مدربه الاسود
الحلقه 11
يخبط مازن بقبضه يده علي الباب
هتفضلي غبيه كده ومنشفه دماغك لحد امتي
ففتحت الباب
انا مش غبيه انت اللي عينك زايغه علي كل بنت حلوه وانا مابثقش فيك ومش ممكن اجوز واحد وانا مش واثفه فيه ولا ممكن يخوني
يغلق الباب بقدمه
انتي مجنونه بقولك ماحبتش غيرك تقولي اخونك
نوسه:وانا ايه يضمنلي بعد مااجوزك ماتزهقش مني وتخوني
يمسكها بكلتا يديه من كتفها
بقولك 3 جوازات ومالمستش منهم واحده
طب انا اللي ابقي هفرقع عشان واحد غيري هوب نحيتك ومع ذلك هتغاضي عن كده مع انه بيقتلني
نوسه :وسع يامازن اطلع بره
تركها مازن وهو سينفجر من الغضب وذهب لعمه بمكتبه
عمه:جيت يامازن مالك شايط كده ليه
مازن:مافيش هتيلا ندرب
عمه:بالشكل ده هتسيطر علي اسودك
داانت مش قادر تسيطر علي غضبك
انت قابلت نوسه
مازن:اه قابلتها
عمه:هي خلصت تدريب
مازن:اه خلصت وطلعت اوضتها
عمه:وقالتك ايه بقي حرق دمك كده
الموضوع اياه بردو وماوافقتش
مازن يقف ويضرب المكتب بيده
غبيه مافيش فايده ف دماغها الناشفه
عمه:يابني هو الجواز بالعافيه
مازن: عمي ماتنرفزنيش اكتر ماانا انت عارف انها بتموووت فيا بس هي اللي مخها وسخ وعاوز صنفره
عمه:خلاص انتو حرين انتو مخكو اوسخ من بعض
المهم ماياثرش علي شغلكو
ويلا بينا واهدي بقي عشان تسيطر علي اسودك
مازن:حاصر يلا
وفعلا خرجو اخرجو الاسود
واخذو يقومون بالحركات معها
فطلعت بلكونتها تشاهدهم فلطالما عشقت سيطرته علي الاسود ولعبه معهم
وهو ينظر لها
عمه:ركز معايا هنا مش هناك
مش هتنفعك لما اسد يهجم عليك
مازن:يبتسم لها وينظر بعدها لعمه
حاضر ياعمي
عمه:حضرلك الخير ياحبيبي ربنا يهديك
مازن :ادعي لبنتك الاول
عمه:ويهديها
يلا بقي نتغدي سوا نشوف مرات عمك عمللنا ايه
ابو نوسه:عملالنا ايه ياام نوسه مازن هياكل معانا
ام نوسه:يشرف دا مازن دا حبيبي
مازن:تسلمي يامرات عمي
ام نوسه:تسلم ياحبيبي
عندنا انهارده محشي حماتك بتحبك عارفه انك.بتحبه موصيه الخدم يعملو تشكيله محاشي كده اكل الدايت والسوتيه تعابني قلت اعمل يوم فري
مازن:كويس دا من حظي يظهر حماتي بتحبني
ام نوسه:دي اكيد هتموووت فيك
ونوسه نازله
دي مين دي اللي هتموووت فيه
مازن :يطلعلها مسرعا بقفزات سريعه
حماتي هتموت فيا ايه عندك مانع ف دي كمان
انها تحبني
نوسه:وانا مالي ان شاء الله الكره الارضيه كلها تحبك انا مالي
خلصتي ياماما الاكل انا ميته م الجوع وهروح اعمل اكل فرح ومرجان علي ماتخلصي
امها:ماشي حبيبتي روحي اعمللهم ف المطبخ بتاعهم
نوسه :حاضر
مازن :ااستني جاي معاكي
اعمل لعنتر وعبله اكلهم
انا لما لقيتك بتقعي سيبتهم ف الجنينه من ايدي
اعملهم الاكل واروح المهم
نوسه:واحنا خلفناهم ونسيناهم ولا ايه
جاي تتسول علينا ماعندكش اكل لهم
فزقها ع المطبخ
ماتتلمي ابت بقي مش لاقيه اللي يلمك دي ماكانتش حته لحمه هاخها من عندك لهم ابقي اجبلك 2 كيلو بكره بدالهم من عندي ايه البخل ه
ده حيوان يامفتريه مش عاوزه تاكليه
نوسه:وانا مالي بيه هو مسؤليتي مش واخده علي مسؤليتك انت
مازن:ياالله
والله ماسك نفسي عنك بالعافيه وشكلك هتاكلي علقه انهارده من علق زمان يفكروكي بمازن يظهر نستيه
نوسه:والله لو قربتلي يامازن انت حر هصوت وانادي بابا ينفخك
مازن:طب اكلمي علي ادك بدل ماانفخك انتي وابوكي واللي خلفوكي
تحاول ابعاده عنها وتزقه بعزم مافيها نوسه:مازن وسع بقي بلاش قله ادب
اهي قله ادبك دي اللي بنخليني اخاف منك وارفضك
مازن يبتعد ويضع يديه علي وجهه ثم يرجعها للخلف ويخلل اصابعه في شعره
واهو خوفك مني ده اللي بيعجزني ويخليني واقف مكتف مش قادر اعمل معاكي حاجه
فاعطت له ظهرها لتلتقط انفاسها المتسارعه وتلملم شتاتها فقربه منها يزيد من ضربات قلبها ويوترها
وحاولت ان تزيد من رباطه جاشها فهي قويه مع اي حد الا هو تحس امامه بضعفها وهذا الاحساس يقتلها ويزيد من حنقها عليه
لانها تريد دائما ان تكون هي الاقوي والمسيطره لكن معه تكون ضعيفه مستكينه اقرب منها للهره وليست للاسد
فوجدته يحتضنها من الخلف
انا اسف لو خوفتك مني بس انتي عارفه انا بحبك.اد ايه
كادت قدماها تخار وتقع فهي لا تقوي علي هذا العناق
نوسه:مازن بليز اطلع بره
فادارها اليه
بتحبيبني ولا لا
نوسه:مازن بليز ماتعملش فيا كده
مازن:بتحبيبيني ولا لا
نوسه تبكي انت عارف اني بحبك وماحبتش غيرك.
بس مش هجوزك يامازن
مازن تركها بزهق يوووووه مش عارف اعمل معاكي ايه زهقت وطهقت عاشر مره اكرر طلبي وانتي مافيش فايده فيكي
ضيعتي منا احلي سنين عمرنا نبقي فيها سوا
عشان الاوهام اللي معششه ف نفخك دي
نوسه:مش اوهام
تنكر انك.فلاتي وبتاع ستات وعينك زايغه
ومبسوطلي بنفسك اوي وبشويه العضلات اللي عندك وعشان وسيم ومسبسب شعرك قال يعني خلاص مافيش منك
يقترب منها دا انتي واخده بالك من كل تفصيله فيا
نوسه:مش ف وشي علي طول وبشوفك
مازن:ماشي يانوسه مش هكرر طلبي تاني وانا اسف اني ضايقتك يابنت عمي وبردو هتلاقيني ف ظهرك ف اي حاجه تحتاجيها
سلام هروح الم اسودي وامشي ومش عاوز منك اكل هروح اكلهم ف بيتنا
أنت تقرأ
مدربه الأسود
Romanceهي نوسه مدربه أسود ستواجه مشاكل بحياتها بسبب عشقها للاسود فمن يتحمل زوجه ومعها اسود يعيشون حولها سنرى مفارقات مع ازواجها وسنعيش قصه ممتعه
