//3//
_-الكاتبة مروة صفاء _-
اسد شباج حسنك لو تعديت
وأضيف اتراب جدمك وردة البيت
وسئلك لو طفح حسنك بالعيون
حلو بطبعك يالاغنج لو تحليت
والمك لمت الخاطر بالعتاب
وانشدك من عطشتك ليش ماجيت
مو نده روحي النسيم وليك حنيت
ومثل كطرة نده بوردك تبديت
تمنيتك تجي بكد ماتمنيت
حتى انشدك من عطشتك ليش ماجيت
وكصه بروحي الجفه وكل يوم الك راي
وانا الماني ويه صبري ولا انت وياي
لون تدري بحياتي شسوه الفراك
شمس مغرب حياتي وباكها الماي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قيل وقال
على كد مايمر الصوت
وتخضر اجروف جفونه بدمعه
وتتوسد خواطرنه على ايام المسرة
ينزف جرح كلبي
واطفي باه حركه النار
وادريها تظل جوه الرماد اتجمر ابهمي
عسى وبلجن
تلوحك من بكايا ايامنه صفنه
وتفر دولاب وكتك وين مادرنه
طرف عندك تكطع
وانه بطرافك شلت همي
ادور بالدروب الخالية من الناس
وادروب انكطع بيها النفس من زحمة الماشين
ادور بالوجوه
او لا منه
ورسومنه
وطيبه ربانه الراح
والكه بين كل مية وجه بسمه
وبكايا اعتاب ذابل
والنواظر وشلت
وانكسر بيها الخوف والرغبات
بيها وجوه مليانه زعل
ووجوه مغسوله بوكاحه وطمع ومكاسر غدر
ورسوم جذابه
يابه يا يابه
اشكد صعبه يطيح من العيون العيب
وتعوفه الخلك
وتحط بداله اشكال
وتضيع شكلها بالف قيل وقال
يامحد عرفني وكالي :
اشوازاك ؟
وتدور على حجاية صدك
وانته انبعت بالدين
محد كالي :
اليلكوك بالصفنات جذابين
يردونك تشع وتفيض
حتى اجفوفهم ماتنفضح باللون
محد كال ..
ياغفلة صفنتي
منين اطب للغيب ..حتى ادري ؟؟
وافرزن بالكلوب الطيب واللاطيب
اشلون اكعد واطش حسبات روحي
ابصحن من بلور؟
وتخير اخيار التوجع ومتخيب
اشلون ابدي من اصاحب لازم بميزان ؟
اشلون اكدر اغض الطرف
عن دمعة يتيمه
وحسرة ام وليد مارد ؟
عفيه الباب ..عفيه الباب
جيب وليدنه الحباب
😭😭😭😭😭
تحياتي الكاتبة مروة صفاء ❤❤
#،مو تنسون ترحمولة (الله يرحمة عريان السيد خلف )
أنت تقرأ
اشعار عريان السيد خلف رحمه الله
Ficción General#اشعار عريان السيد خلف چـنت اظنك چـنت اظنك... توگـــــــــف ابوجه الوكت .... واتنشف الدمعه ابجفنها وا چـنت اظنك ... بالمحبه الفاجده ,اوحنت لابنهه ثاري ... ســــــچـينه خواصر ! گـــطع الدال ,سنه جاسي واجراحك ينزن ... لو ردت ... تنشدني عنهه مادريت...
