الكاتبه : لوحــي .:
#قوه مفاجئه
الحلقه 12 (حقيقه ممزوجه بالخيال )
🔥الڪــــااتِبــــــهْ : لُوحِـــيِ بــِن حَـــامدْ🔥
لوحي : من هاذي الحلقه بتتغير الاحداث وبنخشو في حاجات جديده واحداث حتى انتم بتنصدمو فيها فلهذا تفاعلو🤷🏻♀️🔥.
_ رابط قروبي ع الفيس 👇
https://www.facebook.com/groups/4006852739343972/
______________________________
طق طق طق :-
نجلاء : في المطبخ نشفت يديها وفتحت الباب ... سجى ؟؟ حبيبتي خشي
سجى : نجلاء نبي نحكي معاك في موضوع مهم هلبا
نجلاء : خشي به
سجى : خشت قعمزت
نجلاء: قعمزت جنبها... شن في سجى خوفتيني
سجى : مهما كان اللي بتسمعيه توا نبي منك تقعدي رايقه تمام؟؟
نجلاء : سجى احكي بديت نتوتر انا
سجى : وعد يقعد بينا؟
نجلاء : اكيد
سجى : صفاء وحده رخيصه يا نجلاء
نجلاء : بتركيز ... كك كيف يعني مفمتش ؟
سجى : في ليله من الليالي من سنه تقريبا !!!
سمعتها تتكلم مع واحد اوبتتلاقى معاه !!
في مكان الدعاره و مش عارفه شن
نجلاء : فتحت فمها بصدمه وعيونها يرمشو بسرعه
سجى : المهم فهذاكا اليوم انا اتصلت بي صاحبتي ...
من سنه يوم الاربعاء بالتحديد :-
ترن ترن ترن
مها : الوو
سجى : اهلين مها كيف حالك
مها : الحمد الله والله انتي وينك مغيبه لا اتصالات لا شيء
سجى : اءءء غير كنت مش فاضيه والله
مها : ههه المهم سمعنا صوتك
مها : سلمك حبيبتي
سجى : مها انتي قعده تسوقي والا ؟؟
مها : اي ليش ؟؟
سجى : نبي منك طلب
مها : انتي تأمري
سجى : ما يأمر عليك ظالم ...انتي تعرفي مرت خوي جمال اكيد !!
مها : اهاا اي صفاء نعرفها
سجى : تمام غدوه الصبح تقعدي قدام بيتنا
واول ما تطلع صفاء !
تاخذي بعضك وتلحقيها ع طول !
صويري كل شيء بالتفصيل ووين مشت ؟؟
مها : اعتبريه تم يقلم
سجى : منوره اتصلي بيا غدوه ع طول ...وتسكر الخط.
من ثاني يوم ع طول !!
مها تصرفت زي ما قالتلها سجى بالحرف
اول ما طلعت صفاء صح كانت لابسه عبايه وخيمار بس عرفتها من مشيتها
ع المهم ركبت في تاكسي
ومها خذت بعضها وطلعت وراها 🤷🏻♀️🔥
و طبعا الكاميرا شغاله !
لين وقف التاكسي وصفاء نزلت
ومها مدرسه بعيد شوي
نزلت مها من سيارتها سألت كم شخص وتخرت ع ابسط التفاصيل
وعرفت انه مكان الدعاره
رجعت لسيارتها واتصلت ع طول
ترن ترن ترن:-
سجى : بلهفهه ... الو
مها : تحريتلك ع كل شيء
سجى : في داخلها.... ان شاء الله يطلع مش اللي فبالي يارب🔥
....اءءءء اي اي قولي شنو
مها : صفاء خذت تاكسي ونزلت لي مكان الدعاره تشتغل فيه من اسابيع وتتواصل مع شخص اسمه ايمن
سجى : فتحت عيونها بصدمه ...تت ت تمام صورتي صح ؟؟
مها : رسمي
سجى : تمام دزيلي الفيديو كله وخلي الموضوع بينا
مها : تم مدوري شيء
سجى : شكرت مها هلبا وهدرزت شوي وتسكر الخط ...
نجلاء : مش قادره تستوعب اللي تسمع فيه وعيونها يرمشو بسرعه
سجى : نجلاء خليك هاديه بس
نجلاء : بصوت مخنوق ... مش قادره نصدق كيف صفاء تخون جمال بالسهولة هاذي ؟
سجى : لا صدقي يعمري .. وفي حاجه ثانيه نبيك تشوفيها وهاذي الحاجه الأهم
سجى : فتحت فونها وشغلت فيديو لي نجلاء
طبعا الفيديو هذا يحكي ع اللي صار مع نجلاء من اربع شهور
وسبب اساسي اللي خلاها تخسر البيبي
وشافت بعينها كيف صفاء تصب في الزيت قدام بيت نجلاء
والحقد والحسد والغيره ماليين عيونها💔💔
نجلاء : تبكي ... مم م مش قادره نتحمل صدمه ثانيه انا خلاص 😭😭😭
سجى : اهدي نجلاء انتي لازم تعرفي تتصرفي توا
انا منبيش نعبي قلبك عليها لا
نبيك اديري شيء انتي نفسك راضيه عليه
خودي قرار كويس وكلميني اوك ؟
نجلاء : مسحت دموعهاا بقوه ... تمام اما حنفكر ونكلمك ع طول أكيد
سجى : اهم شيء متبينيلهاش شيء توا
وخليك ريلاكس
نجلاء : تمام سجى
سجى : ابتسمت براحه .. هي توا نخليك .. وخذت بعضها ونزلت
نجلاء : خلاص مليت من الطيبه🔥🔥
مليت من الضعف
مليت من كل شيء وانتي حتنالي جزاك ع اللي درتيه فيا يا صفاء 🤷🏻♀️
#قوه مفاجئه
