True Love True Life (مكتملة)

Chapter 24

بعد ما انتي نمتي ، جاستن صحي من النوم متأخر، بصلك لقاكي نايمه

نَعم علي شعرك و باس خدك و قام

لقا الكاميرا راح فتحها لقي صورتك و قعد يضحك

جاستن اخد الموبايل و كلم مامتو و طلع البلكونه

- ايوه يا ماما....

....................................................................

انتي قمتي من النوم ' ياااه انا نمت كتير اوي'

بصيتي لقيتي جاستن خارج من البلكونه و بصلك

جاستن : صباح الخير يا مامي ، و جري نط علي السرير

انتي ضحكتي : صباح النور يا قلبي ، و بوستيه ، كنت بتعمل ايه بره

جاستن صوتو اتغير شويه : امم كنت بكلم ماما..

انتي مسكتي وشو و قلتيلو : حصل حاجة ولا ايه

جاستن : لا هي اتدايقت مني شويه عشان فضلت كل ده مش قايلها و كده يعني ، ماعلينا انهارده اخر يوم لينا هنا عشان هانروح البيت بقي

انتي : جاستن انا بطني وجعاني و نفسي بتغم عليا

جاستن طلع موبايلو : انا هاكلملك دكتور يتابع معاكي انتي بس و تكلميه تقوليلو مالك اوك

اتصل هو بالدكتور و انتي كلمتيه ، شرحتيلو ايه اللي عندك و قالك علي دوا و لازم تمارسي رياضه و تفضلي مرتاحه و relaxed عشان البيبي و صحتك

خلصتي كلام مع الدكتور و اخدتي شاور و طلعتي

لقيتي جاستن معلقلك دول

http://www.polyvore.com/m/set?.embedder=13057074&.svc=Messenger&id=147097013

و كاتبلك ورقه * انزلي هاتلاقيني في الريسيبشن مستنيكي *

انتي اخدتيهم و سرحتي شعرك و نزلتيلو

لقيتي جاستن قاعد تحت و بيلعب في الموبايل رحتي حاطه ايدك علي عينو

جاستن :اكيد مش سكوتر يعني ايدك باين عليها

انتي شلتي ايديك و قعدتي تضحكي و هو قاملك و مسك ايدك

- يلا بينا

- هانروح فين الاول

- انتي ماجيتيش اليابان قبل كده هانلف شويه و نعمل شوبينج و بعدها اخدك و نتعشي عشان بكره سفر

- اممم اوك

غمزلك و طلع بره الفندق لقي صحفيين كتير عمالين يصورو و يسألوه و هو مش بيرد ، جاستن راح واخدك في حضنو و انتي حطيتي ايدك علي عينك من الفلاش

عديتو الصحفيين و ركبتو عربيه ، قعدتو تلفو بيها شويه بعدين وقفتو في شارع كده مليان ناس و محلات نزلتو