အခန်း(၇)နာကျင်စွာနဲ့ခွဲခွာသွားရခြင်း
(Unicode)
ချင်းလန်ကပ်ဆိုးဒုက္ခတွေကနေနှိုးထလာပြီး
သေရာမှပြန်လည်ရှင်သန်လာသလိုခံစားရသည်။
သူ့အစာအိမ်အခြေနေကတော့အတော်လေးဆိုးနေ၍
ဒုတိယအကြိမ်ထပ်မံခွဲစိတ်ရမည်ဖြစ်သည်။
သူရေနှစ်သွားပြီးအဖျားမိသွားသည်။ အဖျားကတော်ရုံနဲ့ပျောက်မသွားဘဲ နမိုးနီးယား(အဆုတ်ရောင်ရောဂါ)
အဖြစ်ပြောင်းသွားသည်။ သူအခုဘယ်ရောက်နေလဲဆိုတာကို
မရေမရာဖြစ်နေသည်။လက်ကောက်ဝတ်နှင့်ခြေချင်းဝတ်တို့တွင်
ပက်တီးအထူကြီးများနှင့်ရစ်ပတ်ခံထားရပြီး
ခြေထိတ်၊လက်ထိတ်တွေရှိမနေတော့။ ချင်းလန်သူဘယ်နေရာသို့ရောက်နေလဲဆိုတာကိုသိရဖို့
မျက်လုံးတွေကိုဖြည်းဖြည်းချင်းအားယူဖွင့်ကြည့်လိုက်သည်။ထိုအခိုက် သူနှင့်ရင်နှီးကျွမ်းဝင်နေသောသူရဲ့
အသံကိုအမှတ်တမဲ့ကြားလိုက်ရသည်။"မလှုပ်ရှားသေးနဲ့အုံး"
"ရှောင်....."
"စကားလည်းမပြောသေးနဲ့အုံး"
လီဖန်အမ်းသူ့လက်ကိုလှမ်းယူလိုက်ပြီး
နှုတ်ခမ်းထက်သို့အသာလေးတင်လိုက်ကာ
ဖွဖွလေးအနမ်းပေးလိုက်သည်။"တော်ပါသေးတယ်...သတိရလာလို့"
ချင်းလန် လည်ချောင်းကခြောက်ကပ်နေ၍
စကားမပြောနိုင်။သူရဲ့ လည်ဇလုတ်လေး
အထက်အောက်လှုပ်ရှားသွားသည်။
လီဖန်အမ်းကချက်ချင်းသဘောပေါက်သွားပြီး
ချင်းလန်သောက်ဖို့ ရေနွေးအနည်းငယ်ရော
လိုက်ပြီးပေးလာသည်။"တစ်ခါတည်းအများကြီးမသောက်လိုက်နဲ့"
ချင်းလန်ရေကိုအငမ်းမရသောက်သုံးနေသည်ကို
မြင်၍၊ သူ့နှာခေါင်းထဲ ခပ်စူးစူးဖြစ်သွားသည်။
ချင်းလန်ရဲ့ လက်တွေမှာသွေးပြည်နာအကွင်း
တွေရှိနေပြီး ၊ခွက်ကိုတောင်ကောင်းကောင်း
ကိုင်မထားနိုင်ဖြစ်နေသည်။ သူ့ရဲ့လက်တွေနဲ့
အရင်ကဝိုင်ဘယ်နှခွက်ကိုဖျော်စပ်ခဲ့လဲ။
သူရဲ့လက်တွေနဲ့အရင်ကခွက်ဘယ်နှခွက်မျှကို
ကိုင်ခဲ့သလဲ။ တစ်ခါမှသူရဲ့လက်တွေဒီလိုတုန်ခါနေတာမျိုးမတွေ့ဘူးခဲ့။ သူနာပြုဆရာမကတော့အမာရွတ်ကျန်နိုင်လောက်သည်ဟု စိတ်မကောင်းစွာပြောလာသည်။
ဒါကိုမြင်ပြီးသူချင်းလန်ရဲ့အမြဲလိုဖြူးဖွေးပြီး ပြီးပြည့်စုံခဲ့တဲ့လက်လေးအကြောင်းကိုတွေးမိ၍ သူ့ရင်တွေကွဲအက်လာသလိုခံစားရသည်။
YOU ARE READING
Old Fairy(Ageless Seducer)《မြန်မာဘာသာပြန်》completed
RomanceTitle-《老妖精》 Old Fairy Original Author-Mào Hoù Total Chapters- 10 Type-Web novel Gener-Drama ,Mature, Romance ,Yaoi