مواقف فتاة قصيرة.

..

موقف اليوم نادمه  عليه بقوه وشاغلني ..💔

رحت مكتبة خاصه بجامعه كبيره اتطلع ع الكتب والتخصصات🙆🏻‍♀️ ..

صار ظهر قلت اروح اكل شيء يسد الجوع والعطش💁🏻‍♀️ ..

وانا اشتري سندويتش؛  طفل صغير بعمر ال٩ تقريبا يقولي : اشتري مني شوكولاته ب ١٠٠ ريال🧒🏻 ..

طنشته بس قال كلمه ي رييت واشتري العلبه كلها
: شجعيني ي خاله واشتري مني ..

فورا خرجت فلوس و مكنته واخذت حبه بالرغم الشوكولاه مضره لي بس قلت عادي اخذها لاختي او اي شخص ..

لكنننن الشيء الي للان انا متحسره عليه وناادمه ويااريت اشتري العلبه كلها
انه اخذ الفلوس واعطاني ، وقال بابتسامه وضحكه طفوليه  ترد الرووووح : شكرا ^^

رديتها العفو ي بطل ..

كانت صدمه لي لاني جربت اطفال غيره يروحوا بلا كلمه يلله همهم الفلوس..

بعدين اخذت اكلي ودخلت مكان استراحة البنات كشفت وقاعده آكل
بس الطفل هذاك دخل يبيع للبنات ووصل لعندي وقال : تشتري مني ي خاله

قلت له بابتسامه : بعدني اشتريت منك

قال بنفس الضحكه والبراءه والسعاده : اوووهه نسييت

_هو مو ناسي بس لاني كشفت ماعرفني لكن شوفوا البراءه والرد الطيب ..

فورا خرج ..
انا ندمت اني ماشتريت منه بعد ما روحت وانا ماشيه للبيت

فكرت وقلت ليش ماكنت اشتري منه اكثر هو محتاج
وطفل بريء يبيع شيء بسييط جدا لكنه سعييد ويضحك ويبتسم ..

ياريت اشتري العلبه كلها وبعدين اقسمها لاهلي او ايا كان المهم اشتريها منه ..

هذا الطفل جذبني عكس الاطفال الثانيين تشوفهم كأنهم متعودين ع التسول او تشوف الشر بعينهم مو زي براءته ولطفه او متصنعين وممثلين ..

بس مهما كان كلهم اطفال ومحتاجين ويمكن ظروفهم قويه توجع..
اعرف بعض الاباء يطلبوا من عيالهم يتسولوا ومايرجعون البيت الا بفلوس او الله يرحمهم ..

والاب مرتاح ونايم بس يأمر ويضرب ..
💔
هذول اطفال مكانهم بالمدرسه ع الاقلللللل ..

كان نفسي كمان اسئل هذاك الطفل ليش مايروح المدرسه وليش يبيع وين امه و ابوه ووو
كنت بقوله اعطيني من وقتك قليل وجاوبني وانا اشتري العلبه كلها بسسس كله الافكار والتفكير بعد فوات الاوان .. 💔

دايما انا اندم ع مواقف زي هذه 😭💔

بس اقولكم فعلا اليمن تدمرت غزو خارجي وداخلي ..
تلاقي مشردين ومتسولين بكل شارع سواء اطفال او كبار  ..

وكم من قصص تفطر القلب مارح تنتهي اذا كلمتكم عنها ..

لكن الحمدلله ع كل حال  الله يفرجها على الكل ويهدينا و يحسن خاتمنا ويرضى عنا اجمعين ..❤✨