عشقت الياسمين🌹❤

بارت هديه 🌹😘

بقلم / ريما محمود
🌹🌹🌹🌹🌹🌹🌹🌹🌹🌹🌹🌹

.... قومى يلا خلينا نروح للدكتورة كدة هنتاخر

ياسمين:  لا مش رايحه

اياد:  هو ايه اللى مش رايحه لازم نروح علشان اطمن عليكي وعلى الولاد

ياسمين:  لا مش هروح

اياد:  مش هتروحى ليه ايه السبب

ياسمين:  اول مرة روحت ليها  كنت حامل فى طفل 👶 تانى مرة تقولى دول اتنين فرحت وقولت هيبقى عندى ولدين من اكتر شخص حبيته المرة اللى بعدها تقولى دول ٣ أطفال عايزين اروح المرة دى علشان تقولى دول اربعه دا زى ما يكون كل مرة بتذود طفل

اياد:  😂😂😂😂عيونه دمعة من كتر الضحك طب وايه اللى يزعل فى كدة ياروحى مش انت كان نفسك يبقى عندك اطفال كتير اهو هيبقى عندنا بدل الطفل ٣ وبعدين يلا قومى وبطلى دلع خلينا نروح نطمن عليكى انت كنت تعبانه امبارح

ياسمين:  لا مش هروح خايفه تصدمنى انهاردة وتقولى دول اربع اطفال

اياد:  متخافيش يلا بس قومى وان شاء الله خير

ياسمين:  حاضر ثوانى هجهز بس

اياد:  اجى اساعدك ياقلبى

ياسمين :  لا ياروحى خليك انا كويسه

🌹🌹🌹🌹🌹🌹🌹🌹🌹🌹🌹🌹🌹🌹

ليث: ياحببتى بتعيطى ليه دلوقتى فهمينى

ورد:  مش عارفه بعيط ليه بس هو كدة عايزة اعيط

ليث:  دى مش هرمونات حمل دى هرمونات جنان كدة على ماتولدى هكون اتجننت

ورد:  اعااااا انت بتقول عليا مجنونه اهئ اهئ

ليث:  لا إله إلاّ الله  انا اللى مجنون ومتربتش خلاص بقا اهدى اقولك على حاجه تعالى ننزل نروح المول نشترى لبس للاطفال ونتفسح واجبلك اللى انت عايزاه كله ايه رايك

ورد:  هتجبلى كل حاجه انا عايزاها

ليث:  كل حاجه

ورد:  طب انا عايزة اكل خوخ 🍑

ليث: طب دة اجيبه منين دلوقتى دة مش موسم الخوخ اختارى حاجه تانيه

ورد: هو انا بنقى انا نفسى فى خوخ شمه ريحه خوخ 🍑

ليث: هو انت فى الشهر الكام ياروحى

ورد: نهارك اسود انت مش عارف انا حامل فى الشهر الكام

ليث: عارف ياقلبى مش انتى حامل فى السابع 

ورد: اه ولما انت عارف بتسال ليه

ليث: اصل من اول يوم وانت بتتوحمى على اكلات كتير فمستغرب هو طول فترة الحمل كلها وحم ولا ايه