______________________
انا رحمة عندي 24 سنه اتجوزت من زين من حوالي سنة انا مكنتش اعرفة بس هو جة طلبني و اتخطبنا سنة و انا و هو حبينا بعض جامد و اتعلقنا ببعض فاتجوزنا لاني ارتحت معاه
__________________
(امبارح)
:دكتور رحمة
-ايوا
:حضرتك عندك شيفت بليل انهاردة لانك عندك عملية الصبح بدري و واحدة انهاردة بليل
-تمام
يادي النيلة السودا كنت حاسا اليوم مش هيعدي على خير ابدا تمام انا لازم افكر اعمل ايه و متوترش تمام انا هكلم زين
-ان الهاتف المطلوب مغلق او غير متاح يمكنك الاتصال به في وقت لاحق
_غريبة دي اول مرة تيليفونة يتقفل
:دكتور رحمة تعالي عند الطوارئ حالا محتاجينك بسرعه
____________________________
(تاني يوم )
- انا تعبت بجد احنا اتكلمنا في الموضوع 100 مرة قولتلك مينفعش اسيب اكتر حاجه بحبها
=لا يا هانم ما انت مينفعش تباتيلي برا البيت عشان شغلك اذا كان شغلك هيخليكي تباتي برا بيتك يبقى يتساب ...
-نعم ! هو ايه ده اللي يتساب معلش مبدئيا كدة يازين انا مقدرش اسيب شغلي و انا كلمتك و موبايلك كان مقفول انا ايه ذنبي
=بقولك انا قولت كلمتي و كلامي يتنفذ مفيش شغل انت اصلا مش محتجاه و انا شغلي كفاية علينا ملكيش شغل
"عيني دمعت حاولت اقاوم مشيت و سبتة عشان يهدا و دخلت اوضتنا و قفلت على نفسي و بدات اعيط انا شيلت كتير اوي و استحملت كتير انا تعبت جدا بجد بدات اعيط و افكر في الموضوع ده هل فعلا اسيب شغلي و ابقى خدامة ليه في البيت تبقى شغلتي في الحياة اغسل و انضف و اعمل اكل طلاما هو كدا يبقى اي لازمة 19 سنة تعليم عشان انضف و اغسل "
قومت و فتحت الباب و طلعتلة برا كان قاعد في الصالة و حاطط وشة بين. كفوفة قولت ممكن يكون هدي شوية
- يا زين لوسمحت متحرمنيش من اكتر حاجه بحبها شغلي دة هو الحاجه الوحيدة اللي بحبها و سعيت ليها كتير
=و انا قولت لاء
دخلت الاوضة و فضلت قاعده فيها طول اليوم لحد ما جية وقت النوم كان كل واحد فينا مدي للتاني ضهرة بنفكر هنعمل ايه
=انتِ عارفة ان دي اول ليلة ننام فيها و احنا متخانقين
-...............
= ممكن تردي عليا
-....انت عايز اية يا زين لو سمحت انا محتاجه انام الساعه 1بليل
=...................
-.................
-قطع صمتنا موبايلي كان بيرن استغربت مين اللي هيرن عليا بليل اوي كدا قمت و خدت تيليفوني و طلعت برا
:دكتور رحمة حضرتك البنت اللي عملتيلها العملية الصبح (ساندي) تعبت جدا و احنا مش عارفين نتصرف
-تمام اهدوا ادوها حقنة ***** و انا جاية حالا
=مين ده في ايه
-زين لو سمحت ارجوك انا لازم انزل حالا ارجوك يا زين البنت في المستشفى حالتها تعبت جامد ارجوك
=لا يا رحمة متحاوليش (بعصبية) انا قولتلك كلمة ولازم تتنفذ
-هو انت مين. لا بجد مين انت ؟..انت مش زين اللي انا حبيتوا و لا اللي حبني انا معملتش حاجه عشان يحصل كل ده انت ازاي قلبك حجر كدا بقولك البنت تعبت حرام عليك دي لو حصلها حاجه ذنبها هيبقى في رقبتك انا معرفكش يا زين انت اتغيرت جامد اوي بس لحد كدا و في حدود احنا اول حاجه كنا متفقين عليها لما اتقفل علينا باب واحد هو ان احنا مندخلش في شغل التاني. و ان المشاكل اللي بتحصل في الشغل تترمي على الباب برا قبل ما تدخل البيت صح يا زين .؟ صح ولا مش صح رد عليا ؟ (و ضربتة في كتفة)
=................
-بص يا ابن الناس كلمتك بان انت ترفض شغلي انا اسفة جدا بجد اسفة يا زين بس مش هقدر انفذها
*الموبايل رن و قاطعني
-ايوا دنيا ادتيها الحقنة تمام انا جاية حالا 5 دقايق بالظبط
-عن اذنك يا زين عشان البس
..دخلت و لبست و نزلت
=استني هوصلك
-لا مش عايزة انا هحل مشكلتي بنفسي
=مينفعش اسيبك في وقت زي ده انا هوصلك استني هجيب مفتاح العربيه
-تمام
ركبت العربية فعلا و كنا ساكتين طول الطريق مش عارفة احنا ازاي وصلنا للحال دة مش معقول يكون ده هو زين الراجل اللي قلبي حبه و نفسي حبيتة و اللي عارفة تفاصيلة في كل حاجه
=رحمة اصحى وصلنا يلا عشان تنزلي
-اممم. تمام هخلص و اكلمك روح انت انا هباات هنا
=تمام
____________
-ايوا يا دينا جيت ها عملتوا ايه
:ادناها الحقنة و هديت تماما
-تمام الحمد للة لو سمحت يا دينا نبهي على الناس اللي فوق محدش يدخل اوضتها و امنعي عنها الزيارات عشان غلط هي سهل جدا انها تتعدي من اي حد تمام
:تمام..انت هتعملي ايه دلوقتي
-عندي شوية شغل هخلصهم و اعدي على ساندي الصبح اطمن عليها و همشي
___________________________
-ساندي حبيبتنا عاملة اية النهاردة
°الحمد لله
-ينفع كده تقلقينا عليكي
قوليلي حساه ياي حاجه مختلفة انهاردة ولا انك تمام ؟
°انا تمام شكرا جدا ليكي
-العفو يا روحي ده شغلي
______________________
:انت لسة مروحتيش؟
-لا يا ست دنيا هانم مروحة اهو
:تمام خدي بالك من نفسك
- اوكي يلا سلام
___________________
ااااه تعبت اوي والله يدوبك اروح انام من غير ما افكر اكلم زين اقلوا خلصت لا بلاش اكيد نايم بلاش ازعج.... اية ده ده مش زين هو مروحش
-زين يا زين
=اية ايه في ايه ...رحمة!
-انت بتعمل ايه هنا انت مروحتش
=لا استنيتك لحد ما تخلصي قولت يمكن تخلصي بليل و تحتاجي تروحي ولا حاجه
-لا انا تمام انت ازاي سايب العربية مفتوحة كدا على العموم طب انت هتروح الشغل مش كدا
=لا انا اجازة انهاردة
-اه صح انهاردة يوم اجازتك تمام يلا نروح لاني مش شايفة قدامي حرفيا
=تمام
__________________________
روحنا البيت و غيرت هدومي و نمت نوم عميق جدا صحيت ملقتش زين في البيت
-زين يا زييين فينو ده ؟
الو ايوا يا زين انت فين
=انا خرجت مع صحابي بس شوية متستنينيش بليل
-ماشي
________________
الساعه عدت 12 فين زين بجد انا بدات اقلق
سمعت صوت الباب بيتفتح قومت جريت علية و سالتوا اذا كان اتاخر لية
=معلش عشان روحت الشغل و كان ورايا حاجات كتير
-طب تعالى احكيلي الحصل انت اتاخرت اوي عليا اتت اول مرة تعملها
=يوووه خلاص بقى كفاية بقى زعيق قولتلك كان عندي شغل
-...........
قومت و دخلت الاوضة و اترميت على السرير و عيطت انا بقيت بعيط كتير اوي زين اتغير جامد انا ابتديت اتعب جامد انا مش عارفة اوزن الدنيا حسا ان انا بس اللي ممشية المركب دي انما هو لا انا مش حسا انو بيعمل حاجه عشاني او عشان حياتنا او اي حاجه انا بجد تعبت لبست و طلعت برا لقيتة نايم على الكنبه
-زين زين يا زين
=اممم
-قوم نام جوا ضهرك حرام قوم
=انت راحه. فين ؟
-الشغل ..
=شغل..؟ شغل ايه معلش
-يا ولي الصابرين
=بقولك هو احنا مش اتكلمنا في الموضوع ده انا نزلتك امبارح بس عشان البت اللي في المستشفى دي بس اوعي تفتكري اني رجعت عن قراري والله ما انت نازلة
- يا زين بص والله انا اسفة انا مكنش بايدي ان الشيفت يبقى بليل بعدين كلمتك و انت مردتش عليا
= ششششش هو انت عشان رنيتي مرة يبقى خلاص ما ترني تاني ما. يمكن موبايلي كان اتفتح
-مش بايدي والله هما اللي نادوا عليا عشان حاله في الطوا..
=بقولك ايه كفايا كدب بقى و ملكيش شغل و شوفي رقى هتكسري كلامي ازاي
-(بعياط) يا زين مينفعش كدا يا زين انت مش مقدرني انا تعبت اوي انا عايزة احس انك بتعمل حاجه عشانا احنا الاتنين
=خشي جوا
-حاضر يا زين
"انا عايزة اتطلق بس انا حسا اني كدا ...مش عارفة مش عارفة "
-انا نازلة رايحة لماما هبات عندها يومين لو سمحت يا زين انا مش عايزة اسمع اي حاجه لاني نازلة لماما مش شغلي و ياريت الامور متتعقدش اكتر من كده لو سمحت
=ااا اوصل
- لا شكرا
________________
خدت شنطتي و نزلت و انا حسا اني تايهة انا محتاجة زين جامد.اوي في اكتر وقت انا محتاجه في زين بس انا مش لاقية زين جمبي او حواليا انا محتاجه حضنة و لمسة ايدة اللي كنت دايما بشتكيلهم من مساكلي ايدة اللي كان بيمشيها على شعري عنية اللي كنت لما ببص عليهم كنت بضيع و بحس ان عينة كانت بتقولي على حل مشاكلي انا كنت بعيط بهستريا و مش شايفة من دموعي و لقيت نفسي فجأة أتشديت في حضن حد
•حسبي يا انسة العربيات
-انا اسفة والله مكانش قصدي مكانش بايدي بس هو مش مصدقني
بدات اعيط بهستريا و الولد اللي كان واقف قدامي ده بدا يطبطب عليا
•تمام اهدي طيب اهدي
كنت حسا اني انا عرفاة و عارفة صوته
بعدت عشان اشوف مين ده
-حازم .!!؟
•رحمة !؟
#حكايتي
منقول...
