"كانون الاول"

"كانون الاول"
"الحلقه الاولى"
للكاتبه؛HANAN.
وربي بنقتلهه ونشرب من دمه
رزان ترعش وسنونها يتخبطن في بعض
أمها؛لاني راضيه عليك دنيا لا اخرهه كان وسخت ايديك في دمهم جوزوها احدفوها ليهه
رزان تسمع في أمها وقلبها يزيد يتوجع أكثر وأكثر
أحمد؛اختفو وربي كان ما تقولي من لعب فيك وحدفك لما أقسم بالله ندبحك
رزان ترعش وحاطه ايديها على ودانها؛انااا مظلومه مظلومه مظلومه حسبي الله ونعم الوكيل أنتم مش اهل
ضربها حسام بسوط على ظهرها بأقوى ماعنده
امها؛زيدها تستاهل زيييد
وبدأ في ضرب بالقوى ورزان ساكته وتتألم وتشوف في أمها
رزان؛حسبي الله ونعم الوكيل الله ياخد الحق الله يوريكم الحق
احمد؛عندها عين تتكلم اتفوو
رنن الجرس
حسام عطا لأحمد السوط؛شد اضرب لين تموت
وطلع يفتح في باب
فتحه ولقا راكان
راكان؛عرفته الكلب يلي لاعب فيها
حسام؛وينهه وربي لما نشرب من دمه
وخشو داخل
____________________________
راكان وحسام واحمد الثلاثه احرف من بعض واكبر مجرمين
قتل على تجارة المخدرات والسلاح
ومافيش حاجه حرام مادروها
احمد اكبر واحد م 87
وراكان متوسط م 92
وحسام م94
وكل واحد أجمل أجمل من ثاني
وعندهم اختهم وهي أصغرهم
رزان مواليد 98 وفاتنة الجمال طبعا خوتها مانعينهاا تطلع من حوش حتى الجيران وناس ماتندريش عن شكلها ومحد يندري انه عندهم بنت
خوفا من انهم ينتقمو منهم عن طريق اختهم.
وتوا تعرفو اكثر
_______________________________
راكان؛أسمه آذار م 92 ولد عيله و صفر بصوت"فوق الريح" وشاف لي رزان وطبس عليها فلللوووس تسمعي
الأم تسمع ومش معدله ابدا
احمد؛هي نمشو بإذن الله كان متزوجها حيصير فيها دم
راكان يمضغ في مستكه وشاد سلاحه؛هي يام جيبيلها حاجه تستر بيها روحها
حسام؛يا انت شن صار في بضاعت اليوم
راكان؛زيي العسل الامور كلها مشت
رزان تقاوم جسمها كله متفخ ومزرق وعيونها بينقلبن خلاص بدوخ وبترجع مش قادرهه
لبستها أمها عبايتها وخمارها
وقعد يجبد فيها حسام بالقوى
وركبها لي سياره وركبو الثلاثه كل واحد وفي سيارته الكبار المظلمات وكل واحد بسلاحه
ووصلو وقعدو يرمو في رصاص فوق
________________________________
الأم سهيله ترعش؛يا حاجج ياحاج
الحاج مختار؛بسم الله شن في
وطلع نزل لوطه
لقاهم كلهم لوطه
حاج مختار؛شن في من مداير مصيبه
محمد؛هي يا انس وسليمان نشوفو شن في
وطلعو وسهيله ترعش وتبكي وبنات يتباكن ويضبطن في بعض
محمد وشباب طلعو
أحمد وراكان وحسام نزلوو
محمد؛شن في شن جاكم ترمو في رصاص فوق روسنا
احمد؛آذار مختار قوله يطلع ولا أقسم بالله نفجر هل بيت كله على روسكم
انس؛وشن دارلك خوي
أحمد؛كلمه وقالتها ومش حنعاودها وكان متعرفنيش اسأل عليا
راكان حط السلاح على راسه على طلعت الحاج
مختار؛
يا شباب استهدو بالله وخشو نتفاهمو
سليمان ؛ياااباتي شنيي بدخلنا كمشة مجارم
الثلاثه رفعو سلاحاتهم ووجهوها على سليمان
عاود شن قالت
مختار ؛يا شباب استهدو بالله وخشو نتفاهمو
احمد وراكان خشو
وحسام؛تعرف لما نوريك على كلمتك هادي وقاطعلك لسانك بيش تعرف على منى تتكلم انت
وخش لمربوعه معاهم
أحمد؛من الاخير ياحاج ولدك اعتداء على بنتنا واحنى جينا بنقتلوه
مختار مصدوم؛وشن اياكدلك انه هوا ؟
حسام؛احنا مش عويله ولدك انت بروحك عارفف فلايطه
راكان؛اقسم بالله كان ميطلعش ويقرأ فاتحته عليها والله لما ندفنه وهوا حي
مختار مقدرش يتحمل
خشو ولادهه الثلاثه
مهم وصوتهم بدا يعلا ويعلاا
______________________________
آذار دوبه نايض من نوم ورأسه يوجع فيه من الخمج يلي يشرب فيه
آذار؛ااخخخ راسي ويسمع في دوشه وأصوات غريبه
آذار؛ يستر الله
لبس سرواله وسوريته ونزل يجرى لقاء امه وخواته ونساوين خوته
آذار؛شننن في شن صار
كلهم هزو راسهم بالنفى
وهوا طلع خش لمربوعه
شاف خوت البنت انصدممم ووخر
جاء راكان وطوووول بلا مقدمات نزل فيه ضرب ضربه بكل غلهه
حسام حتى هوا ناره واالعهه مقدرش يتحمل يسكت زي ماوصه احمد ونزلو فيه ضرب
شوي حزوهم على بعض
احمد بعصبيه مكموته؛اختى توا تنقرا فاتحتها عليك تسمع
آذار؛نجوم السماء اقربلك
أحمد طلع سلاحه؛ههه تمام وسحب وبيطلق
مختار؛وقفف ولدي توا بيقراها وغصبن عنه وحقكم علينا وتوا بنكلم الشيخ
وبحث في انس ؛بري جيب الشيخ
وانس طلع بلا ولا كلمه
آذار مصدوم؛تتتيي كيفف كاذبين عليك را مدرتش حاجه
مختار؛كلمه وحده بس متبري منك ليوم الدين
آذار سكت وفي داخله يغلى بجوزوه غصبن عنه "
راكان خاطرهه مكسور وضميره يأنب فيه بجوز اخته بنفس الشخص يلي اعتداء عليها بلا رحمه؟
مقدرش طلع وولع دخانه
وشوي جاء شيخ وتم كل شي
احمد؛بري جيب رزان ياحسام
آذار طيرتله وساكت
وراكان يشوف ل آذار بحقد
وشوي ويسمعو
رزان بصراخ؛ااااانتتتتتت مششش خوووييي انااا نكرهك انتم مش خوتي حسبيي الله ونعم الوكيللل ربي يوريني فيكممم يووممم كيف ترضوها لييي ربي يوريني فيكم يوم
راكان طلع يجرى
بيشدها يسكرلها فمها
رزان؛ححححوووووللللل نكككرهك انتم مجرمين متوحشينن كيف تحدفو اختكم لوووواحد اعتداء عليها نكرهكم متبريه منكم ليوم الديننن لانعرفكم لاتعرفوني نكرهكم وشوي صوتها يضعف نكرهكم نكرهكم وطيح دوخ
احمد؛هيا نطلعو معاش لينا دخل بيها
آذار يشوف في موقف ومصدوم ويقول في خاطره"يح بيني هما فتكو وحصلة فيها انا"
مختار مصدوم معقوله في ناس كيف هك
ونفس الشي انس ومحمد وسليمان
حسام لحق احمد وراكان وقف يشوف في اخته وطلع روحو
الحاج مختار؛يا عاق ارفع مرتك ودخلها داخل
آذار؛بدينا ونزل رفعها :حي ريشه ههههه "وجها مش باين لانه لابسه خمار "
انس يشوف لخوه؛انت انسان مريض توا ارتحت انك دمرت حياة بنت
آذار؛بري اقرا وسكر فمك عني ياسوسه
وخش بيها داخل وحطها على صالون
الكل يشوف فيه بنظره معرفش يفسرها بس مش معدل حطها ورقا لي داره
نرمين؛حسبي الله ونعم الوكيل مسكينه دمرلها حياتها
سهيله؛ياروحيي خلود جيبي اميه
ساره رفعتلها الخمار بيش تتنفس كويس؛يارووووحي شوفي شن مدايرنن في وجها لين مخضر
رنا؛الله على الجمال شوفي فمها كيف مرسوم رسم وبودريي ومنفوخ وعليها بياض تبارك الرحمان رموشها كيف كثيفات وطوال والخشم سيف والحواجب واضح مرسومات من ربي الله اكبر البنت زينه حرام عليه ولدك يايمي
رزان فتحت عيونها بشوي
وقعمزت تشوف فيهم كيف يشفولها بشفقه
سهيله؛يابنتي تبي حاجه انه كيف امك
رزان شفتلها وعيونها حمر من البكى
ساره؛تعالي معاي نعطيك دبش ودوشي بيش تتريحي
رزان شفتلها ودموعها نزلو
ساره قلبها وجعها ؛هاتي ايدك نساعدك
رزان مدتلها ايدها وساعدتها ساره ومشو لدار سارهه بيش تعطيها ملابس
رنا؛الله اكبر مشالله حتى عيونها ملونات
سهيله؛اي والله البنت زينه زينه
خلود؛ياروحي
__________________
آذار خش رقد ومبرد نفسه مكانه دمر حياة بنت
__________________
ساره؛تفضلي واهو حمام خودي راحتك وكل شي تبيه خبطي على باب بس
رزان تشوفلها وعيونها يدمعن
ساره؛اسمي ساره وانتي
رزان بصوت مبحوح من البكي؛رزان
وخشت لحمام ادوش
وشوي لبست دبش يلي عطاته ليها ساره
وطلعت
طبعا الحمام داخل الدار نظام جناح
ساره؛صحه ياسمحه
رزان؛شكرا
ساره؛ولو ،تعالي نجففلك شعرك
رزان؛لالا مانبيش شكرا نبي نصلى
ساره؛هك السجاده ومن هك القبله
رزان طبست راسها؛بارك الله فيك الله يجازيك خير
ساره؛خودي راحتك وهادي دار كانت لاختي متجوزه خوديها...وكان تبي شي كلميني بس
ساره نزلت وخلتها على راحتها .
لبست ملاية الصلاة
وقفت على سجاده وجسمها يرعش
وكبرت ودموعها ينزلو وصوتها مهزوز
وبدت تقرا وكملت الركعه الاوله والثانيه والثالثه وهي تبكي وكملت الرابعه بصوت عالي شوي ومهزوز من بكي ودموعها ينزلو وسجدتت
"‏اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً ۚ يَخْلُقُ مَا يَشَاءُ ۖ وَهُوَ الْعَلِيمُ الْقَدِيرُ"
كملت التشهد وسلمت
رزان؛السلام عليكم ورحمة الله وبركاته؛السلام عليكم ورحمة الله وبركاته.
وقفت وهي تسبح لقت مصحف رفعاته وردت قعمزت على سجاده وبدت تقرا بصوت عالي وباب دار مردود
وانس مر يسمع في صوت طول عرفه صوت البنت
وقف يسمع في تلاوتها وصوتها المبحوح بس قاعد جميل معا التلاوه
رزان وصلت لأية؛‏﴿يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ﴾
قعدت تعاود فيها وتبكي بصوت وتبكي
وجعاته بس معنداش حل يديرلها
ونزل لأمه؛أميمتي
سهيله شادهه سبحتها وتسبح؛نعم ياامي
أنس؛ماتغششي روحك كل شي بإذن الله ينحل
سهيله؛الله يرضا عليك
أنس باس راسها؛نا ماشي نرقد غدوهه عندى امتحان والعياده نفس الشي نوضيني
سهيله؛حاضر ياامي
______________________
٧:٠٠ص
كلهم على طاولة الفطور
مختار؛ساره وين البنت
ساره؛في دار رانيا
سهيله؛يامينتي على البنيه قداش ضاربينها خوته
آذار يأكل وداير روحه مش معدل
مختار؛كله بسبب ولدك العاق
آذار؛وبعدين لازمم درهو الواحد كبدهه وتسدوله نيته في ماكلهه
رفع شنطه وطلع
‏سهيله؛لمنو الصفره هادي يارنا
رنا؛للبنيه ماحطت شي فمها من امس
مختار؛الله يرضا عليك يابنتي
ساره؛هيا يارنا عطيها ومطولي وارفعيلها حوايجه نا نرجا فيك برا تأخرت
مختار؛حاولو تكسبوها البنت را يتيمة الاب ومسكينه ويلي مرت بيه مش ساهل يابناتي
ساره ورنا؛انشالله ياباتي واجرك حاصل
سهيله؛هيا يارنا ساره تأخرت على مدرسه
رنا رقت فوق ل رزان خبطة الباب
وفتحته لقت رزان راقده على سجاده بملاية الصلاة والمصحف جنبها ودموعها على خدها
رنا؛يقلبي وربي تكسري الخاطر
حطت الصفره على طاوله
رنا؛رزان رزان
رزان فتحت عيونها وقعمزت
رنا؛اسفه نوضتك بس تعالي ارقدي على السرير
رزان حركتلها بايدها ب لالا ووخرت للحيط ضمة رجليها وبدت تبكي تبكي تبكي
تشهق؛تمنيته حلم تمنيته حلم ومصارليش هك نا تعبت شن درت في حياتي نا انطفيت انا تعبت يابابا يابابا وينك شوف شن دارو لبنت يابابا شوف اولادك يلي كنت فرحان بيهم يابابا شوف شن دارو لأختهم يابابا بنت اعتدو عليها ودمروها اههه يابابا
رنا تسمع فيها وتبكي وجعتها
_________________________
آذار بيفتح سيارته مالقاش المفاتيح
آذار؛اووف عليك نهار مباركهه
رجع يجريي وهوا ماشي لدارهه سمعها تبكي قدم شوي جيهة دارها
وسمعها
؛شن ذنبي نا تعبتت والله تعبت اههه دمرني الله يدمرهه الله يورني فيه يوم
رنا ضمتها لحضنها؛الله يوريك فيه يوم ربي ماينسي حد
آذار كلامها يزن في ودني"فتحت داره وخدا مفاتيحه وطلع
_________________________
"بعد ٣ شهور "
يتبع....