لكنه يحبني 1
كانت مقعمزه تشرب في شاهي اخضر بالنعناع واتقلب في القنوات تبي تلقى حاجه اتحط عليها ع دخلت
فرج: السلام عليكم أمي
خديجة: وعليكم السلام
قعمز جنبها بعد مع سلم عليها
فرج: كيف حالك اليوم
خديجة: كويسة أحسن من امس
فرج: بالك ايشوفك دكتور بعد رابطه راسك
خديجة: غير انسيت ناخذ حبة الضغط امس واليوم وتوا خذيتها
فرج: معقوله تنسيها حطيه مع الفطور الصبح
خديجة: انسيتها بكل ناخذ فيها قبل المغرب مرات ومرات الظهر
فرج: خليها الصبح مع الفطور
خديجة: ان شاء الله
فرج: به تبي حاجه
خديجة: نبي انشوف ضنوتك
فرج: خلاص اقريب ان شاء الله
خديجة: أميرة بنت كويسة وتستاهل انكلم هلها
فرج: لا مش أميرة
خديجة: كيف
فرج: كل حاجه نصيب ونا طلعتها من راسي
خديجة: ع راحتك يافروجه غير كنت نحسابها هذه اللي تبيها
فرج: حتى نا
خديجة: شنو حتى انت
فرج: نحساب هذه اللي نبيها
خديجة: باه من اللي تبيها
فرج: خليها ع النصيب
خديجة: كلمتها ع خطبه
فرج: لا ماقلتلها شيء
خديجة: باه شنو
فرج: مش عارف ... مش نصيبي
خديجة: هي هذه مش نصيبك
فرج: نا طالع اتوصيني ع شيء
خديجة: لا رد بالك ع روحك
فرج: به السلام عليكم
خديجة: مع السلامه
داخله تجري ع جيت علي من برا
اسراء: جاء هذا جاء
أميرة: كنه جاء بدري طفي النت وفكينا من حسه
علي: وين امي
اسراء: في المطبخ
علي: عليش جايبتكن بعد هي في المطبخ
اسراء: تشرب في اميه
علي: أمي .. أمي .. أمييي
جت تجري من المطبخ قريب طاحت
مبروكة: نعم نعم ياعيني
علي: عندي جماعة جاين ع العشاء شن ناقصكم
مبروكة: شن تبي العشاء
علي: اي حاجه الا الرز مانبيهش
مبروكة: كم واحد
علي: اثنين
مبروكة: باه خلاص هيا شوفن شن ناقص واكتبن في ورقه
أميرة: نا مريضة ماتعبش عليا انديرلكم حاجه
صبت ودخلت لدار وخبطت الباب وراها بالقوه
علي: نا امبطل نضربها قلت كبيرة وتخرجت لكن اقسم بالله انكسر عليها الباب الحيوانه هذه
مبروكة: وسع بالك انت وأهدى انديرلك قهوة وخليها توا انوريها انا
اسراء: شنو مكرونه امبوخه تبيها
علي: باه شن ناقص
اسراء: خضره ، مفروم ، لحم ، عصير
علي: خضره شنو اكتبي لي ورقه والا دزيهم ليا مسج
اسراء: عنديش رصيد
علي: ساهل توا انجيبلك لكن الحيوانه في عينه انجيبلها جاحه غير اكتبيه في ورقه مع اللي ناقص
اسراء: باه
مبروكة: عليش أتكلف ع روحك توا باتك ايروح وايجيبلها
علي: خلاص توا انجيبلها نا
مبروكة: بارك الله فيك ياعيني
علي: وين عدى باتي
مبروكة: مش عارفه طلع للعصر معش روح
دخلت لدار وحطت راسها ع المخده ع جيت المسج من
فرج: باه ع راحتك ماتردش
حطت تيلفونها صامت جاها واحد اخرى
فرج: شنو تبي اطولي ع هالحاله
كتبت مسج
أميرة: اسمع اللي عندي قلته لك نا مانبيش نتزوج .. عدي شوف وحده غيري وكان تحساب في حد اخرى زي ما قلت امس وع فرض في رآنا مسيبن من ثلاثه شهور ولا انسيت
جاها مسج اول ما حطت الفون ع الارض
فرج: يعني في حد اخرى وتكذبي عليا امس
أميرة: لا ما فيش وبعدين قلت ع فرض
