فيروز 🌖🔥(روايه ليبيه)

الحلقه خامسه ❤️🔥

فيروز 🌖🔥(روايه ليبيه)
كاتبه:شيـمـاء إبـراهـيـم❤️🔥
الحلقه الخامسه

فيروز انصدمت:😳😳خشت راسها تحت بطانيه بسرعه.. اطلع يابغل معقوله حتي دق الباب مادق

وسام يضحك:ماشي ماشي توا نطلع بعدها 5دقائق نبي نخش را

فيروز حي علي شن يبي هذا لبست الخمار: تفضل يااستاذ وسام

وسام:كنـك لبستي الخمار

فيروز:هذا سؤال شخصي را

وسام:عيونك هذيني وصوتك مـ....

فيروز قاطعت وسام بسرعه:اسمع قالو حنك شكرا على العشاء جت تبي تطلع

وسام:وين وين ماشيه والدنيا الليل وثاني حاجه كلهم شباب لوطااا

فيروز:اول شارع نهلب بعدها نوصل الحوشنا. وثاني شي نا لبسه خمار مستحيل حد يشوفني وطلعت تجري

وسام بصوت عالي:اسمعي يابنت

فيروز مشت تجري وطلعت وصلت الحوش وهي داهشه ...ينعلي واخيرا

مريم:ايش صار معاك يابنتي 😳

فيروز:لاامور تمام كليت بروحي بس ينعلي قبل ولدهم وسام شفني

مريم:وسام؟ هو نفسه

فيروز:اهاا هو ياخالتي. قبل شفني بس نا حطيت راسي جوه البطانيه

مريم:خلاص يابنتي رد بالك مره اخرى

فيروز:لاتمام خليني نغير الدبشي ونخش نرقد عارفه نعسانه وتعبانه.

مريم:تمام حتي نا نخش نرقد

فيروز ضحكت:ينعلي كيف الصبايا كبار نرقدو من ساعه11

مريم ضحكت:خشي خشي ارقدي خير

فيروز غيرت دبشهاا. وتمت تفكر وتبكي 🔥💔معقوله يصير في هكِ اهانه يالي خذيتهااا من الناس وكل مانطلع نسمع فيهم يقولو .....بعدها تخش مريم

مريم: عارفتك كل ليله هكِ خلاص يابنتي اشششش

فيروز:خالتي ممكن ترقدي معايا

مريم: حاضر

مريم تلعب بشعر فيروز.   وفيروز لازم قبل ماترقد تبكي نين ياخذها النووم 💔😴
__________________________
بوبكر:ايش وضعك ياحني توا

رجعه:لاحمدالله نحس في روحي بديت نتحسن

بوبكر:باهي حمدالله الدكتوره كويسه شكلها

رجعه:لابكل ماشاءالله ايش اخبار هدى

بوبكر تنهد:قلت ماشيه نرقد تعبانه ويوسف من امي

رجعه:ماوجعني غيـر يوسف حرام لا ام لاشي. هدى 24ساعه اهم شي نفسها الله يسامحك يابوبكر وخلاص

بوبكر:والله هدى ماعندي ماندير معاها (تخش منى معاها يوسـف)

منى:ينعلي ولدك مغير يبكي

بوبكر: توا نركب فوق نا ويهااا

منى:تفضل /ركب بوبكر ويوسف

منى:والله ياعمتي هدى هذي اخر همهاا يوسف

رجعه:الله غالب ماعندك ماتقول

منى:تبي شي ياعمتي

رجعه:لاسلامتك مغير طافي الضي

منى:تمام
__________________________
بوبكر: اشششش اششش يايوسف ياروح بوك اسكت اشششش

يوسف مغير يبكي وبوبكر مش عارف ايش يبي

بوبكر تعصب بصوت عالي:ياهدى ياهدى. ياهدى نوضي شوفي يوسـف

هدى ناضت مفجوعه:بسم الله شن في

بوبكر:ياهانم يوسف من مبدري هو يبكي شوفي حل

هدى:اوووف يابوبكر عشان. يوسـف نوضتني جت ترد ترقد

بوبكر بصوت عالي وبعصبيه:هدى اقسم بالله. نوريك النجوم في عز الظهر نووووضي

هدى ناضت خايفه من بوبكر تهز في يوسـف

بوبكر:ياشاطره من بدري ونا نهز ديري حاجه جديده

هدى:شنو ندير يعني فهمني

بوبكر:استغفرالله ياربي شوفي يبي حليب. مرات يبي تغير الدبش شوفي

هدى:تعرف هذا كله ولـيش مادرتهن انت ماهو ولدك 

بوبكر:هدى ماتحرقيش دمي سد ماهو محروق نا راجل مانعرفش نتعمل معاهم واجد

هدى غيرت يوسف دبشه و درت الرضاع تهز فيه نين رقد 😴

هدى: واخيرا خليني نكمل باقي نومي 😴😴كرت البطانيه وطافت الضي

بوبكر خش حتي هو يرقد 😴
_________________________
وسام خش يرقد تمت يفكر في فيروز. الدكتوره غريب جدا والله مش عارف شنو قصه الخمار وكمامه توا نسأل حني بكره خير

يحى:اوووي انت مغير تهدرز  مع روحك. اسمع هذيني قوانين امتاعتي اول شي تبي ترقد هنااا جو تحكي مع روحك No

ثاني شي ممنوع في نص الليل تنوض تحكي مع روحك ولا تقعد تهدرز بتلفون NO وثالث شي اي حاجه تجيبها وتخش في المربوعه هذي نا ناخد منهاا

وسام: فاضي وربي معش في حاجه اخرى؟

يحى:انت دير اي حاجه بجوك بس كان ماعجبتنيش نقولك عليها خش. ارقد توا سلم ولدي

وسام ضحك:وربي يحى انت نكته

يحى:اششش را نقول ممنوع الضحك

وسام:امشي روح ياراجل

__________________________
فيروز ناضت على الفجر توضت وصلت خشت ترقد اخرى بس تمت. تفكر بين الحاضر وماضي 💔🔥👀

_________________________
يتبع

شيـمـاء إبـراهـيـم❤️🔥

رواياتت 2020 ♥️🔥