#سلف_اختي
#الجزء_الاول
اني منى عمري 20سنه عندي اخت وخو صغير اختي عمرها 30سنه وخوي 6سنين فرق العمر بينا كبير
اختي تزوجت في منطقه بعيده على منطقتنا مانمشولهاش هلبا لو مشينا نباتو
كان عندها راس سلف وعزوزتها ديما تشكر فيه وخصيصا لما نقعمزو
#تسارع_الاحداث
في يومها طلعنا لي حوش اختي جايبه كنت نعولها ليه ليه وكان شكلي مبهدل سمعت صوت نحسابه راجلها ينادي
لبست وشاحي وطلعتله نلقاه سلفها طول ولحيه وعضلاته واني في داخلي عندها حق امك تشكرك قي كل تقعميزه
تنحت فيه شكله مش زي راجل اختي بكل
قالي وين سميه يلي هيا اختي قالي اعطيها اهما
كانو اكياس فيهم سبيزه
طلع بكل برود واني فاتحه فمي وتجيني خبطه على ظهري انخلعت لقيتها اختي
قولتلها خيرك هدا محمود سلفك جابهم
ضحكت قالتلي معقوله نشوف فيك عيونك بيطلعو عالولد ماتحلميش راه مصاحب ويموت في صاحبته
شفتلها واني بنبكي قلتلها شنو تبصري اكيد توا هذا مصاحب مش باين
قالتلي اي مصاحب مره واني فايته سمعته بي صدفه
قلتلها شن سمعتي بالله عليك
وتنادي امي عليا
سميه طول مشت واني فضول بيقتلني
خشيت شفت لي مرايا لقيت روحي مبهدله قلت عنده الحق مايعطينيش وجه توا هذا شكل بنت الله يسامحك ياسمييه تقةل عامل تحرتي عليا
خشيت دوشت ولبست قفطان قصير لونه اسود وكتافه طايحات ورفعت شعري كعكه ومكيجت
خشت امي قالتلي ماشاء الله اول من لبست بري جيبي صواني وديري لوز لي شاهي وطلعي شكلاطه
طلعت واني نتنتور
حطيت لوز وجبت صواني ويهرب هذاكا الضي
سميه قالتلي البسي عبايتك واطلعي لي مجدي (راجلها)
يعطيك خيط المولد اعلقي
لبست وغطيت وجهي وطلعت واني نادي مجدي يامجدي
قالي مجدي مش فاضي اني محمود
طلعت خديت منه الخيط ونقيم راسي شفته يشوفلي ابتسمت ابتسملي
حسيت روحي زي الخفيفه خشيت علقته طول قالي تي غير نفتحه حوليه
حولته لعند علقه وانفتح
خشت عزوزة اختي وبناتها تلاته
سلمت وهما يوشوشو وبعدها خشو اقاربهم واني زي المكينه امي دايرتني مليكا جيبي وارفعي
وهما مقعمزين واني كل مانتفكر محمود يهون عليا 😄😄
ونتفكر كلام سميه نتنكد
فات هاكا اليوم كان متعب طول تلوحت رقدت
مع الصبح
خش مجدي جاب الفطور وقعمز مع مرته وامي كل شوي تبي تروح قلقت واني نستنا في محمود على امل
مع الغدي
كلمتني سميه نمشي ناديهم عالغدي اني حصلتها فرصه
قعت نقولهم لالا كان ولدهم قاعد لالا وامي تقولي شن فيها بياكلك الولد على حاله
سميه مبتسمه بخبث قالتلي يخدم توا اكيد
لبست عبايه ووشاح اسود وحطيت مكياج خفيف
ومشيت
طقيت عالحوش ماحد فتح لقيته مردود الباب خشيت لي جنان وطقيت عالباب داخلي افتح الباب واني منزله راسي تحت ونسمع
يتبع
ترقبووووني
شن رايكم فيه الجزء
