عشق
الجزء الثاني
وجا الليل وطلعت فوق ع السطح ..مجرد ما شفته حسيت اني ببنساه ياريت نقدر نعيش وانا مانفكرش ...كنت خايفه منه يفوتني والا ينساني ...
كنت مرتبكة هو لاحظ الشيء فيا قمعزت وقمعز جنبي قال وهو يبحت فيا
كنك حبيبتي
قلت وانا مطبسه
خايفه نحس فيك تضحك عليا والا تبي تسيبني
قعد ساكت رفعت راسي لقيته عاقد حواجبه ومفنص قال
من قالك هكي
قلت
نحس بيها
قال
انتي ماتعرفيش مكانك عندي والله ياربيعه نحس فيك حاجة مني زي مثلا طرف من طروف جسمي والله اول حاجة تخطر عليا لما نوعا انتي
قعدت ساكته وهو كمل
تبقي هبلة لو تفكري هكي نقولك حاجة والله ما يجي حد مكانك ولا ياخذك حد مني
قلت بهدوء
والبنت هذكي ياطارق قالت بينا علاقة
قال
جيبيها معاك نواجهها والله ماعرفتها ،،، ياربيعه مش فاطنه لروحك من اول مابديت شغل وانتي كل يوم جايه تنشدي عن بنت
قلت بلخبطة
شن نبي ندير خايفه
مسك يدي وقعد يمسد على اصابعي قال
قلت لك نحبك والقصه سكري عليها
قلت
شن ندير في المدرسه
قال
تو نجيك انا
وفعلا ثاني وعيت الصبح بدري على صوت باتي مروح من الفجر جايب خبزه ساخنه 😋 حطيت براد الشاهي ع النار وطنجرة دحي مطبوخ وبديت نوتي في روحي خشيت للمطبخ نجري فطرت لقيت خواتي يديرن في سندوتشات دحي ويشربن في حليب وشاهي قالت اختي الكبيره
مش قالو ضربتي وحدة
انفجعت قلت
لا ماضربتهش تعاركنا
بحتت فيا بخزرة عين
على شنو
قلت
بارده هي
قالت
لا ضربتيها علشان عيل
انفجعت قلت
لا مافيش الكلام هضا
حطت كبايتها وسط الدولاب متاع المطبخ وقربت مني
لا ضربتيها على واحد صايع وكان ماتديري الي نقول لك عليه نحكي لبابا خليه يبطلك بكل
قلت بسرعه
باهي باهي
طلعت نجري خذيت شنطتي وطلعت للشارع شفته مصبي من بعيد يدخن مجرد ماشافني هزيت براسي وخشيت للشارع الفرعي نبيه يفهم اني عندي شي
خشيت للشارع وحكيت له سكت بحتت فيه قلت
كنك سكت
قال
تحملي الفتره هذي تو نجيك الايام الجايه ونخطبك
فرحت وطرت من كلامه
كان لطيف بكل وحلو ❤️❤️ كان دافيء وحنون ❤️❤️ معش قدرت نفرق بين الصح والغلط 💔 قعدت نمشي بطريقته هو ..نشوف فيه هو الصح وبس 🥺🥺🥺
وصلت للمدرسه وفي الحصة الثانيه كلمتني الابلة قالت
يبوك في الاداره
نزلت وانا خايفه وصلت للاداره لقيته مقمعز ويبحت فيا برفعة حاجب
قال للمدير
باتي مش فاضي ودزني لك
المدير
ضاربه بنت اخرى كيف ماقلت
انا كنت خايفه موت ومطبسه راسي وهو يناقش في المدير بكل اريحية 😜😜 ويهزب فيا قدام المدير قال
انتي جايه تقري لو تبي تديري مشاكل قمعزي في الحوش سيقي وضمي
هنا تكلم المدير
لا خلاص ربيعه عاقله وابلاتها يشكرن فيها قالن شاطره ...امشي توا ياربيعه لفصلك
