فصليتي طفلة 💕

بارت الاول 💕

ام لجين : لولو ولج ماما كومي يلا راح يجي الخط شوكت تبدلين
لجين : هسه كمت طبعا اني جنت كلش انيقة حته بالمدرسه احب اهتم بنظافتي وستايلي صباح الخيرر باباتي حبيبي وروحي
ابو لجين : صباح النور يااحلى بنوته يلا وينج هسه يجي الخط يظل يخبصنه هورنات وماتحمل اطلع اتعارك وياه
لجين : مالك دخل بي اني اتعارك وياه بعدين 😂😂
ام لجين : اكلي لفه جبن عالاقل قبل مترحين شون حتركزين هسه بالدوام
لجين : ماحب اتريك الصبح مو تعرفين بيه 🙂 عليج دعيلي اليوم عندي امتحان كيميا اني هم مثل بتج 😂😂
ام لجين : الله يوفقج يارب ويسهل امرج ويفتح ذهنج
لجين : يلا اجه الخط خلي اطلع قبل ميسوي الفرع عبالك زفة عرس من هورن
وصلت للمدرسه شفت صديقاتي ها ولج فطم شخبار الامتحان وياج
فاطمه : والله يا صديقتي فري كود
لجين : ايه ايه شبسرعه نمتي ستونه اجينه للمدرسه
اية : عوفيني بحالي بارحه ليل كله جنت دالعب بالبوبجي نمت ب٤
لجين : تستاهلين حيل ميت مره كتلج نامي لتجين هيج مطفيه

————————————————
نجي للشباب شويه 🌚🌚
محمد : ها شباب قارين اليوم لو لا
امير : ليش شعدنه 🙂
حسن : لا نيالي صدك هذا مطفي مالكم دخل بي حبي عدنه اليوم امتحان شهري انكليزي
امير : حسن واكع بعرضك اني غششني
حسن : بس بشرط نص الدوام نهرب تروح تغديني
امير : يابه تدلل
محمد يلا ليجي استاذ معن وهنوب يرزلنه مالي خلك والله اكتله وانفصل عادي
طبعا محمد وامير وحسن كلش اصدقاء جانو شله وحده
——————————————
نرجع للبنات 🙇🏼‍♀️🙇🏼‍♀️
يسر : لولو هلاو حبيبتي 💋💋💋💋
لجين : رحمه لله خدي فديوم راح تشلعي من هاي بوستج على كيف
يسر : امداج مو صوجج صوجي لان احبج
لجين : خير شعندج مو لله لله جايه
يسر : افف شكد ذكيه اريد تغششيني
لجين : لو تموتين لو على وجه متخبصيني ومتاخذين مني الواجبات اول منرجع ولا عبالك جنتي مداومه لو لدكليلي غششيني
يسر : هاي شبيج مو احبج اني اخلي ابن عمي يجيبلج مسكارا من محل مالهم
لجين : لا والله حبيبتي شنو شفتيني محتاجه حمدلله اهلي يشترولي بس يلا انقهرت عليج راح اغششج بلا اي مقابل
فاطمه : لج لجين والله هاي دتستغلج عود تحبج علمود بس تغش منج
لجين : شفتيني غبيه مادري بس اني داغششه برضاتي
طبعا اني صديقاتي المقربات جانو ايه وفاطمه اما يسر جنت اعرف بيه مصلحجيه بس من تريد شي بس نفس الوقت جانت تحبني
خلصنه الدوام ورجعنه للبيت طبعا
لجين : هلاو ماماتي شونج
ام لجين : هلاو حبيبتي فوتي يلا مسويتلج دولمه
لجين : عزااا احبج احبج احبج احبج 😻😻😻😻💋💋
ام لجين : اي تحبيني لان مسويتلج دولمه بس بالاصل تحبين ابوج اكثر
لجين : اخ ماما هاي كل مره دكليلي هيج وتعرفين انتو الاثنين روحي من الدنيا ♥️
ام لجين : اي جذابه ديلا روحي بدلي دناكل
لجين : يلا طلقه
بدلت ونزلت كعدت اسولف ويه ماما اني طبعي كلشي اسولف لامي اعتبره صديقتي المقربه حتلو مسويه اخطاء واحجيله شنو سويت بالمدرسه وصديقاتي ودراستي وكلشي
لجين : يلا ماما حصعد انام فد ساعه اكعد اقره فيزيا باجر عندي امتحان مادة كلش طويله مادري شون راح الحك
ام لجين : لعد لتنامين هوايه علمود تلحكين
لجين : اوك ماما
صعدت لغرفتي ونمت
————————————— ————-
نجي لجانب الاخر طبعا يسر و محمد جانو ولد عم كاعدين نفس البيت
محمد : ها ولج شدسوين لكفتج
يسر : لكفني الذكي شدسوي دباوع سنابات
محمد : لا صدكتج 🌚🌚 جيبي التلفون وجره من ايده
بالصدفه يسر جانت دشوف سنابات لجين جانت طالعه ويه اهله بارحه
محمد : منو هاي ؟!😳
يسر : شبيك صفنت هاي صديقتي لجين
محمد : صديقتج مقربه لو بس هيج
يسر : لا عيني هاي اختي
محمد : يسوره حبي واني هم مثل اخوج☺️
يسر : اي و شتريد تره البنيه كلش حبابه وماعده سوالف علاقات وشاطره فكره بس يم دراسه
محمد : لعد انتي ليش بت عمي غير علمود تقربيني منه احجيله عليه كوليله شاف صورتج فجاه وعجبتي وهو يريد هيج يحجي وياج صداقه
يسر : راح احاول بس ماتوقع تقبل
محمد:  يلا حبابه باجر كوليله بالدوام
محمد : طبعا اول مشفت صورة لجين ماعرف شصار بيه اول مره اشوف هيج بنيه وجهه طفولي بس بجاذبيه حسيت اكو شي جذبني اليه بس ماعرف شنو
———————————————
ابن خال امير : ها اموري شو اليوم من وكت جاي من مدرسه
امير : اي جان ماعدنه درس اخير مدرس غايب فطلعونه
ابن خال امير : ها صدك ابوك دك عليك كال خلي يدك عليه امير مداحصله
امير : هسه اني ادك عليه
راح امير لغرفته دك على ابوه
امير : ها بابا شلونك ... كمل كلامه ويه ابو جانو مشتاقيله كلوله بعطله نص السنه تعال عود
————————————————
صار ثاني يوم والكل راح للدوام كالعاده
يسر : لولو اريد احجي وياج بموضوع
لجين : ماغششج البارحه غششتج
يسر : لا موضوع غير شي تعاي بس اني وياج
لجين : الله اليستر تعاي
يسر : لجين باعي بارحه مو جنت ناشره سناب من جنت داشوف سنابج
لجين : اي ؟!
يسر : ابن عمي طلع ورايه وشافج كلش انعجب بيج باعي تره هو كلش ثكيل ماعنده هاي سوالف علاقات وهاي هو من شافج كلش انعجب بيج كال بلكي تحجون هيج سويه اصدقاء
لجين : يسرررر ولج شتعرفين عليه اني مال هيج سوالف
يسر : ادري والله وكتله هم بس هو مصمم كلش
لجين : كوليله لا ويلا امشي راح تخلص فرصه

رجعو للبيت وره الدوام وطبعا يسر كالت لمحمد بس محمد جان كلش قافل عليه كام يدخل لصفحته دزلي طلب بس موافقت مشت الايام ومثل العاده دوام وامتحانات تقريبا بشهر ١٢ وره شهرين من سالفه
لجين : فكيت انستكرام مالتي لكيت هواي طلبات طبعا اغلبهم ماعرفهم اني جنت اضيفهم بس ابد ماحجي وياهم مجرد متابعين علمود يصعد حسابي وهالسوالف ومن ضمن الطلبات جان محمد بس اني مجنت اعرف لا اسمه ولا شكله
محمد : طبعا فجاه جنت كاعد بالكوفي ويه اصدقائي واجاني اشعار انو لجين قبلت الطلب طرت من الفرحه حته كتلهم للشباب اليوم نركيله مالتكم عليه مصدكت ارجع للبيت بس علمود اتحارش ب لجين طبعا رجعت لكيت بالصدفه نفس اليوم هي طالعه وناشره اغنيه مصورته طبيت عليه دتحارش بيه
محمد : شنو اسم الاغنيه ناشرته
لجين : اسمه حبك يدك بالراس
محمد : ها شكرا

نكمل بالبارت الثاني 😻😻صح هذا البارت شويه طويل بس راح تكون القصه عدد بارتات مالته قصير 💕💕