هل يتم الحب

البارت 2

هلو من جديد وهذا البارت الثاني اتمنى يعجبكم 😊😊
----------------------------------------------------------

كيان :. (صح حسيت بحب اتجاه نور لكن حسيت براحه فضيعه مع فاطمه لكن خفت اوكع بالحب لان كرهت شي اسمه حب )

فاطمه :.( ماحسيت بشي اصلا شي طبيعي دووم اراسل شباب ودائما متفاعه فيس انستا ....)

بقينا اني فاطمه على تواصل  اوكنت كلش مرتاح الهه
وكلشي سولفت الهه حتى عن نور كلشي سولفت الهه
ويوم ورى يوم بقت تدخل كلبي لكن كنت اخاف من ردة فعلهه لان هيه كانت تعتبرني صديق   وبيوم من الايام طلبت منها انو اشوفها لان اتشوقت الشوفتها كلش

كيان :. نور ممكن اشوفج
فاطمه :. اي عادي
كيان ( دزت صورتها وكانت كلش حلوة 😳حتى جسمها حلو من لاخر كلشي حلو بيهه ( هههههه)
كيان :. ربي يحفضج كلش حلوة ماشألله
فاطمه:. هههه تسلم
......
بعدها رجعت البيت وكلت الماما
كيان :. ماما اريد ازوج
سعاد:. اي ماما عادي بس منو تريدها
كيان :. ماما الصراحه اني احبلي ابنيه من السماوة ابنيه حلوة تعجبج ومؤدبه
سعاد:. انشالله خير راح احجي ويه ابوك الخاطر اعيونك الحلوات
كيان :. ربي لا يحرمني منج يا احلا ام بالدنيا

كيان( لزمت الجهاز واني مستعجل اريد اشوف فاطمه واريد اعترف الهه بحبي اووف متربك ما أعرف شحجي
احم احم فاطمه اني احبج
اووف اشبيك غبي شنو فاطمه اني احبج يلا من جديد
فاطمه تقبلين بيه ياربي ياربي شنو تقبلين بيه
اووف ..........

كيان :. فاطمه
فاطمه: هلا كيان
كيان:. اريد اكلج شي
فاطمه :. اي اتفضل
كيان :. انتي بنيه ما ينقصج شي من ناحيه جمال وهمين انتي بنيه مؤدبه واني حبيتج كلش والله
فاطمه:. شنو كيان
كيان:. اي والله مثل ما كتلج وانتي بس كولي اي لان مااتحمل لحضه بدونج
فاطمه:. لحضه ترى مجاي استوعب شي
فاطمه ( اني فكرته مثل اي شاب يضحك على البنات )
فاطمه : اوكي اني همين احبك
كيان :. صدك
فاطمه :. اي
كيان ( حسيت انو فاطمه من نصيبي وخلاص مراح اضيعها من ايدي ابدا )
....
وبدأ كلام الحب ايدور بين ابطالنا الحلوين الحد مااجه اليوم الموعود يوم ٢٥ / ٦
كيان :. فاطمه اني كلت لأهلي عليج واهلي وافقو و انشالله كم يوم احنه يمكم
فاطمه :. على شنو
كيان :. حبيبتي احنه ملازم نطول لازم نزوج
فاطمه :. ههههههه من كل عقلك
كيان :. اي ليش ضحكين ترى مكلت نكته
فاطمه :. كيان احنه حبنه كلاوات يعني اني مكان قصدي زواج
كيان :. شنووو مجاي افهم شي
فاطمه:. اي اصلا حتى الصورة الي دزيتهه الك مو صورتي ولا حتى عمري ولا مكان بيتي اصلا كلشي جذب يعني علاقتي وياك بس جذب
كيان :. ليش هيج تسوين مو اني حبيتج وحترمتج ليش هيج أجازيني
فاطمه:. لك بابا روح اصلا اني ازوج من السماوه اشجابني البغداد
كيان :. ههههه عليج الله فاطمه كولي جاي جذبين كولي انو كل هذا مقلب يلا فدوه
فاطمه :. وا لله والقرآن كل الي كلته صدك وما جذبت بحرف واني اصلا مااحبك اصلا ما دخلت كلبي وحبيت اني اقضي وقت وياك بس هيج
كيان ( كافي وسديت الجهاز )
كيان :. ( حسيت انو جرحت الجرح القديم من جديد و محد ديحس بألم كلبي الي ديموتني ليش هيج البنات ايفكرن انو ما عدنه مشاعر ليش .اووف نفس لاحساس الي اجاني من عفت نور حسيت اني مخنوك كلش نفس العادة رجعت البيت دخلت غرفتي وقفلت الباب حسيت لازم اسوي شي بنفسي فجأه اجت رساله كنت كلش معصب مجاوبت لكن بقت تتكرر الرسائل فتحت لكيت بنيه دازه هلو. هلو الووو ليش مجاوب الووو
مجاوبت لان ادري بروحي راح اجرح البنيه بكلامي واعصب عليهه بدون سبب
بعدها اتصلت فتحت
كيان :. شنو تردين مو اني ما فارغ الج ما تستحين اني مااريد اجاوب فهمتي مااريد اجاوب وسديت الجهاز
( لكن هيه بقت ادز رسائل اني مالي خلكهه كلت خل انام لان اذا ابقى كاعد لازم اسوي شي بنفسي نمت اووف يالنوم تحسه الحل الوحيد الكل مشاكلك تنسى الدنيا وما بيها وبعدها كعدت ب ٤ الفجر ونفس الشي  التمن الجروح عليه بعدي ما كعدت وبدات الذكريات
فتحت الجهاز هم لكيت رسائل من هاي البنيه( اسفه على لازعاج بس انته مبين تعبان وضايج بس خل اكلك الدنيا ما تسوى والله  ) اني حسيت اني غلطت لان طلعت عصبيتي عليهه فدزيت الهه رساله وكلت: اهلا اسف على كلشي بس كنت تعبان اشويه لكن البنيه مجاوبت رجعت افكر بفاطمه ربي ليش هيج حضي  ليش دائما انجرح شنو من ذنب اني سويتهه والله ترى مليت من روحي ومليت مت كلشي منو لاحبه يخوني ليش فجأه اجت رساله فتحت الجهاز
؟ :. اهلا لا عادي مصار شي 
كيان:. لا والله اني جدا اسف على اي كلمه.
؟:. لا والله اصلا اني خفت عليك كلت خطيه ضايج بس لا يسوي شي بنفسه
كيان :. اشكرج على لاهتمام
؟:. بس حابه اكلك مهما كان السبب لا تضوج العمر كدامك او تنسى كلشي والدنيا متسوة
كيان :. اي والله متسوه حتى البنات متسوه
؟:. عفوا لا تعمم( البنات ) ترى اكو زينات واكو لا بس انته لازم تعرف البنيه قبل لا تدخل علاقه وياها
كيان :. اني تعبت من البنات دائما انجرح ودائما البنات ايأذني
؟:. لا عيني مو البنات تجرح انته ما تعرف تختار مع احترامي الك بس انته اختار البنيه الصح وراح اتكون حياتك حلوة وانشالله الحياة السعيدة
كيان :. شكرا من كلبي على هذا الكلام
؟:. لا عادي مسويت شي
كيان :. بس والله انتي اجيتي بوقت محتاج هيج شخص وياي لان والله تعبان اني
؟:. هههههههه لا عيني انته قوي ما تحتاج شخص يمك
كيان :. صدك منو انتي ما عرفتيني عليج
؟:. امم اني مرام من البصرة عمري ٢٠
كيان :. عاشت الاسامي العمر كله انشالله
مرام :. اهلا وسهلا تسلم وانته
كيان:. اني كيان من بغداد عمري ٢٣
مرام:. اسمك كلش حلو
كيان:. اسمج لاحلا صدك  شلون عرفتي حسابي
مرام :. وحده من صديقاتي متابعتك وشفت منشوراتك كلش حلوه
كيان :. هههه شنو الحلو بيهه  كلهه حزن على العموم شكرا
مرام:. عفوا
.......
( حسيت الحزن طار كله يعني معقوله ما كنت احب فاطمه بس معجب بيهه اووف يا كيان صدك ما تعرف تختار والله كلام مرام صدك )
...................... في صباح اليوم التالي.......................

سعاد :. ماما شنو اصار على حبيبتك
كيان :. ماما انسى كلشي مااريد ازوج ما مستعد الزواج
سعاد :. اووف منك يا كيان بس باع ماما انتبه على نفسك وحاول تتحكم بالمواقف الي تصير بحياتك ترى اني امك واحس بيك
كيان :. ماما اني كرهت الزواج والبنات هم والله
سعاد :. لا ماما انشالله خير الي ديصير يمكن بي منفعه الك بالمستقبل الله كريم
كيان:. اتمنى الخير والله يلا ماما طالع للمحل اني  اريد رضاتج حتى اتوفق
سعاد :. رضاتي عليك دنيا وآخرة
كيان :. يمه فدوه ربي لا يحرمني منج يا بعد روحي
..........
كيان :. الووو مرام
مرام :. اهلا كيان
كيان :. اشلونج
مرام :. الحمد لله وانته
كيان :. اني تمام على الله
مرام :. دوومك انشالله
كيان :.اتمنى ما تكونين مثل الي قبلج لان كلهن كانن جذابات وياي حشاج
مرام:. اني الجذب والخيانه مو من طبعي و انشالله اكون صريحه وياك بكلشي
كيان :. انشالله اتمنى هيج والله
مرام :. حابه اكلك شي من البدايه
كيان :. تفضلي احجي
مرام:. اني مزوجه وعندي جهال اثنين ¡¡¡¡

■■■■■■■■■■■■■♤♤♤♤■■■■■■■■■■■
وجان يخلص البارت
اتمنى يعجبكم
كلولي شنو توقعاتكم بالبارت الجاي
كيان راح يستمر ويه مرام
لو راح يبتعد عنهه المصلحتهه😊🧡
احبكم

الكاتبه - ليالي - كمر🧡