عشق
الجزء الاول
عام 1998م
اسمي ربيعه عمري سطاش سنه ، يتيمة الام عايشة مع حني ام ماما الله يرحمها
خذيت عمري كله عايشة مع حني ،، لغاية ماوصلت سطاش وجديدتي توفت انقهرت فيها وبهكي كان لازم ننتقل نعيش في حوش بابا ...
جيت وبدت مأساتي مع مرات بابا عمتي نجية وبناتها الي مفروض خواتي 🙃🙃
وسط الكوم من الهم والقصص كان عندهم جيران لاصقين فيهم هو صاحب بابا من ايام شبابهم وطفولتهم كانو اكثر من خوت
لاصقين ساس بساس خالطين ببعضهم عادي ،،؟
اول مره نشوفه كنت ننشر الدبش فوق السطح ،،، سمعت صوت عياط خوتي من الصور جريت شور البلكوني بحتت لقيتهم يضاربو قلت:
باهي ياحمادي والله ننزل ونقولها لامك شفتك تضرب في خوك
هنا سمعت صوت من بلكوني جيرانهم وطبعا البلكوني كان لاصق في بعضه لدرجة خواتي كانن يستعملن فيه لما بيمشن يزقبن من عنده
بحتت لقيته قدامي شكله كان يصلح في خط التليفون قالي :
شن تديري هنا
طبعا قالها بعصبيه متاع انزلي لوطا ... رفعت حاجبي فيه
شن دخلك انت
قال بعصبيه اكثر
انزلي يافرخة
وجعتني روحي قلت له
ماتقولش فرخة احترم نفسك
قال وهو يرفع يده
انزلي والا والله نزقب لك وننزلك من شعرك الشارع يتفرج عليك
نزلت متعقده ودقيت على بابا الدار كنت نبي نلقنه درس لكن تفاجأت بيه واخذ وضعه عند هلي وبابا قالي عادي هذا طارق ولد عمك عبدالعزيز متعود هك
طلعو انهم متعمقين لدرجة هذي ... لكن من يومها وانا مقرره انه هضا عدوي الكبير
🔥🔥🔥
مر كم يوم من لحظة الي قرر السيد طارق يطلق لسانه عليا 🙃 واليوم صدفة جت اخته تزور فينا وحضرت موقف من مرات بابا 🥺 احرجتني قدامها وقالت لي
عليش تهدرزي صبي ديري قهوة ،،، انتي ماتعرفيش ناديه وهي جايه لخواتك
صبيت محرجة وقمعزت في المطبخ ،،، ويومها ناديه لما روحت شكلها كانت تحكي لامها وهو سمعهن 🥺 ومنها سألهن عني وقالن له هذي بنته ربيعه من وليه اخرى
القصة فوق حكى لي تفاصيلها طارق ... في يوم من الايام
بعد ساعات كنت مقمعزه في الصور نتفرج ع النجوم وهو طبعا ماحكيتش لكن تفاصيله
طارق شاب اكبر مني بسبع سنوات يعني كان وقتها ثلاثه وعشرين
طارق عصبي ويشرب اااه كان يشرب في خمره وباته وامه كانو واحلين فيه يقرا في الجامعه بس كان متاع مشاكل ومش من النوع الهادي
