.بعد يووم طويل جداا اخيراا روحت نمت وكنت تعبانه جداا
صحيت علي صوت ماما وهي بتقولي ..يلا عشان نروح لايه اللي هي بنت عمتي وكان لازم نروح ..روحت لايه وقعدنا شويه ومشينا ..بس كان كلام ايه غريب ..كله عقبالك قريب يا اسماا .
مخدتش في بالي وطنشت ...عدي شهر علي الفرح .
قررت اروح مكاني المفضل وهو قدام النيل كان وحشني جداا وكان نفسي اشوفه روحت هناك وكنت مبسوطه جدا اخدت روايه وسماعات وشغلت فيروز زي عادتي وقريت الروايه ..حسيت ان في حد بيرقبني حولت ادور ملقيتش حد ..
عدي الوقت ومشيت .
صحيت تاني يوم من النوم بفتح الموبايل لاقيت مسيجات من جروب بيبعت رسايل كل يوم زي نصايح وكده كنت بحب اقراه جداا ..قريت وكانت رساله غريبه جداا ..وهي
_استنيتي كتيرر فرحه .ودعيتي ربنا بيها استنيتي حد يحبك ويجري وراكي ويشيلك فوق راسه ..ويعملك احسن معامله وتبقي عنده كل حاجه ..شكل باب السما كان مفتوح وربنا استجبلك ..ربنا هيديكي الفرحه دي خلي عندك يقين في ده ...خلاص خلص الكتيررر مبقااش غير القليل..هاانت )
كان نص الرساله كده استغربت المكتوب بس مش عارفه ليه حسيت بحاجه غريبه ..قعدت افكر حسيت الكلام ده شبه الكلام اللي ايه قالتهولي قبل كده لما زورتها ..
#النوت بوك
(عدي اسبوع وقرب عيد ميلادي كل سنه بتمني ان يحصل حاجه مكنتش أتوقعه كان نفسي اووي كل سنه وانتي امنيه كل سنه اني السنه اللي بعدها تحصلي حاجه مميزه في عيد ميلادي ..وشكلها اتحققت❤️)
وجه يوم عيدميلادي ..كنت قاعده زي كل سنه لاقيت الساعه 12 مسيج مبعوته علي الواتس ورقم غريب مكتوب .
_كل سنه وانتي طيبه يا اميرتي ..عايز اطلب منك طلب تردي علي الموبايل مش عايز اكترر من انك ترغي معايا وتتكلمي .
استغربت جدا وقولت ..هو في ايه
رن الموبايل اكترر من 10 مراات ..رديت ومسمعتش صوت فضلت فتره كده وبعدين لاقيت نفسي بزعق وبقول رد رد مفيش حد رد اضيقت جداا وقفلت ..لاقيت ماما بتفتح الباب وباتقولي .
_اسما الورد ده لاقينها علي الباب مكتوب عليه اسمك .
استغربت هى ازاي ماما تقولي كده اخدت منها البوكيه ..وقريت الكارت وكاان مكتوب
_اميرتي ..ردي عليا ..مش عايزه تعرفي انا مين يا اسووم
=اكيد هو اكيد
_لاقيت ماما بتضحك
_انتي اتهبلتي يا اسما ..اسم الله عليكي معلش
اتخنقت جدااا وقررت اناام .
#النوت بوك
(فكرت في ..صحبي اللي كان معايا من اول لما دخلت المدرسه كان هو اكبر مني باربع سنين لحد ما بقيت في سته ابتدائي كونا اصحاب جدا لحد ما سافر مع اهله يعيشوا بره ..وهو اللي اطلق عليا اسم (اسووم ) كنت مبحبش حد ينديني بيه غيره
_اسوووم .
=ايوه يا احمد..ايه ده ايه اللي ورا ظهرك ده وريني كده
كنت بضيقه وبحاول اشوف ايه اللي مخبيه .
_يا اسووم بطلي غلسه طيب خلاص خدي .
=الله حلووة اووي يا احمد .
كانت ورد انا من عشاق الورد بحبه جداا.
ضحك ضحكه بسيطه وكملنا لاعب
باك
نطيت من السرير فاجاءه ..هوو هوو .
=اسووم .والضحكه والحركه الغلسه ال كان دايما بيعملهالي .ايه ده هوو
فلاش باك
رباط الكوتشي بتاعي كان مفكوك .داس عليه كنت هقع بس لاحقني كان دايما بيعمل معايا الحركه دي وكان بيلحقني قبل ما اقع
بااك
=مش معقوول احمد
فرحت جداا لمجرد الفكره ..الورد هو كان عارف قد ايه بحبه الله هو لسه فاكرني .
تاااني يوم فضلت مستنيااه يرن .مرنش يوم اتنين تلاته ايه ده هو متصلش ليه .
فقدت الامل لحد ماا
_اسما حبيبتي ممكن اقعد معاكي شويه
=ااه طبعا يا بابا ااتفضل
_بصي يابنتي في عريس متقدملك ووو
مسمعتش باقي كلام بابا معقول بعد ما جه ..اروح اتجوز معقول .
=يابابا انا مش بفكرر في الموضوع ده
_طيب يابنتي هو جااي بكره اقعدي معاه وشوفي لو خير خلاص لو شر خلاص شيلي الموضوع من دماغك
سكت ومعرفتش ارد ..فضلت اعيط .اتصلت با ايه وحكتلها ..وهي قاتلي استني واعملي استخاره وان شاء الله خير
عملت استخاره ..ونمت كتيررر جداا محستش غير وماما بتصحيني بتقولي يلا يا عروسه البسي كنت مرتبكه شويه بس كنت فرحانه
دخلت وكنت مكسوفه جداا .بصيت عشان اشوف مين اللي امه دعايه عليه
=انت
بابا بصلي وضحك راح مشي وسبنا عشان نتكلم
_مش معقول كل ده معرفتنيش يا اسووم
=لااا متقولش انت فعلا احمد
كنت فرحانه جدا بابا كان قاعد قريب مننا دخل .واتكلم
_طبعا بعد اسووم عرفتي مين ده ..احمد جه هنا من خمس سنين اول لما جه اتقدملك وانا كنت رافض لانك لسه صغيره بس دلوقتي كبرتي وانا موافق عليه وبعدين ده ابن خالتك وده اللي انتي كنتي متعرفهوش واحنا كمان وهو اكدلما ده وطبعا لأن انتي عارفه أن خالتك مكنتش تعرف ابنها ولا شافته وهو اكدلنا كده وهو كمان مكنش يعرف وعرف قبل ما ولده يتوفي .عشان اللي متعرفهوش احمد جالي هنا وهو صغير ومكنش يعرف صله القرابه اللي بينا وقالي ..
فلاش بااك
=عمووو انا بحب اسما جدااا وعايز اتجوزها
_ماشي يا حبيبي بس انتوا لسه صغيرين وووو
=ياعمو انا عايز احجزها لحد ما اكبر واتجوزها
_ضحك والد اسما ..ماشي يا احمد موافق .بس ممكن تكبر وتنساها
=لا ياعمو انا بحب اسما وعمري ما هحب غيرها
باك
_استجدعتوه جداا وحسيته راجل وفعلا مخيبش ظني وجه واتقدملك .
دخلت ايه ..
_انا كنت عارفه من زمان جداا انا اسفه يا اسما بس كان دايما احمد بيكلمني بيسال عليكي بعد ما عرف أن انتوا قرايب وطنط اللي قالته أن احنا اصحاب ..وكان يعرف بتحبي ايه وبتكرهي ايه ولما جه كان بيعرف تحركاتك مني تقريبا ..واه علي فاكره الجروب ده اللي انا دخلتك في الجروب ده احمد هو اللي عامله عشان يقدر يكلمك بس من غير ما تعرفي .
=انا مش مصدقه انت عملت كل ده عشاني يا احمد
_انا اعمل اكتررر من كده عشانك يا سما انتي اكترر حد حبيتها في حيااتي ولا يمكن كنت اسيبك تبعدي عني
......
نوت بوك.
(دي كانت قصتي أنا وأحمد عدينا انا وهو بمشاكل كتير جدا انا بحب احمد جدا وهو كمان انا حب عمره ..احمد اتجوزني وانا صغيره وكنت بعمل مشاكل كتير كنت في نفس الوقت هبله وفرفوشه كنت بحب اهزر والعب معاه لحد دلوقتي كده ..بحب اشكر احمد أنه مشيلنيش الهم ..عيالي طالعين زايه ..وانا فخوره بكده ..اتمني العمر ليا ولي عشان اعيش عمر تاني فوق عمري مع احمد .)
لاقيت حد حضني من ورا ..وانا كنت قاعده في البلكونه ودي كانت قعدتي المفضله ❤️
..حبيبي خلصتي كتابه
انا: اه يا حبيبي خلصت
احمد:اخيرررا هتفضيلي
ادم: ماما
احمد:ييييه
قعدنا نضحك ...اتمني عمري كله معاك يا احمد ❣️❤️
.............
استنوني في روايه تاني وقصص تاني لو عجبتكم
هكمل قصص احمد واسما ❣️
انا: اه يا حبيبي
