#سلف_اختي
#الجزء_الرابع
امه قالتله نبيلك مصلحتك البنت مريضة سكر
قعمز محمود ومش مستوعب قالها عارفك ياامي مستحيل
قالتله توا اني بنكذب اختها سمية بي تكذب توا يومها يهدرزو قالت حتا اختي جاها السكر وهيا صغيره وتحساب مافيش حد لاحظ اني شن نبيلك ياولدي غير الخير والله فرح بس حاتنفعك
محمود طلع يجري ومن غير مايقول ولا كلمة
امه اي هذا الناقص شن ناقص ولدي باش ياخدها هكي يقعد غير متبهدل
ولع محمود سيارته ويضرب على دومان علاش ماقلتش معقوله مش عارف كيف حانتصرف
اتصل تليفونه شافه منى ماباش يرد عليها
.......... ............. ...........
مجدي اني مش فاهم شن القصه امي وخوتي يهدرزو معاك ولما نخش تسكتو ونسأل مافي شي تي امي قالبه وجها عليا فهميني زح
سميه متوترتره قالتله مافيه شي انت يتهيألك اسمع نوتيلك غداك
خشت سميه لي مطبخ
ومجدي قعمز يلعب في ولده
................... ......... ...
كنت مقعمزه وحاسه علاقتنا مش حاتكمل عارفه حاتوقف امه عاخاطر بنت اختها ندمت انه حبيته وكلمته ومشكله انه توا مايردش عليا
خش بوي عليا قالي شن منى الدوا قاعد منا ولاه لا كان هذا توا بنجيبلك قالو في مشفى خير مايكمل ونقعدو زي كل مره
قلتله قريب يكمل اي عندك حق يكمل نقعد من غيره
خنقتني العبره
قالي خيرك منى شن في عادي يابنتي سكر صديق الانسان مش حاجه ينخاف منها ربي يزيدك من شفي يابنتي ماتشغليش روحك وتبكي كان تحبيني يابابا معادش تبكي
مسحت دموعي وحضنته كنت مكسورا من داخله مافيش شخص حاس بي يلي حاسه بيه
............... ......... ........
فاتو تلاته ايام
ومحمود لا اتصل ولا رد عليا ونبعتله مسجات مايردش حسيت انه خدلني حاسه في حاجه اكيد امه قنعاته
خفت نكلم سميه او نمشيلها اصلا جو مشحون واختي مش ناقصه
كان كل يوم نرقد واني نبكي نتفكر كل كلمه قالهالي نتفكر يوم قالي حانجاهد عاخاطرك والله انتي ليا
.......... ................ ... ..........
كان محمود تفكيره مشتت من كلام امه ولاه قلبه يلي مع منى
به بيرد عليها شن بيقولها
كانت ام محمود قالقه على محمود وخايفه عليه لا عاد ياكل لايشرب واغلب الوقت طالع
............. ...............
كنت نبكي فتحت تليفوني شفت المسجات يلي بينا نبتسم ونبكي في نفس الوقت
اتصلت بيه صكر عليا انصدمت فيه مش قادرة نستوعب كيف قدر ينساني
بعتله
علاش دير هكي فيا به رد مانبيش غير هكي فهمني شن صاير اني والله مخنوقه حاسه روحي بنموت يا محمود بالله رد
شاف محمود المسج
وطلع طق على دار امه
امه تفضل منو
فتح محمود الباب امه ابتسمت بي فرحه ولدي تعالا خيرك
جي محمود وقعمز جنب امه قاله اني نبيك تكلمي خالتي وتقولها محمود
يتبع
ترقبوووني
💗💗💗💗💗💗💗💗
