Part 17♥️🌚
في عز الليل اماني صحت مراد
اماني: مراد اصحي اصحي
مراد:في اي يا حبيبتي
اماني: في صوت بيبي بيعيط
مراد: فين دا يا حبيبتي تلاقيه ابن الجيران.
اماني: لا الصوت جاي من هنا انا سامعاه تعالي معايا
وراحت شداه وراه
( هتجننه بنت المجانين دي) 😂
مراد: اماني مفيش حاجه اهو يلا نامي يا حبيبتي
اماني: لا تعالي بس
وطلعو علي اوضه من الاوض
واماني مسكت عروسه لعبه وراحت شايلاها كأنها بيبي بحق وحقيقي هي متخيلاها حقيقي وبيعيط كمان
اماني: قلتلك اهو بص صغنون ازاي مين سابه هنا.. انا هاخد بالي منه يلا عشان ينام الجو هنا سقعه
مراد: اها اها يلا بينا
(ربنا يعينك عالمهلبيه الي انت فيها دي يبني🙂👍🏻)
........
طبعا ادهم كلم جميله بليل وعرفها بحوار الجواز وسببه وقالها انه واخد اسبوع يرتاح وعشان يفضل جنبها
.......
تاني يوم الصبح رفيده صحت قبل ادهم
رفيده: اه يا رقبتي.. اي دا ادهم.. اه صح احنا اتجوزنا بجد يعني مكككانش حلم😂 ..يا مجنونه اعقلي حبه
ادهم: انا بحب المجانين
رفيده: انت صحيت
ادهمم: من اول ما اتحركتي نومي خفيف انتي عارفه
رفيده: طب ماشي يعم الخفيف.. تحب تفطر فين
ادهم: لا سيببي حوار الفطار دا عليا هتفطري من ايدي احلي فطار
رفيده: وريني
ادهم: هتشوفي.. تعالي يلا
..................
ادهم اخدها ودخلو عملو بان كيك وفطرو
رفيده: بتعرف تعمل اكل حلو علي فكره
ادهم: طبعا يبنتي مش عايش معظم وقتي لوحدي
رفيده: مكنتش بتروح البيت
ادهم: لا ساعات بضطر ابات فالقاهره انا ومراد عايشين في المكتب بتاعنا تقريبا فيه كل حاجه ف دا سبب تعودنا علي الحياه لوحدنا ..وانتي ؟
رفيده: انا لوحدي من وانا في 2 ث امي كانت مااتت بابا سابني وسافر كان بيبعتلي الفلوس وبس كانت خالتي بتعدي عليا كل فين وفين وبعدين اختفت وبس عيشت حياتي معتمده علي نفسي
ادهم: اتخطبتي قبل كدا
رفيده: ايه دا خرج منين السؤال دا.
ادهم: كدا ها
رفيده: لا يا سيدي مكانش عندي وقت للتفاهات دي
ادهم: طب اتجوزتيني ليه وحبتيني ليه
رفيده:دا بقا السوال الي بحاول الاقيله اجابه.. ليه يمكن ارواحنا متشابهه اتفقت واتلاقت.. او يمكن لسبب معين هيظهر اكيد... لقانا اصله مش صدفه كل حاجه بتحصل لسبب
ادهم: فعلا.... اه صح عيد ميلادك امتي ؟
رفيده: 16/3 وانت
ادهم: بتهزري وانا كمان 16/3
رفيده: مش بقولك لقانا مش صدفه
ادهم: ها عاوزه تروحي. فين
رفيده: اركب مركب
ادهم: بس كدا طلباتك اوامر..
رفيده: ادهم بص وراك كدا
ادهم : فيه اي
رفيده طلعت كوم دقيق ورمته عليه كانت شايلاه فجيبها
...
ادهم : انتي الي بدأتي يا بيبي
راح شايلها شبه الشوال
وفتح عليها الدش الساقع
رفيده: ادهم لا لا حرام عليك الجو متلج والله ينفع كدا بليت هدومي خلاص اقفل الحنفيه
وراحت شاده الدش وحادفاه عليه
( وربي اطفال.. مشكله العيال الصغيرة دي🙂😂)
(هنلعب بالدقيق والمايه امتا يا إبراهيم ؟🙂)
.............
اماني ومراد صحو
طبعا اماني نست كل الي حصل امبارح وعقلها رجع تااني...
أماني: مراد اي الي جاب العروسه دي هنا بتاعتك وانت صغير ولا اي
مراد: عجبتني قلت يمكن تعجبك
أماني : شكلها حلو
مراد : يلا ننزل مستنينا تحت
اماني: يلا
........
نزلو وفطرو مع بعض كلهم
بدري: ادهم مجاليش هيعاود ميته
جميله : بعد سبوع عشان يأخذ باله منها انت عاررف الي فيها يا بدري
