مصارعة في قبظة الامبراطور

3

🦋مصارعة في قبظة الامبراطور 🦋
🕊️بقلم :kholoud.id🕊️
الفصل:#توأم_طفولة
✨المهرجة ديــــڤــــا✨
#الجزء___ 3:
حاار معرف لاش اتصدا فك سنانو من لسانو و حاول اصبر راسو.... مجا فين ادور تا جاتو دقا و حدة وخرة لفكو الايمن.....عاود جات دقة وحدة وخرة لفكو الايسر....طاح على ركابيه شاد فوجهو كيحسو بفكو كامل كيزعزع....قربات منو باياسو ديڨا"المهرجة ديڨا"مسكاتو من شعرو بقوة....و تنات ركبتها وضربات راسو مع ركبتها...تا عواج ليه نييف...شد نيفو كيصرخ بالم هنا ستاغلات لفرصة...و طلعات فدوك شبكات ديال لحلبة كتشد فكل تقبة تا طلعات لاعلى درجة....و هي تلاح من لفوق تانيا ايديها تا لتحت جات نيشان على كرشو....خرج ليه دم من فمو...و مسك بطنو بالم كدير كلشي برزبة ما كتخليش ليه لفرصة فين استوعب دقة تا كتجيه دقة اوخرى...تقدمات جيهت رجليه و بدون تفكير حملات رجليها و هزاتها و هبطات على ركبتو على جهدها تا تسمع طاق..مسك عاوتاني ركبتو كيصرخ بكل قواه....و الجمهور زاد تحمس معروف على باياسو ديڨا فاش كدوز ايديها على وجها كتحول من ديك المهرجة الغبية المضحكة الى المهرجة القاتلة الشريرة الحاقدة...و سؤال المطرحو عند الجمهور....علااش اكثرية كدابز مع رجال معمرها فحياتها دابزات مع امرأة...و الخصم يا كايكون من رجل العصابات او بمعنى اخر المافيا....او كيتاجر بلمخدرات و اعضاء الاطفال....و قبل بداية العراك...شروط لي كايكون بين الخصمين اي بين باياسو ديڨا و الخصم انه الا ربحات ديڨا.....المنظمة او المافيا ديال الخصم تولي فالاسم ديال ديڨا و الى ربح الخصم المنظمات لي عند ديڨا اه منظمات...لان ديڨا ربحات بزاف ديال المافيا و خداات عديد من المنظمات و كل مافيا كتولي على سميتها ديڨا...شي لي خلا المافيا ديال ديڨا من اكبر المافيات في اسبانيا....وقفات فبلاصتها و دارت اخر حركة قبل ما ينتاهي العراك...هزات رجليها و ضرباتو بكل قوتها لعنقو....تكوانسا لخصم فبلاصتو و هي تمات خارجة.....و قفات امام الباب الحديدي...و ضرباتو تا تحل...و الحكم ما دواوهاش رغم ان المعركة مزال ما انتهت و لكن بنسبة ليها هي انتهت...لأن عارفا بل متأكدة انه من مورا هاذ ضربة مغاديش انوض مرة اخرة...و حتى لجمهور و لحكم تعاودو على خرجوها فاي وقت قالها ليها راسها لانهم منين كيتأكدو كيلقاو لخصم مات...و معندهم ما يعطوها لا درع لا تا خاجة كل ما تأخده هو.....المنظمة د الخصم....اتاجهات نحو مكان تغيير الملابس...فتحات لباب...مرت على الخزانة جبدات واحد لبرودي على شكل جيل...و تمشات غادا لمرحاض و قفات قدام لاڤابو و كبات داك شوي دلجيل فوجها و بدات كتغسل مزييااان حتى كشكش و لا بحال صابون...فاماكنها تغسل وجها من صباغة بصابون و لكن صباغة لي دايرا ما كتخيد غير بداك الجيل....غسلات وجها مزيان بلجيل و طلقات لما كتغسل وجها....هزات راسها فلمراية وجها كيقطر...هنا بان وجها...اعين فلاخضر الفاتح...فيم منفوخ...و الحجبان مقادين...و نيف صغيور...رجعات لخازنة كتمسح فوجها..وهزات كل ما يلزمها لدوش من شمبوان صابون باندوش....دخلات بلخف دوشات و مع هي كتكب لما على شعرها مع صباغة لي فشعرها كطيييح و جات بلاصتو لون شعرها لحقيقي لي فلون البني...خرجات مضورة عليها فوكة وقفات للمرة الثالتة امام الخزانة تتلبس خوايجها حتى قفزها صوت منادي باسمها لتافتات نحو لمصدر...و اذا بها تجد بنت خالتها صاحبة صوت...
بنت خالتها:(بهدوء)و كما العادة حور العمراني تفوز...(بحماس)ناااااااري يا حووور الحلبة خليتها شاعلا من موراك غزيتي فداااك خونا
#يــــتـــــبـــــع🍓