الحلقة الخامسة
كنزي
(كنزي تتحدي مروان الصعيدي)
صدم صالح وكل الموجودين
صالح: بت مين
ياسين: تقصد اي
مروان :بجدية انا هتجوز بنتك الاسبوع الجاي ومش طالب منك حاجه غير بنتك
ياسين كان هيمسك في مروان
صالح : اهدي يا ياسين لما نفهم الموضوع الاول
ياسين:ده بيقول بنتك فرحها الاسبوع الجاي دا واحد مجنون
مروان: الجنان إللي إنت بتعمله
وإللي بتقوله إنت مش عارف أنا مين
كنزي:انت واحد مختل عقليا واحد مغرور وشايف نفسك إوعى شيطانك يصورلك إنك تبقي جوزي في يوم من الايام دا من أحلامك إللي مش هتتحقق
ياسين: إطلع بره
صالح : يا إبني طلبك مش عندنا بس بالذوق وربنا يوفقك مع واحدة تانيه
مروان ابتسم وقبل خروجه من الباب
الفرح الاسبوع الجاي
وسابهم ومشي
ياسين: بزهول أنا عمري ما شوفت كدا
صالح : ربنا يستر إحنا لازم نسيب البلد دي في أقرب وقت
كنزي:ليه نمشي هي بلد أهله هو اشتراها بفلوسه
ياسين: إحنا مش هنمشي وهنشوف هيعمل اية دا أخره كلام
صالح : لا مش كلام وإللي قولته هيتنفذ حضروا نفسكم أنا عارف آكتر منكم
نهال :قول لهم أبوه عمل اية زمان
صالح : خلاص يا نهال دا موضوع قديم واتقفل
كنزي :قول يا بابا أنا حابه أعرف أبوه عمل إي زمان
صالح : أنا قولت خلاص حضروا نفسكم
ياسين٠٠ بس إحنا خلاص نقلنا كل حاجاتنا هنا
صالح : مش مهم المهم إنتوا
وسابهم ودخل استغربو من طريقة ابيهم ومن ردت فعله فأباهم ليس ضعيف في العاده ولم يهرب من مشاكله فكثيرا مرت عليهم مشاكل وابيهم تفادا كل المشاكل
في منتصف الليل
في غرفه صالح
نهال:كنت قولت للعيال عن جلال عشان العيال ياخدوا بالهم من ابنه مروان
صالح :مش هتفرق إحنا لازم نمشي من البلد
بقلم زهرة الجبل
في غرفه ياسين
ياسين:يابت افهمي آنتي بترمي نفسك في النار
كنزي :دا واحد مريض ولازم يتعالج
أنا صعبان عليا ناس البلد واهله
ياسين:وإنتي بقى هتعالجيه
كنزي :أيوا هعالجه هو لقيني مش زيهم ومش بخاف قال املكها ومشيها علي مزاجي
ياسين: بس مش بالجواز دا جنان يا كنزي مش لعبه
كنزي : ما أنا عارفه وبعدين إنت هتساعدني يا ياسو أنا من العشا بقنع فيك ولسه مش مقتنع أمال أبوك وامك هعمل معاهم إيه
ياسين: أنا مش مقتنع
كنزي:يووووه وحياتي عندك ساعدني اقنع بابا وماما
ياسين: مش لما أقتنع أنا الاول
كنزي :تآني يا ياسو يا حبيبي متخفش عليا أنا يتخاف مني
ياسين:في دي عندك حق
وبعد حوالي نص ساعة
بقلم زهرة الحبل
في غرفه صالح
صالح :مين إللي صاحي دلوقتي.
نهال:خليك هفتح ليكون حد من العيال تعبان
فتحت وجدت ياسين وكنزى علي الباب
كنزي : إحنا عايزين نتكلم معاكم في موضوع مهم
صالح : تعالي يا غلطه عمري
أسرعت إلي سريره وجلست بجواره
كنزي احم حضنته والله هتوحشنى يا صلوحه
نهال:ليه مهاجرين ولا اي
كنزي :احم لا يا نهوله بس أنا عيزاك تزروني علي طول
صالح :نزورك فين
كنزي :أصلي رايحة بيت عريسى الاسبوع الجاي
زهل صالح ونهال
نهال:انتي بتقولي اي انتي موافقه على المجنون مروان
لو آنتي وافقتي أنا لا ولا ابوكي ولا اخوكي هنوافق
كنزي :خرجي ياسو من الحساب
ياسين :اكيد لا
نظرت إليه كنزي نظرات غضب
صالح :إحنا بكرة مسافرين والهبل إللي سمعته كأني كنت بحلم اتفضلو علي اوضكم
نهال: أنا مستحيل أسلم بنتي الوحيدة لواحد مجنون
كنزي :بهمس استعنا علي الشقى بالله
طب أنا هبدأ بمين فيهم
بص ياصلوحه إنت عمرك جاتلك حتة ارض بور ومعرفتش تخليها أحسن من المزروعه
طول عمرك بتحكي لينا إن سلموك قطع ارض بور وراهنو عليها إن عمرها ما هتصلح وإنت راهنت علي كدا وكنت بتصلح الارض وبتزرع فيها ومحصولها بيبقي أحسن من الارض العاديه ٠
اعتبر مروان ارض بور أنا بقي هخليه ارض منتجة
وعايزنها تبقي خاضره الارض إللي في الصحراء
وإنتي يا ست الكل مغيرتيش في بابا حاجات كثير أنا بقي هغير مروان كله
نظرت إليهم وجدتهم كلهم متنحين
نهال:ايه علاقة إللي بتقوليه ده بمروان المجنون
كنزي : آنتي لسه ما وصلش المعني طيب أنا هقرب المعنى
صالح :قومي نامى وبلاش هبل أنا مش هوافق
نهال:ولا أنا قومي روحي اوضتك
كنزي :بهمس صبرني يا رب
احم بصي واخذت لحتي الفجر وهي تتحدث مع ابيها وامها
وظلت تتحدث مع أمها وابيها طوال الليل
في الصباح والمساء
علي الغداء و الفطور و العشاء كانت تتحدث مع أمها وهي بتطبخ وهي بتنضف وهي بتغسل
ومع ابيها وهو بيأكل وهو بيقرا وهو في الحمام وهي في الخارج تتحدث معه
بقلم زهرة الجبل
(في فيلا جلال السيوطي)
نجاه :أنا شوفت لك عروسه
مروان:أنا قولت لك شوفي
نجاة :ياضنايا ما إنت مش هتفضل طول عمرك كدا أنا عايزه افرح بيك وباخواتك
مروان :انا هتجوز أول الاسبوع
نجاه بدهشه هتاجي عروسه إزاي ومين وإزاي هنقدر نخلص تجهيزات الفرح
مروان:مش لازم تفاصيل تجهيزات الفرح ولا أنا ولا العروسة عايزين حاجة إما مين بت صالح
نجاه:بغضب لا لا يامروان مش هينفع إلا بنت صالح
أبعد عن صالح وعياله وإلا أنا إللي هقف ليك
مروان :بدهشه تقفي ليا يعني اي
نجاة :يعني إللي سمعتها ابعد عن صالح
أنا مش هسمحلك تأذي صالح ولا عياله
بقلم زهرة الجبل
