جمانة والنقيب

َالبارت الثاني

جمانة :كعدت الصبح غسلت وجهي نزلت لكيت امي كاعدة وايدها ع خذها صباح الخير ماما
الام : صباح النور
جمانة:بابا راح للبصرةَّّ
الام :اي بنتي ادعي تعدي ع خير
جمانة :ان شاء الله تعدي ع خير طبعا اني هنا قلقت كولش ع بابا واخواني وشنو حيصير ويا ترئ شحيطلبون ؟
علي :بعد ما رحت لبيت الولد ابو جمانة رجعت للمستشفئ ورا ساعتين اتوفئ اخوية واصعب لحضة بحياتي راح ابو ضحكه الحلوه اخوي وحبيبي وعضيدي حسيت الدنيا كلها وكعت ع راسي اشوف امي وخواتي يعيطن ويبجن اني لهنا صامت وماطلعت اي رد فعل رحت كملت اجرائات المستشفئ وحطو اخوي بلثلاجة والصبح نطلع ندفنه صار الصبح ودفنت قطعة من كلبي واحس الدنيا صارت ضلمة رجعنا لببصرة وسوينا الفاتحه واجو اهل الولد بيت ابو جمانة وصارت الكعده
ابو جمانة : شيخ علي احنه حاضرين شنو تطلبون بس الصار جان قضاء وقدر ولا ذنب ابني ولا ذنب ابنكم
علي :ابو سيف الي راح مني عزيز وغالي
محمد اخو علي : ابنكم هوا الي قتل ابنه والدم ب الدم
علي :محمد اهده مو هيج الحجي احنه شيوخ ومنريدها تصير بحور دم
محمد : اريد ٢٠٠مليون وفصلية
صار حجي بلديوان والشيوخ نص قبلو ونص رفضو اخر شي صار الفصل ١٠٠مليون وفصليه
ابو جمانة : شكد. متردون فلوس اني حاضر بس فصلية ماعندي بس بنيه وحدا ماكدر انطيها
علي :هايهيه لعد ابو سيف احنا وياكم بيناتنا دم وابنكم حصتنه والكم اسبوع لحد ماتخلص فاتحه اخوي اذا ما اجتني الفصليه احنا النة غير حجي وياكم
ابو جمانة : خلصت الكعده والطلوب كلف ومو هين وحطوني بين ابني وبنتي الوحيده واحس الدنيا كلها انهدت ع ضهري بنتيتي وعزيزة كلبي المدلله تروح فصليه لو وليدي وابني الجبير ينقتل شنو هل اختبار الصعب يا الهي رجعت لبغداد
الام:ها ابو سيف بشرني شصار شكد رادو فلوس
الاب :ياريت بس فلوس
الام :شهكتت يمة ابني يمة وليدي شنو يردون الدم بلدم
الاب :لا يا مرة هاي العالم ماسكتو ويردون ١٠٠مليون وفصلية
الام :شهكت ولطمت ع صدري يمة بنتيتي مانطيها يمه المداللة تروح فصليةة لو تنطبك السماء ع الكاع متروح بنتي فصلية
الاب :يقتلون سيف اذا ماراحت فصليه والله مو هينه عليه انطي بنتي ولا هين عليه اشوف ابني ينكتل كدامي
جمانة :اني جنت اسمع كل هذا الكلام وانتهيت وكعت بلكاع شنو هاي معقولة اروح فصلية لا مستحيل بابا ميسويها معقولة بابا قبل اني وحيدتة اروح فصلية دخلت عليهم وكمت ابجي لا بابا الله عليك لتسويها هيج تضحي بيه بابا وتنطيني فصليه
الاب : موبيدي يابنتي والله العضيم ماراضي انتي قطعه من كلبي ومافرط بيج بس ترضين تصير بحار دم واخوج ينكتل
جمانة :اني هنا بس ابجي رالطم ع حضي المصخم صعدت لغرفتي وفكرت اذا مرحت فصليه حيقتلون اخويه سيف حبيبي لا مستحيل اقبل ينقتل اخوي
ولا اكدر اضحي بحياتي واروح فصليةة الهي شهل اختبار الصعب 😭😭😭😭😭😭😭😭 وبعد بجي وتفكير قررت اوافق لان ماكو حل ثاني
جمانة :كعدت الصبح سبحت وبدلت ونزلت وكتمت حزني ب داخلي لكيت البيت كئيب وابوي مبين عليه الحزن
صباححح الخيرر شنو هل كآبه من الصبح ها بابا حبيبي وين ضحكتك يله شوفني ابتسامتك الحلوه وانتي ماما شبيج هيج مغيمه وذا يعني اني قابله اروح فصلية هنا ماما كام تبجي كمت حضنتها وبجيت وياها بس ماكو غير حل بعد كال بابا بعد الجمعة اروح الهم ولازم احضر نفسي والم ملابسي
مر الاسبوع وامي حضرتلي كولشي جهزتيلي ملابسي واشترتلي كومة اشياء تمنيت اروح عروس والبس البدله البيضة بس قدر الله ماشاء فعل
علي :مر الاسبوع بين الفاتحه والحزن وباجر لازم يجيبون الفصليه والفلوس
نمت وكعدت ثاني يوم رحت لدوامي خابرني محمد
محمد :الو علي يله تعال للبيت جابو الفصلية
علي :ماشي جاي مسافه الطريق رحت واني كلبي متروس حزن ع اخويه وهم هاي البنيه مالها ذنب بس احنه شيوخ وشدكول علينا العالم ماكدرو ياخذون حك ابنهم كلت اعقد عليها وفتره وارجعها ل اهلها
جمانة :صار الصبح وحضرت غراضي ودعت امي واخواني واني احس كلبي عفته ببيتنا بكل زاويه بلبيت اباوع ع الشارع ومن اروح للمدرسه وين حروح اني شنو حيصير بيه شحيسولي هناك 😔 صعدت بلسياره ودعيت من الله يحميني وماعرف شنو منتضرني هناك جان الطريق كلش طويل نزلت مقابيل فلا كلش جبيره وبستان وعبالك مو قصر كولش حلو وتلكاني شاب وثنين شيوخ كبار ماعرفهم منو انطاني ابوي الهم وحضنته وكمت ابجي
الاب : بنتي حبيبتي هذا بيت رجلج اتحملي لخاطر اخوج وابوج وارفعي راسي ودربالج ع نفسج ياروحي انتي
جمانة :بابا يحجي واني بس اشهك وابجي راح بابا واحس اخذ روحي ويا طببني الولد الشاب وجانت حديقه كلش جبيره طبيت للمطبخ وجانو اكو ٣ بنات ويباعولي بنضرات استحقار طبعا هيج يباوعون غير مفكرين اني الي قتلت اخوهم واني مجرد فصليه وخدامه وشويه واجت مره جبيره بلعمر
ام علي :وينهاا هاي الفصليةة الخدامة اخت القاتل وينها هل كح.. الساق... ولزمتني موتتني تموت سحلتني سحل ولا عبالك مره عجوز بس ملختني تملخ واشكال السب والغلط واني ساكته ولا حجيت شي بس ابجي واشهك وهذن البنات بس يباوعن علية ولا وحدا اجت فكتني منها وشويه ودخل شاب طول بعرض بعضلات كام يصيح
علي :رحت للبيت وطبيت ما اسمع بس صوت امي تغلط وتصيح طبيت للمطبخ وشفتها كاضة الفصليه مخلصة عليها مموتنها تموت يمةةةةة هاي شجاي تسويينن ليش هيج مسويه بلبنيةة وخري عنها شنو ذنبها هل طفلة هاييي
الام :شنوو ولكك عليويي ادافع لهل فصليةة ولك بعدها ماصارت مرتك توكف ضد امك ولك عليوي ياحيف رباتي بيك ولك هاي اخوها كتل اخوك
علي :يمة رحمة لله البنيه مالها علاقه والصار قضاء وقدر هذا الحجي كله ولبنيه مدنكه وتبجي ماكدرت اشوف وجها علياء حضريها راح يجي لشيخ يعقد (علياء اخت علي الزغيره )
جمانة :شفتة من دخل بس مركزت بملامحه من سمعت كلامه صاير عصبي نار بس حسيت ب الامان اجتي بنية كللها علياء اخذتني وغسلتلي وجهي بس محجت شي وياي كلتلي حيجي الشيخ يقدلكم انتي وعلي
اجه لشيخ وطبيت اني مغطيه وجهية ولابسه عبايه كوة امشي بيها ماعرف
ردد عليه الشيخ هل تقبلين ب موكلي علي ... زوج لكي ٣مرات ف ان قبلتي قولي نعم وانت وكيلي هوا كلي هيج والدموع كام تنزل وحدها 😢😢😢 رديت عليه نعم وانت وكيلي
علي :دخلت وممبين شي منها سمعت شهكتها من كالت نعم وانت وكيلي انهرت عليها لان مهما يكون هيه مالها ذنب ب الي صار عقدت عليها وراح الشيخ
الئ هنا خلص البارت الثاني شنو تتوقعون البارت الثالث وشنو حيصير ويا جمانة وام علي ؟؟؟!