سيرام: بديت نفتح ف عيوني وشفت الدنيا مشوشه حسيت بوجع رهيب ف راسي بعدين بدت رؤية واضحه لقيت روحي ف دار كأنها دار نوم حسيت من جاء جيهت الباب سكرت عيوني من الخوف 😣
قصي: بعد ما كلمت ياسر خشيت نوتيلها ف حاجه تاكلها وخشيت عليها قعمزة نتأمل فيها
سيرام: بعد ما خش درت روحي راقده بس حسيته قرب لعندي وحسيته يشبح فياا
رمشت عيوني وبعدها فتحتهم لقيته واقف قدامي ويتأمل
قصي: قعدة نتأمل ف جمالها رباني وقلبي يدق بسرعه بس فجأة فتحت عيونها.
احم گيف حالك توا
سيرام: الحمدالله شن جابني هني وشن تبي مني 😢
قصي: متسألينيش ب ولا حاجه توا كولي وخشي نظمي امورك يالي نقدر نقوله انك ف خطر ولازم ما نحميك وبس
سيرام:بدت تبكي 😭😭😭وه عليا وربي لو يشوفني بوي ويعرف اني مش موجوده ف الحوش وربي لا يقتلني 💔😭
شن درت ف عمري
قصي: معاش عرفت شن اندير
أأأأ. ... متخفيش بوك ح يتفاهم الوضع
نوضي انتي ديري شن قتلك عليه
منحبش نعاود كلامي 😡
سيرام: اوگي 😔
--------------------------------
في المستشفى 😔💔
دكتور طلع من غرفة العمليات
الحاج محمد: شن يادكتور بشرنا
دكتور: 😔البقاء الله المريضه اعطتكم عمرها
الحاج محمد : لا ياربي علاش وقعد يبكي😭😭😭
وينك ياسيرام 💔💔
هيام: لا ياعمتي وين مشيتي وخليتي سيرام بروحها 💔😭😭😭
مشي الحاج محمد وخدي ورقة شهادة الوافات وبدو ف مراسم الدفن وكان الناس يالي يحكي وين البنت وكيف صار هكي ومن هوا يالي خطف البنت ويالي يحكي ع شرفها وانها هربت
كلام الناس مايرحمش 💔
-------------------------
ياسر: هاي يا طيري شن بنديرو توا
قصي : العقرب ح يرجع ل ساحة ومش ح نرحم حد 😏
محمد: ح ندمروهم وربي ماني راحمهم 💪
قصي: ح نديرو خطة ولازم ما نقتلوهم
مالك يزن سامر وليد
شوفو مكانهم وين وكم نفر
شباب : حاضر يا العقرب
--------------------------
بعد تلاته أيام العزي ناس خاشة وناس طالعه
في صبح عند الحاج محمد ☀️🕙
جت سيارة كحله مسلفره نوع Jeep
نزل منها 5 رجال كانو منظرهم مقرف ع لبسهم ع شكلهم 🤢
بنتكلم شوي ع المجهولين من هما وشن قصتهم 🤷♀️
مجهول 1 اسمه ايهاب
مجهول 2 اسمه مازن
مجهول 3 اسمه ماجد
هاذو تلاته صحاب مكونين عصابه يشدو ف البوابات الوهميه ويسرقو أملاك الناس وتجار الممنوعات وسلاح الدنيا يلخبطو فيها ومن ضمن الحاجات يالي يبو يسرقوها وتكون ليهم
وعندهم تار مع العقرب لانهم كانو صحاب وهگي بس بعدها صارت مشكله بيناتهم وعرف انه ايهاب يخشو ع الممنوعات وهگي ف صارت عركه كبيرا وصار فيها ضرب رصاص ف حتي هما زي قصي ميعرفوش الحاجات هاذي ع ايهاب وصحابه ف وقفو محمد وياسر مع قصي بعد ضرب سلاح وهگي ضرب قصي ايهاب رصاصه جت ف جهة قلبه بس حكمت ربي انه مماتش وكانت حالته خطيره بس طلع منها ومن هذاك الوقت ايهاب حقد ع قصي ويبي يصفيهو يطيحه ف مصيبه ويخش سجن ف دار الخطه انه يقتل اسيرام باش يكون ع اساس قصي قتلها و
الحاج محمد يشكي انه قصي هوا يالي قتل بنته لما يلقاه ف الكوجينه ويشدوه ب الجرم المشهود بس حكمت ربي اكبر من هكي لانه قصي ذكي ويعرف يتصرف مليح لذلك سموه العقرب من قوة شخصيته ويعرف يتصرف
وباش ياخد ايهاب شركة لانه من اكبر شركات ف ليبيا
بس الخطة فشلت ومصارش ولا حاجه من يالي مخططه ايهاب بس مزال يبي يصافي قصي باي طريقة لانه الحقد والغيرة عمت ع قلبه 🖤
---------------------------------------------
نرجعو ل روايتنا 🙃
ايهاب: سلام عليكم ياعمي
الحاج محمد: وعليك السلام
ايهاب: نبي منك شئ
الحاج محمد: شن تبي انت
ايهاب: نبي شركة
الحاج محمد: خيركم ع شركة بس اني مش ح نبيعها
ايهاب: وانت من قالك تبيعهالي
الحاج محمد: مالت كيف
ايهاب: بناخدها هگي وح نعطيلك مقابلها شئ
الحاج محمد: شن هوا المقابل
ايهاب: بنتك 😏
الحاج محمد: ك ك كيف وينها هيا 😳
ايهاب: عند قصي 😏
الحاج محمد: تمام المهم جيبلي بنتي وشركة حلال ليك
ايهاب: وشن يظمني
الحاج محمد: خلاص نمشو ونزيرلكم ورقة تنازل كل شئ الا شرافي 😔
ايهاب: حلو حلو تمام يااا عمي 😏😈
مشو مع بهض ودارله ورقة تنازل وخدي بعضه وروح ل حوشه وقلبه مكسور ع بنته ومرته 💔🥺
بعد نص ساعة
مالك: يا العقرب عرفنا مكانهم
قصي: وين؟؟
مالك: قاعدين ف محور ......
قصي: حلو
اليوم ح نهدو عليهم تمام
------------------------
عند سيرام
بعد ماكليت ودوشة صليت ركعتين واني نبكي حاسه قلبي بيتفجر نحس فيه شئ صاير او ب يصير مش عارفه شن هوا 💔
خش عليا قصي وللعلم ل توا منعرفش اسمه
قصي: سلام
سيرام: وعليك سلام
قصي: نبي نحكي معاك مشوار
سيرام :تفضل خوي
قصي: بجديه اولا اني اسمي قصي وهذا المكان ليا متخافيش انتي ب امانتي ويالي بيصير فيك بيصير فيا وانتي ماسؤليتي حتى نوصلك ل حوش بوك يمكن ح نزيدو يوم تاني وتم القصة وترجعي الحوش بوك وانتي ف الحفظ وصون واذا تبي شئ او صار معاك شئ هذا رقمي اتصلي بيا طول لاني اليوم ف ليل عندي شغل ف يقعد بالي مشغول اتصلي بيا اذا صار شئ🤙 واني نتصارف.
سيرام: قصي
قصي: نعم تفضلي
سيرام: شگرا ع كل شئ وعمري مارح ننسا جمايلك 😔
قصي: ولو هذا واجبي وانتي زي اختي يالي بيصير فيك بيصير فيا ومعاد تشكريني وتوا سلام
سيرام: 🥺💔 ربي معاك
قصي: وصل ل الباب ولتفت ليها قعد يتإمل فيها كأنه يودع فيها وفيه قلبه هلبا كلام مش قادر يتكلم لانه ميقدرش يقولها نبيك ونحبك من اول نضرة خشيتي قلبي 💔😔
لانه يعرف مستحيل بوها يعطيهاله بحكم انه عربي وهيا امازيغيه وانه مستحيل يعطوهالها لانه العادات وتقاليد اقوي من حبه ليها 💔
ف فضل انه يخليه ف قلبه احسن ما يتعلق فيها اكتر وف الاخير مش ح تكون ليه😔
خدي بعضه وطلع وكانه يملي ف عيونه بشوفتها. وطلع وقلبه مكسور 💔
سيرام: اي حبيته خش قلبي بحكم اني نعرف مستحيل بوي ح يعطيني غير ل أمازيغي نضراته كانت كلها حب وكسرت قلب بس مش قادر يتكلم لانه بيعرف ح نعدبو بعض ف فضل السكوت ع انه يتكلم 💔
خشيت توضيت وصليت ركعتين وبكيت فيها لين نشفو دموعي 😔
لا الليل يحضن مافي القلب من ألم ولا الصباح اذا ماجاء يؤويه
حملت قلبي علي گفي وسرت به لما تيقنت ان
الله يكفيه. 🙏💔
---------------------------
اي الحب لا يعرف لا كبير الاصغير لا يعرف عربي ولا امازيغي عاداتنا خلت ناس هلبا تتوجع فيه من ضحا ب قلبه ع خاطر العادات انه مستحيل يكونو ل بعض وفيه من يالي هربت ع خاطر العادات وفيه من عنده عادي وفيه عنده لاوهلبا كلام وقصص . 💔😣
--------------------------------
🔥ۅقــعــــت فــــي
حــــب آمــــآڒٍيــــغــــيــــــة 🔥
للكاتبة : Møøn ñaløut ❤️
شن رايكن ف البارت
قيمو القدر شويه عاد 🥺❤️
