دازو من حدا لاكيس
تاج الورد : شفتك ماعاتخلصشي
محسن : ( غادي جارها) كنهز بالكريدي حتا لراس شهر و كنخلص.
تاج الورد : اواعدي زول مني زول يديك عليا
دخلو البارك و مشا لوطو لي كانت رانج روفر اخر ماكاين فتح ليها الباب ركبات و بقات كتدور فعينيها
محسن : ايوا زين
تاج الورد : والووو شووو هانتينا انا معطلة اواعدي هي دابا العشرة اورباع يانا خصني ندخل نالدار مع العشرة و نص
محسن : هممم (شاف فيها بلعوب) هاد ليلة دازت وليني دومان عانشدك عانشدك
بزقات فمها ماجاوباتوش
قاد شيشة كانت عندو تما مقادة و مصايبة و جر تيو جر منو
محسن : ايوا
تاج الورد : شني
محسن : فين كتسكني ( عطاها تشيش)
تاج الورد :( جرااات و نفخات فالهوا كانت ديال الاناناس) اممم كتعرف علال الفاسي ( حرك براسو) وصلني ليلا
محسن : هي لولا
تاج الورد : خدم الاغاني
حل تيليفونو و دار اليوتيوب عطاها تكتب لي بغات
عملات لالجيرينو banderass و جلسات كتمايل معاها حتا وصل و باركا حدا اسماعيل بضبط
محسن : واش كتسكني هنا
تاج الورد : اممم ياله الله يعاون اخاي
جات تفتح الباب
محسن : تي كيفاش الله يعاون مكاين لا بوسة لا تاحاجة
ضرباتو لحجرو و خرجات كتجري بداك طالون بقا غا كيضحك عليها دخلات عند اسماعيل
تاج الورد : اسماعيل عتق الساك اخاي معطلة
اسماعيل : هاهو ياكما نخرج معاك نوصلك
تاج الورد : لا لا مناقصني مشاكيل الله يعاون لبسات عندو العباية و شال و خرجات غافاة على محسن لي تابعها على رجلو من اللور حتا وصلات للدار رشات ريحة فالهوا و دازت فيها حلات الباب د الدار و طلعات عرفات ماغاتلقا حد من غير مها لي عيطات من البيت تأكدات واش جات بدلات حوايجها و مشات لطواليط قضات حاجتها و غسلات وجهها و سنانها و خرجات مشات البيت بقات كتضور و فلخر جبدات كتوبتها كتحفظ و تراجع هي اصلا ديجا راجعات الدروس فالصيف و سالات كلشي داتها عينيها و خلات الكتوبة هاكداك فوق الطابلة و تكات تنعس حتا كضربها الفيقة على خطوات فبيتها كان باها شافتو دخل و رجع خرج عرفاتو عيكون جا يشوفها واش نعسات رجعات تكمل نعاسها
أنت تقرأ
داويني ؟
عاطفيةقصة غانجمع فيها احداث من الواقع و احدات من الخيال قصة غانطرق فيها لبزااف د الحوايج البطلة مغايرة للبطلات لي كنعرفو حمقة و معقدة اما البطل واحد الشلاهبي و واحد الزلايلي منو ماكان القصة كاتباها على شكل مسلسل لا احلل النشر بدون اخد اذني ⛔ القصة من...