روايه 《استمدت القوه من الحب❤ 》
《حقيقه ممزوجه من الخيال》
منى:مقعمزه تشوف في صوره أنس❤
سها(أخت منى):نوضي بنشوا لحوش خالتي حنان
منى:سكرت التلفون...باهي خالعتيني😨
سها:اممم...وطلعت
منى:امتي بتروح يا أنس بس
تعالوا حنجيلكم علي الشخصيات😉:
مني مواليد 99 طويله مشدقه😀نفشها علي البني
شعرها متوسط شخصيتها هاديه وتتحشم هلبا وديما ساكته عندها أخت أكبر منها في الطب أسمها سها
منى تحب في شخص إسمه أنس: نحكيلكم عليه بعدين 😁
منى:مشينا لحوش خويله يالي تكون مرت خال انس💜
وصلوا خالاتي كلهم طبعا قلبنا الحوش من هدرزه النسوان والبنات ودوشت الصغار زي أي حوش
ليبي لما يجتمعوا الخالات 😂
حنان (خالتي):عرس محمد ولدي شهر 10
كلهم :مشاءالله
منى:في داخلها (الحمد لله بنشوف انس😍❤)
نهال :باهي حصلنا عرس😄😄
طبعا هادئ نهال بنت خالتي نسرين نصبوا بعض هلبا
زي الصديقات او يعني أكتر💜هي مواليد99زي مني طويله رقيقه شعرها قصير زي الكوريات😄نقشها رقيق علي اسود شخصيتها عكس منى تماما تحب الضحك والدوشه والهدرزه
في حوش تاني بعيد في طرابلس يا لي هوا حوش انس❤
ابتهال:خشت الدار..أنس رواد ونوضوا الساعه3العصر بادن تنوضوا.
انس:ناض خش الحمام
رواد:وووه منك الناس بشويه ينوضوا
ابتهال:شن مزال فيها بشويه واني من الساعه 12 نوض فيكم باشويه...وأنت مع من ساهر أمس مع شهد ولا رغد😂
انس مواليد 98طويل اشقر شعره كبير عيونه زرق وكبار وليحتا شقرا وخفيفه بصفه عامه حلوا ويهبل وجنتل❤شخصيته هادئ وغامض وديما في حاله وميكلمش أي شخص وجدي شويه ورافع حشمه يحب في وحده اسمها رواسي.طول الوقت يكلم فيها
أما رواد حلو وطرف مواليد99 سمين شويه بس محليه السمن شعره كبير أكبر من شعر انس نقشه علي البني شخصيته حلوه جو ضحك وتافه وجو بنات
اختهم ابتهال أكبر منهم مواليد97 تشبه انس هل لا في شكلها بس شخصيتها لا عاديه مع الناس وتضحك وحلوه💜
ريمه(امهم):نوض خوتك كلهم ناضو شوف تلفونك مابطلش زن الرسائل
ابتهال:هي جايه..والله يافرخ كان ماتنوضش مافيش فطور وأنت بتغسل الماعين
رواد:ناض بسرعه لالا إلا غسل الماعين
أنس :يمشط فى شعره وعيونه علي التلفون ودار اللمسات الأخيرة❤وبخ برفان وطلع
ابتهال:تحط في الفطور على الطاوله
انس:قعمز على الطاوله ويشبح في التلفون
رواد:سلمها وخيتي توتي في فطوري😍
ابتهال:عرس محمد ولد خالي شهر 10
رواد:حقا..زعما في طروف هل لا
انس:ولا كلمه ويكلم في رواسي
ابتهال:هدا هامك انت بس😂😂
تسريع في الاحدات...بعد مرور شهر وكلهم يجهزوا للعرس💖
نحكيلكم شن صار في الشهر هادا..مني أكتر وحده فرحانه كل يوم في السوق تشري في الدبش😄..أما انس بالعكس مخاطراش ابدا في العرس 😧
في العرس يوم الأحد:
انس:واقف قدام الحوش هو ورواد وامير ولد خاله
منى:لابسه سروال أخضر واسع مع بلوزه بيضه وشاح أخضر وسبيدروا ابيض عالي..ونزلت من السيار
أنت تقرأ
❤اكتسبت القوه من الحب❤
أدب المراهقينقصت بنت شخصيتها ضعيفه بس من كلمتين من الشخص لتحبه وتموت فيه تغيرت حياتها💔
