مافيش أجمل ولا أرقى ولا ألطف من الحجاب الشرعي 🌸🕊
حاجة مميّزة على كل الموديلات و صيحات الموضة 🌸🕊
حتى وقت نحكو على أي نوع من اللبس يكون عندنا عادي لكن وقت وحدة تذكر اسم الحجاب الشرعي تحسيها حاجة مميزة سواء كنتِ متحجبة أو لا و سواء كنتِ تحبي اللباس الشرعي أو لا لازم يجيك شعور في قلبك إتجاه الحجاب الشرعي "شعور كره أو حب" 🌸🕊
ننصحك لو فكرتي في الحجاب طول البسيه ماتخليهاش مجرد فكرة بدون تطبيق لأن في الوقت اللي أنتِ تفكري فيه مرات تخسري حياتك و ديما حطي في راسك إنك مرات تفقدي حياتك في أي لحظة واللي توفاهم الله يمكن ماتو في لحظة مش متوقعينها و مرات الشخص هذا يقول غدوة نبدا نصلي، السنة الجاية نلبس الحجاب ووو
تأجيلات ما اتمش.. صح؟
لذلك يا جميلة نبيك اتوبي و تلبسي الحجاب وتتعظي من غيرك اللي ماتت و هي متبرجة و متزينة و ديما اذكري الموت
صدقيني مش ح ينفعوك الناس اللي قالو لك مش طالع عليك، يا شيخة، ياداعشية، ماتنسيش شن كنتِ تلبسي قبل، أكيد لابساته غصب عنك، أكيد مخطوبة، أكيد متزوجة، أكيد مدايرة عملة و مدرقة بالحجاب،المحجبات بلا أخلاق، أكيد لابساته لأن تبي راجل، ماحد بيتزوجك، قعدة صغيرة، علاش تكبري في روحك، علاش تغمي في روحك و غيره من الكلام اللي نسمعو فيه ع الحجاب و المحجبات
مش ح تنفعك البنت اللي شفتيها بلبسة ضيقة أو قصيرة أو حاطة مكياج و مشيتي درتي زيها
مش ح ينفعك الحسّاد اللي كارهين يشوفوك بلباسك الشرعي.. اي نعم في ناس يحسدوك حتى ع الطاعة لأن هما مش قادرين يديرو زيك وهذا دليل على نقص داخلي في الإيمان ف ماتغضبيش ربي عشانهم
مش ح ينفعك العمل أو الدراسة اللي خلعتي حجابك بسببها لأن من شروط العمل إنك تكوني غير محجبة أو غير منقبة
مش ح تنفعك عيلتك اللي مصرّة إنك تنحيه قدام ولد"عمك، عمتك، خالك، خالتك" بحجة إنكم خوت و متربيين مع بعض
__________
🌸 بتقولي بس أنا خايفة يطلع شكلي مش حلو 🌸
نقولك مش مهم يطلع حلو بل المهم ترضي ربي و ادعي لربي إنه يرزقك الجمال و حب الحجاب
🌸 بتقولي خايفة مرات ماحد يرضى يتزوجني و يعبرني 🌸
راهو يا حبيبتي الرجل الصالح يبحث عن زوجة صالحة
و أصلا إنك تقعدي عزباء أفضل من إنك تلبسي لبس لا يرضي الله و أفضل من إن يتزوجك واحد أُعجب بيك بسبب جسمك و لبسك و في النهاية يمل منك
و صدقيني الزواج بيد الله لا أنا ولا أنتِ ولا اللبس ولا أهلك ولا قرايتك ولا عمرك ولا شكلك ولا أي شي يقدر يتحكم فيه
🌸 بتقولي أنا نحب اللبس و التزين و نخاف معاش نتزين 🌸
من قال معاش بتتزيني؟
بالعكس تقدري تلبسي في الحوش و تتعطري براحتك و تتزيني لنفسك و تهتمي بيها
زوجك المستقبلي أو الحالي البسي عنده اللي خاطرك فيه
تقدري تلبسي أرقى و أجمل اللبس تحت عبايتك و لما تمشي لمكان غير مختلط "نساء فقط" تنحي العباية و تقصفيهم بطرحاتك^^
🌸 بتقولي خايفة من الناس ومن إنتقاداتهم 🌸
بنقولك راهو حتى الناس هذه تتألم من كلام الناس التانية لما تلبس اللبس الغير محتشم يقعدو الناس يسبو فيها.. فأما أفضل تلبسي شرعي وترضي ربي و الناس ما ادوريهمش ولا نلبس ضيق و نكون لا رضيت ربي ولا رضيت الناس
و زي ما قال واحد من الناس "رضا الناس غاية لا تدرك" يعني مهما درتي مش ح يعجبهم لذلك انسي الناس و خلي مبدأك في الحياة "رضا الناس غاية لا أريدها و لكن رضا الله غاية أريدها"✅🌸🕊
__________
لو قررتي تلبسي الحجاب ابشري في كل طلعة بتاخدي أجر✅
لو فقدتي حياتك تموتي على حسن خاتمة لأنك بحجابك في الشارع✅
كل ما تشوفك بنت لابسة حجاب و ادير زيك بتاخدي أجر✅
كل ما شاب يشوفك و يمشي يقول لأخته أو بنته أو زوجته البسي حجاب بتاخدي أجر✅
كل ما شاب يحاول يفصلك بس ما يلقى شي يتفرج عليه بتاخدي أجر✅
و العكس صحيح "لو كنتِ بدون حجاب أو تلبسي في الضيق و القصير و اطلعي في شعرك"
كل طلعة بتاخدي اثم✖
لو فقدتي حياتك تموتي على سوء خاتمة✖
كل ما تشوفك بنت و أنتِ متزينة و ادير زيك بتاخدي اثم✖
كل ما شاب متزوج يشوفك متزينة و حلوة و يمشي يتعارك مع زوجته بتاخدي اثم✖
كل ما شاب أعزب و ما عنده القدرة على الزواج يشوفك هكي مرات تتحرك شهوته و يمشي يتفرج على فيديوهات و صور إباحية بتاخدي اثم✖
كل ما شاب يقعد يفصل في جسمك و يستمتع بيه بتاخدي اثم✖
خروجك بدون حجاب يعتبر مجاهرة بالمعصية✖
و أنا عارفة إنك مش سيئة و مش قصدك اديري هكي بس جاهدي نفسك و البسي الحجاب و حسي بالناس هذه و شوفي كمية الذنوب اللي ممكن تاخديها و أنتِ ما تندريش عليها
و عارفة إن حتى الشاب مأمور بغض البصر لو مهما كنتِ لابسة بس حتى أنتِ مأمورة باللباس الشرعي الذي لايصف ولايشف
#الحجاب_الشرعي
#الجزء_الأول^^
لو عندك أي إضافة في التعليقات عادي 👇
تقدري تاخدي المنشور بدون إستئذان 🌸🕊
دمتم في أمان الله 🌸🕊
#منقووووووووول👑👑
،
