ستندم

اقتباس اولي

"اقولك الحقيقة انا مبحبكيش ومظنش اني هحبك في المستقبل...صدقيني يا يسرا حاولت ...حاولت أحبك...حاولت اجمل صورتك في عينيا بس مقدرتش ...انا لما خطبتك كان قلبي فاضي ففكرت انك اولي خصوصا انك اتاخرتي في الجواز وانك بنت عمي  .."صمت قليلا وهو يطالع وجهها الشاحب الباكي  ليكمل مغمضا عينيه"بس حاليا انا حبيت واحدة تاني معرفش ازاي فجأة لقيت نفسي مش متخيل حياتي من غيرها ..وانا مقدرش اخسرها...مقدرش اعيش من غيرها "...."يعني انت خنتني...خنتني بمشاعرك وانا اللي عملت كل حاجة عشان بس تحبني "  هتفت ببكاء ليرد هو بصوت جامد "ومكانش كفاية يا يسرا ..مكانش كفاية
...كام مرة نبهتك انك تخسي شوية ...كام مرة كلمتلك علي الحبوب اللي مالية وشك ...كام مرة قولتلك تهندمي نفسك ...لكن لا دايما لبسك مبهدل...بتتخني كل يوم اكتر من التاني ..."اغمض عينيه عندما شعر انه جرحها كثيرا ثم بهدوء خلع دبلتة وقال "مفيش داعي نفتح في القديم يا يسرا ...خلينا ننهي الموضوع واحنا علي البر واتمني ليكي تلاقي الإنسان اللي يقدرك " ثم نهض وذهب بسرعة ...هكذا ببساطة تاركا إياها مصدومة ...محطمة
القلب
#ستندم