الحلقة الحادية عشر
كنزي
كنزي تتحدي مروان الصعيدي
ندى :انت بتهزر صح
أدهم :اببتسامه ثقه اكيد بهزر محسوبك صاحب الفرسة المفرهده
ندي :بخوف هو إنت هو٠٠٠٠٠٠
أدهم :بنفس الابتسامة ٠ادهم جلال السيوطي صاحب الفلا دي
ندي :احم طب عن اذنك أصل معايا مشوار وكانت خارجة
أدهم :استني هنا راحه فين مش لما أعرف آنتي مين وعايزه ايه
ندي ٠٠انا ٠٠٠٠٠انا٠٠٠٠انا
بقلم زهرة الجبل
Flash pack
(في منزل جلال السيوطي)
في غرفه جلال
عيسى :صالح صلح الارض البور صالح بنا بيت صالح هيتجوز بت راضي النهاوي أكبر كبرات البلد صالح هيعمل اسطبل للخيول٠انا صالح بقيت احلم بيه بسبب ابوك
جلال :بشخط خلاص يا عيسى أسكت وكفاية كلام أنا مش عايز اسمع سيره أبوك ولا سيره صالح
عيسى :هي مش بت راضي إللي كنت حاطط عينك عليها أهو صالح خدها منك
جلال :خدها وإللي كان كان
عيسى :هتسيبو ياخدها كدا عادي
جلال :وانا هعمل إيه
عيسى :خدها منه
جلال :ازاي أخدها منه دا كاتب كتابه وفاضل كام يوم علي جوازهم
عيسى :اسمع إللي اقولك عليه وإحنا نخلص من صالح ونخلص من زن ابوك
وبعد مرور يومين
في منزل كامل
شهيره زوجه كامل وام صالح
وهي تبكي يعني هيروح فين آنتو ليه مش هاممكم
صالح :ياامه ازاي مش هاممنا ده أخويا وغيابه أكيد قلقنا كلنا بس إحنا شاكين إنه راح مع صاحبه ما آنتي عارفه إحنا موافقناش إنه يسافر معاهم للشغل يمكن بيخوفنا عليه عشان أبويا يوافق
كامل :روحت لكل اصحابه
صالح : أيوا روحت ليهم كلهم
كلهم مسافرين أكيد معاهم
شهيرة :هنفضل نقول يمكن مع صحابه أنا عايزه إبني هتولي ابني
صالح :أنا هروح لصاحبه يمكن حد يعرف حاجه عنه
شهيره :وهي تبكي بحرقه ٠مترجعش غير بيه
صالح : حاضر هحاول أعرف مكان صحابه فين وهروح عندهم وأكيد هو معاهم
خرج صالح وكله الم علي حال أمه وابيه وخوفهم علي حمزة أخوه
وهو يمشي في شوارع البلد
عيسى :صالح صالح
صالح : مش فاضي ليك يا عيسى
عيسي:انا عارف
صالح :عارف ايه
عيسى :بتدور علي أخوك
صالح : بدهشه وإنت ازاي عرفت
عيسى : تعالي ورأي وإنت تعرف ازاي عرفت
بقلم زهرة الجبل
(عودة للزمن الحاضر)
نهال: صالح مالك ليك كام يوم بتسرح كتير.
صالح : لو قولت لك مروان بقي تحت درسي وفي أي يوم ممكن أخد إللي عايزه منه واخلص إللي عمله ابوه
نهال:متنساش مروان جوز بنتك وكنزي مشتكتش منة انسي موضوع زمان والمهم كنزي مبسوطة وهو دا المهم
صالح : بس مكنش الاتفاق من الأول علي كده
نهال:انسي يا صالح وانسي إن إحنا جينا هنا عشان زمان اعتبر جينا هنا عشان نفتح صفحة جديدة
(في فيلا جلال السيوطي)
ندى ٠٠انا ٠٠٠٠٠انا٠٠٠٠انا
أدهم :انا أنا أنا آنتي مين
كنزي : وهي نازله من علي السلم نودى نودي وحشتيني يا وحشه
ندى :كوكي وحشاني اوي اوي
وأخدو بعض بالاحضان
أدهم :كوكي ونودي أكيد نوع فراخ جديد ٠٠٠اي هو إحنا هنا في دريم بارك للاطفال
كنزي :دي ندي صاحبتي الانتيم
أدهم :اهااا ما أنا قولت أكيد تعرفك أصلها زيك واصلها بتخربش
ندي :بتحزير طيب حاسب لاخربشك
أدهم :ببتسامه ثقه. انا بعض علي فكره
كنزي :خلاص بقى هو أنا فاتحه ناشونال جرافيك واحدة بتخربش و واحد بيعض
بس أنا زعلانة منك يومين دلوقتي ولسه جاية تزوريني
ندي :اصل إحنا خلصنا توضيب البيت أخدنا مده
كنزي : بفرح. أنا فرحانة إنك هتفضلي هنا في البلد
ندى :بابا قال مده لو ارتحنا هنمدها لو مرتحناش هنمشي تاني
أدهم :هو آنتي هتقعدي في البلد
ندى :عندك مانع
أدهم :دي البلد نورت
كنزي : هو إنت متعرفش
أدهم :والله ماعرفت
كنزي : ندي بنت الدكتور البيطري إللي عالج المواشي وصاحب بابا ونودي كمان معايا في الجامعة
أدهم ؛انتي بنت الدكتور ناصر دا دكتور شاطر اوي
ندى :ما أنا عارفه إنه شاطر
أدهم :لسانك عايز
ندي:٠عايز إيه
أدهم: عايز حاجه ساقعة
كنزي :تعالي تعالي هعرفك علي نورهان ونحكي شويه
