هل يتم الحب

البارت 3

هلو من جديد اتمنى البارت الثالث يعجبكم 😊❤
.................................................................

مرام :. اني مزوجه وعندي جهال اثنين ¡¡¡
كيان :. شنووو
مرام:. اي والله واني كتلك من البدايه احسن
كيان ( الصراحه  فرحت كلش بالرغم انو هيه مزوجه بس حسيتهه تختلف عن الي قبلهه كانت صريحه وياي وكان احساسي مختلفه عن كل لاحاسيس الي كنت احسهه اتجاه فاطمه ونور )
كيان :. شكرا لان كلتي من البدايه اتمنى انو نبقى مع بعض
مرام :. انشالله
مرام ( اني بنيه مزوجه عندي بنات اثنين نرجس وبنين  الجبيرة بنين عمرها 5 سنوات اني اوزوجي بيناتنه مشاكل اوما متفقين على كلشي دائما كنت اتمنى انو احصل على حنان او اهتمام منه لكن كل مرة يخيب ضني بي حتى جهاز ما يقبل ايخلي عندي فمن ايروح الدوام افتح التليفون الي جابتهه حماتي الي ( منار ) حتى اشويه اغير جو من الي اني عايشته ولان اني دائما مشغوله بالبيت وبزوجي الي ما مخلي قيمه الوجودي وهم للأسف على اهلي الي زوجوني واني عمري ١٣ سنه الله يسامحهم  بعدها كلت شنو باقي من حياتي اريد اصير نفس البنات اتعرف على العالم اشوف هذا العالم الي كل الناس ما تكدر تستغني عنه )

بقينه اني وكيان على تواصل طبعا كانت احلا ايام حياتي لان كل لاحاسيس والحنان او حتى الحب لكيته ويه كيان كيان شخص طيب متواضع كل الناس اتحبه الدرجه من يضحك احس الدنيا تضحكلي .

كيان ( اني يوم عن يوم بديت اتعلق بمرام وما جنت اكدر اغيب عنهه ولو يوم واحد مستحيل )

مرام : كيان كافي بعد النت حيخلص عندي و محد يعرف عندي تليفون بس منار واني اخجل اطلب منهه بعد
كيان : لعد منو منار وشلون تعرف بعلاقتنه
مرام : منار هاي حماتي هيه الي جابتلي تليفون واني اتواصل وياك بفضلهه .
كيان : انتبهي على نفسج منهه.
مرام : لا منار والله خوش بنيه حبابه كلش لو تطلب روحها منهه هم تنطيك اياها
كيان: انشالله خير باعي انتي بس هاي المرة اطلبي منهه وبعدها اني ابقى احول الج
مرام: ماشي
كيان: مرام
مرام : ها
كيان : والله اني احبج
مرام : حتى اني احبك والله
كيان: صح مبيناتنه طريق بس اتمنى انو نبقى دائما مع بعض الحد الموووت
مرام : لا تحجي هيج انشالله اني مااعوفك ابد وا لله.
كيان: والله العظيم حتى اني ابد مااعوفج
■■■■■■■■■■■■■■■■■■■■■■■■■■■■■■

في صباح اليوم التالي...
مرام ( مااعرف احس نفسي اليوم تعبانه جسمي نحلان
فرحت الدكتور طلعت حامل بشهر ٢ كلت الزوجي
زوجي كلش فرح حضني حيل اني تعجبت من هذا الشي حسيتهه كلش فرحان اول مرة احس انو فرحان الهدرجه
زوجي : حبيبتي مرام اهتمي  بنفسج وهم على الطفل لان هذا روحي
مرام: انشالله اخلي بعيوني
( متفاجئه كلش من تصرفه هذا اممم الصراحه حسيت انو اني غلطانه اسوي كل هذا من دون علمه يعني اخونه 😔😔😔بس بنفس الوقت مااكدر اعوف كيان
كيان صار روحي من الدنيا )
مرام : كيان اني حامل
كيان: صدك الف الف الف الف الف الف الف مبروك
والله اول مرة هيج افرح
مرام : حياتي تسلم
كيان انتبهي على نفسج ماشي
مرام: اكيد يكلبي
كيان : صدك من وين عندج نت .
مرام: اكيد من منار
كيان : احس مرام خوش بنيه وطيبه ومسويه فضل علينه
مرام : اي والله كلش خوش بنيه حبابه
كيان : زين عادي اشكرها
مرام : مااعتقد تقبل لان هيه مو من نوع تحاجي شباب وهيج أشياء يعني
كيان : لا فدوه والله بس اشكرها على الي جاي اسوي ويانه فدوه حاولي
مرام : انشالله احاول وياها
كيان ( صراحه جذبني الكلام الي كالتهه مرام عن منار وتمنيت انو اتواصل ويه منار حتى اعرف كلام مرام الي تكوله عنهه صدك  اوهمين فرحت كلش على حمل مرام الي كانت تتمنى الطفل ايكون ولد حتى ترضي زوجها صراحه حبيت مرام كلش احسهه روحي اذا مااحاجيهه يوم احس يومي مو حلو )

مرام: منار عادي اكلج شي
منار : اي حياتي تفضلي
مرام: يعني اطلب طلب منج  انو اتحاجين شخص
منار: شنو
مرام: اي بداعتي هوه حاب يشكرج على الي جاي تسوي
منار: مرام كليله شكرك وصل بس مااكدر أحاجي
مرام : منار فدوه الخاطري عليج الله
منار : مرام شبيج مجاي تفهميني اشلون أحاجي اعرفه يعرفني
مرام: مجرد شكر شبيج لا ترفضين طلبي
منار : اووف منج بس ايكول شكرا وكافي خووش
مرام : فديت اخيتي الي ما تردلي طلب
منار : اي مو هيه هاي المشكله
.......
مرام : كيان منار بالكوات قبلت اوهسه يمي هيه
كيان : صدك لعد خل احاجيهه
مرام : ماشي
كيان : الووو 
منار: هلا
كيان ( والقرآن حسيت احساس غريب ويه هاي البنيه ياربي شنو من صوت تملك هاي البنيه يمه خبلتني من اول كلمه )
منار: الووو موجود
كيان : اي موجود اشلونج شخبارج
منار : اهلا وسهلا تمام
كيان : دووم انشالله.
منار : تسلم
كيان : حبيت اشكرج على كلشي سويتي ويانه ومساعدتج المرام
منار : لا عيني كلشي ما سويت والله مداعي تشكرني
كيان: انتي جوهرة حسب ما كالت مرام عنج
منار : ههههه لعد شنو كالتلك عني
كيان : كلشي كالت
منار: شنو عاد انشالله زين
كيان : اي وا لله كلشي زين
منار : ها الحمدلله
( مرام : صراحه ضجت كيان ماخذ راحته ويه منار يعني مااقبلهه حبيبي يحجي ويه بنيه كدامي جان حس بوجودي شويه )
منار : اوكي وصل شكرك اترخص اني
كيان: براحتج اهلا وسهلا بيج

مرام(بقيت على هاي الحاله كل مااراسل كيان يكلي منار يمج اريد اراسلهه ودائما يراسلهه وسوالف وضحك اني كنت كلش اضوج وشي طبيعي اي وحده اضوج من هذا الوضع ودائما ازعل بس هوه ايراضيني يكلي انتي لاولى ولاخيرة حبج مستحيل ينمحي من كلبي مهما صار واني جنت اقتنع )

منار ( الصراحه انعجبت بكيان جان شخص مؤدب شخص حباب كلش تصرفاتهه اكثر من روعه دائما يبهرني بكلامه دائما من اراسله افرح بس ماكان بالي شي غير الصداقه لان مستحيل اخون أخيتي الغاليه مرة اخوي مرام )
♤♤♤♤♤♤♤♤♤♤♤♤♤♤♤♤♤♤

او مرت لأيام واليالي اومنار بقت على تواصل ويه كيان مع انزعاج مرام( دائما اضوج من اشوفها تراسل  كيان بس مع ذالك ماكنت اتوقع شي من منار لان منار روحي
واني دخلت الشهر ٣ كنت دائما احس بألم بس جنت اكول الم طبيعي لان بناتي نرجس وبنين ما جنت احس بهيج الم كلت احتمال ولد أو كان زوجي كلش فرحان وكلشي موفرلي لان متلهف على لأطفال بنين ونرجس
كبرن فزوجي يحب الجهال كلش الدرجه انو راد يزوج عليه على مود يكون عنده أطفال لان اني كل ماايصير عندي طفل يوكع الطفل تقريبا وكعت ٣ او هذا الرابع الي  بطني خايفه عليه كلش )
مرام : احمد ( زوجي ) احمد اكعد فدوه جاي أتألم فدوه اكعد
احمد : شنو اصاير
مرام : بطني بطني جاي اتأذيني
احمد : امشي خل اروح الدكتورة امشي
مرام ( اول ما بعدت البطانيه  عني لكيت المفاجئه لكيت الدم مالي الجربايه ..... ...

■■■■■■■■■■■■■■■■■■■■
وجان يخلص البارت شنو توقاعتكم بالبارت الجاي
اتمنى يعجبكم
نلتقي بالبارت القادم ❤❤❤