ ..
ﺍﺧﺬﻧﻲ ﻫﻤﺎﻡ ..
ﻭﺍﺧﺬﺕ ﺑﻨﺖ ﺗﻤﺎﺭﺍ ﺍﻟﺠﺒﻴﺮﺓ ﺑﻠﺒﺘﺪﺍﺋﻴﻪ ﻭﻳﺎﻧﻪ
ﻛﻌﺪﺗﻬﺎ ﺑﺼﺪﺭ
ﻭﻛﻌﺪﺕ ﻟﻴﻮﺭﺓ
ﺿﻞ ﻳﺒﺎﻭﻉ ﻋﻠﻴﻪ ﻭﺭﺍﻓﻊ ﺗﻚ ﺣﺎﺟﺐ ﻣﻌﺠﺒﻪ ﺍﻟﻮﺿﻊ
ﻃﻠﻊ ﺑﻴﻨﺎ ﻧﻔﺲ ﺍﻟﺨﺒﺎﻝ ﻳﻤﺸﻲ ﺳﺮﻳﻊ
ﻭﺻﻠﻨﺎ .. ﺑﻔﻠﻜﻪ
ﺷﻐﻞ ﺍﻏﺎﻧﻲ ﺍﻧﻲ ﺿﺠﺖ .
ﺑﺲ ﻣﺎﺭﻳﺪ ﺍﺳﻤﻊ ﺷﻲ
ﻭﺑﻘﻰ ﻳﻐﻴﺮ ﺑﻴﻬﺎ
ﻭﺻﻞ ﻭﻋﻠﻪ ﺍﻟﻤﺴﺠﻞ ﻛﻠﻪ ..
ﺩﻛﻪ ﺣﺰﻳﻨﻪ ﺗﻌﺼﺮ ﺍﻟﺮﻭﺡ
ﺩﺭﺕ ﻭﺟﻬﻲ ﻟﻠﺸﺒﺎﻙ
ﺑﻘﺖ ﺍﻟﻤﻮﺳﻴﻘﻰ ..
ﻭﺭﺍﻫﺎ ﺍﻧﺘﺒﻬﺘﺖ ﻋﻠﻴﻪ ﻭﺭﺙ ﺟﻜﺎﺭﺓ
ﻭﺑﺪﺕ ﺍﻻﻏﻨﻴﻪ
ﺍﺷﻤﻌﻨﻰ ﺃﻧﺘﻲ ﻭﻳﺎﺝ ﮔﻠﺒﻲ ﻳﺒﺘﺪﻱ
ﺭﺣﻠﺔ ﺟﺪﻳﺪﺓ ﻭﻟﻴﺶ ﺃﻧﺘﻲ ﻭﮔﻠﺒﻲ
ﻳﺪﺭﻱ ﺍﻧﺘﻲ ﺷﮕﺪ ﺑﻌﻴﺪﺓ ﺃﻧﻲ ﺩﻧﻴـﺎ
ﺑﻐﻴﺮ ﺩﻧﻴﺎ ﺑﺄﻳﺪﺓ ﺭﺃﺳـﻤـﻬـﺎ ﺍﻟﻘـﺪﺭ
ﺃﻧﺘﻲ ﻋﺎﻟﻢ ﻏﻴﺮ ﻋﺎﻟﻢ ﻛﻠﻪ ﺍﺣﻼﻡ ﻭﺻـﻮﺭ
ﻣﺴﺘﺤﻴﻞ ﺃﺭﺟﻊ ﺃﻃﺎﻭﻉ ﮔﻠﺒﻲ ﻻﻻ ﻣﺴﺘﺤﻴﻞ
ﺷﻤﺎ ﻳﺼﺤﻴﻠﻲ ﺍﻟﻤﻮﺍﺟﻊ ﻣـﺎ ﺃﺣﻦ ﻭﻻ ﺃﻣﻴﻞ
ﺧﻠﻲ ﻳﺬﻭﺏ ﻳﺼﺮﺥ ﻳﻮﻥ ﺧﻠﻲ ﻳﺬﻭﺏ
ﻻﺑﺪ ﻳﺘﻌﺒﻪ ﺍﻟﺤﺰﻥ ﻻﺑـﺪ ﻳﺘـــﻮﺏ
ﻭﺷـﻤـﻌـﻨــﻰ ﺃﻧـﺘــﻲ
ﻭﻱ ﻛﻠﻤﺎﺗﻬﺎ ﻭﺻﻮﺕ ﺍﻟﻤﻄﺮﺏ ﻧﻔﺴﻪ ﺍﻟﻲ ﻳﺤﺒﻪ ﻗﺎﺋﺪ
ﺍﻧﻌﺼﺮﺕ ﺭﻭﺣﻲ ﻭﺑﺮﺩﺕ ﺣﻴﻞ
ﻭﺟﺴﻤﻲ ﻛﺰﺑﺮ
ﻗﺒﻞ ﻻ ﺍﻛﻮﻝ ﻃﻔﻴﻬﺎ
ﻭﻛﻒ ﻭﺻﻠﻨﺎ
ﺑﺲ ﺍﻧﻲ ﻣﻮ ﺑﻌﺎﻟﻤﻨﺎ ﺭﺣﺖ ﺑﻐﻴﺮ ﻋﺎﻟﻢ
ﻧﺰﻟﺖ ﺍﺭﺟﻒ ﻣﺜﻠﺠﻪ
ﻣﺎﻋﺮﻑ ﺷﻠﻮﻥ ﻃﺒﻴﺖ ﻣﻦ ﺍﻟﻤﻤﺮ ﻭﺻﻌﺪﺕ ﺍﻟﺒﺎﻳﺘﻴﻦ
ﻭﺣﺠﺰﺕ ..
ﻫﻮ ﺟﺎﻥ ﺣﻴﻞ ﻣﻌﺼﺐ ﻣﺎ ﺍﻋﺮﻑ ﻻﻥ ﻣﻠﺒﺴﺖ ﺍﻟﻌﺒﺎﻳﺔ
ﺍﻟﺠﺒﺔ ﺷﻮﻳﺔ ﺿﻴﻘﺔ ﺟﺴﻤﻲ ﺗﻐﻴﺮ ﻭﺭﺓ ﻟﻮﻻﺩﺓ
ﻻﺯﻡ ﺍﺧﺎﺑﺮ ﺍﻧﻬﺎﺭ ﺗﻄﻠﻊ ﺗﺸﺘﺮﻱ ﻛﻢ ﻗﻄﻌﺔ ﺗﺒﻬﺬﻟﺖ ...
ﺑﺲ ﺑﻨﻔﺲ ﺍﻟﻮﻗﺖ ﺣﻴﻞ ﺍﻧﻘﻬﺮﺕ
ﻻﻥ ﺍﺣﺲ ﻧﻔﺴﻲ ﻣﺠﺒﻮﺭﺓ ﺍﺗﺤﻤﻞ ﻫﻮﺍﻱ ﺷﻐﻼﺕ ﻻﻥ ﻣﺎﻋﻨﺪﻱ ﻏﻴﺮ ﺣﻞ
ﺑﻌﺪ ﻣﺎ ﻓﺘﺤﺖ ﺍﻟﺨﻴﻂ
ﺭﺟﻌﻨﺎ ﻭﻫﻢ ﻭﻻ ﻛﻠﻤﺔ ﺍﻟﻄﺮﻳﻖ ﻛﻠﺔ ﺳﺎﻛﺖ
ﺍﻟﻠﺘﻬﻴﺖ ﺑﻠﺒﻴﺖ ..
ﺑﻨﻔﺲ ﺍﻟﻴﻮﻡ ﺍﻏﺴﻞ ﺍﻟﻤﻮﺍﻋﻴﻴﻦ ﻭﻫﻮ ﺷﺎﻳﻞ ﺍﻳﻬﻢ
ﺟﺎﺑﻠﻲ ﺗﻠﻴﻔﻮﻧﻲ ﻳﺪﻙ
ﻫﻤﺎﻡ
ﺗﻔﻀﻠﻲ ﺍﻡ ﺍﻳﻬﻢ
ﺑﺲ ﻃﺮﻳﻘﺘﺔ ﺍﺑﺪﺍ ﻣﻌﺠﺒﺘﻨﻲ
ﺷﻔﺖ ﺍﻟﻤﺘﺼﻞ ﺑﺸﺎﺭ
ﺍﻟﻮﻭ
ﻫﻠﻮ ﻗﻤﻮﺭﺓ ﺷﻠﻮﻧﺞ ﺷﺨﺒﺎﺭﺝ
ﺍﻟﺤﻤﺪ ﺍﻟﻠﻪ ﺍﻧﺘﻮ ﺷﻠﻮﻧﻜﻢ ﺧﺎﻟﺘﻲ
ﻛﻠﻬﻢ ﺯﻳﻨﻴﻦ ﺑﺲ ﺍﻧﻲ ﻻ
ﻟﻴﺶ ﺧﻴﺮ
ﻗﻤﺮ ﺷﻠﻮﻥ ﻛﺎﻋﺪﺓ ﻳﻢ ﻫﺬﻭﻟﺔ ﻣﻤﺮﺗﺎﺡ ﻗﻤﺮ ﺑﺎﻟﺨﺼﻮﺹ ﻟﻬﺬﺍ ﺍﻻﺟﻠﺢ
ﻻ ﻭﺍﻟﻠﻪ ﻣﺎﻛﻮ ﺷﻲ ﺑﺎﻟﻌﻜﺲ
ﻃﺒﻌﺎ ﻫﻤﺎﻡ ﻗﺮﻳﺐ ﻣﺎ ﺍﻛﺪﺭ ﺍﺣﺠﻲ
ﻻ ﻗﻤﺮ ﺍﺭﻳﺪ ﺍﺷﻮﻓﺞ ﻭﺍﺣﺠﻲ ﻭﻳﺎﺝ ﻟﻬﻨﺎ ﻭﻛﺎﻓﻲ ﺗﻌﺮﻓﻴﻦ ﺑﻤﺸﺎﻋﺮﻱ ﻣﻦ ﺯﻣﺎﻥ ﻓﻀﻠﺘﻲ ﻗﺎﺋﺪ ﺍﻟﻠﻪ ﻳﺮﺣﻤﻪ ﻭﺗﺤﻤﻠﺖ ﻭﻫﺴﺔ ﺑﻌﺪ ﻛﺎﻓﻲ
ﺍﻧﻲ ﻣﻤﻔﻜﺮﺓ ﺑﺸﻲ ﻻ ﻫﺴﺔ ﻭﻻﺑﻌﺪﻳﻦ
ﻓﻜﺮﻱ ﻗﻤﺮ ﻛﺎﻋﺪﺓ ﻭﻳﺔ ﺍﺛﻨﻴﻦ ﺷﺒﺎﺏ ﻭﺣﺪﻛﻢ ﺑﺎﻟﺨﺼﻮﺹ ﻫﺬﺍ ﻳﻮﻣﻴﺎ ﻳﺸﺮﺏ
ﻻ ﺍﻟﺤﺠﻴﺔ ﻣﻮﺟﻮﺩﺓ ﻫﻢ ﻭﻣﻨﻮ ﻳﻜﻮﻝ
ﻫﻼﻟﺤﺠﻲ ﻣﺎﻟﺸﺮﺏ
ﻗﻤﺮ ﻛﻼﻡ ﺑﺎﻟﺘﻠﻴﻔﻮﻥ ﻣﻴﺮﻫﻢ ﻻﺯﻡ ﺍﺷﻮﻓﺞ ﻭﻧﺘﻔﺎﻫﻢ ﺍﻋﺮﻑ ﻫﺬﺍ ﺑﻴﺘﺞ ﻣﺎ ﺍﻫﺮﻑ ﻧﺼﺔ ﺍﻟﺞ ﺍﺫﺍ ﺗﺤﺒﻴﻦ ﻧﺤﺠﻲ ﻭﻳﺎﻫﻢ ﺍﻧﻲ ﻭﻋﺒﺪ
ﻧﻘﺴﻤﺔ ﺍﻟﺞ ﻭﺍﺫﺍ ﻋﻠﻰ ﺍﻟﻤﺼﺮﻑ ﻫﻢ ﻣﻮﺟﻮﺩﻳﻦ ﻛﻠﻨﺔ ﻭﻳﺎﺝ
ﺍﻟﻠﻪ ﻛﺮﻳﻢ ﺍﻳﻬﻢ ﺩﻳﺒﺠﻲ ﺍﺭﻭﺡ
ﻗﻤﺮ ﻣﺎﻛﻮ ﺑﻌﺪ ﺻﺒﺮ ﺍﺭﻳﺪ ﺍﺷﻮﻓﺞ
ﻻﺯﻡ ﻧﺘﻔﺎﻫﻢ ﻭﻣﺸﺘﺎﻗﻠﺞ ﻗﻤﺮ
ﺍﻥ ﺷﺎﻟﻠﻪ ﻭﺳﺪﻳﺖ ﺍﻟﺘﻠﻴﻔﻮﻥ
ﺣﺴﻴﺖ ﻫﻤﺎﻡ ﺍﻓﺘﻬﻢ ﻛﻠﺸﻲ
ﺭﺣﺖ ﻳﻢ ﺍﻡ ﻗﺎﺋﺪ ﻛﻌﺪﺕ ﻭﻣﺘﺤﺮﻛﺖ ﻣﻦ ﻣﻜﺎﻥ ﺑﺲ ﻫﻮ ﻳﻄﺐ ﻭﻳﻄﻠﻊ ﻋﺼﺒﻲ
ﻃﻠﻊ ﻭﺭﺟﻊ ﺑﻠﻴﻞ ﻭﺻﺪﻙ ﺍﻭﻝ ﻣﺮﺓ ﺣﺴﻴﺖ ﺷﺎﺭﺏ
ﺍﻟﻤﻬﻢ ﺍﻧﻲ ﻣﻌﻠﻴﺎ ﺑﻴﻬﻢ ﻣﻄﺎﻟﻊ ﻣﻨﻬﻢ ﺍﻟﻌﻴﻠﺔ
ﻭﻣﻤﻘﺼﺮﻳﻦ ﻭﻳﺎﻳﺔ ﻟﻮ ﻭﻳﺔ ﺍﺑﻨﻲ ﺑﺸﻲ
ﺍﻡ ﻗﺎﺋﺪ ﻧﺎﻣﺖ ﻭﺍﻳﻬﻢ ﺑﺼﻔﻬﺎ
ﺻﻌﺪﺕ ﺍﺭﺗﺐ ﻣﻼﺑﺴﻲ ﻭﻣﻼﺑﺲ ﺍﻳﻬﻢ ﻭﺍﺷﻮﻑ ﺷﻨﻮ ﺍﺣﺘﺎﺝ ﺍﻭﺻﻲ ﺍﻧﻬﺎﺭ
ﺧﺎﺑﺮﺗﻬﺎ ﻣﻦ ﻓﻮﻙ ﻭﺍﺣﺠﻲ ﻭﺍﻓﻬﻤﺔ
ﻣﺎ ﺍﺷﻮﻑ ﻏﻴﺮ ﺩﺧﻞ ﻫﻤﺎﻡ ﻋﻴﻮﻧﺔ ﺗﺠﺪﺡ
ﻛﺘﻠﺔ ﻳﻠﺔ ﻣﻊ ﺍﻟﺴﻼﻣﺔ ﺑﺎﺟﺮ ﺍﺩﻛﺞ
ﺷﺪﺳﻮﻳﻦ ﻫﻨﺎ ﻛﺎﻡ ﻳﺼﻴﺢ
ﺍﺑﻨﺞ ﻣﻴﺖ ﺑﺠﻲ ﺟﻮﺓ ﻭﺍﻧﺘﻲ ﺗﻘﺼﺼﻴﻦ ﻫﻨﺎ
ﺟﺮ ﺗﻠﻴﻔﻮﻧﻲ ﻭﻃﺸﺮﺓ ﺑﺎﻟﻜﺎﻉ
ﻛﺎﻓﻲ ﻳﺮﺣﻢ ﺍﻫﻠﺞ
ﺣﺴﻲ ﺑﻌﺪ ﻭﻝ ﻳﺎﺑﺔ ﻣﻮ ﻃﻜﻴﺖ
ﺷﻜﻮ ﻫﻤﺎﻡ ﺷﺒﻴﻚ ﺷﺤﺲ
ﻣﻮ ﻣﻦ ﺣﻘﻚ ﻫﻴﺞ ﺗﺼﺮﻑ ﻭﻳﺎﻳﻪ ..
ﻣﺎﺳﻤﺤﻠﻚ . . ﻻ ﺍﻧﺖ ﻭﻻ ﻋﺸﺮﺓ ﻣﺜﻠﻚ ..
ﻧﺼﻪ ﺻﻮﺗﻪ ﻭﻭﻛﻒ .. ﺑﺮﻛﻦ ﺍﻟﺒﺎﺏ ..
ﺍﺑﻨﺞ ﺟﻮﺓ ﻳﺒﺠﻲ ﺍﻧﺰﻟﻲ ﻣﻦ ﻭﺟﻬﻲ
ﻧﺰﻟﺖ ﺍﺭﻛﺾ ﻭﺍﺑﺠﻲ ﻣﺎﺍﺷﻮﻑ ﻛﺪﺍﻣﻲ
ﻟﻜﻴﺘﺔ ﺣﺒﻴﺒﻲ ﻳﺒﺠﻲ ﻭﺍﻡ ﻗﺎﺋﺪ ﻣﺤﺘﺎﺭﺓ ﺑﻲ
ﻭﻣﻴﺴﻜﺖ ﺧﺒﻠﻨﻲ
ﺑﻘﻴﺖ ﺍﻫﺰﺯ ﻭﺍﺑﺠﻲ ﻛﺎﻟﺖ
ﻳﻤﺔ ﺗﺮﻯ ﻣﺎﻝ ﻟﻘﺎﺡ ﻟﺘﺨﺎﻓﻴﻦ
ﺍﻧﻲ ﺍﺑﺠﻲ ﻋﻠﻰ ﺗﺼﺮﻑ ﻫﻤﺎﻡ ﺍﻭﻝ ﻣﺮﺓ ﻫﻴﺞ ﺍﺷﻮﻓﺔ ﺻﺪﻙ ﻫﺬﺍ ﻳﺴﻜﺮ ﻛﻼﻡ ﺑﺸﺎﺭ ﺻﺢ ﻻﺯﻡ ﺍﺷﻮﻑ ﺟﺎﺭﺓ ﻟﺮﻭﺣﻲ
ﺍﻟﻠﻪ ﻻﻳﻮﻓﻘﺞ ﻧﺪﻯ ﻭﻳﻦ ﺍﺭﻭﺡ ﺍﻧﻲ ﺍﺑﻨﻲ
ﻧﺎﻡ ﺍﺭﺗﺎﺡ ﻭﺭﺿﻊ ﻭﻛﻌﺪﺕ ﻳﻤﺔ ﺍﺑﺠﻲ
ﻭﺍﻡ ﻗﺎﺋﺪ ﺗﻬﺪﻧﻲ ﺍﺣﺒﻬﺎ ﻛﻠﺒﻬﺎ ﺍﺑﻴﺾ
ﻳﻤﺔ ﺍﻟﻄﻔﻞ ﻳﺘﻤﺮﺽ ﺍﻧﺘﻲ ﻻﺯﻡ ﺗﺼﻴﺮﻳﻦ ﺳﺒﺎﻋﻴﺔ
ﻣﻮ ﻫﻮ ﻳﺒﺠﻲ ﻭﺍﻧﺘﻲ ﺗﺒﺠﻴﻦ ﻣﻴﺼﻴﺮ ﺍﻧﻲ ﻣﺪﺍﻳﻤﺘﻠﺞ ﻳﻤﺔ ﻭﺍﻫﻠﺞ ﻫﻢ ﻛﻠﻤﻦ ﺑﻬﻤﺔ ﻻﻫﻲ
ﻛﻮﻣﻲ ﻏﺴﻠﻲ ﻭﺟﻬﺞ ﻭﺗﻌﺎﻟﻲ ﺍﺭﻳﺪﺝ ﺑﺠﻠﻤﺔ
ﻛﻤﺖ ﻏﺴﻠﺖ ﻭﺭﺟﻌﺖ ﻳﻤﻬﺎ
ﻛﺎﻟﺖ ﺗﻌﺎﻟﻲ ﺑﺴﺪﻱ ﻭﺍﺳﻤﻴﻌﻨﻲ ﻟﻼﺧﻴﺮ
ﺻﺢ ﺍﻧﻲ ﻣﺎﻋﻨﺪﻱ ﻭﻟﺪ ﺑﺲ ﻗﺎﻳﺪ
ﺑﺲ ﻣﺜﻞ ﻣﺎ ﻛﺘﻠﺞ
ﻗﺘﻴﻠﺔ ﻭﻫﻤﺎﻡ ﻭﻟﺪﻱ
ﻣﻦ ﺻﻔﻮﺍ ﻣﺎﻟﻬﻢ ﺍﺣﺪ ﺑﺲ ﺍﻣﻲ ﺍﻟﻠﻪ
ﻭﺍﻟﻠﻪ ﻛﻤﺖ ﻭ ﺣﺠﻴﺖ ﻭﻳﺔ ﺍﺑﻮ ﻗﺎﻳﺪ ﻛﻠﺖ ﺍﺧﻮﺍﻥ ﻟﻘﺎﻳﺪ ﻭﻳﺘﺎﻣﻰ ﺍﺣﺴﺒﻬﻢ ﻭﺑﺎﺟﺮ ﻋﻜﺒﺔ ﻳﻔﻴﺪﻭﻧﺎ
ﻛﻠﻲ
ﺭﻭﺣﻲ ﺟﻴﺒﻬﻢ ﺑﻼ ﻣﺘﻜﻮﻟﻴﻦ ﻋﺠﻞ ﺍﻧﻲ ﻣﺎ ﺍﺭﺿﻰ ﺍﻟﺒﻴﺖ ﻭﺍﺳﻊ ﻭﺍﻟﺨﻴﺮ ﺟﺜﻴﺮ
ﻗﺘﻴﺒﺔ ﺟﺎﻥ ﺣﻠﻮ ﻋﻤﺮﺓ 5 ﺳﻨﻴﻦ
ﻭﻫﻤﺎﻡ ﺳﻨﺘﻴﻦ ﻭﻧﺺ ﺍﺟﺎ ﻭﻣﻤﻴﺘﺔ ﺑﻴﺪﺓ ﺳﻮﺩﺓ ﻋﻠﻴﺎ ﻭﺻﺨﻴﻦ ﻣﺤﺪ ﺑﺤﺎﻟﻬﻢ ﺍﻣﻲ ﻣﺎ ﺗﻜﺪﺭ ﺟﺎﻧﺖ ﺗﻘﻮﻡ ﺑﻴﻬﻢ
ﺭﺑﻴﺘﻬﻢ ﻳﻤﻲ ﻭﻋﻠﻤﺘﻬﻢ ﻳﺼﻴﺮﻭﻥ ﺳﺒﺎﻉ ﻻﻥ ﺍﻟﺪﻧﻴﺎﻧﺎ ﺻﻌﺒﺔ ﻭﻫﻤﺔ ﻭﺣﻴﺪﻳﻦ ﻇﻠﻮﺍ
ﻭﺻﺪﻙ ﺍﺷﺘﻐﻠﻮﺍ ﺑﺄﻻﻭﻝ ﻭﻳﺔ ﺍﺑﻮ ﻗﺎﻳﺪ ﻭﺭﺍﻫﺎ ﻛﻮﻧﻮﺍ ﻧﻔﺴﻬﻢ ﻳﺬﺑﻮﻥ ﺭﻭﺣﻬﻢ ﺑﺄﺧﻄﺮ ﺍﻟﺸﻐﻼﺕ ﻭﻳﻄﻠﻌﻮﻥ ﺍﻟﻠﻜﻤﺔ ﻣﻦ ﺣﻠﻚ ﺍﻟﺴﺒﻊ
ﻣﺮﺍﺕ ﻳﺎﻳﻤﺔ ﻣﻦ ﻳﺴﻮﻟﻔﻮﻥ ﻋﺒﺎﻟﻚ ﺍﺳﻤﻊ ﺣﺲ ﻗﺎﻳﺪ ﻭﻳﺎﻫﻢ
ﺑﻴﻬﻢ ﺭﻳﺤﺘﻪ ﻭﺑﻴﻬﻢ ﺣﻨﻴﺘﺔ ﻋﻠﻴﺎ ﻭﺣﺘﻰ ﻋﺼﻴﺒﺘﺔ ﻭﺧﺒﺎﻻﺗﺔ ﺑﻬﻤﺎﻡ
ﻛﺘﻠﻬﺎ
ﺍﻱ ﻳﻤﺔ ﻭﺍﻟﻠﻪ ﺣﺒﺎﺑﻴﻦ ﺭﺑﻲ ﻳﺤﻔﻈﻬﻢ ﻭﻳﻌﻮﺿﻬﻢ ﻛﻞ ﺧﻴﺮ ﻋﻠﻰ ﺍﻟﺸﺎﻓﻮﺍ ﺑﺼﻐﺮﻫﻢ
ﺑﻨﺘﻲ ﺍﻧﻲ ﺍﺭﻳﺪ ﻣﻨﺞ ﺷﻲ ﺍﺫﺍ ﺗﻌﺰﻳﻨﻲ ﻭﺍﺫﺍ ﻗﺎﻳﺪ ﺍﻟﺔ ﻣﻌﺰﺓ ﺑﻜﻠﺒﺞ
ﻭﻟﺨﺎﻃﺮ ﺍﻳﻬﻢ ﺍﻧﻲ ﻳﻤﺔ ﺗﻌﺒﺎﻧﺔ ﺍﺭﻳﺪ ﺍﺣﻂ ﺭﺍﺳﻲ ﻭﺍﻧﺎﻡ ﻣﺮﺗﺎﺣﺔ
ﺍﺧﺎﻑ ﻫﻲ ﻧﻮﻣﺔ ﻭﻫﻲ ﻣﻮﺗﺔ
ﻋﻤﺮﺝ ﻃﻮﻳﻞ ﻳﻤﺔ ﺍﻥ ﺷﺎﻟﻠﻪ ﺗﺰﻭﺟﻲ ﻻﻳﻬﻢ
ﻣﺎﻇﻞ ﺑﺎﻟﻌﻤﺮ ﺑﺎﻗﻲ ﺍﺳﻤﻌﻲ ﻣﻨﻲ
ﻛﻮﻟﻲ ﻳﻤﺔ ﺷﻨﻮ ﻳﺮﻳﺤﻴﺞ
ﻳﻤﺔ ﺍﺭﻳﺪﺝ ﺗﺄﺧﺬﻳﻦ ﻗﺘﻴﺒﺔ
