Katorse

Noong bata pa tayo, ang mga bagay na binibigyan nating problema’y paano tayo papayagan ng magulang natin maglaro sa labas dahil hindi ka natulog no'ng hapon.

Ngunit kapag ika’y binatilyo o dalagita na, hindi na gan’yan ang iniisip mo. Kung dati puro laro lamang ang nasa utak, ngayon puro sarili, kaibigan, pamilya, pag-ibig, pag-aaral at paninibugho ang iniisip.

Hindi ka nag-iisa, aking mambabasa. Naranasan at nararanasan ko rin ‘yan at lahat ng mga damdaming ito’y naisulat ko sa bawat tula na mababasa mo rito.