#جنون?
الحلقه (6)
نهال:نضت بكري اليوم ع غير العاده وفرحاانه ومستريحه صليت وفطرت وخشيت لجلسة العلاج واول مطلعت قعدت ندور في اويس بس قالولي طلع قعمزت نستنا فيه في الحديقه متع المستشفى
قدام المحكمه:-
اويس:هاطمني حمادي
محمد:زي متوقعت انت رافعين عليها قضيه انها تعاني من مشاكل عقليه وغير مسؤله ع تصرفاتها والواضح ان تملك هلبا البنت اخر جلسه فيابمصحه يوم 11/4ورح يحددو فيها ان كانت سليمه عقليا ولا لا
اويس:باهي عادي هيا امورها طيبه
محمد:نصيحه مني دور وين تخفيها لان حتا لو كانت امورها تمام رح يطلعوها مريضه لانها قعدت اسبوع في المصحه
اويس:فهمت عليك به تمام منور ياحبنا
محمد:ادلل شنو نروح بيك
اويس:لالا عندي مشوار هكي
محمد:تمام هي سلام
في حوش فهد الدنيا مقلوبه لان عرس ندى والدنيا زززززحمه .
ندى:امي
منيره:روروروي ها شنو
ندى:كلمي فهد يجي نهال حرام مسكينه متحضرش
منيره:قلبت وجها يصير خير
نسرين:تو نكلمه انا فهد يجيبها
منيره:شنو تبوها تجي تفضحنا في العرس راهو عقلها مش عليها
ندى:مسكينه?
اويس:صباح الخيييير
ناجي:بسم الله من وين طلعت انت
هاديه:صباح النور غزالي تعال افطر معانا
اويس:شن حالك ياغالي
ناجي:مليح?خيرك مش في المصحه
اويس:شوي وبنولي
رؤى:اويس بعدين نبيك في موضوع
هاديه:فنصت فيها
اويس:لاحظ …خيركم شن في
ناجي:هني روحك يابنت وخلي خوك
رؤى:به به ?
اويس:تي شن في
رؤى:امس الصبح جانا سامي ولد عمتي حواء
هاديه:رؤى خلااااص عادي?
اويس:كملي
رؤى:جي وقعد يعيط علي بابا ومخلا مقاله لان وحده من الشركات تبي تتعامل مع بوي بس معش يبوه هوا لانه غالي في اسعاره
ناجي:لا معيطش هوا يناقش بس الصوت عالي لا اكتر
رؤى:وربي العزه إلا يعيط وقاله حاسب روحك راجل تواجه فيا في السوق وانت معندكش سند في اي لحضه توقع ننهيك مقدرك شويه لانك نديد بوي
اويس:يا مشاء الله يامشاء الله سامي كبر ?
هاديه:خايفه ههههه اي عادي مدورش اصلا بوك قعد يضحك معليشي الولد عقله مش عليه
اويس:وقف وقعد يساوي في كمام سوريته …حتا انا عقلي مش عليا وعندي اوراق تثبت اني مجنون هي سلامات
ناجي:اوووويس اوووويس
هاديه:وليدي تربح فكنا منهم
اويس:لبس سبيدروه وطلع
هاديه:ياحي عليا حي تو عاااااجبك انتي هكي عااااااجبك
رؤى:خلي يمشي يربيهم باش مره تانيه يعرفو ع منو يطولو لسانهم
ناجي؛ربي يستر تو شويه ونسمعو بي مصيبه ولدك ونعرفه وربي معنده عقل في راسه
✨روايات بنووتة الشيخ(اروى)✨
اويس:ترا هات الكبوط متعك وانت تقول في عز الشتاء
نادر:هاك شنو بدير بيه
اويس:تو نقولك هي انزلو من السياره
مروان:اااااه امس مرقدتش كويس
اويس:هاذا المطلوب خليك سكران بدون سكير
داخل الشركه:-
السكرتيره:تفضل????
اويس:استاذ سامي قعد ؟
السكرتيره:اي منو نقوله
اويس:لا متقوليلاش خليها مفاجأه
السكرتيره:لا مش مسموح يخش حد بدون ميعرف
اويس:ع فكره طالع عليك اللون الابيض?مهم اي حد يخش بعدي اعطيه عليم اني لابس حزام ناسف ولو حد قرب رح تتفترش الشركه ويلي فيها
السكرتيره:نعممم??
نادر:اسمعي الكلام والله ?♀️
اويس:فتح الباب وخش ونادر ومروان قدام الباب يشربو في قهوا
سامي:اويس?
اويس:لا أُويس فوق الالف ضمه فوق الواو فتحه فوق الياء سكون فوق السين حتا هيا سكون تولي أُوَيْسْ
سامي:تفضل شنو شن تبي؟
اويس:قالولي انك جيت للحوش وبديت تلعلع وانا الصراحه يلي يتكلم عليا بسوء?نتكلم عليه في السوبر ماركت??
سامي:قاعد تافه هه انبح شنو تبي
اويس:انت عارف لما تجي المشواشه يجو معاها صاحباتها اسألني علاشً
سامي:افف علاش
اويس:صاحباتها يقيمولها البطانيه وهيا تقرص وهاذا يلي صار جيت وجبت صحابي
سامي:الواضح انك فعلا جنيت بعد خشيت المصحه يلا اقلب وجهك خير مناديلك السكيورتي يقيمك
اويس:قام خصلت شعره الطايح وبدي في الهبك ?
نهال:معليشي امتا يروح اويس؟
الموضفه:معش يعطل انشاء الله
نهال:شكرا …وقعمزت نستنا فيه زعما يهرب ويخليني؟؟غبيه انا كيف نوثق في حد منعرفاش ?
اويس:بعد ماكمل قرب من سامي…انت عارف اني قادر نقتلك ومحدش يحاسبني لاني مجنون الله غالب ف دير بالك يا الحبيبي اه وجهك ملبز شويه امسحه سلامات
وكان سامي وجه كللللله دم والمكتب مكسر ع بعضه
نادر:يديك دم برا غسلهم
اويس:بعدين غير هيا لازم نرجع المصحه
مروان:علاش انت شن عندك الايام هادي ؟!
ركبو السياره:-
اويس:شنو بيكون يعني عادي
نادر:تو يذوب الثلج ويبان المرج
اويس:لا مرج لا جدابيا مش ناقصك
مروان:انت جيت ضربته وطلعت ومعرفناش شنو القصه
اويس:من تدخل في مالا يعنيه تأكلوهو الذئاب
نادر:سمع كلام لايرضيه قصدك?
اويس:المهم تصيرله حاجه بايخه ?
✨روايات بنووتةالشيخ(اروى)✨
اويس:تعالو في الليل تمام؟
مروان؛ميه ميه
اويس:صكر بابا السياره وخش المصحه غسل يديه ومشي للحديقه عارف ان نهال مقعمزه غادي
نهال:لا منبيش
فهد:وعلاش؟هاذا جزاها اختي يلي حسباتك وقتلي جيبها
نهال:فهد انا مستريحه هنايا خليني
فهد:الحق فيا انا بس ديري حسابك الخميس بتروحي معاي ورجلك فوق رقبتك
نهال:علاش؟
فهد:قرب منها …ولا شي استاح
شتك عيب ولا حرام يامرتي انتي؟
نهال:بعده من عليه
فهد:يلانتلاقو
اويس:كان واقف يشوف فيهم من بعيد
نهال:مشت قعمزت وفهد طلع روح
اويس:قعمز جنبها …شن جو
نهال:تمام الحمد الله انك جيت نسحابك معش بترجع
اويس:وليش معش بنرجع يعني
نهال:منعرفش هكي خطر في بالي
اويس:ولع دخانه….منو يلي كان معاك
نهال:هاذا فهد
اويس:فهد يلي ….
نهال:اي
اويس:اممم كيوت مبين
نهال:قعدت ساكته وسارحه
اويس:خيره جوك اخي
نهال:ولا شي يبيني نروح معاه الخميس وانا مصدقت بعدت عليه
اويس:اصلا احني طالعين الاربعاء
نهال:كيف؟
اويس:طلعو رافعين عليك قضيه زي مقتلك
نهال:??
اويس:ومزالك جلسه علاج وياخذو التوكيل والجلسه هاذي الخميس ف رح نهربك ومش حتخشي وبتوقف القضيه لين يلقوك
نهال:ليش يصير معاي هاذا كله ياربي ?
اويس:تي عادي ع فكره مش مشكله ره كله ينحل
نهال:خاطري نعرف كيف تخلي في كل شي تافه بس
اويس:لان مفي شي يستاهل عادي المهم ع العشاء رح نقولك التفاصيل
نهال:تمام ان…..وحطت يدها ع راسه
اويس:قعد متجمد اول مره بنت تمسه?
نهال:كأن في دم هنايا ?وقربت منه
اويس:?هااا
نهال:طلعت كنينكس وجنبها شيشة الميه وقعدت تمسحله في راسه واويس يشوفلها وساكت
نهال:شن صار معاك من شنو الدم هاذا
اويس:ضربت الضرب قق قصدي ان ضرب فهمتي
نهال:منو ضرب؟
اويس:شن جوك انتي
نهال:ع راحتك لو متبيش تحكي
اويس:خذي الميه وغسل وجها
نهال:خيرك تحس بي شي
اويس:نحس اقسم بالله
نهال:بي شنو
اويس:ياريت نعرف المهم توا في العشي نتلاقو تمام
نهال:تمام
✨روايات بنووتة الشيخ(اروى)✨
ناجي:شفتي ولا قتلكم
رؤى:فترشه مع بعضه مسكين ???
هاديه:تضحكي اناي ياحشمتي قدام حواء
رؤى:ونبي لا ياماما ياحشمت حواء قدامكم هيا يلي ولدها جاي يطول في لسانه ويعيط علي عمه
هاديه:اسكتي مش ناقصاتك
صفيه:الولد مكسر الله يكسر يديكم ????
مروان:يستاهل
صفيه:فهمني بس علاااااش
مروان:الله اعلم بس مدام اويس ضرب معناها يستحق ان ينضرب
صفيه:اهو بوك جي يتفاهم معاك انا خلااااص
حفيظ:خيركم
صفيه:يعني مسمعتش شنو صار في سامي
حفيظ:يستاهل
مروان:الله عليك يافخر العرب
حفيظ:يطاول علي عمه الكلب هادا مش متربي
صفيه:مهما كان مفروض اويس المقصوف هاذا ميضربش
مروه:قداش خاطري نعرف ياماما خيرك مقهوره من اويس بس
صفيه :صكري فمك انتي
اويس:هاك كولي شاورما لوحي عليك العفن متع المستشفى
نهال:ضحكت وبدت تاكل
اويس:المهم بنطلعو الاربعاء الساعه 10الصبح تو ندور وين نحطك لين الله يفرجها
نهال:بس لو طلعت الدنيا بتنقلب ويبدو يدورو فيا
اويس:واحني نلبدو ونلعبو معاهم سبيته ?
نهال:??نتكلم جديات بعدين كيف نقعد معاك وانت راجل غريب مهما كان
اويس:انا مش غريب انا اويس ولا متبيش المشاكل المعفنه هاذي اتم
نهال:لا نبيها اتم
اويس:به خلاص اوثقي فيا
نهال:ان شاء الله
اويس:منديل يطير علاش،؟
نهال:علاش؟?
اويس:ذبانه متحجبه ???
نهال:تافها ع فكره ???بس اضحك نعرفش علاش
اويس:امك كانت تخدم؟
نهال:اي مدرسة رياضيات
اويس:قالك مره فيه مدرسة رياضيات جابت زوز ولاد واستنتجت الثالث?
نهال:متشبعش تفاها?
وكملو هدرزه
نهال:طول الثلاثه ايام يلي فاتو وانا نصلي في استخاره بخصوص الطلعه مع اويس وندعي ونفكر بس في نفس الوقت حاسه روحي مرتاحه ❤️
نادر:كيف يعني بتلزني من حوشي
اويس:تي ع الاقل سبوع بس ياراجل برا اقعد عند امك الزح
مروان:انت علاش ادير في هاذا كله للبنت المشكله انها متزوجه تصلا
اويس:منعرفش نبي نساعد وخلاص معش تسألوني
نادر:اويس بدي يخدم مع مزال فينا الخير
اويس:مدخلكش ?مهم شنو توا؟بتعطينا حوشك ولا ندور غيره ؟
نادر:خوذه?
اويس:?…يتبع
