روايه #معشوقتي_الصغيرة🥺 الحلقه 4 للكاتبه #ياسمين_البركي🔥
طق طق طق
هبه فتحت الباب ومكنتش متوقعه انه يجي و.....
هبه:😳😳
حسين:اهلا
هبه تتكلم في سرها:ممكن يبعت رساله بس مش انه يجي لعند باب الحوش يعني فيه هلبا جيران يقصقصو؟
حسين:عارفك بي شن تفكري توا بس اني جاي نعطي فيك في فلوس عارف حتقولي يمكن تبعتهم حتى بعت مع اي حد بس اكتشفت انه كل مانبعت يجوك ناقاصات! فقررت اني نقعد اهني معاش بنسافر ومرة مرة نجي نبعتلك.....وبعدها مدلها زرف
هبه:شكرا.اا
حسين:كيف حال ملاك
هبه كنت سارحه نشبح لي منظرة يلي متغير 360 درجه حتى راسه مفيشي ولا شعرة فيها شيب!؟
مع انه زمان كان نصه شيب؟
هبة:مشت للجامعه
حسين:اهاا تمام اني توا ماشي خير مايشوفونا الجيران
هبه هزت براسها بمعنى تمام!وبعدها سكرت الباب وخشت؟
تسنيم تشوف لي ورق الولد
تسنيم:مش مصدقه🙂
......:شن مش مصدقه؟؟
تسنيم:قصدك تحلب في الالبان😂😂😂
بالبان:ممكن😂
تسنيم:بجديات اسمك بالبان؟
بالبان:ايه وانتى 😅
تسنيم:اني تسنيم!
بالبان:بجودة بيك
تسنيم:وبيك
تسنيم:هوا حتى انت طرف زي اسمك🙂😂😅
بالبان:اول بنت تقولها
تسنيم:وعلاش
بالبان:عشان اللحيه🙂
تسنيم:خيرها اللحيه؟
بالبان:توا البانت ككلهم يحبو اللحيه واني معنديش لحيه😂
تسنيم:اني مانبيش لحيه🤤😂😈.....يابابا ماتهمش اللحيه المهم انت طرف🤤
بالبان:هلبا بنات يقولو هكي بس تقعد عندهم اللحيه اهم😂
تسنيم:همممم همممم🤤
بالبان:😅😅
تسنيم:ووووه نمشي نخش داخل واني قعدت نهدرز معاك😅
بالبان:نتلاقو بعدين😅
تسنيم:اكيد🤤😈
بالبان اشرلها بيده بمعنى باي
وبعدها خشت تسنيم لي صفها
_________________
احمد:اسمعي يابنت الناس اني معاش يساعدني الوضع هدا راه؟!!
نهله:شن تقصد؟
احمد:حكالها ع ليصار
نهله وقفت:شني شن قلت تواا يااحمد شن اني طرطور ولا شت مقصره معاك عندك 6 صغار راه؟
احمد:اي انتي مقصرة في كل شي وبعدين الشرع حلل 4 ونقدر ناخد امتى مانبي وانتي مليكش علاقه
وطلع وخلاها
نهله:مستحيل يلي يصير مستحيل نخليك تتزوج !
وخدت التحفة يلي كانت فوق الطاوله وكسرتها ع الحيط🤷♀️
كملت المحاضرة ومنير روح بي ملاك لي حوشهم وهوا واخته روحو لحوشهم تسنيم مروحتش لين خدت رقم بالبان😂
#يوم_جديد🌤🌤
هبه كانت توتي في الكسكسي لي مصطفى وملاك كانت واقفه عليها
ملاك:جي بابا امس؟
هبه:اي جي وقال حنقعد بعيد لما نبعتلكم فلوس تو نجي للمدينه هدي
ملاك:كان جيي يوم تاني واني قعده قوليله اني مهناش تمام
هبه:تمام حبيبتي💔
ملاك:كملتي؟
هبه:ايهه كلمي خالك يجي يرفعها
ملاك:تمام
ترن ترن ترن
هبه:جيبيلي هاتفي قبل ترا
ملاك:جابت لي امها الهاتف
هبه:مني؟
ملاك:هدي جارتنا ساميه!
هبه:خدت منها الهاتف وبعدها ملاك مشت عشان تكلم خالها!
هبه:الوو
ساميه:اهلااا
هبه:اهلين ساميه كيف حالك
ساميه:الحمد الله بخير ياهبه كف حالك انتي وكيف حال بنتك ملاك انشالله بخير❤
هبه:الحمد الله بخير كيف حالك انتي وكيف حال رياض ورنيم وكيف خال مولى بيتك
ساميه:الحمد الله بخير.....هبه والله جاياتك في موضوع
هبه:تفضلي قولي
ساميه:اني نبي نطلب بنتك ملاك لي ولدي رياض لو توافقي بكرا نجو نديرو نظرة شرعيه وبعدها يلي يريحك😊
هبه:والله اني مانلقى زي رياض لبنتي ملاك😊 بس خليتي نشوفها هيا قبل لازم نسمع قرارها ونرد عليك😊
ساميه:تمام فرحتيني انشالله❤.....هي نتلاقو
هبه:انشالله حبيبتي
وسكرت هبه الخط وهيا مبتسمه كانت من زمان تتمنى انه رياض ياخد بنتها فعلا وتحقق الشي هدا لانه ولد جيراننم ومعروف في المنطقه كلها بصيته الكويسه❤
وبعدها خشت عليها ملاك
ملاك:اووو خيرك ياماما تبتسمي هكي
هبه:كلمتي خالك
ملاك:اي كلمته قالي مسافه الطريق ونكون غادي
هبه:باهي تعالي للصاله
ملاك:علاش شن فيه؟
هبه:نبيك في موضوع تعالي
وبعدها قعمزو في الصاله
ملاك:شن هوا الموضوع؟.....اصلا حتى اني نبيك في موضوع😄
هبه:نحكيلك اني قبل وبعدها انتي
ملاك:تمام
هبه:اتصلت بيا ساميه جارتنا وطالباتك لي ولدها😄
ملاك:..........؟
عند تسنيم يلي كانت طول الوقت وهيا طايحه تهدرز مع بالبان😂
تسنيم:منظرك بلا لحيه احلاا🤤🤤
بالبان:هيا متبيش تنبت بكل🙂
تسنيم:😂😂😂
منير خش عليها فجأه وتسنيم بقدرة قادر قدرت تنحي الهاتف من ودنها بس مقدرتش تصكر ع المكالمه......
منير:نوضي حدديلي السروال🙃
تسنيم:شن المقابل🙂
منير:ههههههه كريب بالشكلاطه😂.....{وبعدها كشخ عليها بصوت عالي لين جت واقفه}
منير:اني قتلللللك نوووووضي😡
تسنيم:جت واقفه بس قدرت تصكر ع المكالمه 😂 وبعدها طلعت من الدار
منير:والله يمشي معاي هدا الدور😂😂🤤
حددت تسنيم سروال منير وبعدها جاته
تسنيم:هاك!
منير:منورا ياقندس😂
تسنيم:مش ببلاش راه
منير:كيف يعني؟
تسنيم:عبي للنت رصيد
منير:وكان معبيتلاش! شن بيصير
تسنيم:حنقول لبابا انه منير كشخ عليا وكيف جاي بيضربني و.... المهم الدوا هادي
منير:اقسم بالله تقولي ندفنك في مكانك
تسنيم:عادي لو متبينيش نقول عبي النت😌
منير:وقحه😒
وبعدها طلع يجيبلها في كرت😂
هبه:اتصلت بيا ساميه جارتنا وطالباتك لي ولدها!
ملاك:كيف يعني
هبه:شوفي يابنتي الولد كويس وتعرفيه و..... قاطعتها
ملاك:لالا مانبيشي منحباشي
هبه: علاش ماتحبيشي شن دارلك !؟
ملاك:مادارلي شي بس مانبيشي
هبه:كيف ماتبيشي شن فيه عيب
ملاك:اني مانبيشي
وبعدها ع طول ركبت للدار
هبه:تو نزيد نتكلم معاها بعدين🤦♀️
طق طق طق
فتحت الباب
هبه:تفضل خش
مصطفى:لالا بنطلع بس ترا مديلي القصعه مافي ماعطل هما الضيوف قريب يجو
هبه:تمام
ومشت تجيبله في القصعه
هبه:تفضل هي
مصطفى:بارك الله فيك ....بعدين جايك بخبر يفرحك❤
هبه:شن هوا؟
مصطفى:بعدين توا معنديش وقت هي نتلاقو
هبه:انشالله❤
وبعدها سكرت الباب
ملاك:اني مستحيل نقبل اني نبيك انت يااحمد😭
احمد:حاولي قولي لي امك اني مش متخيل نشوفك لي غيري
ملاك:ولا اني يااحمد بس حنقوللها عليك خلاص معاش نقدر
احمد: مستحيل مستحيل يصير هدا الكلام
ملاك:انشالله تو نحاول💔
احمد:مستحيل نشوفك لغيري
ملاك:ولا اني نشالله نحاول
احمد:هي تصبحي.....
وسكرو الخط
وخشت عليها
هبه: انتي بخير
ملاك:تشبحي فيا بخير مالا من عريس الغفله لي جاي😒
هبه:علاش ياملوكه شن فيه عشان رفضتيه هكي
ملاك:اني مانبيشي مش خاش راسي الفرخ
هبه:باهي علاش اعطيني سبب مقنع!!
ملاك تنهدت: لانه قلبي مع غيرة...❤يتبع
