جمانة والنقيب

البارت الاخير

وين الكاك وابچيلك شكو بعيني ؟
وين الكاك واحطهن بيدك سنيني .
واكُلك روحي تحلالك 🤍🥺
يلغايب صُدك ما اخطر ببالك 😔
جمانة: بعد ما اجت ساره وتعرفت عليها ماما نعجبت بيها وب اخلاقها  وحجت ويا سيف حددو موعد الخطوبة وهاي الامور ورحت اني قدمت مر اسبوع ماكو شي جديد .
سارة:بعد ما التقينا اني وجمانة وعرفت كولشي  لازم اعرف علي شصار  ويا حتا اكُلها الحقيقة ؟

شنو ياحقيقة ؟سارة منو ؟منين تعرف جمانة ؟ تعالوو نرجع ل بطلنة شنو  نسيتو .
علي:  بعد ما مشيت هاي المسافة ولا اكل ولا شرب وانزف وصلت لمنطقة بيها بساتين وبيوت قليلة امشي وبعد وكعت ماعرف شصار .
سارة:اني ساره من الانبار مواصفاتي بيضة وعيوني كبار ملامحي حاده وحلوه وشعري طويل اداوم ب المستشفئ معاون طبي عايشة ويا امي واخويه صهيب  ابوية متوفي اخوية صهيب  هوه ابوي وهوه اخوي وهوا كولشي بحياتي مكتفيه بيهم هواي تجيني خطابة بس اني ماكدر اعوفهم صهيب يحب بنت عمي بغير محافضة وعلساس يخطبها بس صارت هاي الاحداث  طب داعش وسقطت الانبار .
صُهيب: يمة  وينج سارة تعالي
سارة:ها خوية بشر الوضع شلونة
صُيب:شبشر الوضع موزين وتعبان وداعش سقط الانبار
سارة:يمة عزة العزاني
صُهيب:خيتي شوفي اني باجر راح اطلع اشوف شلون نكدر نطلع من الانبار اذا مارجعت حالليني واهبيني وامانه امي لتعوفيها ونشالله اكدر اطلعكم منا وماخليهم يوصلولكم
سارة:😭😭 لاتروح صُهيب  اخاف عليك ابقه هنا لو نموت سوة لو نعيش سوة شسوي بحياتي بدونك  خوية اذا صار بيك شي اني وين اروح شيصير بية 😭😭💔
صهُيب:خيتي كافي بجي وماوصيج دربالچ ع نفسج وع امي ان شاء الله ارجعلكم اني لان الوضع خطر منكدر نضل هنا اكثر
سارة:ليل كلة منمت اصوات الرمي والهاونات احتركت الدنيا اليل كلة اقره قرأن الهي بردا وسلاما ع ساعة الساعة يدخلون علينة صار الفجر وموكفت الاصوات .
صهُيب:ماوصيج بعد خيتي اني طالع  اذا رحت ومارجع بعد هذا امر الله انتبهي لنفسج وهذا رقم خالي اتصلو علي اذا مارجعت خوش هوه يكدر يطلعكم 
سارة:لتروح خوية ابوس ايدكك خلي يكتلونه سوية 😭😭😭😭
صُهيب:اشش وبست راسها يلا مع السلامه
سارة:مودع ب الله خوية 😭😭😭💔
سارة:راح صهُيب ومرجع اخوية وحزام ضهري وسندي مر ع غياب صهيب اسبوع  وبليل ك العاده هاونات ورمي ساعة ب ٢ بليل جنت كاعده اقره قرأن وطبو علينه الدواعش كلبو البيت كلاب امي مره جبيره يادوب تكدر تحجي تخربط وكعت بلكاع من شافتهم اني كمت ابجي وادعي الله يخلصنه منهم لهجتهم مو عربية اجة واحد عربي  وضل يباوع علية بنضرات تخوف ريحتهم تكتل وشكولهم تخوف اصعب موقف مريته بحياتي كلت اكتل نفسي ولا اخليهم ياخذوني  كتلة الله يخليك والله ماعدنه شي واني عايشه بس اني وامي شتردون اخذو بس لتسون ل امي شي 😭😭😭 ضليت اتوسل بيهم عاد هذا النكس كلهم عوفوهم هذول واحنه كل فتره نجي عليهم وذا سمعنه بيج تردين تنهزمين احنا نعرف شنسوي طبعا هوا يحجي بهلجه عربية بس مو مثل لهجتنه بس هذا الكلام الي افتهمته منة طلعو وركضت قفلت لباب وذبيت مي ع امي  واخذتها لغرفتها نامت ماعرف عليمن ابجي ع بلدي الي انباع ع العالم الي تهجرت ع الشباب الي انقتلت ع اخويه النفقد لو ع امي الراح تموت من فراك اخوية لو ع حالي ويا الدواعش 😭😭😭😭 مرت الايام وكليوم داعش يجون مر اسبوع وبليل اجوي بس هلمره بس هذا العربي وويا واحد اجه جبتلة سم  مي وشرب جان يجرني وياخذني للغرفة جان لقبة النمر يصيحوله بهيج اسم من من جرني عرفت شنو يريد اتشاهدت وكلت خلص اقتل نفسي ولا اخلي هذا النكس يتقربلي جرني وطببني كتلة شنو تريد مني الله يخليك مو كتلي تبقون هنا وبقينه ومحاولنه نشرد والله ممسوين شي كلي اي شبيج منو كلج اني جاي اعاقبج ويبتسم ابتسامه حقيرة وهذاك وجهه القبيح ميروح من بالي لحيته وشكلة عبالك خنزير اتمنيت روحي تطلع بساعتها قفل لباب واني رحت ع مرايه كسرتها وكلت اكطع الوريد وانتحر بس مصارت كسرتها واخذت كزازه بس جنت ارجف كتله الموت ارحملي منك 😭😭 وارجف بس مكدرت اديه كامت مطاوعني بس يرجفن  واجا هوا بكل قوته ركعني راشدي فرني فر وكعت بلكاع احس خشمي طك دم نزل عليه دك غلط وحجي شبعني كتل اخر شي اجه تقرب مني اني بعد ماكدر اشيل ايدي خلص علية بس الله جان كاتبلي حياه الف الحمدلله والشكر جان تندك الباب ماعرف شنو كلة لان لغته جانت غريبه بسرعة عافني وطلع يركض كعدت ابجي شجان صار لو سوالي شي كعدت ادعي ربي يخلصني منهم لان خلص بعد ماكو حل اليوم الله نقذني باجر ماعرف شيصير  كمت غسلت وجهي وسبحت  نمت كعدت الفجر بنفسي اطلع للبستان اشوف الديره واشوف شصار طلعت اتمشا كلت حتلو يقتلوني جان ماكو ولابشر امشي وابجي اباوع ع الاشجار ليش هيج صار منو سبب بهذا الدمار الك الله يلعراق  واني دامشي لمحت شي واكع بلكاع شوي بعيد شنو هذا  بشر او حيوان خفت ترددت اروح اشوف بعدين اجا ع بالي صُهيب معقولة صُيب اخويةة رحت اركض وارجف شفته شاب عسكري الدم ماخذه لابس ملابس عسكريه بس بي نفس بعد  كوه كومته حطيت ادية ع جتفي وكومتة وخايفه اكو احد يشوفنه اخذته عدنه حلال احنه  بقر وخرفان حاطيهم بحضيرة وجوا اكو سرداب نحط بي العلف والتمن وهاي الاشياء بس ممبين محد يعرفة اخذته لسرداب جبت مي غسلتله وهوه يهذي  ب اسم الامام المهدي (ع) ادركني يا مهدي هواي ردد هاي الكلمه كوه تطلع من حلكة  انوب يكول اسم جمانه ويمةة حجا هواي اسماء انقهرت عليه ياترئ منين هذا امه شنو حالتها هم عنده اخت نفسي هسه محترك كلبها علي هم عنده اطفال متزوج شفت متصوب بجتفة اني عندي بلبيت كولشي لان اضرب ابر ب البيت مرات تصير امور طارئة ف احنه ريف والمستشفئ بعيده. ف عندي رحت جبت خيط وخيطت جرحه وعقمته وجبتله مي شربته بس هوا بين الكاعد وبين الا خفت لايجون داعش ويلكونه شلون يربي جبتله فراش ونام  عفته وطلعت قفلت باب السرداب وحطيت فوكا بساط كصب وخليت طشت جبير مال مي يشربن منة الحيوانات كوه جريته وترست الكاع كصب وحشيش وطلعت سويت غده وتغديت اني وامي وكمت سبحت وصليت واني افكر بكولشي ب الوضع ب البلد ب اخويه ب امي ب هذا الولد اذا لكو داعش بذبحوني ويذبحونه مانطاني كلبي اعوفه يموت شفت اخوية صُهيب بي كعدت خابرت ع خالي  كلي منكدر نطلعكم المنطقه مالتكم بيد داعش  سديت لخط من خالي وضميت لفون  كمت طلعت شفت محد اكو رحت اشوف الولد عقمت جرحه  شفته كعد .
علي:فتحت عيوني ع شكل بنيه وين اني شجابني هنا
سارة:ارتاح انت ب امان لتخاف
علي:منو انتي ؟شلون اجيت اني هنا
سارة:سولفتله شلون لكيته وجبته وضمدت جرحه
علي:اني كلش اشكرج  والله ما انسا معروفج  عرفتها عن نفسي وشصار وياي وشلون اجيت هيه محجت شي انطتني مي واكل الحمدلله
سارة:خوية علي اني كلبي مانطاني اعوفك شفت بيك اخوية صهُيب بس انت مو ب امان هنا وع غفله يجون داعش  بس انتضر يطيب جرحك ونشوف حل وها اريدك تنزع هاي البدله تنطيني ياها وانطيك من ملابس اخويه  حتا اذا كلشي يصير اكلهم انته اقاربي واجيت تشوفنا وتصوبت او اي عذر بس المهم مو من الدولة انت
علي:كلتلي انت مو  ب امان وسولفتلي ع اخوها وشصار وياها الك الله يلعراق حسبي الله ع كل شخص باعك كلتلي انزع لبدله واجيبلك من ملابس اخوي اني لهسه ممصدك بعدني عايش  احسني ميت وهاي ماعرف شنو كامت جابتلي ملابس من اخوها وبدلت وانطيتها البدله
سارة:اني اسفة بس هاي البدله راح احركها وانت ضل هنا اذاسمعت ايشي لتطلع وذا وصلولك ف اعذرني لان بعد مو بيدي 💔
علي:متقصرين  ان شاء الله ماطلع اي صوت بس خلي يطيب جرحي
طبعا الالم موتني بس مو بكد المي ع بلدي ع العالم الراحت ع الشباب الستشهدت ع الناس التهجرت ع اصدقائي النذبحو كدامي ع جمانة ع امي
جانت ايام صعبة كلش صعبة  خليتها ورا الله ونمت  .
سارة:الله يساعد اهله حسبي الله عليهم  بس الهي رحمتك  هسه صُهيب وينة معقولة صاير بي مثل علي معقولة انقتل اوف سوده علية ياخوية 😭😭😭 كمت صليت المغرب وخايفة لايجي داعش بس ما اجو كمت قريت قرأن ونمت مر شهر وداعش اجو مره وحدا طبعا يعرفون عندي اخ مفقود بس لاشايفينه ولايعرفون اسمةة بقيت اعالج ب علي وانطي دوة واكل طاب جرحه .
علي: طبعا ما انسة فضل ساره طول عمري  تجي كليوم تجيبلي اكل وعلاج وتضمد جرحي وتروح ومرات اسولفلها ع جمانه وهيه تسولف ع حياتها صرت زين وتحسنت حالتي اجتي سارة.
سارة:شلونك خويه 
علي:الحمدلله خيتي انتي شلونج
سارة:الحمدلله والله ياخوية الوضع ميبشر بخير كلش تعب
علي:لاحول ولا قوة الا بالله خيتي ما انسا معروفج دنيا واخره  واني بعد ماكدر اضل هنا  وراح اروح وانشالله اكدر اطلعكم
سارة:لاا مستحيل ع جثتي يلا تطلع منا متروح مثل صُهيب لو نموت سوه لو  نعيش سوه  شوف اني عندي فكره هاي جنسيه اخويه انطيني جنسيتك اخذت منها الصور وبدلتهن هاي جنسيتك ححركها وانت هيه صرت صُهيب  ال... يعني اخويه اذا لكوك داعش اكلهم اخويه وجان خاتل منكم
علي:هههه افا اني اختل من هذول الجريذية وسفة عليج سارة
سارة:لخاطر الي سويته الك 
علي:امري لله راح ابقا
سارة:عفته وطلعت وربع ساعة ونكلبت الدنيا ب الرمي كلت خلص هذا هوا اتشاهدت وشويه وطبو وعلي وياهم اجاني النمر ضربني راشدي ونزل علية دك فشار وغلط واني اصيح والله اخويه هذاا عوفوو شتردون انطيكم
علي:طلعت وراها بربع ساعة اسمع صوت الرمي وطبو علية اخذوني جتفوني وشدو عيوني بس من سمعته ضرب ساره متحملت كتلةة عوفهاا ياقذرر عوف اختي واذا انت رجال فكني واشوفك  شلون تمد ايدك ع حرمةة
سارة:فدوه ابوس رجلك نمر عوفة والله اخويه توسلت بي وشرحتلة اقتنع انو هوه اخويه بس اخذو وراحو .
علي:اقتنعو الجريذيه واخذوني ماسولي سي وعرضو علي انضم لتنضيم  واني قبلت مو علمود نفسي لا والله كل لخاطر بلدي  مر اسبوع واني وياهم بس يشهد الله ماشاركت ب اي عملية جنت اسوي نفسي جبان واخاف الزم لسلاح رحت ع ساره وسولفتلها الي صار .
سارة:معقولة عليي تخون البلد
علي:لا والله مو علي اليخون ويغدر اهله وناسه بس اني بكل الاحوال ميت ف راح اشتغل لصالح البلد وصرت جاسوس لصالح بلدي  اقتنعت سارة وضليت كل فتره اروحلهم استمر شغلي لمده سنة و ٧اشهر وخلص شفت بعد ماكدر اكمل حسيت شكو بيه وفعلا شكي جان بمحله رحت لسارة .
سارة:بعد ما اخذو علي اجه علي وكلي انو انضم لتنضيم تخبلت بعدين هوا شرحلي وفهمت صارو بعد ميجون داعش علينه  مرت الايام والاشهر واستمرينه ع هل حال سنة وفد يوم اجه علي .
علي:سارة حضريلي نفسج انتي وامج اليوم بليل راح تطلعون من الانبار ماشي
سارة:واخيرا راح نطلع ونخلص من داعش😭😍
علي:ان شاء الله
سارة:بس شلون حنطلع
علي:شوفي اني رتبت كولشي راح اوصلكم لفلان مكان ومناك انتو ترحون ل اربيل وهناك انتي شوفي وضعج وذا كدرت اطلع منهم سالم صدكيني ماعوفكم واجيكم هذا رقمي وهذا عنوان اهلي ماريدج تحجين ل احد علية اوعديني متحجين ل احد ولاجنج عرفتيني اهلي هسه يدرن اني استشهدت ماريدة تحجين او فد يوم دكلليهم وذا رجعت اني يصير خير
سارة:شننوو عليي مو كتلك ماعووفكك 😭😭😭 
علي:اسكتي وروحي سوي لكتلج عليه اني رايح هسه بليل اجي اخذي كُل شي تمام وطلعت .
سارة:رحت لميت ملابسي وغراضي وغراض امي وابجي ع الي صارلي 😭😭😭  صار اليل واجا علي وصعدت ويا اني وامي واتوسل بي يغير رائية بس مكدرت نزلنه اخذنه واحد واني ماعرف شلون عفت علي اخوية هذاا شلون اعوفة يموت امي تبجي واني ابجي بس خلص هذا هاي النهاية 😭.ً
علي:وصلت ساره واخذوها هيه وامها ل اربيل خابروني الصبح كالو وصلتهم ارتاحيت ارتاح ضميري ماسولفلكم شكد اشتاقيت لجمانة ويشهد الله مانسيتها لحضة وحدة ابد بكل لحضة هيه ع بالي 
شنسة منك واني حتا دموع عيني تحن عليك 💔
سارة:وصلنا اربيل واجرنه بيت زغير ورحت قدمت ع ميتشفئ حكرمي واهلي اداوم الصبح والعصر  منسيت علي وصهُيب كليوم افكر وادعيلة  يطلع منهم ويرجع ل اهلة ولزوجته 💔😭  الئ ان فد يوم التقيت بدكتور سيف وتعرفنه واعترفلي  مرت ٣اشهر اني وسيف نتواصل هوا جان ببغداد وانوب شالو واجو الاربيل تعرفت ع اخته وكل الاحداث الي صارت فوك
عرفتها نفسها هيه جمانة زوجة علي وشفت صورة اتمنيت اكدر اكلها شصار ويا وهوه هسه عنده طفل وميدري شبعت قهر بس كلت اتأكد من علي وين صار يلا اكللها .
علي:بعد ما طلعت سارة وامها من الانبار شغلي كلش تعب وكامو يشكون بيه ويراقبوني كلت خلص بعد ما اضل ورا مراحت ساره ب ٣اشهر  قررت اشرد اتفقت ويا الجيش انو بس اوصل لفلان منطقة وهمه بعد يحموني المهم اكدر اشرد من هاي المناطق طلعت بليل محد حس علي اخذت سلاحي ورمانتين وطلعت تقريبا قربت اوصل يعني بعد ٩كم هيج وجان يصير رمي ع السيارة مشيت بكل سرعة وسياراتهم طايره الجام مال سياره تفلش واني طاير وهمه وراي قربت شفت سيطرة ما جيش مشيت بكل قوتي كامو يرمون علية شفت السيارات مال داعش وكفت بعيد فتحت الاسكلي السري وناديت عليهم فتحولي الطريق وصلت تحمدولي ع السلامة بقيت يوم يمهم ب المقرارتتاحيت ثاني يوم الصبح طلعت لبغداد  ومن بغداد للبصرة وصلت واني كلبي ملهوف ع اهلي وجمانتي طبيت منطقتنه شفت حاطين صورتي وعليها الشهيد البطل هسه ليشوفني عايش مو يتخبل عبالة شبح 😂😂😂.
محمد:بعد ما راح اخوية علي الدنيا صارت ضلمة بعيني اجذب لو اكلكم عشت مرتاح اذكر سوالفة وايامنة الحلوه وينمرد كلبي ع خويي وحزام ضهري بعد ماراحت جمانة  متواصلنه وياها بعد سمعت اتزوجت وعدها ولد من بيت كرار رجل علياء يوم من الايام كعدت الصبح فرحان بدون سبب اول مره افرح بعد حزن لمده سنتين ماعرف شنو السبب تريكت وطلعت افتر ب البستان واذكر اخوي اول مره ما ابجي وانقهر علية ودرت وجهي وجان اشوف 😳😳😳😳😳 اعوذ بالله من الشيطان الرجيم
لاا مستحيل هذا منووو شفت حبيبي وروحي واخوي وتاج راسي وامي وابويه علي اخوييي اي هوا هذاا نفسة بطولة الحلو رحت اركض علية حضنته وكمت ابجي مثل النسوان ياخويه وين رحتت وعفتنيي ماكلت هذا اخوي منو يبقاله مالكت شيصير ببية .
علي:وصلت لبيتنا واحس ردت روحي الله سبحانك الهي كتبتلي عمر جديد شفت اخويه محمد متغير وكبران واكف من بعيد التفت وشافني اجه يركض
خوية موبيدي ماعفتكم والله وبجيت وشويه واجتي امي ومرت محمد ويبجن ويعيطن  وحضنت امي وبستها واني عيوني تدور ع جمانتي وينها شصار بيها 😥 التمت العالم والهلاهل والجكليت .
علياء:بعد ما راح اخوية علي  اجذب اذا اكلك نسيته جان مو بس اخو ام واب وسند اليه  ماراح من بالي ابد كامت نسرين تذب سمها عليه اي طبعا جانت تحبني علمود اخوي هسه راح عمت عيني  جمانة راحت ونسرين كام تطش اشاعات اتزوجت وعدها ولد شمدريها ما اعرف اني هم حاولت اتواصل وياها ماكدرت اوصلها فد يوم كاعدة الكط خضره وطب كرار الفرحة مبينه ع وجهةة يصيح علياءءء علياءء
علياء:كمت ع حيلي ها خير شكو امي شبيها اخوي محمد بيهم شي
كرار:لا مابيهم شي  بس اخوج علي
علياء:من كلي اخوج علي رجفت رجليه تذكرت من اجاني اول مره وكلي استشهد كلت اكيد لكو جثته وكعت جان اسمع 😳😳
كرار:كومي ولجج اخوج طلع عايش ورجع والدنيا مكلوبة
عاياء:شننووو صدككك تحجي يمة اخويه حبيبي 😭😭😍 طبعا الفرحه متنوصف  ماكدر اوصفلكم شعوري رحت ويا كرار واحس لدرب صار شطولة وصلت وطبيت شفت اخويه ركضت احضن وابوس بي ياخويه ياعيوني حركت كلبي عليك وين رحت وعفتنة وين جنت 😭😭😭😭
علي:اجت علياء والبيت انكلب بلناس والعالم صعدت فتحت غرفتي صدك مال ميت فارغه تصفر تذكرت لحضاتي ويا جمانه فتحت لكنتور فارغ وين ملابسي وين غراضي شويه واجه محمد.
محمد:خويه علي اخذ البس هاي الدشادشه وارتاح
علي:شنو ولكم حركتو هدومي 😂😂😂 ماصدكتور تخلصون مني
محمد:لا بس مرتك من راحت اخذتهن كلهن وياها
علي:وين راحت جمانة سولفلي كلشي صار وشصار بيها وراي ومعقولة تتزوج لا لازم ارجعها شلون تنساني بهل سهولة لا مستحيل مر اليوم بين العالم والخبصة وكلها تتحمدلي ع السلامه ثاني يوم من الصبح قررت اروح لبغداد رحت وسئلت طلعو شايلين ل اربيل اجت ع بالي ساره كلت ارجع للبصره واخابرها واشوفها بعدها ب اربيل رجعت للبصرة.
جمانة:بعد ماقدمت وطلع قبولي مبقا شي ع الدوام وحددنه موعد خطوبة سيف وسارة اخذت ساره وطلعنه نشتري ملابس واشياء
سارة:قربت خطوبتي اني وسيف وطلعنه اني وجمانه نشتري ملابس اشتريت كومه اشياء وهيه هم اني قنتتها تشرتي وتهتم بنفسها هيه حتصير طالبه جامعة كوه اقتنعت رجعنة العصر للبيت رحت سبحت وبدلت دزيت اكل من برا تعشيت وصدفه اتصل فوني رقم غريب جاوبت
الوو
علي :السلام عليكم سارة مو
سارة:منو وياي (الصوت مو غريب عليه هذا صوت علي بس خلي اتأكد )
علي:هيج ب اشهر تنسين اخوج
سارة:علييييييي 😭😭😭😭😭😭😭 معقولةة عايششش 😭😭😭😭😭 وابچي واشهك
علي:اي خيتي واريد اجي ل اربيل
سارة:الف هلا كل خطوه بهلا تعال واني هم عندي شي الك
علي:شعندج ولج تزوجتي لا
ساره :اذا تكدر هسه احجز طيران وتعال ل اربيل والله لازم تجي
علي:ماشي باجر اني يمج ان شاء الله
سارة:كل  الهلا
علي:مع السلامه
سارة:من حاجاني عليي طرتتت من الفرحح يعني عايشش الف الحمدلله والشكر من الفرحه منمت شنو رد فعل جمانه من حتشوفه شنو رد فعلة من حيشوفها هيه وابنة تحمست لباجر شوكت يصير الصبح .
جمانة:رجعت للبيت طلعت الغراض ورتبتهن رحت ليزن حبيبي سبحته وبدلتله وسبحت وبدلت اتعشيت وصعدت نومت يزن اول مره احس كلبي مرتاح 🥺 ماعرف ليش مرتاحه اول مره انام وماباجية ع علي .
علي:سديت لخط من ساره وافكر بجمانة وبعد تفكير طويل نمت الصبح حجزت طيران وصلت لضهر ل اربيل
سارة:رحت انتضر علي ب المطار وشفته ورحت اركض علية كمت ابجي  فدوه خويه بعدك عايش الف الحمدلله ع سلامتك
علي:الله يسلمج
سارة:اخذنه تكسي ورحنا للبيت وصلنه وصبيت غدا وتغدينه
علي:والله يا خيتي اجيت ادور ع جمانه سمعت مزوجه وعدهاطفل ماريد شي بس كون اشوفها
سارة:بكلبي كلت منو ضاحك عليك هيه غير عايشه ع ذكراك شلون تتزوج 😂😂😂 بس كلت خلي العب ب اعصابه شويه كتله اكيد هسه تحب زوجها وعدها طفل منة لتخرب حياتها عليها اباوع ع وجه صار اصفر 😂😂😂😂😂😂 بكلبي اكول يلا هانت ماضل شي   جبتله فراش ونام خطيه 😂😂💔
علي:من ساره كالت تحب زوجها وعدها طفل منة  انقهرت وكلش ضجت ونمت بدون ما احس ع نفسي 
سارة:كعدت من الصبح بدلت ورحت لدوام شفت سيف وحجينه بس مكتلة ع علي تغدينا سويه وكتله باخذني لبيتهم لان اريد جمانه
جمانة:كعدت الصبح ماعرف شبي كلبي فرحان سبحت وبدلت طلعت لكيت يزن كاعد بدلتله وهاي نزلنه نتريك  وكعدت العب اني ويزن فدوه حبيبي حبيب قلب ماما 😍😍😍💋💋🥺
سارة:هلاووو
جمانة:هلااا لك هاي شنو عيني طبات وطلعات سويةة ها ها 😂😭😉😉
سارة:اي لعد شعبالج 😂😂😂 اكولج حياتي اليوم لازم ترحين وياي لصالون محتاجت والله
جمانة :يابة صار شكد مرايحه صالون يلا لخاطرج اروح صعدت بدلت ونزلت
سارة: هم اسود شوكت تنزعين
جمانة:انجبي اليوم احترمتج هوواي 😂😂😂😂
سارة :عابتت 😂😂😂😂 اخذتها لصالون وكون قنعتها تحف عود هيه حتصير جامعه وهاي حفت وسوت تنضيف بشره وهاي الامور واني هم سويت بس طلعنه غير شكل
جمانة:طبعا ساره جبرتني احف واعتني بنفسي وافقت شفت نفسي طلعت غير وحدا يابه شكد تغير شكلي ماعرف مرتاحةة مادري ليش
سارة:حب عازمتج ليوم ع العشاء مو متحجين
جمانة:صارر تدلل اني هم اريد اكعد اسولف وياج ضايج
سارة :بكلبي كلت اليوم  حتا اني تنسيني 😂😂😂 كتلها كل الهلا ىيزوني جيبي وياج خوش
جمانة:ايطبعاا اجيبه شلون لعد يلا حبي باي
سارة:باي رجعت للبيت لكيت علي طالع هسه هذا وين راح مو اني مسويتله مفاجئة
علي:كعدت الصبح ب ١٠ طلعت افتر ب اربيل مادري وين اروح ضليت اسئل ع جمانه بلكت احد يعرفها صارت الساعه ب ٤ رجعت 
سارة:هلا يابة وين جنت ضل بالي
علي:طلعت ادور ع جمانه بلكت الكها
سارة: قريبه ماضل شي
علي:شنوو
سارة:اقصد قريبه بكلبك موجود 😂🤭
علي :اوف منج سويرة متبطلين 😂😂
سارة :ديله روح اكعد لتطلع اليوم حيجون اصدقائي اريد اعرفهم عليك
علي:ولج انتي منيلج اصدقاء لا اكسر راسج 😒
سارة:شبيكك بناتت 😂😂😂
علي :ها عبالي
سارة:كيفتت 😂😂😂
علي:طاح حضج ولج امشي ولي 😂😂
سارة رحت دزيت اشكال الاكل من برا لان مابيه حيل اطبخ واتصلت ع جمانة  
الوو
جمانة:ها حبي
سارة:يلا شوكت تجين
جمانة: هسه حبي ١٠دقائق يمج
سارة :ماشي
جمانة:رجعت من الصالون سبحت وبدلت وسبحت يزن  وبدلتله
ماعرف اجه ع بالي احط مكياج حطيت حمره وبلاشر وكحله سوده 
صار العصر كمت بدلت  لبست تنوره بنصل سوده وقميص اسود وشال اسود طبعا كلة اسود واخذت يزن بدلتله لبستة اوفر كوباي وتشيرت ابيض وحذاء ابيض وعطرته وحطيته ب العربانه وطلعت عجبني اتمشا وصلت لبيت سارة دكيت لباب وشفت 😳😳😳😳😳😳😳😳
علي:سارة عازمه صديقاتها وكلتلي ابقا ماردت افشلها بقيت خبصت نفسها وكلساع تباوع عليه وتبتسم مدري شبيها ضليت اتفرج ع التلفزيون وصار العصر كلش اندك الباب وطلعت وشفت 😳😳😳😳
جمانة:نفتح لباب وشفت علي 😳😳😳😳😳😳😳😳 ضليت واكفة مصدومة اباوع عليه هذاا علييي ايييي هذااا حبيبييي اي هوا نفسة 😭😭😭😭😭 صحت ب اعلئ صوتي علييييييييي وحضنته وابجي واعيطط ماعرف شصار بيه احلئ لحضه بحياتي 😭😭😭😭😭😭😍😍 حضنتة وابجي هذاا انتةة علي وين رحت وعفتني شسوين بيةة مافكرت بحالي مكلت هاي وبن تروحح من بعدي ليش هيج والله متت من فراكك منسيتك ولا لحضه وحده فقدت من البجي واني بحضنة 😭😭😭😍😍
علي:شفت جمانتي 😳😳😳اي هية نفسها متغيره وكبرانه ضليت اباوع عليها وهيه مصدومة بعدين حضنتهاا وحضنتني تعاتب بيه واني ابجي مثل النسوان ع حجيها تشهك وتحجي مامصدك شفتها بعد هاي الايام 😭😭😭 اوف ياروحي انتي والله مو بيدي والله ماعفتج ومانسيتج لحضة وحدا انتي حبيبتي وبنتي ومرتي  😭😭
جمانة:شسويت بية بغيابك لك ما اتنفسس بس عطرك انام بس علمود اشوفك بلحلم ما انام وذا محاضنه قطعه من ملابسك شلون من يوم الرحت واني مشفت راحةة روحي راحت وياك انته روحي  تعبت من الحجي رالبجي والفرحه ماكدر اوصفلكم الشعور الي حسيته ضليت بحضنه ابجي وهوا يبجي
علي:ضليت اسمعها وحاضنها وكاعدين بلباب سكتنه ثنينه واحد حاضن لثاني ميريد يعوفه دقيقه اسمع بس شهكاتها وبجيها وقطع الحضة صوت طفل يبجي دكلة كلبي مو دكة دمام كامت جمانة
جمانة:حضنته ومجلبه بي قويي هيج خايفة يرجع يروح مني 😭😭 مره ثانيه قطع الحضه صوت يزن يبجي اشوف علي ضل يباوع عليه وعليه بنضره هذا ابني لو منو
علي:سمعت صوت الطفل وشي يكلي ابني وشي يكلي لا
جمانة:😭😭😭اي اييي هذا ابنك  هذا يزن  😭😭😭
علي:من كالت ابنك ماعرف شصار بيه كمت شلته وابوس بي وابچي
سارة:صار موقفهم كدامي وشفتهم وشبعت بجي وياهم  مسحت دموعي وكمت
يلاا كومو كافي بجيتوني حتا الاكل برد
علي:شلت يزن حبيب بابا 😍💋💋 اشم بي وابوسة فدوه لله نسخه من عندي يشبهني كلش وجمانه بس تبجي   اجتي ساره وكالت كافي بجي 
جمانة:من اجت ساره استغربت شنو ديصير  كمنه طبينه واني لفرحه مسايعتني احلا يوم بحياتي كلهاا 🥺🥺 اباوع ع علي حاط يزن بحضنه وفرحان وابجي مسكتت دموعي  تعشينا وسولفولي كل الي صار  شلون عرف سارة كولشي سولفلي رجعلي حبيبي وابو بيت وحبيب روحي رجعت ويا للبصرا وعشت احلا حياة ويا الله يحفضة الي ولا يحرمني منه صار عندي بنية سميتها شمس و
وعلياء:وكرار صار عدهم ثنين ولد حسن وحسين
وسيف:وسارة تزوجو وعدهم بنيه رزان
وصُهيب اخو ساره لحد الان مفقود وماكو عنه اي خبر
ونسرين :تزوجت ابن خالتها
ومحمد :عنده ٤ولد
واحمد:اخويه رجع للعراق و
واني كملت دراستي وتخرجت وحاليا دكتورة وعشت حياه كلش حلوه ويا علي   الحمدلله الله عوضني عن كل الي شفته ورجعلي زوجي وحبيبي ورزقني ب اطفالي الي هم روحي من الدنيا 
العبره من القصة
مهما قست بيك الضروف ومهما مريت ب ايام صعبه لاتفقد الامل وخلي ثقتك بربك جبيرة واصبر راح ترتاح بعدين  وحارب حتا ترصلل للي تريده شوف شلون جمانه ب اصعب ضروفها كدرت تحقق حلمها وصارت دكتورة وهيه ارملة وعدها طفل ف لادكولون مستحيل  لابد يجي يوم توصل للتريده وسارة شلون ساعدت علي ونقذت حياتة مجانت تدري بيوم من الايام حتلتقي بسيف وتصير زوجته  وهوا اخو زرجه علي  الي صار مو صدفه وانماء مقدر ومكتوب الله عوضها بعلي صارلها اخ وسند وب جمانه صارتلها اخت  وب سيف زوج وحبيب  وصديق وكولشي هذا هوا نتائج  عمل الخير .
الئ هنا كانت النهاية  اتمنئ عجبتكم القصة

النهاية 
جمانة والنقيب 🤍.