تاني يوم الصبح كان يوم جمعة
نبدو من اسيرام
كان حالتها تبكي منظر الدم متشرتع في كل مكان و رجليها ماتقدرش تحركهم من كتر الضرب عليهم كانت جسد بلا روح 💔
وشعرها طويل كان كله معبي ب دم 💔
ناضت على صوت بوها يسب من الصبح و هيا مش قادره تتكلم
ناضت سندت روحها ع الحيط وخشت للحمام(حشاكم )
اسيرام :
بعد ما عطالي بوي طريحه خلا جسمي كله خرايط وشبحت روحي ف المراية نصدمت من منظري 💔
معقوله هادي اني ما نحسابش يجي يوم ونلقى أعز الناس ليا هما إلى طعنوني ف تربيتي و عرضي.
ونفقد أغلا شيء ف حياتي وهيا أمي
خذيت دوش دافي حسيت فيها جسمي رزين مقدرتش نتحرك كويس 💔
طلعت من الحمام (حشاكم)
سمعت صوت بوي خش
تلاقيت معاه في الممر وشبحني بنظرة أخيه وخدا بعضه وطلع
__________________
بعد أسبوع
عند حوش أهل قصي 💓
قيس خش ل غرفت قصي
قصي كان راقد وواضح عليه تعب
قيس:قصي يا قصي تي يا كلب نوض ياسرلك نوم
قصي :وانته شن تبي عندي نوض دارك وجهك قدامي نوض من ما سكك
قيس :تي غير نوض ركز معاي يا خونا اليوم بنديرو حد ل شي هذا ✖️
قصي :فتح عيونه 😕
شكلك كنت تحلم بيهم ولا كيف
قيس :نزل راسه هذا كابوس مستحيل ينتهي ل يوم نشبح إيهاب ف ايدي ونا قتاله
قصي :ايصير خير توا نديرو رأي عليه
قيس :اوكي
خشو عليهم سما ومريم
صباح الخير على أحلا خوت ❤️❤️
قصي وقيس :صباح النور ع نفاخاات
خيركم شن تبو من الاخير
سما :سملا من غير شر ما نبو شيء 🙄
قيس :اي واضح واضح
وتلفون قصي يشرين :تلفتله
اسكتي انتي وياها
وفتح الخط ايوه؛
ياسر :صباح الخير
قصي :صباحك
ياسر :كيف حالك
قصي :بخير
شكلك كنت تحلم بيااا ولا شن فيه
ياسر :هلبااا ل نم
قصي :اختصر شن فيه
ياسر :به وانت ديما أعصابك في راس شخشيرك
قصي :بالله كيف جت هادي اعصابي في راس شخشيري مفهمتهاش يا تشم
ياسر :مش لازم كل شيء بدير روحك فاهمه
يا عقرب
قصي :نجيك غادي نفشخلك الدلاعه إلى فوق راسك ونوريك كيف مداير العقرب
تقول شن تبي ولا نسكر
ياسر :باهي باه
احم بنقولك تعرف وحق الله نتحشم انقولها
قصي :ورب الكعبه نسكر ونجيك رآه اقعد ف امها هي وسكر عليه
ياسر :حي سكر عليا
قيس :خيره ياسر
قصي :بالله فاضي وشكله يبي شيء ومتحشم
سما ومريم :واقفات
قصي :وانتي وهيا خيركم فاتحت و دانكم زي القرده وختها اطلعو
وجاته رسالة
فتحها قعد ساكت ويقرأ
(احم قصي بنقولك اني اليوم جاي اني وامي)
قصي :فنص فيهم ورص ع سنانه خلاهم يرعشو شن كنت نحكي اني متفهموش
سما :أأأااااااتت تمام طلعات
قيس :خيره شن يبي فيك
قصي :قال بيجيب أمه ويجو عادي وعلاش هكي خاش بعضه
قيس :ماهو ياخوي التشم بيجو يطلبو وحده من خواتك
قصي :ومن قال
قيس :تي خيرك ياسر من الاستعباط واضحه لأنه خش بعضه وماعاش عرف كيف يدوي
قصي :اها كويس كويس كان هذا بس كان جي ل مريم مسكينه قداش ما تعاني وراه من دمه التقيل بس كان سما طنجرة ولقت مغطها وضحكو زوز ههههههههههه
قيس :اي والله هههههههه
قصي :نوض اطلع خلي انضم اموري
قيس :اوكي هاني طالع
