خـشّفي الجـميـل .

ثـلاثـه

*

نبض من الصدمه وجع خطوتين ورا : لا لا انا لم اعمل عمل كهذا
جاك مسك كتوف نبض : انت تريد الحياه لك ولأخيك أرجوك نبض حاول أن تستوعب العيشه اللي سوف تعيشها انت ونرمان
نبض بعد يدين جاك عنه : لا لا اريد العمل لديك لا انا ولا نرمان نريد العمل هنا

طلع نبض من مكتب جاك وراح للغرفه اللي فيها نرمان وحاول يوقفه : بنطلع من هذا المكان نرمان مابنتم دقيقه وحده هني
نرامن تضايق : ليش
نبض سند نرمان عليه وطلعو من الغرفه : لانه هل المكان وصخ وانا مابيك تتوصخ فيه

طلعو نبض ونرمان من المكان وضلو يمشون ويوقفون يرتاحون شوي ، ضلو يمشون ساعات حتى وصلو لسكتهم اللي كانو فيها
نرمان يصيح : مابي مابي اتم فهذا المكان انا ما احبه
نبض مسك وجه نرمان ومسح دموعه بكمه : لا تصيح حبيبي انا بروح من بكره ادور لي شغل وبنعيش داخل بيت كبير وحلو
نرمان : بس كانا داخل بيت كبير وحلو من شوي ليش ماتبي تشتغل هناك

نبض جلس قرب نرمان وحضنه : لانه مكان وصخ وقذر
نرمان طالع في نبض : لا هو ماكان وصخ كان نظيف كثير
نبض بعثر شعر نرمان وابتسم : انت ماشفت باقي المكان كان وصخ واللي فيه ناس وصخه بعد ، المهم انسى كل شي مابيك تتكلم عن الموضوع
نام نرمان في حضن نبض ونبض حط راسه فوق فخوذه وغطاه بالشرشف القديم اللي كان هناك ونام هو الثاني .

~

قام على صوت ضحكت نرمان العاليه فتح عيونه وابتسم لما شاف نرمان يضحك من قلبه ، ابتسم على شكله وفتح عيونه على وسعهم لما استوعب انه جالس مع شخص غريب.

: اوه ، أخيراً قمت ، صباح الخير
نبض قام ومسك يد نرمان وسحبه لحضنه
نرمان طالعه في نبض الخايف : نوني لا تخاف هذا صديقي
نبض طالع في نرمان : شو ، شو صديقك بعد ، نرمان كم مره بقولك لا تكلم غرباء
الشخص تكلم بنبره حزينه : الحين انا غريب
نبض لف له : انت من وشو تسوي هني؟
نرمان بعد عن نبض : اسمه أدهم وهو صديقي نوني لا تعصب عليه
نبض عقد حواجبه وقام : نرمان هذا غريب وانت ماتعرفه لا تستهبل معي من متى تعرفه عشان تقوله صديقي
نرمان تكتف معصب : من زمان اعرفه وصار صديقي
نبض فتح عيونه : كيف من زمان

أدهم تربع جنبهم يضحك : يمزح معك من شوي تعرفت عليه وقلت له نصير اصدقاء ووافق

نبض رفع حاجبه : خير انت بعد ، لو سمحت ممكن تروح من هني نحن ما نعرفك
أدهم ابتسم له : يصير نتعرف عشان اتم وياكم
نبض بسرعه : لا
نرمان بحزن : ليييييششش هو طيب
نبض : لاني قلت لا خلاص يعني لا

نرمان التفت لأدهم ودمعته في عينه : انا قلت لك نوني مارح يوافق
نبض قام وتكتف : ممكن تتفضل وتطلع
أدهم قام وصار اطول من نبض : من وين اطلع
نبض رفع راسه يطالعه : قصدي روح من هي
أدهم : بروح بس بشرط
نبض عقد حواجبه : خير تتشرط بعد؟
أدهم ابتسم : برجع مره ثانيه
نبض تكتف : لا ترجع مانبيك
نرمان طالع نبض : انا ابيه
نبض : لا
نرمان : ليش لا انا ابيه يزورنا