لهيب ازل

بارت 21

الكاتبه يميم

كل منا يمتلك تلك القصة التي كسرت قلبه يومآ ...
ومازال يكمل ماتبقى منها بسيقان ترتجف ..!!
.......
ازل:يوم نروح سفره كوه قنعت ايهم يجي وياي ماردت اروج وحدي وردته هم يتونس وياي جهزت كلشي للسفره وطلعنه صبح للبستان جنت فرحان وعندي شعور غريب بداخلي ماعرفه شنو

وصلنه للبستان شفت مهيمن ومحمد وزوجته واخته ووسام ومهند واخته بس ياسمين بعدهي مااجت فرشنه وحطينه اغراضنا جانو ولد جايبين طوبه حتى يلعبون بيها

احله شي انو ايهم بسرعه اندمج وياهم وراحو يحضرون حطب حتى نشوي وقت غده

اني وبنات كعدنا نباوع عليهم وتعرفت على زوجة محمد انسانه لطيفه اسمها نسمه واخته شمس جانت خجوله حتى ماتحجي بس ساكته عفناها براحتها

اخت مهند مريم نفسه بضبط ههههههه خبالات وسوالفها حلوه وتنحب بسرعه

بقينه نسولف حد مااجت ياسمين هي وجبل كل اجه سلام عليه واخذو وياهم وكعدت ياسمين تحجيلي صار امس كلش فرحت الهم هي تحبه وهو هم بس صار بل ماضي جان حاجز بينهم واخيرا راح هذا حاجز

كمنه نطك صور ونصورهم كل فرحان مشيت عنهم اصور شكم صوره سمعت صوت ايي اعرفه زين مستحيل انساه
درت وجهي انصدمت شفته بعد كل هاي مده

......
لهيب:كلام ديار بقى براسي مااكدر انساه ندم دمرني جنت ندمان بس على موضوع ازل وشلون خسرتها بنزوه مني هسه طلعت ديار شلون اكدر اتحمل اني سبب دمار حياه شخصين دمرت علاقتين

شكد مااحاول انسه بس مع اسف مااكدر رحت امي جان اللازم احجي وياها

يمه يمه

ام لهيب:هنا تعال

لهيب:شلون كدرتي سوين هيج شلون كدرتي شوفين ديار جاي تتعذب هيج بسببي اني كوه متحمل موضوع ازل وندم جاي ياكل بيه وهسه ديار هم شلون كدرتي تحددين مصيرها من دون ماترجعين الي او ابويه

ام لهيب:شتريد اسوي جنت تموت كدامي بل مستشفى شتريد اخليها تكمل وياه اخو ازل لي هي سبب دخولك للمستشفى وردت افقدك اني اعرف بمصلحة بنتي وهذا احسن الها

لهيب:من شوكت طلع هذا حقد وكره تجاه ازل واهلها

ام لهيب:اني ماعندي شي وياها وتعرف جنت احبها واعتبرها مثل ديار بنتي وماجنت افرق بينهن ابد بس هي اختارت حياتها بعيد عن هذا بيت وبسببها ردت تنجلط مااكدر اخلي بنتي تزوج اخوها وانت كل يوم شوف ازل كدامك شراح يصير بيك

لهيب:طززز بيه اني دمرت حياتي بيدي ازل مالها دخل واي وحده بمكانها جانت سوت نفس شي اني خنتها وغدرتها وفضلت مره ثانيه عليها اني بعتها وكسرتها اني دمرت احلامها هي مالها دخل تدرين انتي سويتي دمرتي ديار سنه كامله بنتج جاي تتعذب وتكليلي ادري بمصلحتها وين مصلحه بلي سويتي كليلي وييين ماجاي اشوف اي مصلحه بس جاي اشوفه كسره اختي وحزن لي بعيونها مادري شكلج بس من يوم ورايح اي شي يخص ديار اني مسوؤل عنه مو احد غيري مفهووم