#سلف_اختي
#الجزء_السادس_وماقبل_الاخير
كان صالح يشرب في قهوته ويسمع رقيه تعيط وتقول بنتي ناض يجري ويلقا رقيه تعيط وماسكه في يد بنتها تقوله البنت ماتتحركش ولا تتكلم
صالح وجها ولاه احمر وخايف ودموعه بينزلو جي يجري قامها وحط وشاح على راسها وطلع يجري بيها
رقيه كانت تبكي مش صابره تقوله بنتي بي ضيع
صالح قالها توا محمد من بيلقا كان بيروح من روضه قعدتي مفروض
قالتله عادي يمشي لي مرت عمه توا نكلمها المهم توا البنت ياربي ماتخليني نفقدها ياربي
قريب يقلب سياره صالح قريب دارو حادت لعند وصلو لي مستشفى نزلها في غمره كانت منى مغمى عليها
سعفوها وخشت لي العناية الفائقة
كانو على اعصابهم صالح ورقيه يدعو تنوض بي سلامه
لعند طلع دكتور
............. .... ............................
فتحت الباب
وتلقا سميه قلبت وجها العزوزه
سميه صباح الخير عمتي
العزوزه قالتلها وين صبح بعد شوفه اهيا
سميه تجاهلت الكلمه وكمتت في قلبها
خشت سمية قالتلها شن عمتي فطرتي ولاه نديرلك فطور وخديتي دواك
العزوزه قالتلها بنقعد لعند تفطريني اني سلم بناتي
سميه قالتلها صحه ان شاء الله
وخشت لي مطبخ لقاته فوقي لوطي خشت ضماته ماخلت فيه شي
عزوزتها في داخلها على اساس تبي نرضى عليها عارفه باش تسقد اختها نزبطه نوع هذا ياحنه عليك ياولدي وخلاص
دارت سميه عالحوش ودارت قهوا لي عزوزتها وهيا قاعده قالبه وجها
خشت لي ولدها سميه لقاته يبكي رضعاته وقعدت دور بيه
عزوزتها قالتلها خيرك الولد تخبي فيه عليا جيبي ولد ولدي
سميه ابتسمت قالتلها علاش بنخبيه انتي جداه قلت مرات يصدع لك راسك
حطاته سميه في حجر عزوزتها
وخشت حطت الغدي
كانت سميه تعرف ترد بس مهما كان مرا كبيره بنحط راسي من راسها مجدي مش ناقص فوق خدمه وتعب فوق نقوله امك وخواتك شنو واحد يخدم بي اصله
حطت سميه الغدي
على خشت سلوى لي حوش
شافت الحوش نضيف ومبخر استغربت قالت ماشاء الله ياامي شكلها سندس قعدت غريبه
طلعت امها وفي يدها ولد سميه قالتلها اسكتي
سلوى زبطت وجها تعكرش
مسحت سميه يديها وطلعت قالت لي سلوى كيف حالك
سلوى قلبت وجها قالتلها كان حالي به
خشت سلوى لي دارها وسميه كانت ماسكه دمعتها
سكرت سلوى دارها
وسميه خشت لي حمام حشاكم ولما طلعت سمعت سلوى تحكي بي تليفون تقوله شن نبعتلك صورتي والله عارف انحبك بس صورتي ولابسه قصير مانقدرش
سميه فنصت
سلوى به اني نبعتلك بي الحجاب قصدي لازم نبعتلك واني لابسه قصير
طقت سميه عالباب سلوى صكرت تليفونها وحطاته تحت سرير طول وترعش
فتحت لقت سميه
سلوى توترت قالتلها من امتا اهني شن تبي
سميه قالتلها من اول المكالمه
سلوى فنصت
......... ......... .................... .........
طلع دكتور حول الكمامه جاه صالح ورقيه يجرو وعيونهم معبيات دموع يقولوله شن دكتور بنتنا بالله طمنا
دكتور قالهم البنت مريضة سكر ودواها يلي مفروض تاخده ماخداتاش وتعرضت لي صدمه قلبيه وانفعال وارتفع السكر
وهيا معرضه لي سكته القلبيه حاليا لازم ماحد يعصبها او تنفعل راه خطر عليها توا ان شاء الله بعد تلاته ساعات تقدرو تطمنو عليها
مشي دكتور
رقيه قعدت تعيط صغيره يابنتي عاالسكته القلبيه ياريتني اني ولا انتي
صالح لا حولا ولا قوة الا بالله من وين هالمصايب بس تجي استغفر الله
................... ...................................
سلوى فنصت وقعدت ترعش قالتلها شن تخرفي اما مكالمه
سميه ابتسمت بي خبت قالتلها اني سمعتك بنكذب وذاني
سلوى قعدت تبكي وتقولها بالله ماتقولي لي حد والله مجدي ومحمود كان يسمعووالله يذبحوني
سميه مشت وخلت سلوى على اعصابها
مسكتها من يدها يلي توجع فيها سلوى كانت غير تتجدا في سميه وسميه ولا كأنه تتجاهل فيها
....... ......................... ...................
بعد مرور تلاته ايام
طلعت منى من المشفى كانت امها وبوها مايبوش حتا يزعلوها كانو خايفين هلبا عليها كانت تشوف لي امها وبوها كيف بيهبلو عاخاطرها حاولت تنسى محمود تعفس على قلبها هوا يلي وجعها وخلها توصل هكي
محمود كان معزول على الكل
امه مقضيتها عياط وبكي على ولدها يلي تجيه وتقوله كلملي محمود مايدورش اول مره تحس روحها بروحها
ناضت تصلي وتدعي ياربي رجعلي ولدي مانبيش نفقده زعما توا متغطي ولاه لا زعما جعان ولا عطشان ياولدي غير ترجع والله ندير يلي تبيه و الله مستعده ناخدهالك غير ارجعلي وطفي نار يلي شاعله فيا
طق مجدي على دارها
قامت مصليتها وقالتله تفضل يلي يطق
فتح مجدي
شافتله قالتله خيرك ياولدي مافيش خبر على خوك خوك وين ياولدي مشيت لي مكان خدمته سألت
مجدي وجها مقلوب قالها والله الحق ياامي محمود
ناضت امه تعيط
يتبع
ترقبوني غدوا الجزء الاخير
