روايه #معشوقتي_الصغيرة🥺 الحلقه 5 للكاتبه #ياسمين_البركي✨
(حقيقه ممزوجه بالخيال)
هبه:باهي علاش اعطيني سبب مقنع!!
ملاك تنهدت: لانه قلبي مع غيرة...❤
هبه:كيف؟
ملاك:اي مانقدرش لاني نحب في واحد غيرة
هبه:كيف فهميني كيف تحبي وبلكي يضحك عليك!
ملاك ضحكه بهزوة:هههه كيف يضحك عليا مستحيل ياامي هوا يستنا فيا بالدقيقه امتى نقولك عشان يجي يخطبني وانتي تقولي بلكي يضحك عليك
هبه:باهي مني هدا الولد وين يسكن هوا اصلا! ومواليد كم؟
ملاك:اول حاجه اسمه احمد مواليد ال78 وهوا متزوج وعنده 6 صغار!؟
هبه: 😳😳
ملاك: ايهه اكيد انصدمتي صح بس اني هدا كله مايهمنيش اني نحبه ونعشقه ونموت فيه....
هبه: انتي بعقلك ولا لا😳 متأكده من يلي تقولي فيه
ملاك:اي متأكده وهدا علاش رفضت رياض قتلك لانه قلبي مع غيرة ومستحيل نقبل
هبه:حتى اني مستحيل نقبل بالشي هدا قصدي هوا متزوج وتاني حاجه العمر راه فرق كبيييير بينك وبينه بنتي سامحيني بس مستحيل نقبل!؟
ملاك:ليييش؟💔
هبه:مرته عايشه؟
ملاك:ايهه
هبه:تبي تجي ضرة انتي ولا شنو؟ تبي تعيشي في جحيم انتي؟ شن بيقولو عليك الناس متزوجه راجل والفرق بينهم 23 سنه انتي بعقلك ولا خلاص مشي عقلك؟؟
ملاك:بس ياماما اني نحبه منقدرش نشوف لي راجل غيرة
هبه:اني ماشيه نكلم ساميه نقلها اني موافقه
وبعدها ناضت
ملاك: ياماما مانقدرش منتحملش العيشه من غير احمد كيف تبيني نكون مع غيرة اني نحبه
هبه:اختاري يا امك يااحمد🔥
وبعدها طلعت
وقعدت ملاك تبكي بالعبرة مخنوقه ليش يصير معاي هكي! ليش مناخدش الولد لي حبيته ليش ناخد الولد لي ماعمري فكرت حتى نشوفله بي نص عين💔!؟
هبه:الوو
ساميه:اهلا هبهوب كيف حالك
هبه:بخير والله....نبي نقولك
ساميه:نعم شن كان ردكم ان شاء ماتردونا
هبه:موافقين حبيبتي
ساميه:الحمد الله فرحتيني ياهبه انشالله ع الخير هي بكرا انشالله نتلاقو
هبه:انشالله حبييتي
وسكرو الخط وتلفتت
ملاك:كلمتيها💔
هبه:ايه.... يابنتي متزيدينيش ع همي اقبلي وريحيني ع الاقل هدا رياض معروف بين الناس كلها مرات هدا لي تحبيه هوا يلوحك!!!
ملاك:يلوحني رياض واحمد مستحيل يديرها!؟
هبه:انتي هبلتي ولا كيف معقوله بتتزوجي واحد اكبر منك بي23 سنه هبلتي ولا كيف !؟
ملاك:مايهمنيش بكل!
وبعدها طلعت للجنان!
هبه:الوو
منير:ايواا كيف حالك ياخالتي
هبه:الحمد الله بخير اسمع
منير:نعم؟
هبه:فاضي!
منير:ايه فاضي
هبه:طلعني نشري شوي حاجات
منير:تمام مسافه الطريق ونكون عندك!
هبه:تمام!
وبعدها مشت لي ملاك!
هبه:تمشي معاي
ملاك تتكلم وعيونها في الورد:وين؟
هبه:نشري شوي حاجات
ملاك:لا مانبيش نمشي
هبه:ع راحتك!
ملاك:من بيرفعك؟
هبه:منير
ملاك:ياريت تكلميه وتقوليله جيب الاء وتسنيم!
هبه:تمام!
صفاء:طالع!
منير:ايه....رافع خالتي
صفاء:وين؟
منير:منعرفش قالت نشري حاجات
صفاء:اهاااا
منير:الووو
هبه:عادي تجيب الاء وتسنيم لي ملاك؟
منير: تمام
هبه:سامحني اكيد بنتعبك معاي!
منير:تعبك راحه خالتي!❤
........
وسكرو الخط
منير:الاء تسنيم
الاء&تسنيم:نعم؟
منير:تعالو تبيكم ملاك
الاء:وينها قلها تخش؟
منير:هيا تبيكم غادي في حوشهم مش اهني
تسنيم:اهاا في السيارة
منير:ايه
وبعدها ركبو السيارة ومشو واهني وصلو في مطب وخطمت سيارة من جنب منير وقعدو الاتنين يبيبو لي ببعض وتسنيم انصدمت لما شافت......😳
.
.
.....يتبع
أوكي عارفتها قصيرة
هي توقعاتكم للحلقه الجايه🔥
