جمانة والنقيب

البارت الاول

الابطال :
جمانة :اعرفكم ع نفسي اني جمانة مواليد ٩٦ من بغداد طولي ١٦٠ بيضة وعيوني عسلي وشعري عابر خصري لونة ذهبي   عندي ثنين اخوان واني الوحيده بابا تاجر معروف ببغداد ووضعة المادي متتاز وامي مهندسه بس ممتعينه لان بابا جان يحبها ويغار عليها ف مخلاها تتعين اخوي لجبير سيف مواليد ٩٠ دكتور واخوي الثاني احمد يدرس صيدله احنه عائله هادئه واني ممحجبه .
علي :اعرفكم ع نفسي اني شيخ علي شيخ عشيرة ب البصرة ونقيب عمري ٣٣سنة مواصفاتي عيوني خضر وطويل وصاحب عضلات عندي اخوان ثنين وخوات ثنين اني الجبير اخوي الرسطاني محمد متزوج بنت عمي وعنده طفل واخوي الزغير كرار طالب اداره واقتصاد بس  عنده سوالف مكسره ويوميه جايب مصيبه .
جمانه :صباح الخير ماما 
ام جمانه :صباح النور حبيبتي يله تعاي نسوي ريوك بين ميكعدون اخوانج
جمانه :صار ماما سوينه ريوك وكعدو بابا واخواني وتريكنه وكلواحد راح الدوامة
جمانة :رحت للمدرسة طبعا اني صف رابع علمي  ما اختلط ب البنات ماعندي بس صديقه وحدا اسمها نور كولش احبها وحبابة 
جمانه :صباح الخير
نور :صباح الورد يله امشي بسرعه اليوم عدنا امتحان رياضيات شكد اكرهه
جمانة :اوف منج شكد تقرينن انطي نفسج مجال شويه تموتين ع الدراسه هههههه
نور :ههههههه نجبي وامشي دنراجع الماده
جمانة : مر الداوم ورجعت للبيت ماما ماما
الام :هلا بنتي
جمانة :ماما ميتة جوع شمسويه غده
الام :دولمة
جمانة : يححح دولمةة 😍 احبج ماما
الام :تحبيني بس وقت الاكل ههههه
جمانة :ههههه لا احبج بكل وقت
الام :يله بدلي بين ميجون الولد حتا نتغده
جمانه :صعدت لغرفتي سبحت وبدلت ونزلت لكيت الكل موجودين وكعدنا نتغذه كمل الغده غسلت المواعين وصعدت لغرفتي نمت كعدت  العصر قريت التحاضير مرت الايام عاديه وامتحنت نصف السنه وباجر عطلة
جمانة :واخيرا خلصنه امتحانات
نور :اييي  هنه كولهم ١٥يوم عطله لتكيفين
جمانه :عابت خليني فرحانةة  حنامم وماكعد من الصبح
نور :هههه تموتين ع النوم
جمانة :رجعت للبيت  سبحت وتغديت ونمت كعدت العصر ع صوت هوسه نزلت جوه سمعت امي دكول
الام :يمة ابني حيروح مني يمة سوده علية
جمانة :يبست بمكاني متت خوف شنو شبيها امي شسالفه نزلت وشفت عمامي لد عمامي ولبيت مكلوب وامي تبجي افتهمت من السالفه اخوي سيف  ضارب ولد ب السياره وحاليا الولد وضعة خطر وبلمستشفئ واهله شيوخ ويتهددون اذا صار ب ابنهم شي يقتلون اخويه هنا اني متت خوف وانتهيت كعدت ابجي ع حال امي واخوي وادعي الولد يكوم ب السلامه
علي :جنت بلدوام وخابرني محمد
محمد :علي خويه الحك كرار مسوي حادث وحاليا هوا بمستشفئ ببغداد وحالته خطره
علي :تخبلت ع اخويه طلعت اركض من لمركز وصعدت سيارتي وطلعت لبغداد طبيت للنستشفئ الدنيا مكلوبة هناك عمامي والعالم شفت اخوي والاجهزة والوايرت بجسمه تخبلت وردت بس اعرف الي سوه بي هيج منو الة اموته ب ايدي انهارت اعصابي اشوف امي وخواتي يبجن كبل رحت وعرفت منو الضرب اخوي واخذت لشيوخ ورحت لبييتهم 
ابو جمانة :خابرني سيف مسوي حادث وضارب ولد وماخذه للمستشفئ وهسه الشرطه لازمتة اجيت اطلع طبكت سياره بلباب نزلو منها شيوخ ونزل واحد ببدله عسكرية يتهدد وصاير عصبي
علي :انتو الي ضربتو اخويه وهاي حالته بسبكم قسما بالله اذا صارله شي حكه اخذه منكم مربع وما اسكت
ابو جمانة :ابني صلي ع محمد واكعدو خلنتفاهم ونشالله خير وشتردون اني حاضر
علي :ماعدنا كعده وياكم نتتضره اخوي اذا ماكعد احنه نعرف شغلنه ويا ابنكم
ابو جمانه : كلي هذا الكلام ومشو يا ربي هاي العالم شيوخ ومراح تفض حلها يا الهي
جمانة :لليل والوضع متوتر ب البيت  اتصل مبايل بابا وصار وجه بابا ميتفسر
ابو جمانة :دكو عليه وكالو الولد مات 
ام جمانه :احجي الله يخليك شبي ابني فرفح كلبي حاجيني سيف ابني بي شي شسولة
الاب :مابي شي سيف بس الولد الضربه مات
جمانة :سمعت هذا الحجي وامي كام تلطم يمه ابني راح يروح من ايدي يمة سيف راح يكتلونة هنا اني انتهيت كمت ابجي ع عياط امي عرفت هذوله ناس مراح يعدوها ويفوتون دم ابنهم
الاب :باجر نروح لبيت الولد ونكعد ونشالله تنحل
جمانة : صعدت الغرفتي واني خايفة من باجر وشحيصير وشنو حيسون اهل الولدد

الئ هنا خلص البارت شنو تتوقعون البارت الثاني ؟🥺💜