خـشّفي الجـميـل .

أربـعه

*

فتح باب الغرفه ودخل راسه يطالع اذا هو فيها ولا لا، ماشافه فوق السرير ولا فوق الكنبات ودخل يتأكد شافه حاضن نفسه عند زاويه قرب الباب، دخل الغرفه وسكر الباب وراه، جلس قدامه ومسك يده.

نبض رفع راسه وسحب يده منه : بعععد
أدهم بوز: حتى انا بتصرخ علي
نبض مسح دموعه : عبالي نرمان
أدهم ابتسم : هيه نرمان زعلان لانك صرخت عليه
نبض : خلي يزعل، دلوع واحد
أدهم ضحك : من حقه يصير دلوع، نبض قوم تعشا انت من الصبح ما اكلت شي
نبض : نرمان اكل؟
أدهم : هيه من زمان
نبض نزل عيونه للارض : شكرا لك
أدهم مسك فك نبض ورفع راسه : اولا لا تنزل راسك قدام اي احد ابدا، وثانيا ياويلك وتشكرني مره ثانيه
نبض ابتسم : انت طيب
أدهم : احب اساعد الناس
نبض فتح عيونه مستانس : يعني رح تساعدني ادور على ابوي
أدهم : ابوك حي؟
نبض حزن : ابوي كان مريض بالسرطان وهو راح يتعالج وعطاني عنوان واحد اسمه سايمون ولما رحنا له قالولنا انه سايمون انتقل، حاولنا نتصل ف ابوي بس كان مغلق ورجعنا لشقتنا بس طردونا منها لانه باعها ( نبض ما كمل كلامه من الغصه حضن نفسه كمل صياحه).

أدهم قام وجلس وحضن نبض بقوه وهمس له : لا تخاف نبض، انا بكون جنبك انت ونرمان وبحميكم من اي شي ،وانا بدور على ابوك وبرجعه لكم بخير.

~

جلس نبض ياكل بسرعه وبشهيه وأدهم يطالعه ومبتسم، نبض لاحظ نظرات أدهم ووقف اكل ونزل راسه يمسح فمه بكم يده
أدهم استغرب : شفيك نبض؟
نبض همس : انت تطالعني
أدهم ابتسم وضحك بخفه : اوك مابطالعك كمل اكل
نبض بوز : شبعت، وين راح نرمان
أدهم : يتمشى برا مع جوردن

نبض : يتمشى؟ ومع منو؟
أدهم : جوردن تقدر تقول مثل مساعدي ، نرمان يبي يشوف البيت وانا قلت لجوردن يمشيه في البيت
نبض : شكرا لك
أدهم مسك وجهه نبض ورفع راسه : تبي تشكرني؟
نبض هز راسه بنعم
أدهم قام : قوم اتبعني

نبض قام وراح ورا أدهم، دخلو لوحده من الغرفه اللي تحت وكانت عباره عن مكتبه وفي وسطها مكتب وقدامه كنبتين
نبض وقف عند الباب : بتخليني اوقع عقد؟
أدهم التفت له : شو؟ عقد شو؟
نبض يفرك يدنه في بعض : عقد عشان ما اقدر اقولك بعدين اني مابي اشتغل
أدهم : وشو عرفك اني بخليك تشتغل معي؟
نبض : قبل لا كم يوم جانا انا ونرمان واحد اسمه جاك وقالي لازم اوقع عقد عشان ما ارفض الشغل بعدين
أدهم : شو نوع الشغل هذا؟
نبض يطالع الارض وساكت
أدهم قرب منه : نبض لا تنزل لي راسك وجاوبني
نبض رفع راسه يحاول ما يطالع أدهم : كان يبيني اصير عاهر عنده
أدهم يطالعه مصدوم
نبض : بس انا رفضت وطلعت من هناك بسرعه
أدهم : جد؟
نبض هز راسه بنعم
أدهم : يعني ماحد لمسك
نبض : لااا، قلت لك طلعت من ذاك المكان اول ماقالي