شهله كعدت اوكل كيوني حبيبي وميثه تحجي وياي مبين عرفت شون العبه. كملت ريوك. وديت الصينيه اغسله. شفت العمام دخلو يم ميثه ويسولفون
الشيخ حسين:اي شهلاء ماكلتي يعني قصدج انتي مرت صكبان شرع وقانون
هاي من شوكت تقربلج
حسن:لازم ترجعيله انتي الوحيده التوكفين جريان الدم
شهلاء:باوعتلهم صفح هه عمو دكول غيره اني ارجع لصكبان هههههاي على كص ركبتي. كونن نسيت السوه بيه. مستحيل ارجعه ماما ميثه احجيلج كلمه يهون عليج ذبيني بنار مره ثانيه. واسوي روحي احجي بمسكنه
حسن:غصب ماعليج ترجعين. وللعلم انا اتصلت بشيخهم وردو خبر لصكبان ماظن راح يطول على جيته
شهله: باوعت بصدمه. واني بكلبي عكس هشي والله كنت منتظرتك. على احر من الجمر صكبان.
الشيخ حسين. :ماله كلمه بعد كلمتنه وهذا ابنه. اله حك بي
ميثه:وهيه دك بعصته. شهله ماله طلعه من هذا البيت يا حسين. خله يكون بعلمك. ان ماحركت كلب نوعه. هينه وهنه يعرفون مربين. حفيدهم عدنه. شهله معززه مكرمه تبقه بيت ابوها والي عنده اعتراظ خله يكلي
الشيخ حسين: شنو شيخه ليكون صدكتي بدموعهمو جنه البارحه تعد وصف وتهديد و هسه حبيتيه
ميثه:سد على السالفه حسين كونن بالي حسبه. بس خله صير
شهله:كنت متوقعه هشكل راح يصير باوعت لحسين وابتسامه جانبيه على وجهي. وره شوي صاح واحد من الجهال اجه الاسد ويا عمامه واني اغنيه بكلبي جيت وجابك حبيبي من بعد طول المغيبي من بعد طول المغيبي وابتسم.
سمر:ارتاحيتي هسه جاي وناوي نيه كشره هسه يجتل زلامنه والسبب انتي.
شهله:باوعتله وابتسامتي مخفيته امم مداسمعج ابد ممركزه وياج مركزه بلحب اني. انتي خليج مركزه بحياتج هاي حافظي عليه. لتنتبهين لغير شي احتمال مدوملج هاي الحياة.
اسمع حجيهم. وعلت اصواتهم بعد اجه حسن وكلي لبسي حجاب وتعاي دخلي محد موجود بس ال.....هنا غلط على صكبان لو يدري بيك يدوسك ويمشي عليك غلست ملبست حجاب. لزمت كيان وكلت صارت المواجه استاذ صكبان. هه فتت واني رافعه خشمي.كاعدين حسين. وحسن الي هما عمامي. والي اسمهم اخواني بره يعدون ويصفون واولاد عمي كاعدين. كان مدنك من كلت السلام وعليكم رفع راسه. يباوعلي وعيونه تريد تنط. اي. بعدك مشفت شي
شهله:هاي شنو زوجي حبيبي هنا معقوله اشتاقيتلي واجيت شوفني بس مع الاسف اني هم مشتاقتلك كعدت وخليت رجل على رجل وكيان. يمي. بس يريد حجه حته يبجي. يباوعلي ويباوع لكيان.
صكبان:وهوا صاك على اسنانه كلمه وحده وماعيده هطفل منو
شهله:باوعتله بنفس النظره ماما حبيبي كيوني كله انت منو لتخاف. علمود اشتريلك شوكلا
