دخيله ( مكتمله)

البارت 4

هلو حبايبي

***
لا تبرر لأي شخص الناس لا تسمع إلا ماتريد •

***

_ ناز رجعت للبيت مااعرف شبيه كعدت رجعة بذاكرتي للموقف الي صار اليوم وياي استاذ علي ليش هيج سوئ وياي يعني هاذا يحجي كل عقله اني البس هيج حتئ اغري لا هاذا اكيد مخبل ولله لو

يضل اخر رجال علئ وجه الارض مااباوع بوجهه ولا عمري فكرت مثل تفكيرة الوسخ اني لو صدك مثل ما فكر البس لاغري اله ولغيرة واعرف هاي السوالف مجان هاذا حالي اصلا اني مااحب اتقرب من هاذي

شغلات كل الي يهمني استر علئ نفسي واامن مستقبلي صح اني يتيمه وماعندي احد بس بيبي  ربتني احسن تربيه ولليوم ماسمعنه كلام زايد علينا رغم ماكو رجال عدنا بس النا الله نباوع علي ويباوع

علينا واني ممسوي شيئ غلط ضليت افكر اريد الاقي سبب للي صار ماكو وثانيا هوه شنو ومنو حتئ يحاسبني للاسف اغلب الاغنياء  عقولهم مريضه ومتخلفين عقليا يفكرون الناس الفقرة مثل

القوارض تقترب منهم بالحيله والخداع  لحتئ تصطاد غافلين عن اهم شيئ الفقير ماعندة شيئ يفرط في اكثر من شرفه وسمعته ومستعد ينطي روحه ولا احد يمس كرامته مااعرف شوكت نمت

واني بملابسي بزاويه الغرفه علئ الارض الباردة كعدت راسي مااحس بي من الوجع جسمي مثل ثلج مااكدر اتحرك حتئ نسيت اوقت المنبه كم ساعه بقيت افكر مااعرف بس الي اعرفه لساتني بملابس

البارحه مالت العمل وعيوني متشوف غير موقف الي صار البارحه وياالمدير مكدرت الاكي اي تفسير للي صار باوعت ساعه عشرة صبح اووو اني كنت فاقدة كل هل وقت يلا اصلا حتئ لو كعدت صبح

مكان كدرت اداوم اليوم احس عقلي مخدر كمت غسلت ولبست بجامه وبلوزة جففت شعري وخليت مرطب لشفايفي احسها يابسه مفطرة اخذت موبايلي واتصلت علئ استاذ ايهم بعد كم رنه جاوب

ناز ،، الوو استاذ ايهم صباح الخير

ايهم ،، صباح الخير اليوم ممداومه ست خير

ناز ،، اسفه استاذ بس مكدرت اتمنئ تعذرني راح اداوم بعدد ضهر

ايهم ،،  ليش خير اذا محتاجه شيئ كولي

ناز ،، لا سلامتك استاذ بس شويه تعبانه

ايهم ،، ولا يهمج اليوم انتي مجاز ارتاحي وباجر اذا تحسنتي داومي

ناز ،، ماشي استاذ شكرا الك جدا ممنونتك

ايهم ،، العفو ولو عليج العافيه

ناز ،، الله يعافيك سلام

_ ناز مااعرف ليش صارت معاملة استاذ ايهم الي قمت الاحترام والعمليه كلامه كله برسميه واابد ميرفع عينه عليه وهل شيئ خلاني حس انو اني ضلمته وحكمت علي قبل لا اعرفه احتمال كان بااول